Category: Здарэнні

Магілёвец папаўся на крадзяжы забытых рэчаў

Навіна ад

Жыхар Магілёва скраў забытыя ля пад’езда рэчы: гэты момант трапіў на камеру відэаназірання.

У дзяжурную частку Кастрычніцкага РАУС Магілёва звярнуўся 33-гадовы жыхар горада, які паведаміў пра знікненне заплечніка, выпадкова пакінутага каля пад’езда пасля наведвання забаўляльнай установы. Пра гэта піша тэлеграм-канал “Міліцыя Магілёўшчыны”.

Праваахоўнікі высветлілі, што да здарэння мае дачыненне 47-гадовы магілевец, які не змог прайсці міма чужой уласнасці. У заплечніку знаходзіліся грошы ў суме 1850 рублёў, якія ён прысвоіў сабе.

Ранец і асабістыя рэчы мужчына вярнуў уладальніку, сцвярджаючы, што наяўных у ім не было.

У дачыненні да мужчыны распачата крымінальная справа за крадзеж.

Падобны выпадак меў месца ў Магілёве ў верасні 2019 года. Як піша “Наша Ніва”, тады 39-гадовы магілёвец згубіў на вуліцы кашалёк, а вярнуўшыся на меркаванае месца згубы, яго не знайшоў і выклікаў праваахоўнікаў. У партманэце ляжалі 150 рублёў.

Супрацоўнікі аддзела крымінальнага вышуку высветлілі, што кашалёк падабраў 39-гадовы індывідуальны прадпрымальнік, раней ужо судзімы за крадзеж.

Мужчына забраў партманэт і завярнуў за вугал найбліжэйшага дома, дзе дастаў з кашалька гатоўку і старанна пералічыў. Пасля ён паклаў грошы на пажарны шчыт, а кашалёк выкінуў. Толькі пасля гэтага мужчына заўважыў накіраваную на яго відэакамеру, усталяваную на рагу дома, і ўцёк з месца злачынства. Праўда, яго ўсё ж удалося знайсці, а выкрадзеныя грошы канфіскаваць.

Фота: ElasticComputeFarm / Pixabay

Тры чалавекі падпалілі сябе па неасцярожнасці ў Магілёўскай вобласці

Навіна ад

Тры выпадкі, калі людзі па неасцярожнасці атрымалі апёкі, зафіксаваныя на мінулых выходных на Магілёўшчыне – паведамляе прэс-служба МНС.

Мужчына 1968 года нараджэння ў Бабруйску падпальваў папіросу ад газавай пліты і на ім успыхнуў швэдар, прычыніўшы апёкі. Гэта здарылася яшчэ 5 траўня, але бабруйчанін не стаў звяртацца да медыкаў, пакуль не стаў адчуваць сябе дрэнна. Толькі 9 траўня ён патэлефанаваў дачцэ і паскардзіўся на самаадчуванне. Пабачыўшы на ім апёкі, жанчына выклікала хуткую.

11 траўня апёкі ног атрымаў мужчына 1999 года нараджэння ў вёсцы Азер’е Шклоўскага раёна. Як высветлілася, у 00:11 ночы ён распальваў кацёл бензінам і выпадкова абліў свае ногі.

Таксама 11 траўня ў Кіраўску да лекараў звярнулася мясцовая жыхарка 1987 года нараджэння. На ёй загарэлася вопратка, калі яна гатавала ежу – жанчына выпадкова падсунулася пад агонь і вопратка ўспыхнула.

Фота ілюстрацыйнае.

Жанчыну, падазраваную ў падпале, выратавалі ад утаплення пад Бабруйскам

Навіна ад

У вёсцы Канчаны Бабруйскага раёна мясцовая жыхарка падазравалася ў падпале гаспадарчай пабудовы, а калі за ёй прыйшоў міліцыянер, кінулася ў сажалку.

У красавіку ў вёсцы Канчаны пад Бабруйскам адбылося ўзгаранне гаспадарчага будынка – паведамляе “Трыбуна працы”. На разбіральніцтва сюды прыехаў прадстаўнік крымінальнага вышуку з мясцовага РАУС і атрымаў ад жыхароў вёскі інфармацыю, што да падпалу можа быць датычная сяльчанка 1967 года нараджэння. 

Калі міліцыянер сустрэўся з жанчынай для размовы, яна павяла сябе неадэкватна – стала пагражаць, што патопіць сябе і пабегла ў бок выкапанай сажалкі. Там яна насамрэч кінулася ў ваду і паспела праплыць некалькі метраў, перш чым вада захлынула ёй лёгкія. Прадстаўнік РАУС кінуўся за жанчынай у ваду і выцягнуў, перадаўшы потым у рукі іншых праваахоўнікаў. Яе жыццю зараз нічога не пагражае, а ў сувязі з падазрэннем наконт падпалу, з ёй праводзяцца следчыя дзеянні.

Фота ілюстрацыйнае.

Дзіўны пратэст магілёўскіх падлеткаў, дзяўчыны паказвалі “fuck” салюту – дапоўнена

Навіна ад

У сацыяльных сетках завірусілася кароткае відэа з Магілёва. На ім бачна, як некалькі дзяўчын, прыблізна школьнага веку, паказваюць непрыстойны жэст у бок святочнага салюта, што адбываўся вечарам 9 траўня. Па сілуэтах асвятляльных слупоў на заднім плане можна пабачыць, што адбывалася гэтая “акцыя” ў раёне Пушкінскага маста праз Днепр.

Дзеянні дзяўчын, якіх было не менш за шэсць чалавек, выглядаюць яўна скаардынаванымі. Цяжка зразумець, які сэнс укладалі падлеткі ў такую дэмантрацыю непавагі – магчыма, гэта спантанны падлеткавы пратэст, выкліканы засіллем прапаганды ў сістэме адукацыі, што найбольш задушліва стала праяўляцца ў час святкавання 80-годдзя перамогі ў Другой Сусветнай вайне.

Прагназуем, што ў хуткім часе ўдзельніцы гэтай наіўнай, непрывабнай, але інтуітыўна зразумелай акцыі адчуюць на сабе жудасны молах рэпрэсіўнай машыны.

UPD: Як паведамляюць афіцыйныя крыніцы, асобы дзяўчынак на відэа ўстаноўленыя. Гэта 13-14 гадовыя дзяўчынкі. Каналы прапагандыстаў і звязаныя з сілавікамі пішуць, што ўсіх іх прыцягнулі да адміністрацыйнай адказнасці, а ў некаторых выпадках (відаць, у дачыненні да 13-гадовых) да адказнасці прыцягнулі бацькоў. Таксама, усіх дзяўчынак паставілі на ўлік у Інспекцыі па справах непаўналетніх.

Фота: скрыншот

Цеплавы след дапамог знайсці рыбака-пенсіянера, што заблукаў пад Чавусамі

Навіна ад

Драматычную гісторыю пошукаў 77-гадовага рыбака на беразе Расты расказала прэс-служба МНС. Мужчына адправіўся на рыбалку, а вярнуць яго змаглі толькі некалькі машын, квадракоптар і цеплавы след ад кастра.

Звычайна, гісторыі пра пошукі людзей, што заблукалі ў лесе, адносяцца да грыбнікоў і збіральнікаў ягад – чалавеку лёгка згубіць арыентацыю ў аднастайных густых зарасніках. Аднак, вечарам 7 траўня дарогу дадому не змог знайсці пенсіянер-рыбак, які паехаў вудзіць на раку Раста ў Чавускім раёне. Што дзіўна – здавалася б, проста ідзі здоўж берагавой лініі і выйдзеш да людзей.

Пенсіянер 1948 года нараджэння аказаўся, аднак, у цяжкай сітуацыі. Мужчына прыехаў да ракі ў раёне вёскі Капані на сваёй аўтамашыне, але, парыбачыўшы, некалькі гадзін не мог знайсці шлях назад да машыны. Некалькі аўтамабіляў ратавальнікаў адправіліся яму на дапамогу, але так і не выйшлі на след пенсіянера – перашкаджала цяжкая прахадзімасць мясцовасці, а таксама тое, што мужчына меў праблемы са слыхам.

Ратавальнікі паднялі ў паветра квадракоптэр і ў нейкі момант пенсіянер сказаў ім па тэлефоне, што бачыць агні беспілотніка. У гэты самы момант у яго, аднак, сеў акумулятар тэлефона. Пошукі працягваліся да змяркання, а знайсці рыбака дапамог цеплавы след ад кастра, які мужчына развёў, каб не замёрзнуць ва ўмовах анамальных майскіх замаразкаў.

Фота: МНС і не толькі

Бабруйчанку пабіліі за паяданне беляша ў тралейбусе – з’явіліся падрабязнасці

Навіна ад

Штраф у памеры 1260 рублёў атрымаў бабруйчанін, які накінуўся на пасажырку тралейбуса, што ела бяляш.

Суд Бабруйскага раёна і горада Бабруйска 2 мая разглядзеў незвычайную справу аб хуліганстве ў грамадскім транспарце. У сакавіку абвінавачаны раптам накінуўся на незнаёмую дзяўчыну за тое, што яна зайшла ў салон з беляшом, піша “Наша Ніва” са спасылкай на сайт Вярхоўнага суда.

Мужчына, па версіі следства, схапіў дзяўчыну за валасы і ўдарыў двойчы – адзін раз па твары, другі – па руцэ. Пры гэтым, са слоў сведак, мужчына паводзіў сябе абуральна і гучна выказваў незадаволенасць пахам ежы ў салоне.

Сам абвінавачаны на судзе адмаўляў, што дзейнічаў з хуліганскіх памкненняў. Суд прызнаў яго вінаватым паводле ч. 1 арт. 339 КК (хуліганства) і прызначыў штраф 30 базавых адзінак – 1260 рублёў.

Таксама ён павінен выплаціць 500 рублёў кампенсацыі маральнай шкоды пацярпелай і 126 рублёў дзяржпошліны. Прысуд у законную сілу пакуль не ўступіў і можа быць абскарджаны.

У сакавіку 2023 года таксама ў Бабруйску малады чалавек ударыў 45-гадовага мужчыну ў тралейбусе пасля зробленай заўвагі, піша “Вячэрні Бабруйск”. Пацярпелы не стаў даваць адпор, мяркуючы, што перад ім школьнік, і не чакаў такой агрэсіі. Хулігана выявілі па камерах назірання.

Фота ілюстрацыйнае

Житель Костюковичей чуть не задушил возлюбленную за разговор по телефону не с ним

Навіна ад

Уголовное дело за угрозу убийством из-за ревности возбудили в отношении 31-летнего жителя Костюковичей.

Как пишет портал “Зеркало” со ссылкой на неофициальный телеграм-канал МВД, во время прогулки мужчина случайно увидел свою 29-летнюю подругу, которая разговаривала по телефону.

«Неизвестно, что ревнивец нафантазировал, но спустя пару минут он подбежал к женщине, повалил на землю и начал душить» – рассказали в ведомстве.

Свидетельницей инцидента стала их общая знакомая. Она их разняла. После этого потерпевшая обратилась в милицию.

За угрозу убийством возбуждено уголовное дело.

Напомним, что в 2023 году к 15 годам лишения свободы за покушение на убийство из ревности приговорен 52-летний житель Костюковичского района. Будучи нетрезвым, он пришел в дом местного жителя, где находилась его бывшая сожительница. Между ним и хозяином дома возникла ссора на почве ревности, в ходе которой обвиняемый жестоко избил обоих штыковой лопатой.

Фото иллюстративное

Стыхія на Магілёўшчыне зрывала дахі, валіла дрэвы, разбівала машыны – фота

Навіна ад

Навальніца вечарам 4 красавіка пранеслася па Магілёўшчыне з разбуральнай сілай. Найбольш пацярпеў Дрыбінскі раён, але дасталося таксама гаспадаркам і падворкам у Магілёўскім раёне, на Бабруйшчыне.

Гразавы фронт прайшоў пераважна па Гомельскай і поўдню Магілёўскай абласцей учора ў другой палове дня. Парывы ветру дасягалі 27 метраў за секунду – такія даныя былі зафіксаваныя ў Слаўгарадскім раёне, паведамляе прэс-служба МНС.

У Дрыбінскім раёне на сельгаспрадпрыемстве “Чэрнеўка Агра” быў пашкоджаны дах зерневага складу, піларамы, цялятніка і іншых пабудоў.

Черневка Агро

Таксама пабіла вокны ў аўтобусе прадпрыемства, трактары і камбайне.

дрибин черневка

дрибин черневкаагро

У іншых раёнах Магілёўскай вобласці парывамі ветру зрывала дахі на прыватных сядзібах, валіла дрэвы, у тым ліку ў дварах і на аўтамабільных дарогах.


Фота: МНС 

Мужчына згарэў у старожцы ў Лясной пад Слаўгарадам

Навіна ад

48-гадовы стораж прадпрыемства “Ляснянскі АГРА” стаў ахвярай пажару ва ўласнай старожцы – паведамляе МНС. Старожка загарэлася ўчора вечарам каля 22.00 на тэрыторыі мехдвара ў аграгарадку Лясная Слаўгарадскага раёна. Калі прыбылі ратавальнікі, вагончык гарэў адкрытым полымем. Унутры знайшлі цела мясцовага жыхара 1977 года нараджэння. Прычыны пажару высвятляюцца.

Фота: МНС

Хлопец са спушчанымі штанамі насіўся за бабулькай у Мсціславе

Навіна ад

Пенсіянерка зрабіла заўвагу двум маладым жыхарам Мсціслава ў гарадскім парку Міру – яны на вачах у людзей спраўлялі малую патрэбу. У адказ на заўвагу з боку жанчыны адзін з іх, замест выбачэнняў, стаў бегаць са спушчанымі штанамі за пенсіянеркай. Дзеянні хлопца ацанілі ў мясцовым РАУС – на яго быў складзены адміністрацыйны пратакол за дробнае хуліганства і цяпер пагражае штраф, грамадскія працы альбо арышт – паведамляе раённая газета “Святло Кастрычніка”.

Іншыя падзеі з крымінальнай хронікі ў мсціслаўскай глыбінцы, на якія звяртаю ўвагу выданне – мужчына ўзяў у пазыку 7 000 долараў, а аддаў толькі 1 000. А другі мужчына не разабраўся, як трэба ездзіць па скрыжаванні каля лясніцтва і звярнуўся ў міліцыю.

Фота ілюстрацыйнае