Tag: гибель

На пажары ў Бабруйску загінулі пенсіянерка і 18 яе катоў

Навіна ад

Вечарам 28 лістапада трагедыя здарылася па праспекце Будаўнікоў у Бабруйску. У кватэры на восьмым паверсе ў агні апынулася пенсіянерка 1937 года нараджэння. Яна самастойна спрабавала пакінуць памяшканне – ратавальнікі знайшлі яе яшчэ жывую ў калідоры. 

Рэанімацыйныя мерапрыемствы не дапамаглі, жанчына памерла ў карэце хуткай дапамогі. Акрамя яе атручванне прадуктамі гарэння атрымалі 22 яе ката. Чацвярых хатніх гадаванцаў удалося выратаваць, 18 загінулі паведамляе прэс-служба МНС. Прычына пажару высвятляецца.

Фота: МНС

Дзве жанчыны загінулі, сутыкнуліся тры легкавушкі і аўтобус – падрабязнасці аварыі пад Чавусамі

Навіна ад

З’явіліся падрабязнасці сур’ёзнай аварыі на трасе паміж Чавусамі і Чэрыкавам, пра якую сёння раніцай пісалі Магілёў медыя. Сёння каля 9:20 на аўтадарозе Р-122 пры выездзе за межы горада Чавусы ў напрамку Чэрыкава, паводле папярэдняй інфармацыі, кіроўца Fiat не справіўся з кіраваннем. Аўтамабіль занесла, ён выехаў на паласу сустрэчнага руху, дзе сутыкнуўся з рэйсавым аўтобусам МАЗ. Кіроўцы аўтамабіляў Toyota і Lada, якія ехалі за “Фіатам”, не паспелі спыніць свае машыны і таксама сталі ўдзельнікамі аварыі.

Дзве жанчыны – кіроўца і пасажыр аўтамабіля Fiat загінулі на месцы – паведамляе прэс-служба УУС Магілёўскага аблвыканкама.

Фота: ДАІ

У Магілёве на вуліцы Падгорнай на пажары загінуў мужчына

Навіна ад

Днём 16 лістапада трагедыя адбылася на вуліцы Падгорнай у Магілёве. У выніку пажару прыватнага жылога дома загінуў мужчына 1971 года нараджэння, які нідзе не працаваў – паведамляе прэс-служба МНС. Прычыны пажару і гібелі высвятляюцца.

Фота: wikimapia.com

Без флікераў, каля перахода – пад Магілёвам фура насмерць збіла мужчыну

Навіна ад

87-гадовы жыхар вёскі Сялец загінуў пад коламі аўтамабіля MAN вечарам 15 лістапада. Наезд адбыўся недалёка ад пешаходнага перахода, а вясковец пры гэтым не быў адзначаны святлоадбівальнымі элементамі. Грузавіком кіраваў 58-гадовы магілёвец – паведамляе прэс-служба абласнога УУС.

Фота: УУС

Пенсіянер, якога выратавалі на пажары пад Клімавічамі, памёр у лякарні

Навіна ад

Пажар адбыўся 12 лістапада ў вёсцы Галічы Клімавіцкага раёна. Тады мясцовыя жыхары выратавалі з агня гаспадара дома, пенсіянера 1960 года нараджэння – пісалі Магілёў.медыя. Сёння стала вядома, што ад атручэння прадуктамі гарэння ён памёр у лякарні. Прычына пажару высвятляецца – паведамляе прэс-служба МНС.

Фота: БелТА

Лабавое сутыкненне пад Шкловам – кіроўца Iveco загінуў на месцы

Навіна ад

Вечарам у 19.00 на аршанскай аўтадарозе каля вёскі Новыя Чамаданы Шклоўскага раёна адбылося сутыкненне грузавіка і мікрааўтобуса. Кіроўца Volvo з паўпрычэпам выскачыў на паласу сустрэчнага руху і сутыкнуўся з Iveco Daily. Абедзьве машыны вынесла ў кювет, дзе Iveco перакуліўся. 21-гадовы кіроўца мікрааўтобуса, жыхар Віцебскай вобласці, загінуў на месцы. Вадзіцель Volvo шпіталізаваны – паведамляе прэс-служба абласнога УУС.

Фота: УУС, скрыншот

На пажары пад Быхавам загінуў мужчына, у Клімавіцкім раёне суседзі выратавалі пенсіянера

Навіна ад

Вечарам 12 лістапада трагедыя здарылася ў вёсцы Трысціўка Быхаўскага раёна. На пажары ў прыватным доме загінуў гаспадар, пенсіянер 1939 года нараджэння. Прычыны ўзгарання высвятляюцца – паведамляе прэс-служба МНС.

У вёсцы Галічы Клімавіцкага раёна на пажары прыватнага дома суседзі выратавалі чалавека. Гаспадар дома, пенсіянер 1960 года нараджэння быў дастаўлены ў лякарню з атручваннем прадуктамі гарэння.

Фота ілюстрацыйнае

Пенсіянерка загінула на пажары ў Чавускім раёне

Навіна ад

Трагедыя адбылася вечарам 11 лістапада. Пажар успыхнуў у прыватным доме ў вёсцы Хацетава Чавускага раёна. У ім загінула гаспадыня, пенсіянерка – паведамляе прэс-служба МНС. Прычыны пажару і гібелі ўстанаўліваюцца.

Фота ілюстрацыйнае

Тры чалавекі патанулі за суткі на Магілёўшчыне – рыбак і двое палюбоўнікаў

Навіна ад

Днём 8 лістапада на самаробным вадаёме каля вёскі Сычкава Бабруйскага раёна ў сямі метрах ад берага быў знойдзены труп жанчыны 1978 года нараджэння. Яе цела было ў вадзе ў верхняй вопратцы. Жанчына з’яўлялася жыхаркай вёскі Сычкава і нідзе не працавала. З гэтага ж вадаёма ратавальнікі дасталі таксама труп мужчыны 1968 года нараджэння, што быў сужыцелем жанчыны. Зараз праводзіцца праверка па факту гібелі – паведамляе прэс-служба МНС.

Цела яшчэ аднаго чалавека было выяўлена ў рацэ Ольса ў Клічаве. Вядома, што мужчына 1958 года нараджэння днём 7 літапада пайшоў на рыбалку і не вярнуўся. Яго труп ратавальнікі знайшлі ў вадзе каля берага ракі, у верхняй вопратцы.

Фота: МНС

У Магілёве на пажары загінула жанчына, двух суседзяў зверху выратавалі

Навіна ад

Позна вечарам 7 лістапада, каля 22.30 здарыўся пажар у кватэры на другім паверсе пяціпавярховіка па Пушкінскім праспекце, 45 у Магілёве. Ратавальнікамі на месцы трагедыі было знойдзена цела жанчыны 1976 года нараджэння, гаспадыні кватэры. З кватэры на трэцім паверсе былі выратаваныя маці і сын, 1965 і 1989 гадоў нараджэння, з атручэннем прадуктамі гарэння. Яны шпіталізаваныя. Яшчэ чатырох чалавек, у тым ліку двух дзяцей эвакуявалі з іншых кватэр дома. Прычына пажару высвятляецца – паведамляе прэс-служба МНС.

Фота ілюстрацыйнае