Category: Здарэнні

В Быхове прошел “подпольный” тренинг для членов «избирательных» комиссий

Навіна ад

Тренировка членов быховских участковых избирательных комиссий прошла на базе Днепровского участка № 9 в здании ОАО «Быховрайагропромтехснаб», сообщает телеграмм-канал могилевских правозащитников MAYDAY.TEAM. Кто проводил тренинг, хранится в глубочайшей тайне. Наверное, для того, чтобы благодарные быховчане не забросали «коучей» цветами. 

Известно лишь, что на «подпольном» собрании выступали силовики и МЧС-овцы, а напутственное слово говорил бессменный фальсификатор быховских «выборов», заместитель председателя райисполкома Виктор Агнетов. Ему особо секретничать не обязательно – терять уже нечего и отвечать по закону за совершенные должностные преступления рано или поздно придется.

Что касается членов избирательных комиссий, перед которыми моделировались “различные условия работы комиссий, включая сценарии досрочного голосования и день выборов”, то их фотографировали только со спины.

Местные журналисты, охваченные манией преследования, на всякий случай еще и заблюрили лица выступающих силовиков, хотя их личности для маленького райцентра являются секретом Полишинеля. В общем, подготовка к «празднику выборов», обещанному белорусам Лукашенко, проводится в лучших традициях спецоперации ГУБОПик.

Фото: MAYDAY.TEAM.

Трагедыя ў Магілёве – хлопчык загінуў, выпаўшы з вакна

Навіна ад

Сёння ў Магілёве хлопчык 2023 года нараджэння выпаў з вакна на пятым паверсе, паведамляе Следчы камітэт. Ён загінуў. Дзіцёнак быў дома з маці і бабулямі, гуляўся, пакуль дарослыя займаліся хатнімі справамі. У нейкі момант адна з бабуль заўважыла адчыненае вакно. Унізе, на зямлі яна пабачыла цела хлопчыка. Паводле папярэдняй версіі, каб дабрацца да вакна, ён залез на крэсла, а потым адчыніў вакно. Вядзецца следства.

Фота: Следчы камітэт

Злодзеі з Падмаскоўя два дні грамілі бабруйскія кватэры, пакуль не нарваліся на пенсіянерку

Навіна ад

Хваля ўзломаў пракацілася па Бабруйску летам гэтага года. Два жыхары Падмаскоўя 47 і 45 гадоў пазнаёміліся ў сябе на радзіме з бабруйчанінам і тут жа прыдумалі план. Яны паведамілі, што ім вельмі трэба паехаць у горад на Бярэзіне і папрасіліся ў свайго новага знаёмага пажыць у яго дома. Адсюль яны і здзяйснялі свае налёты.

Падмаскоўныя злодзеі ўзламвалі дзверы кватэр, выграбалі з жытла ўсё вартае – тэхніку, каштоўнасці (на фота) – і з’яжджалі на сваім аўтамабілі. 

Аднойчы, аднак, у кватэры аказалася гаспадыня, бабруйская пенсіянерка. Мужчыны заявілі ёй, што памыліліся адрасам і паспяшаліся сысці, пры гэтым прыхапіўшы са століка ў калідоры грошы. Жанчына падглядзела ў вакно, у якую машыну селі няпрошаныя госці і як толькі яны ад’ехалі, набрала нумар міліцыі. Па гарачых слядах абодвух гастралёраў затрымалі. Арганізаваныя імі ўзломы кватэр працягваліся два дні – піша bobr.by.

Фота: МУС

Пяць пажараў за адзін святочны дзень адбылося ў Магілёўскім рэгіёне

Навіна ад

25 снежня па Магілёўскай вобласці пракаціліся адразу некалькі пажараў – у Магілёве, Краснаполлі, Асіповіцкім і Круглянскім раёнах. У Магілёве вечарам на каталіцкае Раство загарэўся дом на вуліцы Лагоды, а таксама гараж на вуліцы Сіманава. У першым выпадку дом захапіўся полымем ад награвальнага катла. Ніхто з жыхароў не пацярпеў – пабачыўшы дым, гаспадар сабраў рэчы і дакументы і вывеў сям’ю на вуліцу. 

пажар
Фота: МНС

У Асіповіцкім раёне пажарам быў знішчаны дом пенсіянеркі ў аграгарадку Каменічы. 75-гадовая жанчына пачула трэск за вакном і патэлефанавала суседзям. Тыя пабачылі, што гарыць хата і пачалі ратаваць пенсіянерку. Паколькі шляхі для эвакуацыі былі ўжо задымленыя, жанчыну прыйшлося выцягваць праз вакно – паведамляе прэс-служба МНС.

Фота: МНС

“Дым шалёны, але хтосьці адазваўся” – на пажары ў Горках выратавалі мужчыну

Навіна ад

Позна вечарам 22 снежня ў Горках на вуліцы Савецкай адбыўся пажар. У ратавальную службу патэлефанаваў жыхар пяціпавярхоўкі і распавёў, што ў суседняй кватэры “дым шалёны, нічога не відно, але хтосьці адазваўся” – паведамляе прэс-служба МНС. Калі прыехаў экіпаж пажарнай службы, у кватэры гарэў матрас у ванным пакоі, а гаспадар 1974 года нараджэння знаходзіўся ў суседнім пакоі, яшчэ жывы. Мужчыну вынеслі на свежае паветра і шпіталізавалі. Папярэдняя версія здарэння – неасцярожнасць пры курэнні плюс некалькі бутэлек спіртнога, што можна пабачыць на фотаздымках.

Фота, відэа: МНС

Ад навагодняй гірлянды пад Бабруйскам загарэлася школа

Навіна ад

Позна вечарам 19 снежня ў аграгарадку Цялушы Бабруйскага раёна вартаўнік школы заўважыў, што загарэлася пластыкавае вакно аднаго з памяшканняў. Яшчэ да пажарных мужчына здолеў загасіць полымя з дапамогай двух вогнетушыцеляў. Прэс-служба МНС адзначае, што найбольш верагодная прычына пажару – навагодняя гірлянда ў кабінеце.

Фота ілюстрацыйнае

У Магілёве на пераходзе насмерць збілі пенсіянерку

Навіна ад

Сёння раніцай каля 7:40 на праспекце Шмідта ў Магілёве кіроўца аўтамабіля Mazda не заўважыў жанчыну, што завяршала пераходзіць дарогу на светлафоры. На прадстаўленым прэс-службай УУС аблвыканкама відэа можна пабачыць, што 89-гадовая жанчына паволі перасякае праезжую частку на пешаходным пераходзе, калі яе збіў 33-гадовы кіроўца. Ад атрыманых траўмаў жанчына памерла на месцы.

Фота: УУС Магілёўскага аблвыканкама, скрыншот

Дзеля бравады ўзяўся за провад – у Бабруйску забіла электраманцёра

Навіна ад

Днём 15 снежня трагедыя адбылася ў Бабруйску. Два электраманцёры скарачалі сабе дарогу да хаты і палезлі праз вагоны на шляхах. Адзін праціснуўся паміж вагонамі, а другі, 24-гадовы жыхар Салігорска, падняўся на дах састава і дзеля бравады ўзяўся за аголены кантактны провад пад напругай. Ад электратраўмы ён загінуў на месцы – паведамляе Следчы камітэт. Абодва мужчыны былі п’янымі, адзначылі ў ведамстве.

Фота: Следчы камітэт, скрыншот.

Узломшчыку сейфа ў Асіповічах вынеслі прысуд

Навіна ад

Летам гэтага года неаднаразова судзімы 41-гадовы жыхар Асіповіч абрабаваў пункт выдачы заказаў у родным горадзе. Мужчына ўзламаў памяшканне, выдраў сталешніцу і забраў з пункта выдачы сейф, у якім знаходзілася 12 000 рублёў. Злодзея змаглі знайсці толькі па выніках крыміналістычнай экспертызы, бо твар зламысніка быў схаваны пад шалікам і шапкай. Сёння стала вядома, да якога тэрміну асудзілі мужчыну. Дарэчы, для яго гэта ўжо дзявятая судзімасць. Узломшчык сейфа атрымаў тры з паловай гады турмы і штраф у 45 базавых велічынь – піша “Асіповіцкі край”.

кража сейфа

Фота: Судовыя экспертызы

Мсціслаўская пенсіянерка грэла рукі над плітой і спаліла хату

Навіна ад

У доме па вуліцы Энгельса ў Мсціславе 73-гадовая пенсіянерка не справілася з агнём. Жанчына абагравала памяшканне, запаліўшы камфорку на пліце і грэла над ёй рукі. У нейкі момант на пенсіянерцы загарэўся рукаў курткі. Жанчына скінула яе з плеч, але агонь імгненна ахапіў і саму куртку, і іншыя прадметы на падлозе. На момант, калі прыехалі ратавальнікі, кватэра пенсіянеркі палала адкрытым агнём, а сама жанчына выскачыла на вуліцу – паведамляе прэс-служба МНС. 

Фота: МНС