Tag: нарушения

Аўтамабільныя аварыі і тушы буйной рагатай жывёлы без дакументаў — тыповыя здарэнні ў магілёўскай глыбінцы

Навіна ад

У аддзел мсціслаўскай міліцыі паступалі розныя паведамленні — дарожна-транспартныя здарэнні, перавозка мяса-малочных прадуктаў без дакументацыі

У вёсцы Мілейкава Мсціслаўскага раёна інспектарам дарожна-патрульнай службы быў спынены аўтамабіль УАЗ з расійскім нумарам. Вадзіцель гэтага транспартнага сродку перавозіў тры тушы буйной рагатай жывёлы агульнай вагой 500 кг без суправаджальных дакументаў. Матэрыялы накіраваны ў Мсціслаўскую райветстанцыю.

Інспектарамі дзяржаўтаінспекцыі па вуліцы Магілёўскай у Мсціславе таксама быў спынены аўтамабіль “Мэрсэдэс Бенц”, кіроўца якога перавозіў малочную прадукцыю без адпаведных дакументаў. Справа накіравана ў Магілёўскую мытню — паведамляе мсціслаўская раённая газета “Святло кастрычніка”.

Акрамя таго пагаршэнне надвор’я ўплывае на выпадкі дарожна-транспартных здарэнняў. Так, на вуліцы Савецкай у цэнтры Мсціслава здарылася аварыя з удзелам двух аўтамабіляў. У вёсцы Вялікая Зяціца Мсціслаўскага раёна ў выніку дарожна-транспартнага здарэння быў пашкоджаны бампер у аўтамабілі.

Фота ілюстрацыйнае 

Парушэнні – на кожным аб’екце. Санстанцыя праверыла шаўрмічныя і блінныя

Навіна ад

Санітарная служба Магілёўскай вобласці правяла наглядныя мерапрыемствы на пяцідзесяці аб’ектах хуткаха грамадскага харчавання, што гатуюць шаўрму, блінчыкі з начынкамі і г.д. На ўсіх аб’ектах былі выяўлены парушэнні – паведамляе “Магілёўскі абласны цэнтр гігіены, эпідэміялогіі і грамадскага здароўя”.

У пяці выпадках было зафіксавана выкарыстанне прадуктаў, у якіх завяршыўся тэрмін прыдатнасці. Сярод парушальнікаў – кафэ хуткага абслугоўвання ІП Рошчына ў Крычаве, па вуліцы Ленінскай, 46А, а таксама выязны гандаль ІП Ахрорава ў Чэрыкаве па вуліцы Ленінскай каля аўтавакзала.

У дзевяці выпадках парушаліся ўмовы захоўвання прадуктаў. Такое было выяўлена ў міні-кафэ «Грыльяж» ІП Рэянтовіч у Бабруйску, на вуліцы 50 год ВЛКСМ, 108, а таксама на фудтраку «Шава Бро» ў Магілёве, каля гандлёвага цэнтра «Арбат».

На астатніх аб’ектах былі выяўлены нездавальняючы санітарна-тэхнічны стан памяшканняў, адсутнасць медыцынскіх аглядаў, выкарыстанне прадуктаў з недаставернай маркіроўкай і іншае.

Фота ілюстрацыйнае

На школьным базары ў Магілёве за парушэнні закрылі шапік прадпрымальніка

Навіна ад

Дзяржкантроль знайшоў мноства парушэнняў у рабоце гандлёвай кропкі на школьным базары ў Магілёве – паведамляе прэс-служба ведамства. 

Так, гандлёвая надбаўка на тавары магла сягаць 65-105% пры дазволеных 40% максімум. Акрамя таго, амаль 500 адзінак тавараў не мелі ніякіх суправаджальных дакументаў пра іх паходжанне і якасць. Дзейнасць аб’екта прыпыненая.

Фота з адкрытых крыніц

Дзяржкантроль праверыў рынак у Бабруйску – кошты завышаныя ў 8 разоў, прадавалі не сваё

Навіна ад

Падчас праверкі аднаго з бабруйскіх рынкаў Камітэт дзяржкантролю выявіў характэрныя парушэнні. Замест гандлёвай надбаўкі ў 30% на моркву і цыбулю, у некаторых выпадках моркву прадавалі з накруткай у 252%, цыбулю – 103%.

Таксама многія гандляры прадавалі тавар пад выглядам свайго ўласнага ўраджаю. Аднак, калі праверылі адну з такіх прадавачак, то выявілася, што на яе ўчастку ў садовым таварыстве – а жанчына прад’явіла адпаведную даведку – проста не магла вырасці тая прадукцыя, якой гандлявала жанчына.

Фота ілюстрацыйнае, з адкрытых крыніц

У магілёўскім “Білд” знайшлі посуд з парушэннямі патрабаванняў па міграцыі металаў

Навіна ад

Посуд, які не адпавядае патрабаванням па якасці і бяспецы быў выяўлены ў Магілёве ў гіпермаркеце “Білд” – паведамляе Цэнтр гігіены і эпідэміялогіі.

У чатырох найменнях прадукцыі выяўлены неадпаведнасці ўстаноўленым патрабаванням па міграцыі жалеза, марганцу, нікелю ў мадэльныя асяроддзі. Прадукцыяй з парушэннямі аказаліся дуршлагі і рашоткі для грыля і барбекю індзійскай, кітайскай і расійскай вытворчасці.

Фота з адкрытых крыніц.

Парушэнні санітарыі на кожным трэцім аб’екце – санслужба

Навіна ад

Прэс-служба Магілёўскага абласнога цэнтра гігіены, эпідэміялогіі і грамадскага здароўя канстатуе, што парушэнні санітарыі выяўлены на 28% з усіх правераных аб’ектаў, а колькасць звалак не менее.

За чатыры месяцы 2023 года санітарнымі службамі абследавана 22 274 тэрыторыі, аб’екты, парушэнні выяўляліся на 6 247 аб’ектах – гэта 28%. 

Па выніках нагляду за выяўленыя парушэнні, у тым ліку паўторна, вынесена 79 пастаноў аб накладанні штрафу. Для ўстаранення парушэнняў кіраўнікам арганізацый выдадзена 975 прадпісанняў, рэкамендацый. Ліквідавана 207 несанкцыянаваных звалак. Да дысцыплінарнай адказнасці прыцягнута 51 вінаватая асоба.

Як і ў прапярэднія гады парушаюцца правілы ўтрымання кантэйнерных пляцовак, прылеглых да іх тэрыторый, несвоечасова вывозяцца адкіды.

Фота: “Голас Касцюкоўшчыны”

Зноў атрута на прылаўках – 100% правераных гандлёвых кропак парушылі санітарныя нормы

Навіна ад

Спецыялістамі санітарнай службы Магілёўскай вобласці ў бягучым красавіку абследавалі 73 крамы сетак “Санта”, “Еўраопт”, “Тройка”, “Ноеў каўчэг”, “Суседзі” і іншых. Парушэнні патрабаванняў санітарна-эпідэміялагічнага заканадаўства пры вырабе і рэалізацыі прадукцыі ўласнай вытворчасці выяўлены на кожным наведаным аб’екце – паведамляе Магілёўскі абласны цэнтр гігіены, эпідэміялогіі і грамадскага здароўя. 

40 найменняў прадукцыі і сыравіны былі са скончаным тэрмінам прыдатнасці, больш за 90 найменняў прадукцыі без дакладнай маркіроўкі,  31 найменне прадукцыі з парушэннямі тэмпературных рэжымаў захоўвання. 

Выяўлены 82 пробы харчовай прадукцыі, якая не адпавядае гігіенічным нарматывам. У некаторых салатах выяўлены бактэрыі групы кішачнай палачкі, стафілакок і дрожджы. Не адпавядалі гігіенічным нарматывам па мікрабіялагічных паказчыках шматкампанентныя салаты, бліны з начынкамі, курыная прадукцыя грыль, пірожныя і тарты.

Кантроль працягваецца, але і працягваюцца і шматлікія парушэнні.

Фота за адкрытых крыніц, мае ілюстрацыйны характар

Парушэнні – ў кожнай краме, альбо – як купіць курачку-грыль «з будучыні»

Навіна ад

За першы тыдзень красавіка 2023 года санітарнай службай Магілёўскай вобласці былі абследаваны 32 гандлёвыя аб’екты – “Еўраопт”, “Тройка”, “Ноеў каўчэг” і іншыя.  І на ўсіх выяўлены парушэнні – інфармуе абласны цэнтр гігіены, эпідэміялогіі і грамадскага здароўя.

У 28 выпадках рэалізоўвалася прадукцыя ўласнай вытворчасці з пратэрміноўкай, з недакладнасцямі маркіроўкі, без адпаведных дакументаў.

Выяўлены факты рэалізацыі больш як 50 найменняў прадукцыі з маркіроўкай, якая ўводзіць пакупнікоў у зман – кулінарныя мясныя, рыбныя, агароднінныя, кандытарскія і хлебабулачныя вырабы.

Устаноўлена, што нярэдка ў свежапрыгатаваную прадукцыю дадаецца старая, заляжалая сыравіна, старая прадукцыя маркіруецца як свежая. Напрыклад, падчас адной з праверак, што праходзіла ў 13.00, была выяўлена «курачка-грыль» з часам вырабу 18.00 гэтага ж дня – такая сабе курачка «з будучыні».

Ёсць і парушэнні тэмпературных рэжымаў захоўвання прадукцыі – у выніку ў адным з магазінаў аднамомантна была забаронена рэалізацыя 14 найменняў розных кандытарскіх вырабаў.

Толькі за першы тыдзень красавіка спецыялістамі санітарнай службы забаронена рэалізацыя больш як 270 кг прадукцыі ўласнай вытворчасці гандлёвых сетак.

Фота з адкрытых крыніц.

У палавіне з правераных магілёўскіх крам – праблемы з санітарнымі нормамі

Навіна ад

У 1 квартале 2023 года пры правядзенні кантрольных мерапрыемстваў органамі дзяржаўнага санітарнага нагляду Магілёўскай вобласці ў 171 (51,5%) з 332 правераных суб’ектаў гаспадарання, якія ажыццяўляюць абарот тавараў і прадукцыі, былі выяўлены парушэнні. 

А ўсяго парушэнні ўстаноўлены на 613 аб’ектах з 813 абследаваных – 75,4% – паведамляе Магілёўскі абласны цэнтр гігіены, эпідэміялогіі і грамадскага здароўя.

Нярэдкімі з’яўляюцца такія парушэнні, як рэалізацыя без маркіроўкі або з неадпаведнай інфармацыяй на маркіроўцы, рэалізацыя пратэрмінаванай прадукцыі, парушэнне ўмоў захоўвання харчовай прадукцыі, рэалізацыя без дакументаў, неадпаведнасць гігіенічным нарматывам па выніках лабараторных выпрабаванняў, іншыя парушэнні складаюць – амаль 53% (1013 выпадкаў).

Дарэчы, грубыя парушэнні дапускаюць не толькі дробныя і сярэднія па памерах суб’екты дзе небудзь на раёнах, але і знакамітыя гандлёвыя сеткі, напрыклад, крамы “Еўраопт” у Магілёве.

Так, у краме “Еўраопт” па вул. Гагарына, 79 праводзілася рэалізацыя прадуктаў харчавання са скончаным тэрмінам прыдатнасці –  ролы, хачапуры з мясам птушкі. Таксама тут прадавалі прадукцыю з маркіроўкай, якая ўводзіць спажыўца ў зман, гнілую і сапсаванаую гародніну.

Падобныя праблемы былі ў крамах “Еўраопт” па вул. А.Куляшова, па праспекце Дзімітрава, 70А, па Віцебскім праспеце, 4Б.

Фота з адкрытых крыніц, носіць ілюстрацыйны характар.

У кожнай трэцяй з чатырох школьных сталовак выяўлены парушэнні

Навіна ад

Больш за 620 парушэнняў санітарыі і гігіены ў І квартале 2023 года ўстаноўлены ў 74% аб’ектаў харчавання ўстаноў адукацыі – паведамляе Магілёўскі абласны цэнтр гігіены, эпідэміялогіі і грамадскага здароўя. Гэта пры тым, што маніторынгам было ахоплена толькі 60% іх наяўнай колькасці. 

У кожным чацвертым выпадку (25%) у сталоўках не вытрымліваецца прыкладнае меню па асартыменце страў, выяўлены абвесы (заніжаны выхад страў), не выконваюцца 

нормы харчавання па асобных прадуктах. 

У 15% сталовак выяўлены бруд на харчаблоках, амаль ў 5% выпадкаў – парушэнні тэрмінаў рэалізацыі, захоўвання харчовых прадуктаў, амаль у 4%  выпадкаў стравы не адпавядалі нарматывам па каларыйнасці. 

Праверкі паказалі, што  некаторым сталоўкам (1,2%) бракуе чысціні абсталявання, інвентара, тары, рук работнікаў харчаблокаў. 

Прычыны парушэнняў санітарыі і гігіены ў дзіцячых сталоўках вядомыя: абыякавасць, крадзёж.

Фота з адкрытых крыніц, носіць ілюстрацыйны характар