Гомельчанин приехал на дачу в Чаусском районе, пригласил в гости друга и устроил «забег в ширину», пишет близкий к силовикам телеграмм-канал. Когда спиртное закончилось, мужчины отправились в сельмаг. По дороге дачнику захотелось пить. Он зашел в первый попавшийся двор, но хозяев дома не оказалось. Обиженный тем, что ему никто не поднес кружку воды, гомельчанин выместил злость на садовой скульптуре и пнул ногой забор.
Оказалось, что у хозяина дома была установлена видеокамера, которая зафиксировала действия хулигана. Теперь ему придется отвечать за повреждение чужого имущества.
Кампанія хлопцаў плавала на самаробным плыце ў штучна выкапанай сажалцы вечарам 30 траўня – паведамляе прэс-служба МНС. Падчас заплыву адзін з іх, 16-гадовы жыхар Клімавіч патануў. Ратавальнікі дасталі з вады цела падлетка без прыкмет жыцця, а рэанімацыйныя мерапрыемствы станоўчага выніку не дасягнулі.
37-гадовы мужчына крануў рукой аголены провад. Перад гэтым ён сам жа адключыў электрычнасць.
Трагедыя адбылася ў Клімавічах днём 26 траўня. 60-гадовы бацька і яго 37-гадовы сын выконвалі рамонтныя працы на сваім доме. Падчас работы на вышыні, стоячы на металічнай лесвіцы, сын крануў рукой аголены провад і загінуў на месцы ад удару токам – піша “Голас Касцюкоўшчыны”. Падчас следства бацька патлумачыў, што сын асабіста адключыў электрычнасць у доме і быў упэўнены ў бяспецы ўсіх прац. Зараз Следчы камітэт праводзіць праверку па гэтай справе.
Ноччу 29 траўня пажар ахапіў сельскую краму ў вёсцы Лютня Мсціслаўскага раёна, паведамляе прэс-служба МНС. У выніку пажару згарэў дах, пашкоджана ўнутранае начынне, пагарэла многа тавару. Прычына высвятляецца, пацярпелых няма.
А трэцяй гадзіне ночы агрэсіўна настроены, п’яны жыхар Асіповіч заявіўся ў госці да сваёй кумы і хроснага сына. Раней мужчына ўжо неаднаразова лупцаваў свайго хросніка. Разумеючы, што збіццё можа адбыцца і на гэты раз, маці ўсё ж адкрыла дзверы замест таго, каб выклікаць міліцыю. На пасяджэнні камісіі яна патлумачыла, што зрабіла гэта бо пабаялася, што кум паб’е вокны – жыллё сям’і знаходзіцца на першым паверсе. У выніку хросны бацька зноў адлупцаваў свайго хросніка так, што малы трапіў у шріталь з чэрапна-мазгавой траўмай – піша “Асіповіцкі край”.
Гнілое мяса прамывалі Fairy, змешвалі са свежым і прадавалі як хатняе.
Злачынная група дзейнічала ў Мінскай, Гомельскай і Магілёўскай абласцях – паведамляе тэлеканал АНТ. У склад банды ўваходзілі ветэрынарныя лекары і брыгадзіры сельгаспрадпрыемстваў з Асіповіцкага, Любанскага і Старадарожскага раёнаў і ўсе яны раней ужо былі асуджаныя за крадзёж буйной рагатай жывёлы.
У сюжэце гаворыцца, што ўсе асноўныя ўдзельнікі злачыннай групы затрыманыя, гэта тры жыхары Любані. Яны распрацавалі схему па выкраданні мяса са скотамагільнікаў – усталявалі на сваіх месцах здабычы фотапасткі і такім чынам вызначалі час, калі лепш за ўсё ехаць забіраць тушы забітых жывёл. Тушы разбіралі і прадавалі пасярэднікам альбо звычайным пакупнікам, у тым ліку ў Расійскую Федэрацыю.
Фота: АНТ, скрыншот
Паведамляецца, што тэхнолаг прыватнага прадпрыемства параіла ўдзельнікам схемы мыць мяса содай альбо мыйным сродкам Fairy, каб выдаліць непрыемны пах. Пры гэтым самі злачынцы гэтым не займаліся, а прыцягвалі іншых працаўнікоў, якім плацілі 1500 рублёў за месяц. Прадаючы мяса, удзельнікі банды змешвалі яго са свежым і выдавалі за хатняе.
Вось як пракаментаваў якасць гэтага мяса дырэктар Мінскай абласной ветэрынарнай лабараторыі Іван Пырцак:
– Гэты паўфабрыкат ялавічны з’яўляецца нясвежым і мае прыкметы псавання. Гэта сведчыць пра тое, што гэтае мяса атрымана ад жывёл хворых, знясіленых альбо забітых у стане агоніі, што забаронена ветэрынарна-санітарнымі правіламі. Выяўленыя бактэрыя роду Salmonella і бактэрыі групы кішачнай палачкі.
У штаце мяснікоў меўся свой ветэрынарны лекар і тэхнолаг. Усе фігуранты справы затрыманы, ім пагражае да 10 гадоў пазбаўлення волі.
Трагедыя адбылася вечарам 23 траўня. У аграгарадку Дабрэйка Шклоўскага раёна загарэлася лецішча, якім валодае жыхар Магілёва. У дачным доміку на момант пажару жыла маці гаспадара, пенсіянерка 1946 года нараджэння. Яе абгарэлае цела ратавальнікі знайшлі пасля таго, як пагасілі агонь. Прычыны пажару высвятляюцца – паведамляе прэс-служба МНС.
Днём 23 траўня кіроўца BMW не справіўся з заносам яго аўтамабіля на трасе Мінск-Магілёў пасля дажджу і граду. Аўтамабіль выкінула на школьны аўтобус, што ехаў у тым жа кірунку. 44-гадовы мужчына, кіроўца BMW загінуў на месцы аварыі, яго жонка таксама пацярпела і знаходзіцца ў лякарні з траўмамі. Ніхто з пасажыраў школьнага аўтобуса не пацярпеў, але двух дзяцей накіравалі на медыцынскае абследванне. Трагедыя адбылася ў Чэрвенскім раёне – паведамляе прэс-служба Следчага камітэта. Указваецца таксама на тое, што кіроўца легкавога аўто больш за 200 разоў меў спагнанні па лініі ДАІ, у тым ліку за перавышэнне хуткасці 80 разоў.
“Наша ніва” апублікавала сенсацыйны матэрыял, што бандай рабаўнікоў фур, што арудавала ў тым ліку і на Магілёўшчыне, аказаўся супрацоўнік крымінальнага вышуку Докшыцкага РАУС.
Паводле інфармацыі выдання, супрацоўніка крымінальнага вышуку Докшыцкага РАУС і ўдзельніка палітычных рэпрэсій капітана Міхаіла Згірскага затрымаў КДБ. Міліцыянера абвінавачваюць у кіраўніцтве бандай налётчыкаў з Оршы, пра затрыманне якой стала вядома нядаўна. Рабаўнікі займаліся абкраданнем фур, якія спыняліся на адпачынак на трасах у Брэсцкай, Магілёўскай, Мінскай і Гомельскай абласцях. На “справу” выязджалі па начах, выкарыстоўвалі балаклавы і радыёстанцыі. Пакуль вадзіцель спаў у кабіне фуры, яны ўзломвалі замок грузавога адсека і запаўнялі свой мікрааўтобус таварам: ад тэхнікі да прадуктаў харчавання, акрамя таго, злівалі паліва з бакаў. Усяго гаворыцца пра шэсць такіх эпізодаў.
Па інфармацыі «Нашай Нівы», схопленыя аршанскія ўдзельнікі банды пасля затрымання выдалі асобу іншага саўдзельніка, які і зрабіў схему магчымай – праз свой спецыфічны доступ да інфармацыі і веданне метадаў канспірацыі. Як выявілася, кіраўнік банды налётчыкаў – 27-гадовы капітан Докшыцкага крымінальнага вышуку Міхаіл Згірскі.
Выданне піша, што Згірскі не толькі даводзіў ўдзельнікам банды інфармацыю пра ход расследаванняў крымінальных спраў па здзейсненых эпізодах і прымаў удзел у планаванні рабаванняў, але і сам удзельнічаў у гэтых налётах.
Вядома, што пасля пратэстаў 2020 года Міхаіл Згірскі прымаў удзел у рэпрэсіях супраць беларускага народа. Крымінальная справа супраць яго знаходзіцца на асаблівым кантролі у кіраўнікоў МУС, Следчага камітэта, Генеральнай пракуратуры і КДБ. Іншыя супрацоўнікі крымінальнага вышуку Докшыцкага РАУС часова адхілены ад службы і правяраюцца на прадмет датычнасці да крыміналу.
Пажар аўтамабіля ў аграгарадку Мяжысеткі Магілёўскага раёна трапіў на камеры ратавальнікаў. Аўтамабіль BMW X5 загарэўся, калі гаспадар знаходзіўся на вуліцы. Агнём знішчыла салон і маторны адсек. Паводле папярэдняй версіі, прычынай узгарання стала кароткае замыканне, паведамляе прэс-служба МНС.
