Самы салодкі рэгіянальны фестываль пройдзе ў гэтую пятніцу ў Чэрыкаве. Тут адсвяткуюць “Дзень варэння”.
Варэнне з кабачкоў, перцаў, бархатцаў і нават з бульбы – такімі незвычайнымі слодычамі могуць пачаставаць на традыцыйным рэгіянальным свяце “Дзень варэння” ў Чэрыкаве. Сёлета свята пройдзе 16 жніўня на пляцоўцы каля раённага Дома культуры.
Звычайна на свяце можна прадэгуставаць самыя разнастайныя разнавіднасці слодычаў, а самыя незвычайныя віды варэння будуць прадстаўлены на пляцоўцы “Салодкае лета ў банцы”. Будзе таксама адбывацца выстава-продаж “Садавінова-ягадны кірмаш”.
Пілотны праект на аграэкасядзібе “Лілея” ў Чэрыкаўскім раёне атрымаў міжнародны грант і цяпер яго вопыт плануюць распаўсюджваць у рэгіёне.
З падтрымкай Праграмы развіцця ад Арганізацыі аб’яднаных нацый на Магілёўшчыне рэалізавана безліч праектаў. У Чэрыкаўскім раёне ажыццявілі шэсць ініцыятыў – гэта workout-пляцоўкі, устаноўленыя на гарадскім стадыёне і возеры, велапаркоўкі і так званы “смарт-куратнік” у аграсядзібе “Лілея” Сяргея Дубяга.
Вопыт разумнага куратніка прыехала вывучаць цэлая дэлегацыя з Быхаўскага, Краснапольскага, Клічаўскага і Слаўгарадскага раёнаў – піша “Веснік Чэрыкаўшчыны”. Прадстаўнікі “Цэнтра інавацыйнага развіцця”, якія курыруюць рэалізацыю грантавых праграм ад ААН, адсочваюць эфектыўнасць гэтага пілотнага праекта.
– Задача была стварыць аўтаматызаваны догляд за курамі. – расказала дырэктар цэнтра Алена Вярбіцкая – Мы сочым за тым, наколькі праект эфектыўны. Трэба сказаць, што дзякуючы аўтаматызацыі, можна падоўжыць і светлавы дзень, калі ён становіцца карацей, і стварыць камфортную цеплыню, калі паніжаецца тэмпература навакольнага асяроддзя.
Ініцыятыву пракаментавала таксама дырэктар Фонду мясцовага развіцця “Старт-Усход” з Краснаполля Наталля Андрэенка:
– Для асабістай падсобнай гаспадаркі і аграсядзіб смарт-куратнік вельмі эфектыўны. Асабліва такі аб’ект будзе карысны тым, хто прыязджае на лецішча раз у тыдзень. Як ідэяй мы зацікавіліся, удакладнілі кошт праекту, яго моцныя і слабыя бакі. Можна ўключыць у праект, мультыпліцыраваць ініцыятыву ў іншыя раёны, паколькі ўсе нашы раёны – сельскагаспадарчыя, ёсць асабістыя падсобныя гаспадаркі. Думаю, што гэта ўстойлівы праект, які будзе надалей паспяхова існаваць не толькі ў Чэрыкаўскім раёне. Трэба расказваць пра гэты праект, магчыма, нехта ў дачным пасёлку або на сваім участку паўторыць гэты вопыт.
Смарт-куратнік, гэта папулярная інавацыя сярод дачнікаў у апошнія гады. Гэта нярэдка самаробнае памяшканне для дробнай хатняй жывёлы, абсталяванае аўтаматызаванымі сістэмамі для ацяплення, асвятлення і кармёжкі. Такі куратнік дазваляе гаспадарам трымаць хатнюю жывёлу на дачным участку, наведваючы яго адзін-два разы на тыдзень.
У чатырох катэгорыях з пяці пераможцамі аказаліся гарады і адзін аграгарадок з Магілёўскага рэгіёна.
29 траўня Савет Міністраў Беларусі абвясціў вынікі рэспубліканскага агляду санітарнага стану і добраўпарадкавання населеных пунктаў Рэспублікі Беларусь. У першай катэгорыі перамогу святкаваў горад Магілёў – піша Нацыянальны прававы інтэрнэт-партал. Па другой катэгорыі першае месца падзялілі паміж сабой Бабруйск і Салігорск. У ліку лепшых па трэцяй катэгорыі самы высокі бал аказаўся ў Чэрыкава.
Сярод населеных пунктаў сельскага тыпу ў шэрагі пераможцаў трапіў аграгарадок Вішоў Бялыніцкага раёна. Даволі нечаканы вынік, калі ўлічыць, што на загалоўным фота мы можам пабачыць, у якім стане знаходзіцца царква святых Пятра і Паўла канца XVIII – пачатку ХІХ стагоддзяў у Вішове.
58-гадовы жыхар Чэрыкава трапіў у лякарню пасля пажару, выкліканым зварачнымі работамі ў гаражы – паведамляе прэс-служба МНС. Мужчына рамантаваў свой “Volkswagen Passat” і ў нейкі момант агонь выйшаў з-пад кантроля. Загарэліся рэчы ў гаражы, полымя хутка перакінулася на дах прыватнага дома. На той момант, калі прыехалі ратавальнікі, жыхар Чэрыкава ўжо знаходзіўся на вуліцы, з апёкамі 3% цела і з атручваннем прадуктамі гарэння. Ён шпіталізаваны.
Чтобы скрыть истинную причину травмы, полученную работником райпо на производстве и собственные просчеты в организации охраны труда, председатель внес заведомо ложные сведения в документы, отправленные в госинспекцию по охране труда, пишет «Redflag.by». Руководитель решил замять официальную документацию по факту произошедшего на предприятии несчастного случая, из-за которого один из работников лишился глаза.
В итоге наказанию подвергся невиновный сотрудник райпо. Однако правда всплыла и фальсификатора все равно удалось вычислить. Суд приговорил его к двум годам лишения свободы с отсрочкой. Горе-руководителя также лишили права занимать руководящие должности на срок пять лет.
Жыхарам вёскі Калодліва Ў Касцюковіцкім раёне рэкамендуюць назапасіцца прадуктамі харчавання, медыкаментамі і балонным газам – яна фактычна адрэзаная ад “вялікай зямлі”.
У рамках рэалізацыі інвестыцыйнага праекта па стварэнню рыбаводнага комплексу па вытворчасці аплодненай ікры вясёлкавай стронгі паблізу г. Чэрыкава 4 снежня 2023 г. Магілёўскім аблвыканкамам прынята рашэнне аб заключэнні інвестыцыйнага дагавора паміж Рэспублікай Беларусь і вытворча-гандлёвым унітарным прадпрыемствам “Рыбгас Палуж”.
Пра гэта паведамілі ў аддзеле эканомікі Чэрыкаўскага райвыканкама. Кошт праекта складзе больш за 30 мільёнаў рублёў.
З’явіліся падрабязнасці сур’ёзнай аварыі на трасе паміж Чавусамі і Чэрыкавам, пра якую сёння раніцай пісалі Магілёў медыя. Сёння каля 9:20 на аўтадарозе Р-122 пры выездзе за межы горада Чавусы ў напрамку Чэрыкава, паводле папярэдняй інфармацыі, кіроўца Fiat не справіўся з кіраваннем. Аўтамабіль занесла, ён выехаў на паласу сустрэчнага руху, дзе сутыкнуўся з рэйсавым аўтобусам МАЗ. Кіроўцы аўтамабіляў Toyota і Lada, якія ехалі за “Фіатам”, не паспелі спыніць свае машыны і таксама сталі ўдзельнікамі аварыі.
Дзве жанчыны – кіроўца і пасажыр аўтамабіля Fiat загінулі на месцы – паведамляе прэс-служба УУС Магілёўскага аблвыканкама.
