Рамонт прымеркаваны да правядзення II Гульняў краін СНД. У жніўні магілёўскі стадыён “Спартак” прыме спаборніцтвы па стральбе з лука – паведамляе БелТА.
Пачата абнаўленне фасадаў і трыбуны, замена лёгкаатлетычных дарожак і ўстаноўка новага табло.
Саматугам на стадыёне ўжо дэмантавалі старое пакрыццё дарожак, сядзенні на заходняй трыбуне. У бліжэйшы час будзе праведзены касметычны рамонт і ўстаноўлены новыя зручныя сядзенні для гледачоў – іх закуплена 2 400.
Сур’ёзныя работы будуць праводзіцца па замене лёгкаатлетычных дарожак, бо яны пасля рэканструкцыі ў 2008-2009 гадах састарэлі маральна і фізічна – паведамляе загадчык спартыўным комплексам “Спартак” Валерый Чарноў.
Маштабная частка работ прыйдзецца на замену наяўнага табло на сучаснае. “Гэта дапаможа павысіць узровень спартыўных мерапрыемстваў на нашай базе як у час II Гульняў краін СНД, так і потым. У канцы мая ўжо будзе зманціравана новае” – адзначыў В. Чарноў.
Ужо ў чэрвені стадыён прыме тэставыя спаборніцтвы па стральбе з лука, што дасць магчымасць ацаніць пляцоўку і яе гатоўнасць да маючых адбыцца міжнародных спаборніцтваў.
Mogilev.media паглядзелі і падзяліліся на сваім Youtube-канале відэа, як прасоўваецца рамонт на вуліцы Камсамольскай у Магілёве. Больш нашых відэаролікаў – тут, дык падпісваецеся.
Яшчэ ў студзені mogilev.media пісалі пра кепскі стан маста праз рэчку ў Крычаве. І вось цяпер камунальныя службы горада адрэагавалі і падлаталі бетонныя пліты. Усе дзіркі на мосце праз невялікую рэчку Крычаўку залатаны жалезнымі пласцінамі, якія прыварылі да арматуры плітаў.
Больш за тое, да жалезнай агароджы маста ў некалькіх месцах былі прывараны дадатковыя рашоткі, для таго каб зменшыць з’яўленне няшчасных выпадкаў на гэтым участку.
Цяпер жыхары горада змогуць адносна спакойна хадзіць па мосце, не моцна хвалюючыся за сваё здароўе і бяспеку. Нагадаем, што дагэтуль пліты маста знаходзіліся ў кепскім стане ўжо не першы год і выглядалі страшнавата, бо рассыпаліся літаральна на вачах.
Як паведамляюць чытачы mogilev.media, апошні ўчастак з арыгінальнай дарэвалюцыйнай брукаванай, які дзіўным чынам яшчэ заставаўся некранутым на вуліцы Камсамольскай у Магілёве, цяпер цалкам прыбраны.
Мы паведамлялі пра нечаканае адкрыццё брукаванкі, якую амаль усю савецкія ўлады перанеслі на іншыя месцы ў горадзе.
Выяўленне кавалка некранутай маставой давала надзеі на сімвалічнае выкарыстанне яе ў натуральным асяроддзі, што прынесла б дадатковую турыстычную прывабнасць колішняй Дваранскай вуліцы.
Самай гучнай міжнароднай навіной мінулага тыдня стала інфармацыя пра тое, што за злачынствы супраць украінскіх дзяцей Міжнародны крымінальны суд выдаў ордэр на арышт Пуціна.
Падзеяй тыдня на Беларусі стала інфармацыя пра забойства ў Гродна “замежніка, які планаваў тэрарыстычны акт” і нібыта адстрэльваўся і кідаў гранаты ў спецназ КДБ.
Магілёў на мінулым тыдні пачаў жыць крыху па-новаму – тут перакрылі вуліцу Камсамольскую на рамонт, з-за чаго ў горадзе пачала дзейнічаць іншая схема грамадскага транспарту.
Рамонт Камсамольскай вуліцы пры гэтым падараваў магілёўцам турыстычную цікавостку – адкрыўся выкшталцоны дарэвалюцыйны брук.
У Магілёве адбылася жуткаватая аварыя – ад удару таксі вылецела на тратуар. Мы сабралі поўнае відэа з розных крыніц.
Рамонт асфальтавага пакрыцця па вуліцы Камсамольскай у Магілёве ідзе хуткімі тэмпамі. За пару дзён практычна цалкам на вуліцы знялі стары асфальт.
Звыклыя прыпыначныя пункты “Драмтэатр” і “Каледж мастацтваў”, як і прадбачылі mogilev.media былі перанесеныя ў тры кропкі. Для ўсяго транспарту, што рухаеца з цэнтра горада ў Задняпроўе і ў бок Буйніч, новым прыпынкам стала стаянка для турыстычных аўтобусаў каля Філармоніі.
Прыпынак для маршрутак, якія едуць з Задняпроўя і Буйніч у бок цэнтра перанесены на пляцоўку каля помніка Георгію Каніскаму. Варта ўдакладніць, што тут цяпер спыняюцца практычна ўсе маршруткі, акрамя №1. Ад гэтага прыпынка далей іх шлях ляжыць праз Пажарны завулак.
Астатні транспарт, што едзе з Задняпроўя і з боку Буйніч у цэнтр – аўтобусы і маршрутка №1 – спыняюцца каля Педагагічнага каледжа па вуліцы Піянерскай.
На вуліцы Болдзіна можна смела чакаць транспартны калапс, Пажарны прыме на сябе амаль усе маршруткі. Шукайце новыя прыпынкі і эканомце на праязных.
З 15 сакавіка па 31 мая будзе праводзіцца рамонт вуліцы Камсамольскай у Магілёве. Пагэтаму ўсю транспартную сістэму горада чакаюць змены да самага канца вясны. Mogilev.media дапамогуць разабрацца ў пераменах – проста і коратка. А заадно падкажам аўтамабілістам участкі дарог, якіх лепш пазбягаць на час рамонта.
Дзе будуць новыя прыпынкі?
Усе аўтобусы і маршрутныя таксі, якія рухаюцца з цэнтра горада ў бок Задняпроўя, цяпер будуць ехаць не па Камсамольскай вуліцы, а па Болдзіна. Прыпынак ад Драмтэатра пры гэтым пераносіцца на пляцоўку перад Абласным цэнтрам народнай творчасці (УНМЦ, Канцэртны зал “Магілёў”, “філармонія” – на фота).
Усе маршрутныя таксі, якія рухаюцца з боку Задняпроўя і Буйніч у цэнтр, дзеляцца на два патокі. Тыя, канечныя кропкі якіх на Восьмым і далей (1, 2, 16, 35) цяпер будуць ехаць па Піянерскай і праз аўтавакзал – прама на Крупскую. Прыпынак замест “Каледжа мастацтваў” пераносіцца на вугал “Педагагічнага коледжа” – па вуліцы Піянерскай, праз дарогу ад ранейшага.
Усе астатнія маршруткі з Задняпроўя і Буйніч пасля Арджанікідзэ будуць ехаць міма запраўкі “Беларуснафты” (верагодна, недзе тут і будзе новы прыпынак) па Пажарнаму завулку а далей па Першамайскай і сваім ранейшым шляхам.
Аўтобусы, якія рухаюцца з боку Задняпроўя і Чалюскінцаў у цэнтр, будуць ехаць па Піянерскай да праспекта Міра. 14, 24, 26, 40 і 238 адсюль будуць ехаць далей праз аўтавакзал на вуліцу Крупскай. Астатнія паварочваюць на праспект Міра і едуць ранейшым маршрутам.
Усе тралейбусы, якія рухаюцца з Задняпроўя ў цэнтр, будуць ездзіць толькі да Арджанікідзэ. Тралейбус №4 пры гэтым часова адмяняецца. На ўчастку ад Чыгуначнага вакзала да Пераезда яго функцыі будзе выконваць №5. Тралейбус №2, які рухаецца з Восьмага ў цэнтр, будзе курсіраваць толькі да Чыгуначнага вакзала.
Якіх маршрутаў пазбягаць аўтамабілістам
Як можна зразумець з новай схемы гарадскога транспарту, практычна ўвесь паток ляжа на вуліцу Болдзіна. Перагружаным маршрутнымі таксі апынецца таксама Пажарны завулак. Улічваючы, што да новай схемы праезду кіроўцы будуць прывыкаць яшчэ доўга, на гэтых двух участках гарадскіх дарог і бліжэйшых справядліва будзе чакаць высокую верагоднасць пробак і затораў. Рэкамендуем планаваць альтэрнатыўныя маршруты.
Можна смела чакаць, што істотна скарацяцца парковачныя месцы на ўзбочынах каля плошчы Арджанікідзэ (па вуліцы Карла Маркса) і па Пажарным завулку.
P.S.
Усе праязныя цяпер да канца вясны дзейнічаюць на ўсе віды транспару – аўтобусныя на тралейбус і наадварот.
P.P.S.
Магчымыя карэкціроўкі і змены ў размяшчэнні прыпыначных пунктаў, таму сачыце за абнаўленнямі матэрыяла і навінамі.
Сталі вядомы планы па рамонту аўтадарог на тэрыторыі Магілёўскага раёна – паведамляе “Прыдняпроўская ніва”
Тут плануецца адрамантаваць 19,058 км дарог. Гэта 2,06% ад агульнай працягласці дарог альбо 5,4% ад агульнай працягласці дарог з цвёрдым пакрыццем. Астатнія ўчасткі дарог, верагодна, знаходзяцца ў ідэальным стане.
Начальнік філіяла “Магілёўаблдарбуда” Дзмітрый Канцавы паведаміў, што яго прадпрыемства ДРБУ №128 абслугоўвае 921 км мясцовых аўтадарог, з якіх 351 км асфальтабетонных і цэментабетонных. У 2023 годзе на бягучы рамонт мясцовых раённых дарог выдзелена з рэспубліканскага бюджэту 5 814 300 рублёў, а на ўтрыманне дарог з абласнога бюджэту – 1 973 400 рублёў.
Планамі прадугледжаны рамонт участкаў дарог Завадская Слабада – Каменка – Арлянка (3,14 км), Вендараж – Бярозаўка (0,63 км), на якіх жвіровае пакрыццё будзе заменена на асфальт. Яшчэ будуць адрамантаваны 3 км дарог з жвіровым пакрыццём, дарога ў в. Сафіеўка. Усяго асфальтабетоннае пакрыццё будзе пакладзена на 16,06 км аўтадарог.
Акрамя таго, плануецца паставіць новыя прыпынкі на аўтадарозе да аг. Раманавічы, на аўтадарозе Сідаравічы – Днепр, правесці ямачны рамонт, замяніць дарожныя знакі, афарбаваць і абнавіць гарызантальную разметку дарог.
Пра змены раскладу руху магілёўскіх аўтобусаў інфармуе Аўтобусны парк № 1.
Расклад руху аўтобуснага маршруту № 43 зменіцца з 15 сакавіка ў сувязі з перакрыццем руху па вуліцы Камсамольскай і арганізацыяй аб’езду маршрутам вуліца Піянерская – праспект Міра. У зваротным напрамку шлях ляжа па вул. Лазарэнка, вул. Болдзіна.
З 18 сакавіка зменіцца расклад руху і аўтобуснага маршруту № 41 з той жа прычыны.
У горадзе быў уведзены каменданцкі час, які фактычна зачыняў горад на выходныя, што прывяло да выкрыцця калабарантаў – паведаміў кіраўнік Мікалаеўскай абласнай пракуратуры Дз. Казак.
Падчас фільтрацыйных мерапрыемстваў былі затрыманы некалькі чалавек, якія перадавалі ворагу інфармацыю пра размяшчэнне ўкраінскіх ваенных.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Па выніках фільтрацыі выяўлена 3 025 асоб, якія маюць у мабільным тэлефоне кантакты з карыстальнікамі мабільных аператараў Расіі. Большасць з іх – гэта кантакты са сваімі роднымі. А вось 61 асоба з названай колькасці выклікалі падазрэнне ў садзейнічанні агрэсіі Расіі. Сярод іх былі выяўлены тры асобы, што ажыццяўлялі збор інфармацыі пра размяшчэнне Сіл абароны Украіны на тэрыторыі Мікалаева, апраўдвалі збройную агрэсію Расіі.
Акрамя гэтага, фільтрацыйныя мерапрыемствы дапамаглі выявіць 4 факты незаконнага захоўвання агняпальнай зброі, 17 фактаў захоўвання, вырошчвання наркатычных сродкаў, 5 асоб, якія знаходзяцца ў вышуку, у тым ліку 3-х ваеннаслужачых, якія самавольна пакінулі вайсковую частку, 2 грамадзян Расіі і Беларусі, якія знаходзіліся ў горадзе з парушэннем міграцыйнага заканадаўства
Па словах кіраўніка пракуратуры, створаныя 200 пошукавых груп і 27 мабільных груп блокавання праверылі 51 740 чалавек і 2 440 транспартных сродкаў.
Некаторыя мікалаеўцы, якія дапамагалі агрэсару, ужо асуджаны, іншыя чакаюць прысудаў.
Пабрацімства Мікалаева з Магілёвам было замацаванае дамовай у 2009 годзе.
31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.
Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 км ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.
Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
