Позна вечарам 5 верасня ў балоцістай мясцовасці каля вёскі Зоеўка Касцюковіцкага раёна было знойдзена цела мужчыны 1973 года нараджэння. Ён нідзе на працаваў – удакладняе прэс-служба МНС.
Фота ілюстрацыйнае, з адкрытых крыніц
Category: Навіны Касцюковіч
345 літраў афарбаванага дызпаліва і 20 літраў гербіцыду канфіскавана ў жыхара Касцюковіцкага раёна
13 каністраў з 240 літрамі дызельнага паліва, схаваных на агародзе, знайшлі праваахоўнікі ў 65-гадовага жыхара Касцюковіцкага раёна – паведамляе прэс-служба МУС.
Яшчэ 105 літраў афарбаванага паліва былі ў паліўных баках двух трактароў, якія належаць мужчыне. Таксама ў яго было знойдзена 20-літровая каністра з неселектыўным гербіцыдам. Міліцыянты высветлілі, што дызпаліва і ядахімікаты ён скупляў у працоўных сельскагаспадарчых арганізацый раёна.
За крадзеж ядахімікатаў у дачыненні да фігуранта і работніка сельгаспрадпрыемства, які рэалізаваў яму гербіцыд, следчымі ўзбуджана крымінальная справа. Па фактах незаконнага набыцця, захоўвання і рэалізацыі афарбаванага дызельнага паліва праводзіцца праверка.
Фота: МУС
На Касцюковіччыне асвяцілі крыніцу на тэрыторыі зніклай вёскі – знакамітых Клеевічаў
Крыніцу асвяцілі ў вёсцы Клеевічы, якая на сёння не існуе. Клеевічы вядома тым, што на высокім беразе Беседзі ў даваенны час беларускі археолаг Канстанцін Палікарпавіч (ураджэнец суседняй вёскі Белая Дуброва) раскапаў старажытную стаянку першабытнага чалавека, якую датавай каля 100 тысяч гадоў да новай эры.
Былая вёска Клеевічы ўжо знікла, бо ў ёй не засталося ніводнага жыхара, толькі некаторыя закінутыя хаты. Яна некалі знаходзілася ў чатырох кіламетрах ад цяперашняга аграгарадка Белая Дуброва. Аднак крыніца ў Клеевічах тым не менш славіцца чысцінёў і якасцю вады, нездарма да яе прыязджаюць час ад часу з усёй акругі. Між іншым супрацоўнікі касцюковіцкага цэнтрна гігіены і эпідэміялогіі бралі пробы вады з самой крыніцы і ручая, які з яе выцякае. Прадстаўнікі цэнтра эпыядэміялогіі прыйшлі да высновы, што вада апдавядае ўсім санітарным нормам і прыдатна для ўжывання.
Сёлета добраўпарадкаваннем крыніцы займаўся Беладубраўскі сельвыканкам і падыйшоў да гэтага грунтоўна, правёўшы некалькі суботнікаў, у якіх удзельнічалі мясцовыя жыхары, мясцовыя дэпутаты, калектывы ўстаноў адукацы, культуры, прадстаўнікі сацыяльнай службы, лясніцтва, а таксама работнікі фізкультурна-аздараўленчага цэнтра.
Урэшце крыніца прыведзена ў парадак, высечаны дзікарослыя кусты на прылеглай тэрыторыі, зроблена падсыпка грунту і выраўноўванне мясцовасці, добраўпарадкавана стаянка для аўтамабіляў і ўстаноўлены лаўкі, сталы, альтанка і паклонны крыж, збудаваны калодзеж з навесам. У далейшых планах – пабудаваць купель і ўсталяваць валун вагой 12 тон – паведамляе газета “Голас Касцюкоўшчыны”.
Адслужыў святочную літургію і асвяціў воды ключа ў гонар прарока Іллі іерэй Кірыл, расказаўшы прысутным гісторыю свята. Акрамя таго на асвячэнні вады ключа выступалі раённага Савета дэпутатаў і мясцовага сельвыканкама, заклікаючы людзей берагчы новаствораную святыню.
Дарэчы, амаль месяц таму mogilev.media ужо пісалі пра аналагічнае мерапрыемства на суседняй Клімавічыне, дзе таксама асвячалі крыніцу на тэрыторыі зніклай вёсцы.
Ад рэдакцыі. Адзначым, што ўпарадкаванне крыніцы збольшага адбылося дастаткова акуратным: шмат што зроблена з натуральнага будаўнічага матэрыяла – дрэва, але крыніца ўсё роўна засталася забетаніраванай і закаванай у бетоннае кальцо. Гэта не самы лепшы і экалагічны падыход ва ўдарадкаванні крыніцы.
Чарговае авячэнне крыніцы і прызнанне ў якасці святой – з’ява сучасная, бо дагэтуль яна наўрадці такой лічылася мясцовым насельніцтвам, а прызнавалася як месца добрай пітной вады. Што цікава, то асвяцілі крыніцу ў гонар праваслаўнага святога, але пры гэтым хочуць яшчэ зрабіць купелю і камень, які верагодна таксама стане ў якасці паклоннага аб’екта. Відавочна, што ў нечым капіруецца слаўгарадская Блакітная крыніца (Сіні калодзеж), дзе існуе паклонны камень. Прычым робіцца гэта з мэтай стварэнне новага ўнікальнага сакральнага аб’екта, які будзе мець элементы дахрысціянскіх (язычніцкіх) вераванняў, бо пакланення камяням – не ўласціва храсціанскай рэлігіі і культам.
Фота “Голас Касцюкоўшчыны”
Пад Касцюковічамі хлопчык хацеў запаліць мангал бензінам і апёкся
У аграгарадку Муравілле Касцюковіцкага раёна хлопчык малодшых класаў вырашыў самастойна распаліць мангал і атрымаў апёкі. Дарослых падчас здарэння побач з ім не было.
На выходных сям’я смажыла шашлыкі на сваім падворку. Калі мяса прыгатавалася, дарослыя пайшлі ў хату вячэраць. Але іх дзевяці гадовы сын вярнуўся да мангала і вырашыў запаліць яго самастойна. Дровы ніяк не хацелі загарацца ад запалкі, пагэтаму дзіця адкрыла гараж і пераліло з каністры бензін у пластыкавую бутэльку. Пары лёгкаўзгаральнай вадкасці патрапілі на рукі і адзенне.
Як толькі хлопчык запаліў запалку, каб развесці ў мангале агонь, полымя ўспыхнула, і ён атрымаў апёкі. Увечары таго ж дня яго даставілі ў раённы шпіталь – паведамляе міністэрства па надзвычайных сітуацыях.
Фота ілюстрацыйнае
Пажар у Касцюковічах – паявіліся падрабязнасці. Выратавалі 13 чалавек, адну дзяўчынку рэанімавалі
Прэс-служба МНС распавяла падрабязнасці пажару ў Касцюковічах, пра які пісалі mogilev.media. На момант узгарання ў кватэры знаходзіліся маці шматдзетнай сям’і 1996 года нараджэння і дзве дачкі. Усяго ў сям’і пяцёра дзяцей, два хлопчыкі гасцявалі ў гэты дзень у бабулі а адна дзяўчынка гуляла на вуліцы. Бацька быў на працы.
Як толькі гаспадыня дома заўважыла задымленне, яна пачала грукаць у дзверы суседзяў з крыкамі пра дапамогу. Адзін з суседзяў, Андрэй Мірынкоў увайшоў у абнятую дымам кватэру і пачуў плач 2-месячнай Евы. Дзяўчынку ён вынес на свежае паветра, але вярнуцца за яшчэ адной дзяўчынкай ужо не змог – настолькі моцны стаяў дым.
Другую дзяўчынку, што заставалася ў кватэры на момант пажару, 2017 года нараджэння знайшлі ратавальнікі. Непрытомную, яе вынеслі з кватэры і праводзілі рэанімацыйныя мерапрыемствы да прыезду медыкаў. Таксама супрацоўнікі МНС эвакуявалі жыхароў з верхніх паверхаў, усяго 13 чалавек. Прычына пажару высвятляецца.
Фота: МНС
Маці змагла вынесці толькі адну дачку з трох – у Касцюковічах на пажары пацярпелі дзеці
Медыкі змагаюцца за жыццё двух дзяўчынак, 6 гадоў і 2-х месяцаў – паведамляе прэс-служба Следчага камітэта.
Вечарам 1 ліпеня ў адной з кватэр 5-павярховага дома ў Касцюковічах успыхнуў халадзільнік, які стаяў у дзіцячым пакоі. Маці, якая была ў суседнім пакоі, адчула пах гары і пабачыла дым у пярэднім пакоі. Яна змагла вынесці з кватэры толькі адну з трох сваіх дачок, чатырохгадовую дзяўчынку, якая была разам з ёй. Суседзі выклікалі ратавальнікаў.
Работнікі МНС выратавалі яшчэ дваіх дзяцей гаспадыні кватэры (6 гадоў і 2 месяцы). На момант пажару яны былі ў дзіцячым пакоі і самастойна пакінуць кватэру не змаглі. У непрытомным стане дзяўчынкі перададзены медыкам. Цяпер за іх жыцці змагаюцца ўрачы.
Фота: Следчы камітэт, скрыншот
Гектар канопляў знішчылі ў Касцюковіцкім раёне
У Касцюковіцкім раёне падчас спецаперацыі супрацоўнікаў міліцыі “Мак” была знішчана плантацыя дзікарослых канопляў, якая вырасла на плошчы каля аднаго гектара.
Расліна так разраслася, што ўручную было не справіцца. Для ліквідацыі канопляў прыйшлося нават прыцягнуць сельскагаспадарчую тэхніку.
У выніку ачаг вырастання расліны быў знішчаны праз рыхленне глебы трактарам – паведамляе раённая газета “Голас Касцюкоўшчыны”.
Паводле слоў старшага оперупаўнаважанага аддзялення крымінальнага вышуку Аляксандра Гракава, дзікарослыя каноплі няпроста вывесці з тых зямель, якія належным чынам не апрацоўваюцца. Таксама ён адзначыў, што каноплі і мак у перыяд іх паспявання з’яўляюцца наркатычным сродкам. Значыць, крымінальная адказнасць за захоўванне, перавозку і збыт у летні перыяд надыходзіць у поўнай меры.
Фота: “Голас Касцюкоўшчыны”.
Блізкія Івана Чыгрынава абвясцілі збор сродкаў на выданне твораў пісьменніка
Дачка народнага пісьменніка Беларусі, Ганаровага грамадзяніна горада Касцюковічы Івана Гаўрылавіча Чыгрынава звярнулася да землякоў за дапамогай у выданні збора твораў бацькі.
21 снежня 2024 года споўніцца дзевяноста год з дня нараджэння Івана Гаўрылавіча і да гэтага часу сям’я пісьменніка (жонка i дзве дачкі) хоча выдаць у выдавецтве “Тэхналогія” збор твораў славутага творцы ў пяці тамах, у які ўвойдуць усе яго творы. Шмат якія п’есы будуць выдавацца ўпершыню.
Блізкія Чыгрынава звяртаюцца да людзей Касцюкоўшчыны, якія шануюць культуру роднага краю i ўсёй Беларусі за матэрыяльнай дапамогай у выданні збора твораў Івана Чыгрынава. Імёны спонсараў (асобных людзей або прапрыемстваў і арганізацый) будуць надрукаваны на тытульным лісце першага тома збора твораў – паведамляе раённая газета “Голас Касцюкоўшчыны”.
Рэквезіты, па якім можна дапамагчы для выдання твораў нашага славутага земляка:
НВК «Тэхналогія»
Адрас: 220007, г. Мінск, вул. Ляўкова, 19-2Н
р/рахунак: BY42 АКВВ 3012 5240 0180 1000 0000
у ЦБП № 527 ААТ “ААБ “Беларусбанк”
у г. Мінску, код AKBBBY2X
Тэл. факс: +375 17 243-19-40
УНН 100008965 АКПА 05420770
e-mail: technalohija@gmail.com
Фота з адкрытых крыніц
Навальніца ў Касцюковічах – дрэвы паламала напалам, разбіла агароджу
Разам з непрацяглым ліўнем на Касцюковічы абрынуўся ўраганны вецер, які паваліў і паламаў некалькі дрэў па вуліцы Ленінскай.
Ліквідаваць наступствы стыхія выйшлі работнікі жылкамунгаса і неабыякавыя грамадзяне – паведамляе раённая газета “Голас Касцюкоўшчыны”.
Жылыя дамы паваленыя дрэвы не пашкодзілі, а вось бетонную агароджу ў некалькіх месцах вуліцы Ленінскай зачапілі і паламалі.
Фота: “Голас Касцюкоўшчыны”.
У Касцюковічах адзначылі 50-годдзе краязнаўчага музея
Святкаванне юбілея было насычаным: ад мастацкіх выстаў і фотазонаў да цыганскіх песняў і танцаў. Касцюковіцкія чыноўнікі падаравалі музею сертыфікат на 200 рублёў і торт, а былы дырэктар – калекцыю ручнікоў – паведамляе раённая газета “Голас Касцюкоўшчыны”.
Фота: ”Голас Касцюкоўшчыны”