У жителя Туркменистана не получилось «поматросить и бросить» женщину из Горок

Чтобы доказать, что отец девочки из Горок – гражданин Туркменистана, пришлось задействовать международную процедуру.

Началась эта история в 2022 году, когда гражданин Туркменистана восемь месяцев жил в Горках и находился в романтических отношениях с местной жительницей, сообщается на сайте Государственного комитета судебных экспертиз Республики Беларусь. В конце концов, 31-летний туркмен уехал на Родину, а жительница Горок родила девочку, которой дала свою фамилию и такое же отчество, как у нее самой.

Потом она обратилась в суд, чтобы установить отцовство в отношении родившейся у нее дочери и взыскать алименты на содержание ребенка. Суд назначил экспертизу, однако предполагаемый отец на отбор биологических образцов предсказуемо не явился.

Были задействованы механизмы международного сотрудничества и ответчику все-таки пришлось сдать нужный анализ по его месту жительства. Была проведена экспертиза, которая подтвердила биологическое отцовство туркмена по отношению к ребенку, родившемуся у жительницы Горок.

Фото носит иллюстративный характер.

“Дым шалёны, але хтосьці адазваўся” – на пажары ў Горках выратавалі мужчыну

Позна вечарам 22 снежня ў Горках на вуліцы Савецкай адбыўся пажар. У ратавальную службу патэлефанаваў жыхар пяціпавярхоўкі і распавёў, што ў суседняй кватэры “дым шалёны, нічога не відно, але хтосьці адазваўся” – паведамляе прэс-служба МНС. Калі прыехаў экіпаж пажарнай службы, у кватэры гарэў матрас у ванным пакоі, а гаспадар 1974 года нараджэння знаходзіўся ў суседнім пакоі, яшчэ жывы. Мужчыну вынеслі на свежае паветра і шпіталізавалі. Папярэдняя версія здарэння – неасцярожнасць пры курэнні плюс некалькі бутэлек спіртнога, што можна пабачыць на фотаздымках.

Фота, відэа: МНС

Хто з Магілёўшчыны трапіў пад новыя санкцыі ЕС – расказваем

16 снежня Рада Еўрапейскага Саюза ўвяла новыя санкцыі супраць беларускіх арганізацый і фізічных асобаў, што садзейнічаюць абыходу раней уведзеных санкцый, фабрыкуюць палітычныя прысуды і адказваюць за катаванне і нечалавечае абыходжанне палітзняволеных. У агульны спіс увайшлі 26 фізічных асоб і дзве юрыдычныя. Цалкам гэты спіс можна знайсці тут.

Адзінай асобай з Магілёўшчыны, што трапіла пад новыя санкцыі, з’яўляецца Сяргей Петраковіч, начальнік калоніі №9 у Горках (на фота). Вядома, што ён асабіста адказвае за бесчалавечае абыходжанне, здзекі і катаванні над палітычнымі вязнямі. Так, па яго загадзе каля 10 разоў саджалі ў ШІЗА палітзняволенага Міхаіла Жамчужнага. Па сведчанні апошняга, аднойчы ў горацкай калоніі яго спрабавалі забіць – пісалі mogilev.media.

“Асноўная мэта нашай установы – не пакаранне асуджаных, а менавіта выпраўленне. Мы робім усё, каб крымінальнае мінулае засталося ў мінулым. У чалавека павінны быць перспектывы, новыя гарызонты…” – так распавядае пра сваю працу Сяргей Петраковіч у інтэрв’ю мясцовай прэсе.

Фота: luka.zone

Маршрутчыка ў Горках злавілі з 1,6 праміле

Кіроўца маршруткі “Горкі-Орша” аказаўся п’яным за рулём і з пасажырамі. 

37-гадовага мужчыну спыніў патруль ДАІ ў Горках паведамляе прэс-служба УУС Магілёўскага аблвыканкама. Пасля праверкі высветлілася, што ўзровень алкаголю ў яго крыві складае 1,6 праміле, што прыкладна адпавядае выпітай бутэльцы гарэлкі. У момант затрымання кіроўца ажыццяўляў перавозку пасажыраў па маршруце “Горкі-Орша”. Цяпер ён будзе пазбаўлены правоў на пяць гадоў і павінен будзе заплаціць вялікі штраф.

Фота: ДАІ, скрыншот

У “цёплай і душэўнай абстаноўцы”, але з пустымі кубкамі віншавалі ў Горках з Днём маці

Кіраўніцтва Горацкага райвыканкама правяло ўрачысты прыём для шматдзетных маці блізнятак, двайнятак і трайнятак. Жанчыны былі запрошаныя за святочны стол у памяшканне горацкага ЗАГСу з нагоды праваслаўнага свята Покрыва Прасвятой Багародзіцы і Дня маці. Паводле выдання “Горацкі веснік”, прысутныя жанчыны сваім “добрасумленным стаўленнем да працы і выхавання дзяцей паказалі прыклад сапраўднага жаночага прызначэння”.

– Мы сягоння ў Год якасці па-горацку ўшаноўваем лепшых шматдзетных мам блізнятак, двайнятак і трайнятак, якія актыўна прымаюць удзел у правядзенні ўсіх мерапрыемстваў у раёне – так патлумачыла выбар запрошаных на мерапрыемства жанчын намесніца старшыні райвыканкама Ларыса Крывіцкая.

Тое, што “лепшых шматдзетных мам” ушаноўваюць менавіта “па-горацку”, сведчаць афіцыйныя фотаздымкі з сустрэчы. Жанчын пасадзілі за стол, на якім сваім пустым нутром зеўралі кубкі для гарбаты на працягу ўсяго мерапрыемства.

шматдзетныя маці

Як можна пабачыць, ніводная жанчына з запрошаных так і не дакранулася слодычаў на стале, а кубкі так і засталіся пустымі да самага завяршэння фотасесіі. Складваецца ўражанне, што ў святочны для іх дзень, шматдзетныя маці так і прасядзелі ўсё мерапрыемства, склаўшы рукі на каленях і самотна паглядаючы на прыбраны стол.

Дзень маці

Пакравы

Маці блізнятак, двайнятак і трайнятак

рукі на каленях

Фота: “Горацкі веснік”

Зваршчык у Горках прабраўся вечарам на працу, каб напіцца там, заснуць і ўсё спаліць

Употай прабраўшыся на сваю працу ў магазін “Мастак” у Горках позна вечарам, работнік зладзіў пажар у кацельнай. 

Вечарам 27 жніўня аўтаматычная сігналізацыя спрацавала ў краме “Мастак” у Горках. Як высветлілася, каля 20.00 у кацельную крамы прабраўся супрацоўнік, які працуе тут зваршчыкам, хоць яго працоўны дзень завяршыўся ў 17.00. Калі ратавальнікі прыбылі на месца пажару, то пабачылі агонь у кацельнай, а на падлозе ляжаў п’яны мужчына. На месцы пажару была знойдзеная пустая бутэлька з-пад гарэлкі, пачка цыгарэт і запальнічка. Прычынай пажару лічыцца неасцярожнасць пры курэнні – піша “Горацкі веснік”. Агнём ад пажару знішчаная маёмасць у кацельнай, у тым ліку бензарэз.

Фота: “Горацкі веснік”

У Горках тыдзень не маглі адрамантаваць парваную трубу

Служба 115 не прымала заяўку, а да дыспетчараў было проста не дазваніцца. “Нажаль, негатыўна спрацаваў чалавечы фактар” – патлумачылі ў вадаканале.

На працягу тыдня ў раёне чацвёртага корпуса сельскагаспадарчай акадэміі ў Горках з-пад зямлі біла вада – паведамляе “Горацкі веснік”. Прарыў трубы здарыўся ў раёне 16 жніўня, і ў той жа дзень карэспандэнт выдання спрабавала датэлефанавацца ў дыспетчарскую службу водаканала. Там проста не бралі слухаўку. Не адказвалі і па іншым, альтэрнатыўным нумары, які падказалі ў цэнтральнай дыспетчарскай службе Магілёўскага абласнога водаканала. Дазваніцца атрымалася да “115”, і там, здавалася, заяўку прынялі. 

Але так толькі здавалася. Праз два дні ўсё той жа паток вады біў з месца прарыву, а на тэрыторыі Акадэміі пачало ўтварацца невялікае азярцо. На паўторны званок у “115” дыспетчар раздражнёна патлумачыў, што падчас папярэдняга званка быў не прыём заяўкі, а кансультацыя, і толькі з другога разу была аформленая скарга.

Горки водоканал
Па стане на 19 жніўня

20 жніўня пытанне пракаментаваў ужо начальнік водаканалізацыйнага ўчастка Горацкага раёна філіяла «Магілёўскі водаканал» УПКП ВКХ «Магілёўаблводаканал» Ігар Сільвестраў:

– Мы ў курсе дадзенай аварыі, заяўка ад службы 115 была перададзена 18 жніўня. На жаль, наш участак не мае ўласнай дыспетчарскай службы, усе нашы спецыялісты знаходзяцца ў пастаянных раз’ездах па працоўных пытаннях, бо вельмі вялікі аб’ём работ у горадзе і ў вёсцы. Таму датэлефанавацца па стацыянарных нумарах сапраўды бывае цяжка. Што ж тычыцца парыву, то ён дастаткова шырокі і складаны. І ў гэтай сітуацыі ёсць як аб’ектыўныя, так і суб’ектыўныя прычыны. Акрамя ўсяго, нажаль, негатыўна спрацаваў чалавечы фактар. Усё гэта разам паўплывала на тэрміны рамонтных работ.

20 жніўня, як паведамляе “Горацкі веснік”, заяўка была нарэшце закрытая. Прарыў ліквідавалі. 

горки академия

Фота: “Горацкі веснік”

Дзеці ў Горацкім раёне палілі петарды і спалілі 20 тон саломы

Калі сталі заканчвацца запалкі, трое школьнікаў развялі касцёр каля скірды з саломай – каб захаваць агонь. Ён і перакінуўся на 20 тон саломы, што стаялі ў полі.

Вечарам 21 жніўня тры падлеткі ў Горацкім раёне каля вёскі Вялікая Каралёўка гуляліся, падпальваючы петарды – паведамляе прэс-служба МНС. Калі запалкі ў іх сталі заканчвацца, дзеці вырашылі развесці касцёр, каб захаваць агонь. Касцёр яны развялі якраз каля скірды з саломай, у якой ляжала 20 тон рулонаў. Неўзабаве агонь перакінуўся на салому, яна ўспыхнула, а дзеці спалохаліся і ўцяклі. Дзядуля аднаго з хлопцаў і выклікаў пажарных, якія змаглі выратаваць толькі палову скірды.

Фота, відэа: МНС

 

У Горках перасталі абвяшчаць прыпынкі – жыхары скардзяцца, але праблему рашыць няма каму

У гэтым годзе ў Горках на ўсіх аўтобусных маршрутах адключылі галасавое абвяшчэнне прыпынкаў, і да гэтага часу яно не працуе. Пра гэта распавёў дырэктар аўтапарка Мван Вабішчэвіч і патлумачыў, што гэтае адключэнне было звязана са зменай гарадскіх маршрутаў і назваў прыпынкаў.

У адказ на скаргі жыхароў, якія заўважаюць, што праблема становіцца асабліва актуальнай у часы прыёмнай кампаніі ў Горацкую сельгасакадэмію і ў першыя дні новага навучальнага года, дырэктар аўтапарка развёў рукамі. Зараз у штаце няма спецыяліста, які змог бы начытаць і ўсталяваць на кожную машыну новы тэкст. Заказваць падобную працу ў Магілёве для прадпрыемства занадта затратна, бо прыйдзецца адвозіць у абласны цэнтр усе гарадскія аўтобусы.

Вырашыць сітуацыю Іван Вабішчэвіч паабяцаў да 1 верасня.

Фота: “Горацкі Веснік”

В Горецком районе строят дороги по новой, прорывной технологии – известной с 1970-х

Цивилизация приходит в самые отсталые местности. В Горецком районе осваивают ресайклинг.

Добавлением цемента в гравийное покрытие решили исправить дороги в Горецком районе. «Горецкий район исторически является первопроходцем многих прорывных технологий, которые впоследствии успешно внедряют в стране в различных отраслях экономики» – сообщается на сайте облисполкома.

Тридцать лет в Беларуси не было войны, но дороги в глубинке остались фронтовыми, несмотря на контроль со стороны Лукашенко. Это заметил «председатель облисполкома Анатолий Исаченко, который минувшей осенью во время рабочей поездки по Горецкому району обратил внимание, как по этой гравийной дороге в распутицу большегрузные автомобили с трудом доставляли с полей КСУП «Овсянка имени И. И. Мельника» сахарную свеклу, рискуя увязнуть в глубоких колеях».

Исправлять ситуацию решили с помощью технологии ресайклинга, которую журналисты описали в мельчайших подробностях. Упомянуть забыли лишь о том, что «прорывной» технологии – сто лет в обед.

Метод ресайклинга появился в конце 70-х годов прошлого столетия сначала в Западной Европе, а спустя несколько лет в США. Как видим, до Беларуси ресайклинг добрался только сейчас.

Фото: “Горацкі веснік”