Category: Раёны

У Магілёве адбылася ракіроўка чыноўнікаў: крэсла жанчыны заняў тройчы мужчына

Навіна ад

Ракіроўка прайшла ў Магілёўскіх чынавенскіх адміністрацыях: намеснік старшыні гарвыканкама Ала Галушка сышла ў адміністрацыю Кастрычніцкага раёна, а на яе месца прыйшоў Алег Стэльмашонак з вобласці. Наш жартаўлівы агляд. 

Новы мэр Магілёва Аляксандр Студнеў паступова фарміруе сваю каманду. Вось і прышлося Але Галушка пайсці на паніжэнне ў раённую адміністрацыю. А на яе месца даслалі чыноўніка з абласной культуры Алега Стэльмашонка.  

Ала Галушка адпрацавала “на галерах” намесніцы мэра 7 гадоў. А нарадзілася яна ў 1973 годзе ў Горках. У 1995 годзе скончыла МДУ імя Куляшова, у 2005 годзе – Акадэмію кіравання пры прэзідэнце РБ. Папрацавала Галушка на розных кіруючых пасадах у ідэалогіі, культуры горада і вобласці, курыравала сацыяльную сферу. Цяпер будзе рабіць тое ж самае ў Кастрычніцкім раёне.

Запомнілася пані Галушка сваім спецыфічным падыходам да рашэння вытворчых пытанняў, які часта называюць “жаночым”. Яе каляжанкі адзначалі яе добразычлівасць і адначасова часам невытлумачальную неабавязковасць, забыўлівасць, зацягванне рашэння самых простых рабочых пытанняў. Яле з іншага боку, яе жаночае абаянне дапамагала ёй разруліваць многія складаныя пытанні, не даводзіць іх да канфліктаў. 

Сказалася на яе характары відаць радавое прозвішча. Галушкі ў народнай кулінарыі гэта мяккія смачныя кавалачкі цеста, якія звараны ў кіпні. Таму Ала такая жаноцкая і адначасова гатовая да самых вірлівых выпрабаванняў, яна ж “у кіпені нарадзілася”. 

Лінію ўлады Ала Галушка заўжды праводзіла аддана, але ў 2020 годзе напачатку наважвалася нават заступацца за сваіх падначаленых, спрабавала змякчыць будучыя рэпрэсіі ў адносінах да некаторых з іх. З-за гэтага работнікі міліцыі ў тыя часы нават казалі, што сярод магілёўскіх чыноўнікаў аказаўся толькі адзін мужык, ды і той “баба Галушка”. 

Алег Стэльмашонак – супрацьлегласць сваёй папярэдніцы. Хаця іх біяграфіі і вельмі падобныя. Алег нарадзіўся ў 1973 годзе ў вёсцы Жылічы Кіраўскага раёна. У 1998 годзе ён таксама скончыў МДУ імя Куляшава (факультэт педагогікі), а ў 2013 годзе – Акадэмію кіравання. 

Пачынаў ён сваю працу настаўнікам фізкультуры ў пачатковых класах СШ №32 і запомніўся калегам з самага лепшага боку: малады перспектыўны добразычлівы педагог. Надалей ён займаў самыя розныя кіруючыя пасады: ад дырэктара школы-інтэрната для дзяцей са скаліёзам да намесніка кіраўніка абласнога аддзела адукацыі. Амаль паўсюль былыя калегі пра яго казалі пераважна станоўча. 

Перад прызначэннем у гарвыканкам ён працаваў кіраўніком аддзела культуры абласнога выканаўчага камітэта. Вось там за Стэльмашонкам пачалі заўважацца першыя прыкметы зорнай хваробы. Чыноўнік узмужнеў, ён стаў больш патрабавальным і рэзкім. 

Магчыма, з гадамі пачало сказвацца ягонае радавое прозвішча. А яно састаўное. Першае частка “стэль” паходзіць ад слова “стэла”, якое сімвалізуе мужчынскую моц, мужнасць. Менавіта таму на магілках воінаў ставяць стэлы, якія  нагадваюць фаласы. Другая частка прозвішча ”машонка” кажа за сябе сама. Яна сімвалізуе мужчынскую плоднасць. Ну і па трэцяе, ён і фізіялагічна мужчына. Цяпер магілёўцы маюць намесніка мэра, які тройчы мужчына. 

Перастаноўкі ў магілёўскіх чыноўнічых кабінетах ідуць перманентна і збольшага носяць тэхнічны характар. Змены імён на шыльдах кабінетаў мала што мяняюць у працы сістэмы ўлады. І тым не менш, магілёўцы кожным разам спадзяюцца, што хаця б гэты штосьці зменіць да лепшага. Паглядзім, ці зможа “тройчы мужык” узняць ідэалогію, культуру, адукацыю і сацыяльную сферу горада.

Фота з сайтаў адміністрацый Магілёва.

Станам жывёлагадоўлі Касцюковіцкага раёна заклапацілася пракуратура

Навіна ад

Пракуратура Касцюковіцкага раёна ўстанавіла, што ў раёне не прынята вычарпальных мер па выпраўленні сітуацыі ў жывёлагадоўлі – паведамляе  golk.by. 

Нягледзячы на адсутнасць негатыўнай дынамікі, у студзені 2023 года ў  сельскагаспадарчых арганізацыях раёна адбыўся падзёж 42 галоў буйной рагатай жывёлы, у тым ліку 12 па прычынах безгаспадарлівасці.

Гэта адбываецца з прычыны грубых парушэнняў умоў кармлення, утрымання, вакцынацыі, лячэнні жывёлы, жахлівага стану памяшканняў.

У прыватнасці ўстаноўлена, што на  філіяле № 1 “Цэмагра” Беларускага цэментнага завода дапускаюцца грубыя парушэнні тэхналагічных рэгламентаў для жывёлагадоўлі, адсутнічае эфектыўнае выкарыстанне сховішчаў травяных кармоў, 12 рулонаў  сена на 276 рублёў згнілі. 

Службовымі асобамі парушаліся нормы ветэрынарнай дзейнасці пры пахаванні і знішчэнні трупаў жывёл, прадуктаў жывёльнага паходжання, ветэрынарна-санітарных правілаў, што дазваляла жывёлам пранікаць на тэрыторыю жывёламагільніка.

Пракурор раёна вынесены прадпісанні ў адрас гендырэктара Беларускага цэментнага завода  аб устараненні парушэнняў заканадаўства і кампенсацыі прычыненага ўрону.

Фота мае ілюстрацыйны характар

На харчаванне беларусы трацяць 40% сваіх даходаў – статыстыка

Навіна ад

6% насельніцтва Магілёўскай вобласці жыве ніжэй бюджэта пражытачнага мінімумума.

Белстат апублікаваў дадзеныя аб узроўні жыцця хатніх гаспадарак у IV квартале 2022 года па выніках выбарачнага абследавання.

У адпаведнасці з афіцыйнай статыстыкай, у краіне ў IV квартале 2022 г. наяўныя рэсурсы ў  разліку на хатнюю гаспадарку склалі 1849 рублёў у месяц, у тым ліку ў гарадах і пасёлках гарадскога тыпу – 1926,9 рублёў у месяц, у сельскіх населеных пунктах – 1596,3 рублі ў месяц.

Грашовыя выдаткі ў разліку на хатнюю гаспадарку склалі 1758,9 рублёў у месяц, з якіх 1309,8 рублёў (74,5%) прыпадае на спажывецкія расходы.

Дамашнія гаспадаркі (сям’я) трацяць на харчаванне 39,3%, на нехарчовыя тавары – 34,4%, на аплату паслуг (уключая жыллёва-камунальныя) – 23,8% месячных рэсурсаў. 

Такім чынам, у беларусаў застаецца ўсяго 2,6% ад усіх сродкаў на адпачынак, вандроўкі, набыццё транспартных сродкаў, нерухомасці.

Пры гэтым, у еўрапейскіх краінах, у агульных выдатках затраты на жыллё (у тым ліку за ацяпленне, электраэнергію, водазабеспячэнне, каналізацыю) складаюць ад 9% на Мальце да 29% у ФРГ, Швецыі. На харчаванне ў ЕС расходуецца 7-12%, на нехарчовыя тавары – да 15%. Нармальная з’ява ў Еўропе, калі набываецца аўтамабіль, які каштуе 3-5 месячных заробкаў, і гэта не б/у – проста заробкі іншыя.

Паводле складзенай інфаграфікі, самы гаротны стан па доле насельніцтва, якое жыве ніжэй бюджэта пражытачнага мінімумуму, назіраецца ўжо ў 4-х з 7-мі беларускіх рэгіёнаў: У Магілёўскай – 5,9%, у Брэсцкай – 5,6, у Гомельскай – 5,5, у Віцебскай – 5,1%.

Дзівосы статыстыкі

Трэба заўважыць, што прыведзеныя дадзеныя статыстыкі ні на што не ўплываюць, ні аб чым не сведчаць і нічога асабліва не тлумачаць. Беларуская статыстыка жыве сама па сабе, народ – сам па сабе.

Напрыклад, афіцыйная статыстыка кажа, што ў кастрычніку 2022 года  сярэдні заробак па краіне склаў 1636,4 рублі, у лістападзе – 1648,2, у снежні – 1915,6 рублі. То бок, у сярэднім у апошнім квартале мінулага года сярэдні заробак складаў 1733,4 рублі ў месяц. А наяўныя рэсурсы ў разліку на хатнюю гаспадарку склалі 1849 рублёў у месяц, што, верагодна, азначае, што ўсе хатнія гаспадаркі складаюцца толькі з 1,1 чалавека, які мае заробак, альбо толькі з аднаго працаўніка і пенсіянера, працаўніка і інваліда, працаўніка і дармаеда, двух працаўнікоў з заробкам па 925 рублёў.

Асіпаўчане смяюцца і плачуць з квэсту ў краме “Світанак”

Навіна ад

Філіял прадпрыемства “Світанак” у Асіповічах неаднаразова крытыкаваўся ў мясцовых пабліках за нязручную для пакупнікоў працу. Паколькі станоўчых зрухаў няма, то жыхары раёна цяпер лічаць за лепшае проста смяяцца з працы крамы.   

Фірменны магазін “Світанак” у Асіповічах стаў яскравым прыкладам “абмежаванай зручнасці” і крыніцай гумару, піша газета “Асіповіцкі край”.

Пакупнікі сведчаь, што асартымент у краме “Світанак” задаволіць любога пакупніка: зойдзеш, вочы проста разбягаюцца. А вось схема набыцця тавару цалкам адпавядае законам квэсту. Адміністрацыя крамы зрабіла ўсё, каб пакупнікі надоўга запомнілі паход у магазін.  

Па-першае, паміж стойкамі з адзеннем нельга прайсці, каб не зачапіць тавар. Вешалкі з адзеннем забіты наколькі мажліва. Таму, пакупнік альбо эквілібрыст, або, калі ён дастане цікавую рэч, абавязкова скідвае тую, што вісіць побач. 

Днямі адміністрацыя, як здаецца, увогуле вырашыла пажартаваць над пакупнікамі. 22-23 лютага, перад святам у магазіне дзейнічалі добрыя зніжкі на мужчынскае адзенне. Вядома, жанчыны паспяшаліся набыць падарункі для сваіх мужчын. 

І вось перад жанчынамі першая пастка квэсту: падлога перад вешалкамі застаўлена цюкамі вышэй за калена. Каб дабрацца да тавару, неабходна пераступіць або пералезці праз гэтую перашкоду, бо адцягнуць непад’ёмныя цюкі ў бок слабы пол не здольны. 

Тым, хто прайшоў “першы ўзровень”, адміністрацыя прапануе вызначыцца з неабходнай па колеры тканінай, якая выглядае з шэрагаў шчыльна спрасаванага адзення. 

А ўжо затым трэба паспрабаваць выцягнуць рэч, якая зацікавіла пакупніка, і адначасова не скінуць на падлогу тыя рэчы, што вісяць побач. 

Калі пакупнік выцягнуў і паглядзеў, то шчасце, калі рэч падышла. Калі ж не, то трэба нанава прайсці квэст. 

Калі пакупнік вырашыў нешта набыць, то яму падаюць вішаньку на торце: да касіра таксама цяжка дабрацца, бо цесна ў краме неверагодна.

У  студзені 2021 года газета “Асіповіцкі край” ужо крытыкавала нязручнае размяшчэнне тавару ў магазіне. Дырэктар філіяла № 2 ААТ “Світанак” Вольга Марчанкова ў сакавіку таго году палымяна распавядала пра планы пераносу фірменнага магазіна на большыя плошчы. Прайшло амаль два гады, але воз і цяпер там.

Фота з адкрытых крыніц. 

З’явілася петыцыя ў абарону традыцыі драўлянага дойлідства ў Магілёве

Навіна ад

Унікальная магілёўская традыцыя ўпрыгожвання драўляных дамоў пад пагрозай з-за вынішчэння сектароў прыватнай забудовы ў горадзе. Магілёўскія драўляныя цуды прапануюць зрабіць філіялам Музея народнага дайлідства.

Багаты драўляны архітэктуры дэкор горада вылучаецца навукоўцамі ў асобны стыль, так званую «магілёўская разьбу» – адзначаюць стваральнікі петыцыі. Разьба ў выглядзе геаметрычнага і расліннага арнаменту (краявая, скразная i прапіловачная) паярусна размяшчаецца на фасадах драўляных дамоў. 

Найбольш багата аздабляліся франтоны, дзе разьба ўтварала некалькі па-рознаму вырашаных радоў. Разьба ўзбагачае пластыку фасадаў вытанчанай святлоценявой мадэліроўкай, узмацняе іх рытмічную пабудову, кантрастна вылучае найбольш значныя элементы, падкрэслівае тэктоніку збудаванняў. У некаторых будынках разныя элементы на фоне сцен вылучаюцца светлым колерам.

Тым часам сітуацыя ў Магілёве складаецца так, што праз 20 гадоў новае пакаленні магілёўцаў не будзе мець уяўлення пра тое, як выглядаў горад век таму – каштоўныя драўляныя будынкі будуць або знесены, або згніюць без догляду, або дэградуюць пад сайдынгам і сіняй металачарапіцай. 

На дадзены момант горад разрастаецца і забудоўваецца шмат у чым за кошт зносу драўлянай забудовы без уліку яе мастацка-эстэтычных вартасцей. Падобнае можна назіраць у былым прадмесці (да вайны – суцэльна драўляным) Лупалава, на схілах рэк Дубравенкі і Дзебры. З заўважных страт – дамы па вуліцы Катоўскага, 11 і па Першмавайскай, 60а. Апошні будынак прапаноўвалася перавезці ў Беларускі дзяржаўны музей народнай архітэктуры і побыту, але той адмовіўся, таму што на ўсю тэрыторыю, якую ён займае пад Мінскам, накладзены рэгламенты, якія не дазваляюць новае будаўніцтва. Супрацоўнікамі магілёўскага музея былі выратаваны некаторыя побытавыя рэчы і фрагменты дэкору, але казаць пра паўнавартаснае захаванне не даводзіцца.

Для вырашэння гэтай праблемы аўтары петыцыі прапануюць разгледзець магчымасць стварэння ў Магілёве філіі Беларускага дзяржаўнага музея народнай архітэктуры і побыту. Падпісаць зварот можна тут.

Фота: Telegram-канал aktahon

У Віцебску біліся, у Брэсце і Мінску затрымлівалі, у Магілёве не сабраліся – “Рэдан”

Навіна ад

1 сакавіка адзначыліся па Беларусі серыяй спроб масавых збораў моладзевай субкультуры “Рэдан”.

Збор, прызначаны на 16.00 1 сакавіка каля магілёўскага гандлёвага цэнтра “Атрыум”, пра які пісалі mogilev.media, не адбыўся. Плошча перад гандлёвым цэнтрам патрулявалася нарадам АМАПаўцаў, на кожным паверсе “Атрыума” дзежуравалі міліцыянты. Купкі маладзёжы размяшчаліся на фудкорце,  на лаўках вакол плошчы, аднак у значнай колькасці падлеткі не сабраліся разам. Не паведамлялася таксама і пра затрыманні ў Магілёве 1 сакавіка. 

У Брэсце і Мінску таксама абвяшчаліся зборы прыхільнікаў маладзёвай субкультуры. Прэс-служба УУС паведаміла пра затрыманне 52 чалавек у Брэсце, сярод якіх 41 былі непаўналетнімі. Пра затрыманні паведамлялася таксама і ў Мінску, але без ніякіх лічбаў ці фактаў. 

Адзін з Тэлеграм-каналаў, што спецыялізуецца на трэш-відэа, размясціў ролік пра сутычку трох падлеткаў каля віцебскага гандлёвага цэнтра “Трыа”. Мяркуецца, што бойка адбылася з нагоды збора “Рэдана” ў Віцебску, але пацвярджэння гэтай інфамацыі з афіцыйных альбо незалежных крыніц няма. На відэа можна пабачыць вялікую групу моладзі, якая назірае за бойкай двух дзяўчын, адной з якіх дапамагае трэцяя. 

У Круглым пабудуюць басейн

Навіна ад

Басейн у Круглым плануецца ўзвесці ў цэнтры горада па вуліцы Новая. 

Круглянскі раённы выканаўчы камітэт пачынае працэдуру грамадскага абмеркавання архітэктурна-планіровачнай канцэпцыі басейна ў г. Круглае.

Басейн будзе прызначаны для выкарыстання школай і можа функцыянаваць як агульнадаступны фізкультурна-аздараўленчы комплекс. Будынак басейна будзе аднапавярховым, каркасным. 

У будынку запраектаваны басейн 25 на 8 метраў і глыбінёй 1,2-1,45 метраў, а таксама “лягушатнік” для навучання дзяетак – паведамляе раённая газета “Сельскае жыццё”. 

Прывыкайце – сірэны цяпер будуць гучаць пастаянна. Сёння і заўтра ў Слаўгарадзе

Навіна ад

Па інфармацыі Слаўгарадскага раённага аддзела па надзвычайных сітуацыях 2-3 сакавіка 2023 года будзе правадзіцца праверка сістэмы апавяшчэння з запускам электрасірэны ў Слаўгарадзе – папярэджвае slavgorod.by.

Аддзел па надзвычайных сітуацыях просіць захоўваць спакой і не прадпрымаць ніякіх дзеянняў. Запуск сістэмы будзе ажыццяўляцца на будынках паштовай сувязі «Белпошта» і Слаўгарадскага прафесійнага ліцэя.

Падобныя праверкі  спраўнасці сістэм апавяшчэння праводзяцца па ўсёй краіне. 

Фота мае ілюстрацыйны характер

Вось з такой вадой жыхарам Горацкага раёна прыйдзецца пачакаць да цёплых дзянькоў – фотафакт

Навіна ад

Стан вадаправоднай вады ў вёсцы Мацюты Горацкага раёна – на фота. Вада перыядычна становіцца брудна-рудой, хоць у вёсцы функцыянуе станцыя абезжалезвання вады. 

Сітуацыю “Горацкамі весніку” пракаментаваў начальнік участка водаканала Сяргей Дольнікаў. Паводле яго словаў, з надыходам станоўчых тэмператур на вуліцы адразу будзе праведзена прамыванне водаправодных сетак у в. Мацюты. Пакуль для таго, каб паправіць сітуацыю, працаўнікі ўчастку падрэгулявалі сістэмы станцыі, а таксама прамылі фільтры ва ўстаноўцы. Але, як бачна на фота, гэтыя меры дапамагаюць толькі часова – жыхарам вёскі прыходзіцца набіраць у дом ваду з калонак, альбо вазіць бутэляваную з Горак.

Фота: “Горацкі веснік”

Что стоит за экспортом в Россию продукции могилевских предприятий – анализ

Навіна ад

Предприятия Могилевской области нашли спасение от западных санкций в переориентации на новые рынки. Рассматриваем, помогает ли экономике региона активное освоение российского рынка – новый экономический обзор mogilev.media.

Внешнеэкономическая деятельность (ВЭД) оказывает положительное влияние на развитие белорусской экономики, а валютная выручка является важным стабилизирующим фактором и составляет значительную долю бюджета республики. 

ВЭД способствует формированию внешних источников финансовых ресурсов, развитию экономики за счет долгосрочного торгово-производственного содружества, повышению технологического уровня производства за счет импорта современной техники и технологий. Особое значение играет ВЭД в повышении эффективности регионов через развитие экспортного производства и прямого товарооборота с регионами развитых стран.

Скорость реакции

Основными зарубежными торговыми партнерами субъектов хозяйствования Могилевской области являются российские социальные, транспортные, строительные и торгово-производственные структуры. В силу ряда субъективных (качество управления) и объективных для Беларуси обстоятельств (в т.ч. и санкционное давление западных государств) пострадал объем производства валового регионального продукта (ВРП), который за 2022 г. в Могилевской области снизился по сравнению с предыдущим годом на 2,6 %. 

В тоже время экспорт составил 2,7 млрд. долларов или 105,2 % к уровню 2021 г. В частности, экспорт в Российскую Федерацию увеличился на 41,7 %. С одной стороны, в течение года потеряны торговые связи с большинством развитых стран, с другой – за этот же период были скорректированы поставки в другие страны, в первую очередь, восточно-азиатского направления. 

Во-всяком случае, сальдо ВЭД составило 1 013,5 млн. долларов (лучший результат Могилевской области за последние 10 лет), что говорит о правильности тактических решений могилевских управленцев.

В начале 2022 г. были сомнения о перспективе развития области в целом, тем более во внешнеэкономических отношениях, но крупнейшие производители Могилевщины смогли увеличить объемы экспорта за счет быстрого изменения географии поставок, в первую очередь, товаров. Среди них “Бабушкина Крынка”, “Молочные горки”, “Лифтмаш”, “Серволюкс Агро”, “Белшина”, “Джокер Могилев”. 

Но если тактически хорошо сработали с экспортом могилевского продукта, обеспечили наполнение бюджета, увеличили номинальную зарплату работникам и пополнили оборотные средства предприятий, то в эффективности российской географии ВЭД имеются сомнения.

Депрессивные взаимоотношения

Дело в том, что Могилевская область в экономическом плане является депрессивным регионом – ее ВРП не только не растет, но постоянно выходит за рамки “-” 2 % роста экономики. Можно сказать, если бы не наработки в ВЭД, то территорию Могилевской области можно отнести к зоне экономического кризиса.

Что касается России, то по одним данным у нее рост ВВП за 2022 г. на 29 % – что не может быть в принципе. Более правдивые источники говорят о снижении объемов валового продукта на 2,7 %. На экономику России в данный момент негативно влияют, в первую очередь, внешние причины: вторжение в Украину и неблагоприятные глобальные экономические условия (тотальное санкционное давление развитых стран). 

В перспективе как в Могилевской области, так и в российских регионах – застой производства и торговли на протяжении длительного времени, уменьшение объемов инвестиций и их качества, массовое банкротство малого и среднего бизнеса, рост безработицы и снижение уровня благосостояния населения. Не удастся избежать и роста инфляции. Усугубят ситуацию колебания объемов личного потребления.

Так что усиление ВЭД в сторону Российской федерации временно полезно, но с весьма неблагоприятными последствиями стратегического плана. Дело в том, что из 85 регионов РФ только 23 не являются дотационными, тогда как представителей делегаций этих регионов в Могилевской области  мы видим не столь часто, как это нужно было бы нашей экономике. В целом об эффективности могилевско-российских отношений говорить не приходится – ничего инновационного от подобной дружбы мы не видим и вряд увидим в ближайшее время. 

(продолжение следует)

Фото: sb.by