Расліна-паразіт пачала трывожыць жыхароў Магілёўшчыны, але стоп – яна ў Чырвонай кнізе

Амяла пакуль амаль не сустракаецца ў Магілёўскім рэгіёне, але з паступовым пацяпленнем клімата яна становіцца ўсё бліжэй.

Continue reading “Расліна-паразіт пачала трывожыць жыхароў Магілёўшчыны, але стоп – яна ў Чырвонай кнізе”

Пад Асіповічамі стварылі сховішча для ядзернай зброі – сцвярджаюць амерыканскія даследчыкі

Даследчыкі з Федэрацыі амерыканскіх навукоўцаў (Federation of American scientists, FAS) выявілі ператварэнне аднаго з дэпо на Магілёўшчыне пад магчымую базу для захоўвання ядзерай зброі.

Continue reading “Пад Асіповічамі стварылі сховішча для ядзернай зброі – сцвярджаюць амерыканскія даследчыкі”

Прыкаваны да пасцелі пенсіянер загінуў на пажары ў Асіповічах – замкнула электрычную грэлку

Вечарам 2 сакавіка ў Асіповічах на пажары загінуў 75-гадовы мужчына. Пасля хваробы ён быў прыкаваны да пасцелі і жыў адзін, догляд за пенсіянерам ажыццяўлялі мясцовая жыхарка, суседзі і дочкі ахвяры. Паводле папярэдніх дадзеных, прычынай пажару стала замыканне электрычнай грэлкі, якой часта карыстаўся мужчына – паведамляе газета “Асіповіцкі край”.

Фота: “Асіповіцкі край”

Пад Асіповічамі насмерць збілі жанчыну – пераходзіла трасу без флікераў

Раніцай 29 лютага каля 7:00 на трасе Мінск-Гомель кіроўца аўтамабіля Ford не заўважыў жанчыну, што пераходзіла дарогу ў неабсталяваным для гэтага месцы. Паведамляецца таксама, што на жанчыне не было флікераў. 55-гадовая жыхарка Асіповіцкага раёна загінула на месцы.

Фота: ДАІ

У прытулку пад Асіповічамі ратуюць лебедзяў – адзін умерз у лёд, у другога адмовілі лапы

Трох лебедзяў з-пад Мінска перавезлі на лячэнне ў прыватны прытулак у Асіповіцкім раёне. Пра двух хворых лебедзяў на водасховішчы Дразды паведамілі мясцовыя жыхары. Калі выратавальнікі вызвалілі іх з ледзянога палону, аказалася, што ў аднаго пашкоджана шыя, а ў другога не дзейнічаюць лапы. Прычыну таго, што лебедзі не паляцелі ў вырай, спецыялісты звязваюць з чалавечым фактарам. Мінакі часта кормяць лебедзяў хлебам, з-за чаго птушкі тлусцеюць і не могуць падняцца ў паветра. 

Яшчэ аднаго лебедзя ў крытычным стане заўважылі на вадасховішчы каля санаторыя “Беларусачка”. Ён умёрз у лёд і так аслабеў, што не мог рухацца. Для выратавання выкарыстоўвалася судна “Марс” на паветранай падушцы. Спецыялісты выратавальнай станцыі разбівалі лёд вакол птушкі, а потым за ёй у ваду спускаўся вадалаз – расказвае газета “Асіповіцкі край”. У страваводзе лебедзя знайшлі рыбалоўны кручок з грузікам.

Усіх трох выратаваных лебедзяў адвезлі ў прыватны прытулак пад Асіповічамі, які спецыялізуецца на дапамозе птушкам. Тут лебедзяў выходжваюць. Першага пацярпелага з вадасховішча Дразды туды даставілі яшчэ ў 2021 годзе – у яго было некалькі пераломаў шыі.

Фота: БелТА

Асіповіцкі доктар перавёў грошы махлярам, якія прадставіліся галоўным урачом і начальнікам з вобласці

Жыхара Асіповіч аферысты надурылі на 3000 рублёў. У ход пайшлі актуальныя тэмы – “дапамога Украіне”, страх перад начальствам.

Continue reading “Асіповіцкі доктар перавёў грошы махлярам, якія прадставіліся галоўным урачом і начальнікам з вобласці”

Казулі, зубры – паглядзіце, якую прыгажосць сустракаюць каля вёскі пад Асіповічамі

Ледзь не кожны тыдзень жыхары Асіповіцкага раёна сустракаюць каля вёскі Вяззе дзікіх жывёл, што наважваюцца падыйсці блізка да чалавечага жытла. Так, 19 студзеня падпісчыкі тэлеграм-канала “Асіповічы-інфо” падзяліліся відэа з парай казуль, якія беглі ад кавярні “Транзіт” у бок вёскі.

А ўжо ў мінулую суботу ў ваколіцах вёсцы Вяззе мясцовыя жыхары знялі прыгажуна-зубра.

Фота і відэа: “Асіповічы-інфо”

Трудовик, физик и математик “делились” с директором премиями

Бывшего директора школы в Осиповичском района судили за коррупцию в России. Суду Невского района Санкт-Петербурга пришлось адаптировать российское законодательство к статье белорусского Уголовного кодекса из-за того, что у подсудимого оказалось российское гражданство, сообщает объединенная пресс-служба судов Санкт-Петербурга.

Continue reading “Трудовик, физик и математик “делились” с директором премиями”

Кіраўнік будаўнічай фірмы знайшоў чужую закладку і сеў з ёй на шэсць гадоў

На аўтазапраўцы пад Асіповічамі быў затрыманы 31-гадовы жыхар Гомельскай вобласці з пакункам марыхуаны. Працуючы генеральным дырэктарам будаўнічай арганізацыі на тэрыторыі Расіі, аднойчы на адной з АЗС ён заўважыў мужчыну, які стаяў каля дрэва і нешта фатаграфаваў. Дачакаўшыся пакуль незнаёмец сыдзе, генеральны дырэктар падыйшоў да таго месца і знайшоў два пакункі, пераматаных скотчам і ізалентай. Як потым высветлілася, у пакунках было каля 200 грамаў марыхуаны.

Жыхар Гомельшчыны здагадаўся, што ён знайшоў, і забраў наркотыкі сабе. Спачатку хаваў марыхуану ў сябе дома ў Расіі, але пасля таго, як яго дама сэрца зладзіла скандал, знайшоўшы пакункі, перахаваў наркотыкі на працы. Потым вырашыў адвезці іх у бацькоўскі дом у Светлагорску. Па дарозе туды яго і затрымала міліцыя.

Цяпер мужчына асуджаны па двух артыкулах Крымінальнага кодэкса – перавозка праз мяжу, транспаруціроўка і захоўванне наркатычных рэчываў – да шасці гадоў пазбаўлення волі, пішуць “Магілёўскія ведамасці”.

Фота ілюстрацыйнае

Магілёўскі футбольны клуб “Днепр” вярнуўся ў Вышэйшую лігу

“Пасля такога матча хочацца закрыцца ў нумары і проста пасядзець” – выказаўся пра пераможную гульню форвард магілёўскай каманды.

Футбольны клуб “Днепр” перамог “Асіповічы” ў заключным, 34-м туры Першай лігі Чэмпіяната Беларусі па футболе і заваяваў месца ў Вышэйшай лізе на наступны сезон – паведамляе прэс-служба каманды. “Днепр” заняў выніковае другое месца ў розыгрышы, саступіўшы дзяржынскаму “Арсеналу” восем балаў, і атрымаў прамую пуцёўку ў элітны дывізіён.

У спіну магілёўскай каманды “дыхаў” Віцебск, з якім “Днепр” набраў аднолькавую колькасць балаў. Адзіны гол у пераможнай, фінальнай гульні з “Асіповічамі” забіў форвард Юрый Клачкоў (на фота). Вось як ён пракаментаваў гульню і фінал Першай лігі.

“Шчыра кажучы, пасля такога матчу хочацца закрыцца ў нумары і проста пасядзець. Бо мы агідна правялі матч. Гэта змазала агульныя ўражанні і эмоцыі наконт выхаду ў Вышэйшую лігу. У прынцыпе, я ўпершыню ў жыцці з камандай выконваю задачу. Да гэтага ў мяне такога не было. Таму ў мяне змешаныя эмоцыі. Я быццам і нічога не адчуваю, бо я ніколі раней не перажываў такога.

На нас ляжаў вялікі цяжар адказнасці, бо «Віцебск» дыхаў нам у спіну. Таму ў апошніх матчах прысутнічала нервовасць. Гэта нас скоўвала, усё ж у нас вельмі маладая каманда. У нас па сутнасці на полі было тры футбалісты старэйшыя за 2000 год нараджэння. Таму апошнія гульні нам і даліся цяжка. Самае галоўнае, што мы выйшлі і выйгралі. Так – на жылах, так – сціснуўшы зубы, але гэта матч за выхад у Вышэйшую лігу. Я лічу, што мы заслужана выйшлі ў Вышэйшую лігу! А «Віцебску» я пажадаю поспехаў у стыкавых матчах, мы чакаем іх у Вышэйшай лізе.”

Фота: fc-dnepr.by