Tag: МЧС

Выбух у Бабруйску – разнесла гаражы, узарвалася машына з газавым абсталяваннем

Навіна ад

Вечарам 17 лютага прагрымеў выбух у гаражным масіве па вуліцы Коўзана ў Бабруйску. Адзін чалавек быў шпіталізаваны з апёкамі, другі самастойна выбраўся з-пад завалаў і не пацярпеў – паведамляе прэс-служба МНС.

17 лютага ў 19-11 відавочцы паведамілі ратавальнікам аб выбуху ў гаражы гаражна-будаўнічага кааператыва №12 па вуліцы Коўзана ў Бабруйску і пра магчымае знаходжанне пад заваламі людзей.

Ратавальнікі, якія прыбылі на месца, выявілі, што абрынуліся будаўнічыя канструкцыі трох гаражоў, пашкоджаны дахі яшчэ двух гаражоў. Са слоў відавочцаў, у разбураным гаражы знаходзіцца чалавек, яшчэ адзін да прыбыцця падраздзяленняў МНС самастойна пакінуў разбураны будынак.

Папярэдне ўстаноўлена, што ў адным з гаражоў з дазволу гаспадара праводзіліся рамонтныя работы легкавога аўтамабіля, аснашчанага газабалонным абсталяваннем.

Работнікі МНС з-пад завалаў дасталі грамадзяніна 1977 г.н., жыхара Бабруйска. Мужчына шпіталізаваны з апёкамі. Другі мужчына 1969 г.н., з-пад завалаў выбраўся самастойна, ад медыцынскай дапамогі адмовіўся.

У выніку выбуху разбураны 3 гаража, яшчэ ў 2 гаражах пашкоджаны дахі, пашкоджаны тры легкавыя аўтамабілі, якія знаходзіліся ўнутры. Разгляданая версія выбуху – успышка газа-паветранай сумесі або пары лёгкаўзгаральнай вадкасці (то бок, газу альбо бензіну).

Фота: МНС

На пажарах выратаваліся двое – у Горках і Крычаве

Навіна ад

Мужчына 1984 года нараджэння сам здолеў пагасіць агонь у сваёй хаце ў Горках – паведамляе прэс-служба МНС. З апёкамі і з атручэннем прадуктамі гарэння ён шпіталізаваны. Пажар адбыўся раніцай 15 люттага.

У той жа дзень у Крычаве загарэлася кватэра на другім паверсе трохпавярховага дома ў мікрараёне Сож. Жанчыну 1957 года выцягнулі з полымя ратавальнікі. Яна шпіталізаваная. Паводле папярэдняй версіі, прычынай пажару стала неасцярожнасць пры курэнні.

Фота: МНС

Два браты-пенсіянеры загінулі ў Магілеве на пажары

Навіна ад

На пажары ў Магілёве ў мінулую ноч загінулі  два браты-пенсіянеры  – паведамляе абласное ўпраўленне МНС.

Аб узгаранні дома па вуліцы Максіма Горкага паведамілі суседзі. У доме жылі два браты 79 і 63 гадоў. Падчас тушэння пажару ратавальнікі знайшлі ў палаючым пакоі целы абодвух мужчын. Прычына пажару высвятляецца.

Нагадаем, што ў мінулым месяцы ў вобласці адбылося 77 пажараў (у 2022 годзе – 76), загінула 11 чалавек (у 2022 годзе – 12). Пацярпела 9 чалавек (у 2022 годзе – 9). У выніку пажараў знішчана 10 будынкаў, 2 адзінкі тэхнікі. Асноўнымі прычынамі ўзнікнення ўзгаранняў – неасцярожнае абыходжанне з агнём і парушэнне правілаў прылады і эксплуатацыі ацяпляльнага абсталявання.

Фота: МНС

Рыбак праваліўся пад лёд і патануў пад Кіраўскам

Навіна ад

Цела бабруйчаніна было знойдзена ў 200 метрах ад берага – паведамляе прэс-служба МНС. Ратавальнікаў запрасілі мясцовыя жыхары, якія заўважылі, што на лёдзе возера Кісцені каля аграгарадка Барчыцы Кіраўскага раёна валяюцца рыбалоўныя снасці, рэчы, ёсць палонка, але ніводнага рыбака не бачна. Супрацоўнікі ратавальнай службы выявілі цела 69-гадовага жыхара Бабруйска ў вадзе.

Фота: МНС

Адчуў галавакружэнне – у Магілёве мужчына выпаў з балкона на магазін

Навіна ад

Ноччу 11 лютага з балкона трэцяга паверха аднаго з дамоў па праспекце Шмідта ў Магілёве выпаў мужчына. Ён трапіў на дах прыбудаванага да дома магазіна. Мясцовыя жыхары заўважылі факт падзення і выклікалі ратавальнікаў. 

Высветлілася, што 35-гадовы магілёвец выходзіў на балкон сваёй кватэры пакурыць. Адчуў галавакружэнне і ўпаў з балкона ўніз. Цяпер ён шпіталізаваны з траўмамі – паведамляе прэс-служба МНС.

Фота: МНС

На пажары пад Бабруйскам загінуў мужчына, яго жонку выратавалі людзі

Навіна ад

Пажар здарыўся днём 8 лютага ў вёсцы Туркі Бабруйскага раёна. На месцы ўзгарання ратавальнікамі было знойдзена цела гаспадара дома 1940 года нараджэння. Яго жонку 1948 года нараджэння яшчэ да прыезда пажарных выратавалі мясцовыя жыхары – паведамляе прэс-служба МНС. Прычына пажару, папярэдне – парушэнне правілаў эксплуатацыі пячнога і іншага абагравальнага абсталявання.

Фота ілюстрацыйнае.

Пенсіянерку шпіталізавалі пад Крычавам – распальвала печку бензінам

Навіна ад

У вёсцы Бель-1 Крычаўскага раёна 62-гадовая пенсіянерка спрабавала растапіць печку, лінуўшы бензіну. Ад успышкі лёгкаўзгаральных пароў яна атрымала апёкі 15% цела. У момант здарэння ў доме знаходзіўся сын пацярпелай, які загасіў на жанчыне вопратку і выклікаў медыкаў. Жанчына шпіталізаваная – паведамляе прэс-служба МНС.

Фота ілюстрацыйнае.

Пенсіянера выратавалі на пажары пад Горкамі

Навіна ад

У вёсцы Ходаравічы Горацкага раёна вечарам 6-га лютага ратавальнікі былі выкліканыя на пажар у прыватным доме. Гаспадар хаты. 57-гадовы пенсіянер быў шпіталізаваны з атручэннем прадуктамі гарэння. Папярэдняя прычына пажару – неасцярожнасць пры курэнні, паведамляе прэс-служба МНС

Фота ілюстрацыйнае

У Бабруйскім раёне гарэў BMW

Навіна ад

Здарэнне адбылося ў аграгарадку Цялуша Бабруйскага раёна вечарам 3 лютага – паведамляюць “Магілёўскія ведамасці” са спасылкай на прэс-службу МНС. 

Да прыбыцця ратавальнікаў з-пад капота аўтамабіля ішоў дым. У выніку пажару пашкоджана падкапотная прастора, пярэдняя панэль, лабавое шкло. Прычына пажару высвятляецца. Разглядаецца версія, што адбылося парушэнне правіл эксплуатацыі электрасетак і электраабсталявання.

Фота: МНС

На “Магатэксе” жанчыне заціснула руку ў сушыльны станок

Навіна ад

Ратавальнікам прыйшлося пры дапамозе спецыяльных інструментаў дэблакаваць руку работніцы прадпрыемства “Магатэкс” 1991 года нараджэння – паведамляе прэс-служба МНС. Руку жанчыне заціснула ў аддзелачным цэху, у станку сушыльна-шырыльнай стабілізацыйнай машыны. Здарэнне адбылося вечарам 3 лютага. Жанчына шпіталізаваная з траўмамі.

Фота: МНС