Category: Навіны

Нарадзіла ў ваннай і выкінула – шакуючыя падрабязнасці пра нованароджанаю на казырку дома ў Магілёве

Навіна ад

Жыхарка Магілёва схавала цяжарнасць ад свайго мужа і, паводле яе словаў, збіралася адвезці нованароджаную дачку ў бальніцу, каб адмовіцца ад яе – так яна ўжо рабіла раней. Але па факце – паклала дзяўчынку ў пакет і выкінула з балкона. 

Следчы камітэт апублікаваў падрабязную справаздачу пра шакуючы выпадак, што адбыўся ў Магілёве ў красавіку гэтага года. Нагадаем, у чатыры гадзіны раніцы 17 красавіка на казырку паштовага аддзялення дома №24 па вуліцы Габраўскай было знойдзена нованароджанае дзіця. У той жа дзень знайшлі і маці – 34-гадовую жанчыну, якая ўжо мела трох дзяцей.

Па дадзеных следства, нарадзіўшы даношаную і здаровую дзяўчынку, жанчына загарнула нованароджаную ў аднаразовую пялёнку і два ручнікі, паклала яе ў падвойны пакет разам з неаддзеленым паследам і туга завязала ручкі на вузел. А затым, адчыніўшы акно балкона, скінула ўпакаваны скрутак з дачкой з вышыні не менш як 1,5 метра на прылеглы дах.

Першапачаткова жанчына расказвала следчаму, што не падазравала аб сваёй цяжарнасці і толькі пасля псіхолага-псіхіятрычнай экспертызы стала відавочна, што жанчына ўжо на ранніх тэрмінах ведала пра яе. Аднак звяртацца ў жаночую кансультацыю для пастаноўкі на ўлік па цяжарнасці яна не стала, вырашыўшы, што народзіць самастойна, а затым адмовіцца ад дзіцяці, як рабіла ўжо некалькі гадоў таму, калі цяжарнасць аказалася непажаданай.

Ад мужа цяжарнасць яна таксама схавала, бо ведала, што той будзе супраць адмовы ад дзіцяці. Каб у мужа не ўзнікала пытанняў наконт яе цяжарнасці, жанчына сказала, што ў яе ўрачы выявілі дабраякасную пухліну, для выдалення якой ёй давядзецца легчы ў бальніцу.

Уначы 17 красавіка жанчына самастойна нарадзіла ў ванным пакоі здаровую дзяўчынку. Муж і дзеці спалі.

Падчас допытаў жанчына расказала следчаму, што пакуль усе спяць, яна разлічвала на таксі адвезці нованароджаную ў бальніцу, дзе збіралася ад яе адмовіцца. А каб сваім плачам дзяўчынка не разбудзіла блізкіх, жанчына выставіла яе за вакно.

Згодна з заключэннем стацыянарнай псіхолага-псіхіятрычнай экспертызы жанчына знаходзілася ў сваім розуме.

Фота: Следчы камітэт

Паход у краму для жыхаркі Крычава скончыўся накладаннем гіпсу на нагу

Навіна ад

Непрыбраная яма каля крамы прывёў на няшчаснага выпадку — моцнага расцяжэння з накладаннем гіпса. Неўпарадкаваныя падыходы і разваленыя прыступкі ў Крычаве нерэдкасць.

Каля ўваходу ў краму «Ласунак», якая размешчана на адрасе мікрараён Камсамольскай, 1, утварылася вялікая яма. Мая дачка там спатыкнулася і атрымала моцнае расцяжэнне звязкаў, наклалі гіпс, атрымалі бальнічны. Вось такі нечаканы і непрыемны вынік паходу ў краму.

Мясцовыя жыхары звярнулася да прадаўцоў з просьбай паведаміць уладальніку прадуктовай крамы аб праблеме, каб той ухіліў небяспечны падыход да гандлёвага аб’екта. Аднак апісаная праблема пакуль што не вырашана — паведамляе раённая газета “Крычаўскае жыццё”.

Гэта ўжо не першы выпадак у Крычаве з неўпарадкаванымі падыходамі ла гандлёвых аб’ектаў. Раней mogilev media ужо пісалі пра прыступкі друхпавярховага будынка з вялікай колькасцю крамаў, якія рассыпаліся на вачах. Будынак, дарэчы, таксама знаходзіўся ў цэнтры горада, на тэрыторыі мікрараёна Камсамольскі.

Фота “Крычаўскае жыццё”

Да крыніцы ў Крычаўскім раёне людзі пачалі звозіць смецце, а купелю засмецілі бычкамі і фанцікамі

Навіна ад

Прайшоў усяго месяц, як у вёсцы Нізкі Крычаўскага раёна каля крыніцы правялі абрадавае свята ў гонар прарока Іллі і дзень вёскі, а ўжо прыроднае месца аказалася засмечаным. Крычаўскія ўлады абураны і здзіўлены засмечваннем купелі і вакольнай тэрыторыі каля крыніцы.

Людзі наведваюцца да крыніцы не толькі ў час рэлігійных святаў, але і ў звычайныя дні. Але далёка не кожны з добрымі намерамі прыходзіць да воднага аб’екта, які быў асвечаны праваслаўнай царквой яшчэ напачатку 2021 года. 

Нядбайныя людзі панадзіліся сюды, на крыніцу, смецце вывозіць. Несанкцыянаваныя звалкі сельсавет прыбірае, але выглядае гэта сумна. У самой купелі поўна цыгарэтных бычкоў і фанцікаў, але вось гэта яшчэ паўбяды, а вось пакеты з бытавым смеццем ужо значна сур’ёзней. Накіданае смецца, якое разлагаецца – гэта не толькі пытанне эстэтыкі, а яшчэ і экалогіі, бо ўсе шкодныя рэчывы праз глебу пойдуць у ваду –  паведамляе раённая газета “Крычаўскае жыццё”.  

Ад рэдацыі. Праблема не толькі ў неахайнасці людзей, якія засмечваць крыніцу і купелю, але і ў тым, што мясцовая ўлада пафасна адкрывала і асвечвала крыніцу паўтары гады таму. Пры гэтым мала ўлічваліся народныя традыцыі ў сферы ўшанавання воднага аб’екта ў Нізках: прылеглую тэрыторыю да крыніцы залілі бетонам, паклалі плітку. Такое ўпарадкаванне крыніцы ўплывае на экалогію не менш за засмечванне воднага аб’екта людзьмі. У гэтым таксама ёсць адна з прычынаў абыякавага (і нават грэблівага) стаўлення да крыніцы.   

Фота з адкрытых крыніц

У Магілёве пройдуць спаборніцтвы яркага аўтаспорта “Джымхана батл” – відэа

Навіна ад

“Джымхана” – гэта разнавіднасць аўтаспорта, якая была прыдуманая ў Японіі. “Джымхана” адрозніваецца складанымі трасамі і экстрэмальнымі ўмовамі – цяжкую трасу неабходна праехаць за максімальна кароткі час.

 

Посмотреть эту публикацию в Instagram

 

Публикация от Навіны Магілёўскага рэгіёну (@mogilev.media)

У 2023 годзе ў Беларусі прайшло ўжо два этапы Кубка па “Джымхане” – «ADT Gymkhana Battle», у Мінску і Слуцку. Трэці этап Кубка пройдзе ў Магілёве ў суботу 26 жніўня.

Спаборніцтвы пройдуць на Пушкінскім праспекце, пагэтаму частка гэтай цэнтральнай вуліцы будзе перакрытая для аўтатранспарта. Праспект будзе перакрыты пачынаючы з 10.00. З гэтага часу пачнуцца падрыхтоўчыя працы – размяшчэнне аўтадылераў, рэтра аўтамабіляў, байкераў.

У 13.00 намечаны аўтапрабег удзельнікаў спаборніцтваў і аўтадылераў у суправаджэнні байкераў і ДАІ па горадзе. З 13.30 да 15.00 пройдуць кваліфікацыйныя заезды на пляцоўцы перад ДК вобласці.

Узнагароджанне адбудзецца на сцэне каля Палаца ў 19.00. Для гледачоў прадугледжаны партэр на 500 месцаў – паведамляе тэлеграм-канал Магілёў – мой горад!”.

Фота: adt.by

У магілеўчанкі скралі дарагі ровар

Навіна ад

У жыхаркі Магілёва быў выкрадзены ровар у фае аднаго з інтэрнатаў – паведамляе прэс-служба УУС.

Сышчыкі высветлілі, што на ровары з’ехаў нецвярозы 40-гадовы рабочы аднаго з прадпрыемстваў горада, раней ужо неаднаразова судзімы за крадзяжы і рабаванні. Праз некаторы час ён зламаў чужую маёмасць, упаўшы з яе, а пасля схаваў ровар у кустах, спадзеючыся пазней вярнуцца за ім і перапрадаць.

Цяпер выкрадзенае вернута ўладальніцы, у дачыненні да фігуранта ўзбуджана крымінальная справа.

Фота: УУС

На Магілёўшчыне за выходныя патанулі яшчэ 2 чалавекі

Навіна ад

16 жніўня ў Дняпры каля в. Паляшчыцы Горацкага раёна патануў 22-гадовы жыхар Горак. Ягонае цела знайшлі толькі 20 жніўня – паведамляе МНС.

У в. Падлужжа Кіраўскага раёна на Чыгірынскім вадасховішчы нырнуў мужчына і больш на паверхні вады не з’яўляўся. Праз 2 гадзіны пошукаў работнікамі МНС было знойдзена  цена жыхара Расійскай Федэрацыі 1961 г.н.

Яшчэ два мужчыны патанулі ў рацэ Свіслач у Асіповіцкім раёне – пра гэта мы пісалі раней.

Фота: МНС

Пачаўся сезон палявання на лася, аленя і лань

Навіна ад

Ад 20 жніўня і да канца верасня на Беларусі дазволена паляваць на адну з самых папулярных дзічын – ласёў, аленяў, лань, паведамляе Дзяржаўная інспекцыя аховы жывёльнага і расліннага свету. Дазволена здабываць дарослых самцоў, у тым ліку трафейнай якасці, а таксама селекцыйных жывёл без уліку полу і ўзросту.

Таксама паведамляецца, што паляванне прымеркавана да пачатку перыяду размнажэння аленевых, калі ў іх пачынаецца гон. Такое паляванне праводзіцца, як правіла, з прынаджваннем самцоў на вабу. Падчас такога палявання ўдзельнічаюць прафесійныя вабільшчыкі, якія пры дапамозе спецыяльнай прылады – вабы – імітуюць роў жывёлы, каб прывабіць яго бліжэй да паляўнічых. Вабіць – значыць клікаць звера яго голасам.

Фота з адкрытых крыніц

Падлетак у Шклове стукнуўся аб машыну, а кіроўца папрасіў яго нікому не гаварыць, з’ехаў і напіўся

Навіна ад

Днём 19 жніўня на вуліцы 70 гадоў Вялікай Перамогі ў Шклове 14-гадовы веласіпедыст, заязджаючы ў дварую тэрыторыю, урэзаўся ў заднюю частку аўтамабіля ГАЗ, што рухаўся. Кіроўца машыны папрасіў хлопчыка нікому не казаць пра здарэнне і з’ехаў. Дзіцёнак, аднак, расказаў пра сутыкненне маці, а дактары дыягнаставалі ў яго пералом рукі – паведамляе прэс-служба УУС аблвыканкама.

Кіроўца быў аператыўна затрыманы, і ўжо паспеў выпіць алкаголь, па яго словах – пасля аварыі і да затрымання. На яго складзеныя пратаколы за пакіданне месца аварыі і за ўжыванне спіртнога пасля дарожна-транспартнага здарэння.

Фота: УУС

Пад Мсціславам журналісты знайшлі альтэрнатыву лавандавым палям для фотасесій

Навіна ад

Карэспандэнты Onliner прызналіся, што ўжо стаміліся кожны год бачыць адны і тыя ж лакацыі для эстэцкіх фотасесій – лавандавыя палі, саланечнікавыя зараснікі або цюкі саломы. І ў якасці годнай альтэрнатывы прапанавалі поле канюшыны каля аграгарадка Капачы пад Мсціславам.

Поле, пакрытае дываном з канюшыны знаходзіцца каля трасы Р-96 па дарозе на Мсціслаў.

Фота: Onliner

Адразу двое патанулі ў Свіслачы пад Асіповічамі

Навіна ад

Два мужчыны аднаго ўзросту – 1982 года нараджэння абодва – патанулі ў рацэ Свіслач у Асіповіцкім раёне 19 жніўня, паведамляе прэс-служба МНС. Цела аднаго мужчыны было выяўлена днём каля аграгарадка Свіслач, цела другога было знойдзена пад вечар у раёне аграгарадка Ліпень.

Фота з адкрытых крыніц