Category: Здарэнні

Самовывоз – пьяная жительница Кличева грабила старушку прямо с телеги

Навіна ад

Наглая кличевлянка грабила старушку в ее же присутствии и грузила мешки с консервами на гужевую повозку.

В гости к подруге в соседнюю деревню 34-летняя жительница Кличевского района прибыла на запряженной повозке. Веселились  дамы до вечера, а когда пьяная гостья возвращалась домой, заметила по пути открытый погреб. Решение было принято моментально. Пьянчужка просто стала выносить из погреба домашние консервы и овощи. Мешки с добычей она грузила на телегу, сообщает близкий к правоохранителям телеграмм-канал. Когда появилась хозяйка погреба, 88-летняя старушка, грабительница не обратила внимания на ее протесты, пригрозила старушке расправой и продолжила «погрузку».

Награбленное добро нахалка спрятала у своего приятеля, а вскоре уже «встречала» наряд милиции, прибывший по ее грешную душу. Возбуждено уголовное дело.

 Фото носит иллюстративный характер.

Пад Горкамі мужчына ўдарыў чужую жанчыну нажом, за тое, што адвергла яго прыставанні

Навіна ад

Пара сужыцеляў выпівала ў Горацкім раёне разам са сваім госцем, 59-гадовым сябрам сям’і. Калі мужчына з сямейнай пары сышоў у іншы пакой адпачываць, госць пачаў заляцацца да яго сужыцельніцы. Жанчына адвергла, аднак, яго прыставанні, пасля чаго сябар сям’і схапіў нож і ўдарыў яе ў грудзі. Грамадзянскі муж пацярпелай выклікаў хуткую дапамогу, а санітары паведамілі пра здарэнне ў міліцыю. Зараз каханку-няўдачніку інкрымінуецца прычыненне цяжкіх цялесных пашкоджанняў  – паведамляе звязаны з сілавікамі тэлеграм-канал.

Фота ілюстрацыйнае

Памерла жыхарка Магілёва, на якой загарэлася вопратка падчас гатоўкі

Навіна ад

Пенсіянерка 1955 года нараджэння з вуліцы Азёрнай у Магілёве пацярпела ад агню 12 красавіка. Падчас прыгатавання ежы на газавай пліце на ёй загарэлася вопратка. Жанчына была шпіталізаваная, а днём 15 красавіка жанчыны не стала – паведамляе прэс-служба МНС.

Фота ілюстрацыйнае

У Палыкавічах гарэла кватэра, пацярпела дзяўчынка

Навіна ад

Сям’я з пяці чалавек выратавалася на пажары ў Палыкавічах пад Магілёвам – паведамляе прэс-служба МНС. Спрацаваў аўтаномны пажарны апавяшчальнік, пагэтаму з пачаткам задымлення гаспадыня кватэры, трое яе дачок і сужыцель паспелі самастойна эвакуявацца з дома. Адна з дзяўчынак атруцілася дымам і была шпіталізаваная.

Фота: МНС

Жанчына насмерць разбілася пад Шкловам, не ўпісаўшыся ў паварот дарогі

Навіна ад

Сёння каля 14:50 ў раёне вёскі Гаваракі Шклоўскага раёна 44-гадовая кіроўца аўтамабіля Nissan не ўпісалася ў закругленне дарогі і яе машыну вынесла ў кювет. Ад траўмаў жанчына памерла на месцы, яе 47-гадовы пасажыр дастаўлены ў шпіталь – паведамляе прэс-служба УУС аблвыканкама.

Фота: ДАІ

Іран атакаваў Ізраіль больш чым 300 ракет і беспілотнікаў, амаль усе былі збітыя, адна жанчына параненая

Навіна ад

Беспрэцэдэнтная па сваёй масавасці атака Ірана на Ізраіль адбылася ў ноч на 14 красавіка. Персідская дзяржава запусціла 185 беспілотнікаў, 110 ракет класа “зямля-зямля”, 36 крылатых ракет. Таксама Ізраіль быў атакаваны з тэрыторыі Лівана, Емена і Ірака. Афіцыйныя прадстаўнікі Ірана заявілі, што гэтая атака стала адказам на ізраільскі ўдар па іранскаму консульству ў Сірыі, у выніку якога загінуў прадстаўнік вышэйшага камандавання іранскай арміі.

Атака ажыццяўлялася некалькімі хвалямі і працягвалася каля 5-6 гадзін. Прэс-сакратар ізраільскай арміі Авічай Адраі так пракаментаваў вынік іранскага ўдару: “З прыкладна 170 запушчаных Іранам беспілотнікаў – ні адзін з іх не пранік у Дзяржаву Ізраіль, бо баявыя самалёты і сістэмы супрацьпаветранай абароны нашы і нашых саюзнікаў перахапілі дзясяткі з іх. З больш чым 30 крылатых ракет, запушчаных Іранам, ні адна ракета не прабілася на тэрыторыю Ізраіля. Нашы баявыя самалёты перахапілі за межамі краіны 25 ракет. З больш чым 120 балістычных ракет вельмі малая колькасць прарвалася праз ізраільскую мяжу, а астатнія ракеты былі перахопленыя. Гэтая невялікая колькасць упала на базу ВПС у Нафаціме і нанесла невялікі ўрон інфраструктуры.”

Таксама паведамляецца, што ў выніку падзення ашчэпкаў збітых ракет у ізраільскім горадзе Негеў была параненая маладая жанчына. 30 чалавек звярнуліся па медыцынскую дапамогу ў Ізраілі пасля сігналаў трывогі.

Фота: The Guardian

Два браты з Горак пабачылі дым, праязджаючы міма, і выратавалі сям’ю на пажары

Навіна ад

Браты Сяргей і Дзмітрый Варанцовы ехалі на машыне каля вёскі Зайцава Горацкага раёна, калі пабачылі дым у прыватным доме. Жыхары Горак спыніліся і зайшлі ў будынак – дзверы былі не зачыненыя. На падлозе задымленай веранды яны сустрэлі п’яных жыхароў дома – гаспадыню 1954 года нараджэння і яе сужыцеля, што нарадзіўся ў 1964-м. Браты выцягнулі іх на свежае паветра і выклікалі ратавальнікаў. Калі прыехала пажарная брыгада, дом унутры ўжо палаў – паведамляе прэс-служба МНС. Гаспадары дома не пацярпелі, прычына ўзгарання высвятляецца.

Фота: МНС

Паліва злівалі проста на хаду – бабруйскія машыністы скалацілі банду з адзінаццаці чалавек

Навіна ад

Следчы камітэт Беларусі абнародаваў вынікі разбіральніцтва, як бабруйскім машыністам цеплавозаў разам з іх памочнікамі ўдалося скрасці больш за 12,5 тон паліва. 

Паведамляецца, што шэсць машыністаў і памочнікаў машыніста з Бабруйска скаапераваліся з пяццю жыхарамі пасёлка Акцябрскі ў Гомельскай вобласці. На бязлюдным участку дарогі, калі яна праходзіла праз лясны масіў, жыхары Гомельшчыны падсаджваліся на цеплавоз і на хаду злівалі з яго дызельнае паліва, якое раней удавалася сэканоміць машыністам.

Для эканоміі яны ўносілі змены ў прыборы бяспекі цягніка. Набраўшы салярку ў пластыкавыя ёмістасці, налётчыкі скідвалі нарабаванае на зямлю і знікалі ў гарадскім пасёлку Акцябрскі. Пазней гэтае паліва распрадавалася па коштах ніжэй за рынкавыя. Усяго падобным чынам удалося скрасці каля 12,5 тон саляркі на суму больш за 29 тысяч рублёў. Характэрна, што за кожны рэйд машыністы паяздоў дадаткова дарылі налётчыкам ад сябе, у якасці бонуса, каністру саляркі на 20 літраў.

Чытаць яшчэ: Як у сучасным Магілёве адбылося коннае рабаванне цягніка.

Фота: СК, скрыншот

Рэвальвер сістэмы Наган і 261 патрон да яго здаў у міліцыю жыхар Асіповіцкага раёна

Навіна ад

Жыхар вёскі Лапічы заявіў, што рэвальвер і боепрыпасы знайшоў напрыканцы 2023 года недалёка ад свайго дома – піша “Асіповіцкі край”. Па фотакалажу, прадстаўленаму ў выданні, можна заўважыць, што рэвальвер быў моцна пашкоджаны іржой, але адрэстаўраваны. Зрабіць выснову пра яго баявыя якасці складана, а вось боепрыпасы выглядаюць цалкам боездатнымі.

Выданне адзначае, што жыхар Лапіч здаў зброю супрацоўнікам міліцыі добраахвотна і будзе вызвалены ад крымінальнай адказнасці.

Фота: “Асіповіцкі край”

Памерла жанчына з Дрыбіна, якая выпальвала сухую траву

Навіна ад

Цэлы шэраг пажараў, што адбыўся на Магілёўшчыне ў першыя дні красавіка, прынёс першую ахвяру веснавых выпальванняў травы. Жанчына з Дрыбіна, у якой выпальванне сухой расліннасці на падворку выйшла з-пад кантролю, памерла ў лякарні – паведамляе прэс-служба МНС. 

75-гадовая пенсіянерка атрымала апёкі 95% цела падчас пажару на сваім участку. Жанчыну спрабавалі выратаваць суседзі, збіўшы агонь і выклікаўшы хуткую дапамогу, аднак атрыманыя апёкі апынуліся несумяшчальнымі з жыццём.

Фота: МНС