Tag: МЧС

Ад зарадкі ў Магілёве здарыўся пажар, выратаваліся пенсіянерка і яе ўнук

Навіна ад

Днём 26 ліпеня пажар адбыўся ў дзевяціпавярховіку па вуліцы 30 год Перамогі ў Магілёве. На момант узгарання ў кватэры знаходзіліся пенсіянерка 1938 года нараджэння і яе 14-гадовы ўнук.

Пра пажар ратавальнікам заявілі суседзі – яны пабачылі дым каля дзвярэй кватэры на трэцім паверсе. Унук змог эвакуявацца самастойна. Пенсіянерку знайшлі і вынеслі на свежае паветра работнікі МНС – паведамляе прэс-служба. Яна шпіталізаваная з атручэннем.

Паводле папярэдняй версіі, прычынай пажару стала кароткае замыканне ад зарадкі мабільнага тэлефона.

Фота: МНС

Бацька выратаваў сына на пажары, але загінуў сам

Навіна ад

У Клічаўскім раёне ў аграгарадку Заполле вечарам 15 ліпеня адбыўся пажар у дачным доміку. На момант трагедыі ў ім знаходзіліся бацька 1967 года нараджэння і сын 2014-га.

Калі пачаўся пажар – расказаў потым хлопчык – бацька эвакуяваў яго вонкі праз вакно, а сам пайшоў на выхад праз веранду дома. Ратавальнікі знайшлі яго абгарэлае цела – паведамляе прэс-служба МНС. Хлопчык з траўмамі дастаўлены ў шпіталь.

Фота: МНС

У Асіповічах мужчына выйшаў пакурыць і ўпаў з балкона

Навіна ад

Вечарам 14 ліпеня жыхары дома па вуліцы Каралёва ў Асіповічах убачылі мужчыну, што ляжыць на даху магазіна, прыбудаванага да шматпавярховага жылога дома, на ўзроўні другога паверху. Відавочцы адзначылі ратавальнікам, што ён упаў на дах з пятага паверха. Мужчына 1955 года нараджэння, пенсіянер, патлумачыў ратавальнікам, што выйшаў пакурыць на балкон сваёй кватэры, самлеў і ўпаў з балкона. З траўмамі ён шпіталізаваны – паведамляе прэс-служба МНС.

Фота: МНС

На пажары ў Бабруйску загінулі трое, жанчыну з суседняй кватэры ўдалося выратаваць

Навіна ад

Трагедыя здарылася каля 07:00 раніцы сёння, 15 ліпеня на праспекце Будаўнікоў у Бабруйску. Загарэлася кватэра на 9-м паверсе жылога дома. Ратавальнікі знайшлі ў ёй трох чалавек – аднаго мужчыну і двох жанчын. Іх вынеслі на свежае паветра, але медыкі маглі толькі канстатаваць смерць пацярпелых. Асобы ахвяр высвятляюцца.

З суседняй кватэры супрацоўнікі МНС выратавалі жанчыну пры дапамозе спецыяльнай маскі. Прычына пажару высвятляецца – паведамляе прэс-служба МНС.

Фота: МНС

Не разгубіўся, калі шыбанула маланка – школьнік дапамог выратаваць лес пад Дрыбінам

Навіна ад

Трынаццацігадовы магілёвец Цімафей Марковіч атрымаў падзяку ад ратавальнікаў і супрацоўнікаў лясгасу Дрыбінскага раёна за своечасовы сігнал пра лясны пажар. Школьнік, адпачываючы на канікулах у прабабулі ў вёсцы Шастакі, аднойчы трапіў пад непагадзь, гуляючы з сябрамі. Калі пачаўся дождж, малыя разбегліся па хатах. Падыходзячы да дому сваёй прабабулі Цімафей пачуў, як нешта моцна ўдарыла побач у лесе, а з гушчару паваліў моцны дым. Адразу сцяміўшы, што гэта была маланка, школьнік падняў на ногі родных і тыя выклікалі ратавальнікаў. Дзякуючы гэтаму лясны пажар быў хутка ліквідаваны – расказваецца ў матэрыяле газеты “Савецкая вёска”.

Фота: “Савецкая вёска”

Маці і дачка заблукалі ў ягадах пад Магілёвам, іх шукалі некалькі гадзін

Навіна ад

Днём 11 ліпеня дзве жанчыны, маці і дачка пайшлі ў лес па ягады каля вёскі Лыкава Магілёўскага раёна. У 14:43 яны патэлефанавалі выратавальнікам, бо не змаглі самі выйсці з лесу. Выратавальная аперацыя доўжылася некалькі гадзін – паведамляе прэс-служба МНС. Жанчын знайшлі ў шасціста метрах ад вёскі Бароўка ў добрым стане.

Фота: МНС

На Магілёўшчыне гарэлі салома і інтэрнат – дайджэст здарэнняў

Навіна ад

Днём 10 ліпеня пажар адбыўся на пятым паверсе дзевяціпавярховага інтэрната ў Бабруйску на вуліцы Ульянаўскай – паведамляе прэс-служба МНС. Падгарэў адзін з пакояў, закуродыміла блок. Ніхто не пацярпеў.

У той жа дзень каля вёскі Цішоўка Магілёўскага раёна згарэла 10 тон саломы – скірда 2022 года ўраджаю. Яшчэ 65 тон саломы былі выратаваныя ад агню работнікамі МНС. Бліжэй да вечара 10 ліпеня загарэлася сенасховішча ў аграгарадку Семукачы Магілёўскага раёна. 3 тоны сена агонь пашкодзіў, астатнія 27 тон былі выратаваныя.

Фота ілюстрацыйнае.

На пажары ў дачным пасёлку “Аптыміст” пад Магілёвам абгарэў мужчына

Навіна ад

Пажар здарыўся каля першай гадзіны ночы ў гаспадарчай пабудове на прыватным участку ў садовым таварыстве “Аптыміст” каля вёскі Сінюга Магілёўскага раёна. Мужчына 1963 года нараджэння, які знаходзіўся на ўчастку, спрабаваў самайстойна загасіць агонь, але атрымаў апёкі і быў шпіталізаваны – паведамляе прэс-служба МНС. Прычына пажару – неасцярожнае абыходжанне з агнём.

Фота ілюстрацыйнае

На газавай запраўцы пад Магілёвам успыхнуў аўтамабіль, два чалавекі сур’ёзна пацярпелі

Навіна ад

Днём 8 ліпеня на аўтазапраўцы ў Магілёўскім раёне адбылося ўзгаранне аўтамабіля – паведамляе прэс-служба Следчага камітэта.

Як высветлілася, кіроўца на мікрааўтобусе прывёз для запраўкі 2 бытавыя газавыя балоны. Нягледзячы на тое, што гэта забаронена, супрацоўнік запраўкі стаў запаўняць балоны прапанам. Пры запраўцы аднаго з іх адбылося ўзгаранне. У выніку аплавілася заправачная калонка і загарэўся мікрааўтобус. Кіроўца і супрацоўнік станцыі, якія спрабавалі самастойна ліквідаваць пажар, атрымалі сур’ёзныя апёкі.

 

Посмотреть эту публикацию в Instagram

 

Публикация от Навіны Магілёўскага рэгіёну (@mogilev.media)

Фота: Следчы камітэт, скрыншот

Заціснула нагу ў кармушцы, загарэўся бульдозер – дайджэст здарэнняў

Навіна ад

На ферме ў калгасе “Рассвет імя К.П. Арлоўскага” ў Кіраўску мужчыне 1983 года нараджэння заціснула нагу ў аўтаматызаванай кормараздатачнай кармушцы. Для вызвалення работніка прыйшлося выклікаць ратавальнікаў. З траўмамі мужчына быў шпіталізаваны.

Падчас работ па выкараненні хмыззя на полі каля вёскі Красны Бераг Быхаўскага раёна загарэўся бульдозер маркі “Shantui SD16” 2012 года выпуска. Полымем знішчана кабіна і маторны адсек бульдозера. Прычына пажару высвятляецца – паведамляе прэс-служба МНС.

Фота ілюстрацыйнае