Tag: суд
У Мсціслаўле асудзілі былога кіраўніка сельгаспрадпрыемства да васьмі год турмы і буйнога штрафу
У Мсціслаўскім судзе адбылося паседжанне па справе крадзяжу грашовых сродкаў у асабліва буйным памеры. На судзе абвясцілі суворы прысуд былому дырэктару сельгаспрадпрыемства, што наўмысна завалодаў сродкамі адкрытага акцыянернага таварыства.
Як расказаў старшы памочнік пракурора Мсціслаўскага раёна Дзмітрый Шыпіца, падчас судовага следства было ўстаноўлена, што ў перыяд з ліпеня 2022 года па сакавік 2023 года падсудны, злоўжываючы сваім службовым становішчам, забяспечваў складанне падробленых разлікова-плацежных ведамасцей. У сваю чаргу гэта стала падставай для неабгрунтаваных выплат работнікам.
Аднак грошы, якія нібыта належалі на выплату заработнай платы, прэмій і г.д., да работнікаў не даходзілі. Кіраўнік выкарыстаў іх па сваім меркаванні — паведамляе мсціслаўская раённая газета “Святло кастрычніка”.
Прычым за дзевяцімесячны перыяд былы дырэктар сельскагаспадарчага прадпрыемства прысвоіў больш за 140 тысяч рублёў. Нягледзячы на гэта факт, віну ў судовым паседжанні ён не прызнаў.
У выніку абвінавачанаму было прызначана пакаранне ў выглядзе пазбаўлення волі на тэрмін 8 гадоў са штрафам у памеры 400 базавых велічыняў (амаль што 4,5 тысяч даляраў). Акрамя таго яму цягам 5 гадоў забаронена займаць кіруючыя пасады.
Фото “Святло кастрычніка”.
Судили “медвежатников” из Климович
Каждый получил по пять лет ИТК усиленного режима
События, по словам преступников, развивались следующим образом.
В июле один из них услышал о жителе Климович. который собирается покупать квартиру и хранит дома крупную сумму.
За потенциальной жертвой стали следить. Убедившись, что хозяина нет дома, один из злоумышленников спустился по веревке с крыши дома, проник в квартиру через окно и открыл дверь подельнику.
На пару они вынесли из квартиры сейф, который вывезли в лесополосу и вскрыли.
В сейфе оказалось 26 000 долларов. До задержания “медвежатники” успели потратить часть денег, остальные вернули потерпевшему.
Суд приговорил преступников к 5 годам лишения свободы и штрафу в размере 50 базовых величин каждого, сообщается на сайте Генеральной прокуратуры Республики Беларусь.
Вещи, купленные злоумышленниками на похищенные деньги, конфискованы и обращены в доход государства.
Фото носит иллюстративный характер.
Бабруйчанка пашкадавала ў судзе свайго мужчыну і атрымала штраф 1 100 рублёў
Крымінальную справу супраць жыхаркі Бабруйска завялі за ілжэсведчанне ў судзе – паведамляе Генеральная пракуратура.
Жыхарка Бабруйска ў сакавіку гэтага года выступала ў якасці пацярпелай на судовым пасяджэнні. На гэтым пасяджэнні разбіралі справу яе сужыцеля, які пагражаў жанчыне забойствам. На папярэдніх допытах бабруйчанка давала паказанні, з якіх віна мужчыны была відавочнай, тады як на судзе яна выступіла ў абарону сужыцеля і заявіла, што ніякіх злачынных дзеянняў супраць яе ён не здзяйсняў. Супярэчнасць у паказаннях была тут жа ўстаноўленая ў зале суда, пасля чаго на жанчыну была заведзеная крымінальная справа па артыкуле 401 ч. 1 Крымінальнага кодэкса Рэспублікі Беларусь.
Падчас разгляду справы ў судзе абвінавачаная не зьявілася на першае судовае паседжаньне. У выніку суд аб’явіў абвінавачаную ў вышук і прымяніў да яе стражэйшую меру стрымання ў выглядзе ўзяцця пад варту. На чарговае судовае паседжанне яна была дастаўленая канвоем са следчага ізалятара.
Падчас судовага разбору жанчына прызнала віну і раскаялася. Яна расказала, што ілжывыя паказанні ў якасці абвінавачанай дала з-за жалю да свайго сужыцеля. Ёй прызначалі пакаранне ў выглядзе штрафу ў памеры 30 базавых велічынь – 1 110 рублёў.
Фота ілюстрацыйнае
Быховчанин соврал, что ему угрожали убийством и получил 50 базовых
С частью первой статьи 400 Уголовного Кодекса РБ шутить не рекомендуется
Семейные разборки привели к тому, что житель Быхова написал заявление в РОВД о том, что член семьи угрожает ему убийством. Заявителя, чин по чину, предупредили об ответственности за заведомо ложный донос, но тот предупреждениям не внял.
В итоге сотрудниками РОВД была проведена проверка, в ходе которой выяснилось, что обвинение все-таки ложное. К делу подключилась прокуратура, а на днях состоялся суд.
Несмотря на то, что вину свою быховчанин так и не признал, суд вынес обвинительный вердикт и приговорил мужчину к штрафу в размере 50-ти базовых величин, что на сегодня составляет 1850 белорусских рублей.
Фото из открытых источников
Пад Крычавам мужчыны злавілі шэсць карасей, а штраф атрымаюць да 1100 рублеў
Двое крычаўлян адправіліся на незаконную рыбалку сеткамі. Цяпер ім пагражае штраф ад 10 да 30 базавых велічыняў – менавіта так скончылася рыбалка для мужчынаў.
Рыбакі ажыццяўлялі незаконную здабычу рыбы забароненымі прыладамі рыбалоўства – чатырхстаўнымі лескавымі сеткамі агульнай даўжынёй 210,5 метра на вадаёме зусім недалёка ад Крычава.
На вадаёме паблізу вёскі Калініна з выкарыстаннем надзіманай лодкі незаконна яны здабылі шэсць асобін карася. У выніку незаконнай здабычы рыбы навакольнаму асяроддзю была прычынена шкода ў памеры 6 базавых велічынь. У адносінах да рыбакоў складзеныя пратаколы аб адміністрацыйным правапарушэнні і накіраваны для разгляду ў суд Крычаўскага раёну. Ім пагражае накладанне штрафу ў памеры ад 10 да 30 базавых велічыняў з канфіскацыяй прыладаў па здабычы рыбы – паведамляе газета “Крычаўскае жыццё”.
Фота ілюстрацыйнае
100 базавых велічыняў і два гады абмежавання волі – мужчына незаконна лавіў рыбу і ракаў на Чыгірынскім вадасховішчы
У Кіраўскім раёне судзілі маладога магілёўца. Ён незаконна лавіў рыбу і іншых водных жывёл чым прычыніў шкоду ў асабліва буйным памеры.
У красавіку ён быў на Чыгірынскім вадасховішчы і ў забаронены час і тэрміны лавіў з пірса рыбу і ракаў. Усяго злавіў 246 асобін.
Ракаў здабываў з дапамогай 12 ракаловак – 6 з іх былі забароненымі.
Сума шкоды ад гэтай рыбалкі склала больш за 18 тысяч рублёў, з якіх 8 тысяч – гэта жывыя ракі, іх адпусцілі назад у вадаём.
У судзе мужчына сваю віну не прызнаў, шкоду кампенсаваць адмовіўся. У выніку суд прызначыў яму пакаранне ў выглядзе пазбаўлення волі тэрмінам на 2 гады са штрафам у памеры 100 базавых велічыняў (3700 рублёў).
Пры гэтым было вырашана не выконваць пакаранне ў выглядзе пазбаўлення волі, калі на працягу 2 гадоў выпрабавальнага тэрміну ён не здзейсніць новага злачынства, і будзе выконваць ускладзеныя на яго судом абавязкі.
Усе ракалоўкі канфіскаваныя. Акрамя таго суд абавязаў мужчыну ў вольны час адпрацаваць 100 гадзін на грамадска-карысных працах – паведамляе пракуратура Магілёўскай вобласці.
Фота ілюстрацыйнае
Начальніца аддзела ў крычаўскай бальніцы прыпісвала сабе рабочы час, скраўшы амаль 700 рублеў
Загадчык аддзела прававой і кадравай работы крычаўскай раённай бальніцы ўносіла недакладныя звесткі ў табель уліку працоўнага часу, учыніўшы такім чынам крадзеж амаль у 690 рублёў.
Падчас расследавання ўстаноўлена, што жанчына з карыслівых памкненняў, каб завалодаць грашовымі сродкамі, выкарыстоўвала службовыя паўнамоцтвы па складанні графікаў працоўнага часу і табеляў уліку працоўнага часу і з канца студзеня па канец ліпеня 2022 складала графікі і табелі, у якіх пазначала загадзя ілжывыя звесткі аб адпрацаваным ёй працоўным часе.
Такім чынам яна ўчыніла крадзеж на агульную суму 689,7 руб.
А каб схаваць ад супрацоўнікаў міліцыі гэты крадзёж, унесла загадзя ілжывыя звесткі ў загад галоўнага доктара ўстановы аб аб’яўленні ёй працоўных дзён і адгулаў – паведамляе раённая газета “Крычаўскае жыццё”.
Суд пастанавіў прызначыць работніцы раённай бальніцы пакаранне ў выглядзе пазбаўлення волі тэрмінам на 2 гады са штрафам у памеры 50 базавых велічынь і пазбаўленнем права займаць пасады, звязаныя з арганізацыйна-распарадчымі абавязкамі, тэрмінам на 5 год з адтэрміноўкай на адзін год.
Фота ілюстрацыйнае
Сямнаццаць удараў качаргой, а яна прасіла яму дараваць – побытавыя драмы на Крычаўшчыне
Адбылося выязное паседжанне суда Крычаўскага раёна, на якім разглядалася справа аб бытавым гвалце. На ім вынеслі прысуд сямейнаму скандалісту, які збіў сужыцельніцу качаргой.
Абвінавачаны і пацярпелая – сужыцелі з вёскі Іванаўкі Крычаўскага раёна. Ёй 59 год, а яму – 66. Аднак страсці ў пары зашкальваюць, ажно часам да рукапрыкладства. Такі выпадак адбыўся паміж сужыцелямі напярэдадні 8 сакавіка, які пара вырашыла добра адзначыць яшчэ за дзень да наступлення жаночай даты ў календары. З самай раніцы мужчына закупіўся бутэлькамі 0,25 і 0,5 літра гарэлкі. Меншую з бутэлек пара выпіла на дваіх, а другую разам з таварышам, які прыйшоў у госці на дапамогу.
Аднак алкаголь хутка скончыўся, а часу яшчэ было шмат, пагэтаму троіца вырашыла адправіцца да іншага таварыша, захапіўшы папярэдне яшчэ 0,5 літра гарэлкі.
Вяртаючыся ўвечары дамоў сужыцелі, якія былі напатпітку, паспелі моцна рассварыцца, успомніўшы ўсе старыя крыўды. “Напэўна, ён прыраўнаваў мяне да свайго брата” – успамінала потым на судзе жанчына.
Жанчына, якая першай дабралася да дома, зайшла ў яго і зачыніла дзверы. Мужчына крычаў каб яму адчынілі, але жанчына не рэагавала. Праз паўгадзіны ён зламаў дзверы дома. Прайшоўшы па хаце сужыцель спачатку не змог знайсці жанчыну, пакуль не пачуў кашаль з шафы ў заднім пакоі, у якім яна хавалася. Мужчына хацеў дастаць яе з шафы, але тая збегла ў другі пакой.
У рэшце раззлаваны мужчына схапіў качаргу і нанёс ёй сужыцельцы каля 17 удараў па галаве, тулаве, руках і нагах. Гэта доўжылася пару хвілін, пакуль жанчына не ўцякла да суседкі. Тая заўважыла кроў на галаве пацярпелай і выклікалі хуткую. А на наступны дзень абвінавачанага забрала міліцыя. У выніку пабояў пацярпелай наклалі чатыры швы на галаве. Таксама вынікам гвалту сталіся сінякі па ўсім целе жанчыны – паведамляе пра здарэнне раённая газета “Крычаўскае жыццё”.
На судзе жанчына прасіла дараваць сужыцелю, але гэта ўжо не першы зафіксаваны выпадак іх сямейны-побытавых разборак і зваротаў у міліцыю. У выніку ў пары перамір’е, але на мужчыну заведзеная крымінальная справа за наўмыснае прычыненне лёгкіх цялесных пашкоджанняў. Таксама ён павінен будзе заплаціць 40 базавых велічыняў штрафу.
Фота ілюстрацыйнае
26 ліпеня ў гісторыі. Акупацыя Магілёва. З’езд «Бацькаўшчыны». Нарадзіліся эсперанта, выдавец М. Кухта, мовазнавец Зм. Саўка.
1875 год. Нарадзіўся Марцін Кухта (1875-1956).
Друкар, выдавец кніг на беларускай, рускай, польскай і літоўскай мовах.
У 1904 годзе адкрыў у Вільні першую літоўскую друкарню, у 1906 заснаваў друкарню з правам друкавання на еўрапейскіх мовах.
23 лістапада 1906 года надрукаваў першы нумар газеты «Наша ніва». Часта друкаваў яе ў крэдыт, як прыяцель і сімпатык беларускай справы.
Друкаваў творы Ф. Багушэвіча, М. Багдановіча, Якуба Коласа, Цёткі, К. Буйло і іншых. У сваім апошнім вершы М. Багдановіч напісаў: “…Я не самотны, я кніжку маю / З друкарні пана Марціна Кухты”.
1887 год. У Варшаве была надрукавана брашура ўраджэнца Беластока акуліста Людзвіга Заменгофа (1859-1917) пад псеўданімам Эсперанта “Міжнародная мова”.
Упершыню ў свеце жыхары Зямлі даведаліся пра штучную мову “эсперанта” (“надзея”). У якасці прыкладаў у кнізе былі прыведзены тэксты на эсперанта: малітва Ойча наш, урывак з Бібліі, прыклад ліста, арыгінальныя вершы Заменгофа, пераклад верша Г. Гейнэ.
Зараз на эсперанта размаўляюць у свеце каля 2 мільёнаў чалавек.
У Беларусі валодаюць гэтай мовай лічаныя спецыялісты.
1895 год. У сям’і выхадцаў з Беларусі нарадзіўся Янкель Адлер (1895-1949).
Мастак, графік і дызайнер, паэт. Працаваў ў Сербіі, Германіі, Польшчы, Вялікабрытаніі. Нацыстамі яго творчасць аднесена да «Дэгенератыўнага мастацтва».
Вучыўся мастацтву гравёра, працаваў гравёрам ў Бялградзе. У Германіі вучыўся ў «Школе прыкладных мастацтваў», жыў у Лодзі, стаў адным з заснавальнікаў і вядучых жывапісцаў авангарднай групы мастакоў «Малады ідыш», пачаў публікаваць свае вершы.
У 1920 годзе адправіўся ў Германію, дзе быў членам розных колаў мастакоў, членам Рэйнскага мадэрну. Выкладаў у Дзюсельдорфскай акадэміі мастацтваў.
У 1937 годзе стаў адным з мастакоў, чые працы былі выстаўлены ў Мюнхене на выставе «Дэгенератыўнага мастацтва». У тым жа годзе адбылася яго сустрэча з Пікасо. З таго часу стыль малявання Адлер стаў больш манументальным і насычаным колерамі.
У 1940 годзе ўступіў валанцёрам у польскую армію ў Францыі, у яе складзе быў эвакуіраваны ў Шатландыю, пазней дэмабілізаваны па хваробе.
Памёр 25 красавіка 1949 года ў Вялікабрытаніі.
1896 год. Нарадзіўся Уладзімір Варава (1896-1929).
Беларускі пісьменнік і журналіст.
У 1920 годзе працаваў у Жухавіцкім валасным рэўкаме, пасля – у Народным камісарыяце земляробства БССР. Адначасова вучыўся ў Мінскім політэхнікуме.
З 1921 года – у Заходняй Беларусі, удзельнічаў у беларускім нацыянальным руху, друкаваўся ў заходнебеларускай перыёдыцы. Арыштоўваўся польскімі ўладамі.
У 1925 годзе рэдагаваў газету «Жыццё беларуса». Неўзабаве нелегальна перайшоў у БССР. Працаваў намеснікам рэдактара слуцкай акруговай газеты «Вясковы будаўнік». З 1926 года – у Мінскім акруговым зямельным аддзеле. Уваходзіў у аб’яднанне Літаратурна-мастацкая камуна, удзельнічаў у выданні яе часопіса «Росквіт».
Пісаў апавяданні, артыкулы, фельетоны.
Памёр 4 мая 1929 года.
1901 год. Нарадзіўся Дзмітрый Смірноў (1901-1975).
Генерал-лейтэнант, Герой Савецкага Саюза, ганаровы грамадзянін Магілёва (1970).
Скончыў Уладзікаўказскую пяхотную школу, Ваенную акадэмію імя М. Фрунзэ. Перад вайной служыў намеснікам начальніка штаба Забайкальскай ваеннай акругі, у аддзеле Генеральнага штаба РСЧА, у Манголіі і ў Харбіне.
Падчас вайны пайшоў шлях ад намкамбрыга да камандзіра корпуса.
Прымаў удзел у Курскай бітве, у вызваленні левабярэжнай Украіны, Беларусі.
У якасці камандзіра 121-га стралковага корпуса 50-й арміі прарываў абарону суперніка каля Чавус, фарсіраваў Проню, вызваляў Магілёў, Быхаў, Шклоў.
Памёр 17 сакавіка 1975 г. у Маскве.
1931 год. Памёр Міхал Пятроўскі (1889-1931).
Беларускі хрысціянскі дэмакрат, каталіцкі святар.
Прыхільнік беларусізацыі касцёла ў Беларусі, беларускага характару школьніцтва, культурнай і грамадскай дзейнасці. Прамаўляў казанні на беларускай мове.
Пасвячоны ў святары ў 1912 годзе, служыў у Даўгінаве, Шаркаўшчыне, Вільні, Барунах.
З’яўляўся аўтарам пастановы з’езду каталіцкага духавенства Дзісенскага павета, прынятай 6 жніўня 1918 года ў мястэчку Германавічы, у якой выказвалася патрэба ўжывання беларускай мовы ў касцёле ды беларускага характару школьніцтва, культурнай і грамадскай дзейнасці.
У 1922 годзе падчас працы пробашчам у Барунах быў арыштаваны польскімі ўладамі.
Памёр 26 ліпеня 1931 года.
1936 год. Скасавана Магілёўская акруга.
Дзейнічала з 17 ліпеня 1924 года.
Да пачатку 1938 года ўсе раёны БССР падпарадкоўваліся непасрэдна рэспубліканскім органам.
15 студзеня 1938 года створана Магілёўская вобласць.
1941 год. Прынята рашэнне аб вывадзе савецкіх войск з Магілёва.
Скончылася 23-дзённая гераічная абарона Магілёва. Магілёў акупаваны фашысцка-нямецкімі захопнікамі.
Рашэнне аб вывадзе войск з Магілёва было прынята на нарадзе камандзіраў часцей у штабе 61-га стралковага корпуса генерала Ф. Бакуніна ў в. Сухары пад Магілёвам. Акрамя Бакуніна, рашэнне прымалі камандзіры 20-мехкорпуса М. Ведзянееў, 110 дывізіі В. Хлябцоў, 210-й матарызаванай брыгады Пархоменка і 26-й танкавай брыгады Абухоў. Пастаўлена задача выводзіць астатнія сілы з акружэння Магілёва трыма маршрутамі на Мсціслаў-Рослаў.
Да 61-га корпуса далучыліся рэшткі 1 мехдывізіі, 161 стралковай і іншыя часткі 20-й арміі, якія выйшлі з катла пад Оршай. 172 стралковая дывізія Раманава прарывалася самастойна праз лес каля в. Цішоўка.
27 ліпеня камандаванне Заходняга фронту асудзіла дзеянні Ф. Бакуніна, яго абвінавацілі ў тым, што самавольна пакінуў Магілёў.
Аднак выйсці з акружэння 61-іу стралковаму корпусу не ўдалося, практычна поўнасцю была знішчана 110-я стралковая дывізія, поўнасцю разгромлена і 172-я стралковая дывізія.
Вызвалены Магілёў 28 чэрвеня 1944 года. Перад вайной у абласным цэнтры больш за 100 000 жыхароў, 28 жніўня 1941 года, па даным нямецкай адміністрацыі засталося 45 200. На 1 ліпеня 1944 г. у горадзе засталося 10 100 жыхароў. Гітлераўцы стварылі 5 лагераў смерці, уключаючы Грабянёўскі, Лупалаўскі, 341-ы перасыльны, гета на Дубравенцы.
У Магілёве і раёне загінула больш за 70 000 чалавек, каля 30 000 вывезена на працу ў Нямеччыну.
1953 год. Нарадзілася Галіна Крываблоцкая.
Беларуская мастачка. Вучаніца мастака-магілёўца П. Масленікава.
Скончыла Беларускі тэатральна-мастацкі інстытут.
Працавала на Барысаўскім камбінаце прыкладнога мастацтва, у Беларускім каледжы мастацтваў.
Працуе ў галіне дэкаратыўна-прыкладнога мастацтва. Удзельніца мастацкіх выставак.
Яе творы знаходзяцца ў Нацыянальным мастацкім музеі Беларусі, Літаратурным музеі Янкі Купалы, Музеі беларускай культуры ў Гайнаўцы, Палацы культуры г. Бярдзічаў (Украіна), у прыватных зборах у ЗША, Індыі, Германіі і іншых краін свету.
1965 год. Нарадзіўся Зміцер Саўка (1965-2016).
Беларускі мовазнавец. Скончыў БДУ. Браў удзел у моладзевым грамадскім аб’яднанні «Беларуская Майстроўня» (1979-1984).
Выкладаў у Мінскім педагагічным інстытуце замежных моў, працаваў на “Белсат”.
Па запрашэнні Вітаўта Кіпеля вучыўся ў ЗША, занатоўваў успаміны амерыканскіх беларусаў. Аўтар і суаўтар прац «Беларускія слоўнікі й энцыкляпэдыі. Бібліяграфія», «Беларуская цывілізацыя ў Амэрыцы», «Беларускі клясычны правапіс».
Адзін з яго дзядоў паходзіў са Свіслачы Асіповіцкага раёна
Памёр 9 красавіка 2016 года.
1977 год. Нарадзіўся Аляксандр Сыман.
Беларускі біятланіст.
Трохразовы чэмпіён Універсіяды, двухразовы чэмпіён Еўропы, двухразовы чэмпіён свету па летнім біятлоне. Удзельнік Алімпійскіх гульняў 2002, 2006 і 2010 гадоў.
Завяршыў кар’еру вясной 2011 года.
1981 год. Нарадзілася Аксана Чарнякевіч (у дзявоцтве – Бязлепкіна).
Беларуская пісьменніца, літаратуразнаўца, крытык. Кандыдат філалагічных навук.
Скончыла філалагічны факультэт БДУ.
Кірункі навуковай дзейнасці: беларуская літаратура ХІХ-ХХ стагоддзяў, параўнальнае літаратуразнаўства. Даследчыца і аўтар беларускага дэтэктыва. Выкладае беларускую літаратуру на факультэце журналістыкі БДУ.
Лаўрэат прэміі «Залатая літара-2003» за манаграфію «Разам і паасобку: Таварыства „Тутэйшыя“».
1997 год. У Мінску адбыўся 2-гі з’езд беларусаў свету.
Працаваў 26-27 ліпеня (I з’езд праходзіў 8-10 ліпеня 1993). Арганізаваны Згуртаваннем беларусаў свету «Бацькаўшчына».
Апошні VII з’езд беларусаў свету прайшоў 15-16 ліпеня 2017 года. У ім прынялі ўдзел беларусы з 21 краіны. Да працы з’езда далучыліся кіраўнікі дзяржаўных структур Беларусі, у тым ліку міністр замежных справаў У. Макей, прадстаўнікі Міністэрства культуры і Міністэрства інфармацыі.
У чэрвені 2021 года павінен быў прайсці VIII з’езд, але праз распаўсюджванне COVID-19 у Беларусі ён быў перанесены.
24 верасня 2021 года Вярхоўны суд ліквідаваў Згуртаванне беларусаў свету «Бацькаўшчына».
На загалоўным фота: Янкель Адлер. Гандляр рыбай