Category: Здарэнні

Рэпрэсіі і ціск міліцыі давялі жыхарку Пінска да самазабойства

Навіна ад

Учора 60-гадовая жыхарка пінскага раёна Святлана Круцікава кінулася пад цягнік, не вытрымаўшы ціску з боку сілавікоў – піша Dissidentby.  Жанчыну шмат разоў судзілі за “экстрэмізм”, яна неаднаразова падвяргалася арышту, а апошні суд праходзіў каля месяца таму – за “распаўсюд экстрэмісцкіх матэрыялаў”.

Па меркаванні знаёмых жанчыны, яна не вытрымала вобшукаў, пазбаўлення волі, праверак і рэгулярнага псіхалагічнага ціску з боку міліцыі. 10 снежня Святлана Круцікава кінулася пад цягнік, і, як адзначае выданне, іншых абставінаў для такога ўчынку ў жанчыны быць не магло – яна была вельмі актыўнай і жыццярадаснай.

Міліцыя аспрэчвае, што іх супрацоўнік кіраваў бандай рабаўнікоў фур

Навіна ад

У траўні гэтага года выданне “Наша ніва” выпусціла сенсацыйны матэрыял аб тым, што арганізатарам банды рабаўнікоў фур аказаўся супрацоўнік крымінальнага вышуку Докшыцкага РАУС Міхаіл Згірскі. Рабаўнікі займаліся абкраданнем фур, якія спыняліся на адпачынак на трасах у Брэсцкай, Магілёўскай, Мінскай і Гомельскай абласцях – пісалі mogilev.media. На “справу” выязджалі па начах, выкарыстоўвалі балаклавы і радыёстанцыі. Пакуль вадзіцель спаў у кабіне фуры, яны ўзломвалі замок грузавога адсека і запаўнялі свой мікрааўтобус таварам: ад тэхнікі да прадуктаў харчавання, акрамя таго, злівалі паліва з бакаў.

Цяпер жа інфармацыйныя рэсурсы Міністэрства унутраных спраў выступілі з заявай, што інфармацыя пра датычнасць Міхаіла Згірскага да арганізацыі рабаванняў не адпавядае рэчаіснасці. “Экстрэмісцкімі рэсурсамі распаўсюджваецца ілжывая інфармацыя аб удзеле супрацоўніка крымінальнага вышуку Докшыцкага РАУС у здзяйсненні крадзяжоў з грузавога транспарту ў Аршанскім раёне” – піша, у прыватнасці, тэлеграм-канал “Міліцыя Магілёўшчыны”.

Паводле інфармацыі, атрыманай ад крыніц выдання “Наша ніва”, Згірскі не толькі даводзіў удзельнікам банды інфармацыю пра ход расследаванняў крымінальных спраў па здзейсненых эпізодах і прымаў удзел у планаванні рабаванняў, але і сам удзельнічаў у гэтых налётах. Кіраўніцтва МУС рашуча абвергла гэту інфармацыю і заявіла, што Згірскі быў абвінавачаны па іншай справе. 

«Супрацоўнік крымінальнага вышуку Докшыцкага РАУС Міхаіл Згірскі і яго саўдзельнік затрыманыя ў маі бягучага года за здзяйсненне махлярства і вымагальніцтва ў дачыненні да мінчаніна, які, на думку зламыснікаў, займаўся незаконнымі здзелкамі з крыптаваютай. Згірскі і яго саўдзельнік далі прызнальныя паказанні. Судом Нясвіжскага раёна названыя асобы прысуджаныя да пазбаўлення волі» – гаворыцца ў заяве МУС.

“Наша ніва” ў адказ на гэтую заяву заўважае: “Цікава, што канкрэктны тэрмін Згірскаму – 8 гадоў калоніі – МУС не называе. Магчыма, каб не пацвердзіць тое, што «Наша Ніва» насамрэч валодае інфармацыяй.”

Фота: МУС

Начальніка крымінальнай міліцыі Клімавіч затрымалі за хабар

Навіна ад

Аляксандр Кухараў абвінавачваецца ў хабары ў асабліва буйным памеры, яму пагражае ад 5 да 15 гадоў турмы.

Як паведамляе “Наша ніва”, начальніка клімавіцкай крымінальнай міліцыі пачнуць судзіць 9 снежня ў Хоцімску. А яшчэ ў пачатку 2024 года ён атрымліваў з рук міністра Унутраных спраў Кубракова ўзнагароду за ўмелыя і прафесійна граматныя дзеянні, ініцыяву, праяўленыя пры выкананні службовых задач.

Аляксандру Кухараву 44 гады, ён прыйшоў на пасаду ўчастковага ў 2002 годзе, у 2009 атрымаў пасаду аперупаўнаважанага. Працаваў у групе наркакантролю і супрацьдзеяння гандлю людзьмі, дайшоў там да старшага аперупаўнаважанага і атрымаў званне маёра. З 2019 па 2022 працаваў у Крычаве (на фота) начальнікам аддзелення крымінальнага вышуку.

Невядома, калі канкрэтна Кухарава затрымалі. Апошняя публічная згадка яго імені зафіксаваная ў сакавіку 2024 года. Неўзабаве ягонае імя знікла з сайта Клімавіцкага райвыканкама — цяпер месца кіраўніка крымінальнай міліцыі вакантнае.

Аляксандра Кухарава пачынаюць судзіць 9 снежня 2024 года ў Хоцімскім раённым судзе. Гэта звычайная практыка, калі працэсы над раённымі начальнікамі адбываюцца ў суседніх рэгіёнах — каб зменшыць імавернасць карупцыі пры вынясенні прысуду.

Кухарава абвінавачваюць па трэцяй, самай цяжкай, частцы артыкулу 430 КК — «хабар у асабліва буйным памеры або атрыманы асобай, якая займае адказнае становішча». Цяпер Аляксандру Кухараву пагражае ад пяці да пятнаццаці гадоў са штрафам.

Фота: “Крычаўскае жыццё”

На Магілёўшчыне стала менш скаціны і больш свінняў

Навіна ад

Прычым масава гібее, верагодна, маладняк. А вось афрыканская чума свіней, як выглядае, абыходзіць наш рэгіён стараной.

Дзівосы афіцыйнай статыстыкі выявіла і пракаментавала выданне Thinktanks. Абапіраючыся на даныя Белстата, рэсурс падсумаваў, што ў некаторых рэгіёнах нашай краіны адбыўся масавы падзёж скаціны. Так, у Валожынскім раёне зусім не засталося свінняў – тут пагалоўе скарацілася на 70 тысяч галоў. Гэтаксама церпяць ад масавага скарачэння колькасці гэтых жывёл некаторыя раёны Мінскай і Гомельскай абласцей. 

На Магілёўшчыне, наадварот, пагалоўе свінняў вырасла на 10,4%. У гэты самы час, для параўнання, на Міншчыне яно скарацілася на 22,5%, а на Гомельшчыне аж на 26%. Усяго па Беларусі назіраюцца страты ў 238 тысяч галоў, гэта 10% ад агульнай колькасці. Найбольш верагоднай прычынай такіх страт называюць афрыканскую чуму свінняў.

Адначасова, на Магілёўшчыне назіраецца рэзкае скарачэнне буйной рагатай жывёлы, прычым гэта зусім не каровы. Усяго па Беларусі пагалоўе рагуляў скарацілася на 115,2 тысяч галоў, але пры гэтым толькі каля 12 тысяч з гэтай колькасці склалі каровы. Хто ж тады астатнія? Аналітыкі дапускаюць, што хутчэй за ўсё – маладняк. І гэта трывожны званочак для сельскай гаспадаркі, бо такая тэндэнцыя падрывае рэпрадукцыйныя магчымасці гаспадарак.

Найбольшыя страты буйной рагатай жывёлы ў краіне назіраюцца ў трох раёнах Магілёўшчыны – Мсціслаўскім (-19,9%), Клімавіцкім (-11,5%) і Дрыбінскім (-11,3%).

Фота ілюстрацыйнае

Вынеслі прысуд жанчыне, што зладзіла п’яную аварыю з трыма ахвярамі пад Магілёвам

Навіна ад

Недалёка ад Магілёва, на павароце каля санаторыя “Сосны” вечарам 13 ліпеня адбылася жахлівая аварыя. Аўтамабіль Volkswagen на шалёнай хуткасці здзяйсняў абгон неўзіраючы на сустрэчныя машыны, потым згубіў кіраванне і сутыкнуўся з аўтамабілем Audi. На апошніх кадрах відэа гэтай аварыі можна заўвжыць, што ад удару Volkswagen разарвала на часткі – па ўзбочыне коціцца задні мост і багажнік.

У выніку аварыі загінулі тры чалавекі – муж і 5-гадовы сын жанчыны, што знаходзілася за стырном, а таксама 18-гадовы пасажыр сустрэчнай машыны. Хіміка-таксікалагічная экспертыза паказала наяўнасць у жанчыны ў крыві больш за 2 праміле алкаголю. Аднак, на судовым паседжанні яна віну ў здзяйсненні злачынства не прызнала і адмаўляла факт таго, што была п’яная – паведамілі ў прэс-службе суда.

Суд прызнаў жыхарку абласнога цэнтра вінаватай па ч. 5 ст. 317 КК (Парушэнне правілаў дарожнага руху асобай, якая кіруе транспартным сродкам у стане алкагольнага ап’янення, што пацягнула па неасцярожнасці смерць дзвюх і больш асоб) і прыгаварыў да сямі гадоў пазбаўлення волі ў папраўчай калоніі ва ўмовах пасялення з пазбаўленнем права займацца дзейнасцю, звязанай з кіраваннем транспартнымі сродкамі, на 8 гадоў.

Таксама суд пастанавіў спагнаць з уладальніцы транспартнага сродку на карысць пацярпелых у лік матэрыяльнай кампенсацыі маральнай шкоды грашовыя сродкі на агульную суму 50 000 рублёў.

Фота: Судовыя экспертызы

Маршрутчыка ў Горках злавілі з 1,6 праміле

Навіна ад

Кіроўца маршруткі “Горкі-Орша” аказаўся п’яным за рулём і з пасажырамі. 

37-гадовага мужчыну спыніў патруль ДАІ ў Горках – паведамляе прэс-служба УУС Магілёўскага аблвыканкама. Пасля праверкі высветлілася, што ўзровень алкаголю ў яго крыві складае 1,6 праміле, што прыкладна адпавядае выпітай бутэльцы гарэлкі. У момант затрымання кіроўца ажыццяўляў перавозку пасажыраў па маршруце “Горкі-Орша”. Цяпер ён будзе пазбаўлены правоў на пяць гадоў і павінен будзе заплаціць вялікі штраф.

Фота: ДАІ, скрыншот

Быховского подростка судили перед одноклассниками и учителями

Навіна ад

Пять лет назад похожая борьба с правонарушениями среди подростков в Быхове привела к самоубийству.

На спортивной площадке в Быхове местный подросток увидел рюкзак, украл из него 180 рублей и «засветился» на камерах видеонаблюдения, сообщает районная газета «Маяк Прыдняпроўя». Судили парня в СШ №3, школе, где он учился до отправки в специальное учебно-воспитательное учреждение.

Теперь бывший ученик вернулся в свою альма-матер уже в качестве обвиняемого.

Несовершеннолетний воспитывается в многодетной, неблагополучной семье и не раз попадал в поле зрения местной комиссии по делам несовершеннолетних, которой “проводилась соответствующая профилактическая работа”. Рассмотрев уголовное дело суд вынес подростку предупреждение, а обвиняемый в последнем слове заявил, что все понял и сделает для себя выводы.

Остается лишь напомнить, что в результате очень похожей “профилактической работы” быховских борцов за предотвращение правонарушений среди подростков, один из них повесился на пожарной лестнице Центра культуры в феврале 2019 года.

Тогда директор гимназии, где учился самоубийца, отказывалась что-либо говорить о происшедшем, в отделе образования Быховского райисполкома также воздержались от комментариев, а в следственном комитете ссылались на эффект Вертера и осенне-весеннее обострение.

Несмотря на факты, свидетельствующие о доведении парня до самоубийства, “эффект Быхова” сработал и никто из прямых виновников ЧП наказания не понес.

Открытое слушание уголовного дела, о котором идет речь, по мнению его инициаторов, должно стать “важным уроком не только для обвиняемого, но и для молодежи, которая наблюдала за судебным процессом”.

Но это – в теории. На практике, как показывает опыт, все может закончиться куда как печальнее.

Фото: «Маяк Прыдняпроўя».

Жыхар Шклова выкарыстаў Магілёў як кармавую базу

Навіна ад

Без грошай у кішэні, але з жаданнем выпіць і закусіць, 24-гадовы жыхар Шклова прыехаў у Магілёў і прыдумаў самы просты спосаб заробку. Ён стаў хадзіць па незачыненым пад’ездам горада і забіаць з іх ровары, якія потым прадаваў іншым асобам. Усяго ад дзеянняў мужчыны пацярпелі некалькі магілёўцаў – паведамляе прэс-служба УУС аблвыканкама.  Супраць юнага крымінальнага талента ўзбуджана справа.

Фота ілюстрацыйнае.

Пажар у Магілёве – сям’я паспела пакінуць дом, але старэйшы сын застаўся ўнутры

Навіна ад

Ноччу 30 лістапада ў Магілёве на вуліцы Грышына адбыўся пажар у прыватным доме. Гаспадар будынка, яго жонка і малодшы сын паспелі выйсці на вуліцу і выклікаць ратавальнікаў – паведамляе прэс-служба МНС. Старэйшы сын, аднак, застаўся ў доме. Цела мужчыны 1976 года нараджэння было выяўлена на месцы трагедыі. Паводле папярэдняй версіі, прычынай пажару стала неасцярожнае курэнне.

Фота: МНС

Два пенсіянеры за адзін дзень загінулі на пажарах у Клічаўскім раёне

Навіна ад

Адразу два чалавекі сталі ахвярамі пажараў у Клічаўскім раёне 21 кастрычніка. Раніцай каля 5 гадзін у вёсцы Дубна суседзі заўважылі агонь у хаце пенсіянера 1957 года нараджэння. Калі прыехалі ратавальнікі, мужчына ўжо не падаваў прыкмет жыцця. У вёсцы Усакіна таго ж Клічаўскага раёна позна вечарам, каля 24.00 на пажары загінуў пенсіянер 1958 года нараджэння – паведамляе прэс-служба МНС. Прычыны абодвух пажараў яшчэ высвятляюцца. 

Фота: МНС