Category: Навіны Чавус

Лабавое пад Чавусамі – тры чалавекі загінулі

Навіна ад

Легкавушка выскачыла на сустрэчную паласу і сутыкнулася з мінівэнам на трасе з Магілёва на Чэрыкаў і Касцюковічы.

Аварыя адбылася сёння раніцай – паведамляе прэс-служба УУС Магілёўскага аблвыканкама. 62-гадовы кіроўца аўтамабіля Lada, паводле першапачатковай версіі, выехаў на паласу сустрэчнага руху, дзе сутыкнуўся з мінівэнам GAZ. Сам кіроўца і два яго пасажыры загінулі на месцы, ашчэ адзін пасажыр быў траўмаваны. Траўмы атрымаў таксама кіроўца аўтамабіля GAZ. Зараз на месцы аварыі працуе следчая група – адзначылі ў Следчым камітэце.

Фота: УУС Магілёўскага аблвыканкама

Памерла былая палітзняволеная з Магілёва Ганна Кандраценка – дыягназ ёй паставілі яшчэ на зоне

Навіна ад

Ганна Кандраценка была асуджаная да трох гадоў пазбаўлення волі. У калоніі ёй паставілі дыягназ – рак.

5 лютага 2025 года не стала палітзняволенай з Магілёва Ганны Кандраценка. Пра смерць 39-гадовай жанчыны стала вядома толькі цяпер – паведамляе “Наша Ніва”. У калоніі, падчас трохгадовага зняволення, у яе быў дыягнаставаны рак шыйкі маткі. Ганна Кандраценка памерла праз поўгады пасля вызвалення. З родных у яе засталася толькі маці-пенсіянерка, якая жыве ў Чавускім раёне.

Ганну Аляксандраўну Кандраценку абвінавацілі адразу па трох артыкулах Крымінальнага кодэкса: абраза прадстаўніка ўлады, абраза Лукашэнкі і абраза суддзі альбо народнага засядацеля. Працэс праходзіў у 2022 годзе, яго вяла суддзя Наталля Панасенка.

суддзя
Суддзя Суда Ленінскага раёна г. Магілёва Наталля Панасенка

Вось што пра Ганну Кандраценка расказвала былая сукамерніца, таксама палітзняволеная: “Аня загіне ў тых турмах. Да яе следчы ў калонію прыехаў, а яна нагаварыла на новы тэрмін. Ані вельмі цяжка, у яе падтрымкі амаль не было ад родных, у яе толькі мама пенсіянерка, якая жыве на мінімальную пенсію.

Аня высокая і худзенькая. У яе псарыяз, які пасля працы з сінтэпонам яшчэ больш прагрэсаваць пачаў. Аня ніткі абразала і выварочвала рэчы. Ад тых шмулянняў аб тканіну ў яе стала ўсе горш”.

Акрамя псарыяза, у калоніі ў Ганны Кандраценка дыягнаставалі рак. Нягледзячы на гэта, яе не выпусцілі датэрмінова, а наадварот, дадалі яшчэ адзін тэрмін. За каментарый на адрас інспектара ДАІ Светлагорскага РУУС Андрэя Баграёнка, суддзя Вольга Краўчанка прысудзіла Ганне год пазбаўлення волі і 50 базавых велічынь штрафу, але новы тэрмін быў паглынуты ранейшым, больш строгім.

Суддзя Краўчанка
Суддзя Суда Кастрычніцкага раёна г. Магілёва Вольга Краўчанка

Ганна Кандраценка адбыла свой тэрмін цалкам. Яна вызвалілася 20 чэрвеня 2024 года. На свабодзе Ганна прабыла трохі больш за паўгода, змагаючыся са сваёй хваробай. Па словах аднавяскоўцаў, пасля смерці дачкі яе маці вядзе «пустэльніцкі лад жыцця».

Цеплавы след дапамог знайсці рыбака-пенсіянера, што заблукаў пад Чавусамі

Навіна ад

Драматычную гісторыю пошукаў 77-гадовага рыбака на беразе Расты расказала прэс-служба МНС. Мужчына адправіўся на рыбалку, а вярнуць яго змаглі толькі некалькі машын, квадракоптар і цеплавы след ад кастра.

Звычайна, гісторыі пра пошукі людзей, што заблукалі ў лесе, адносяцца да грыбнікоў і збіральнікаў ягад – чалавеку лёгка згубіць арыентацыю ў аднастайных густых зарасніках. Аднак, вечарам 7 траўня дарогу дадому не змог знайсці пенсіянер-рыбак, які паехаў вудзіць на раку Раста ў Чавускім раёне. Што дзіўна – здавалася б, проста ідзі здоўж берагавой лініі і выйдзеш да людзей.

Пенсіянер 1948 года нараджэння аказаўся, аднак, у цяжкай сітуацыі. Мужчына прыехаў да ракі ў раёне вёскі Капані на сваёй аўтамашыне, але, парыбачыўшы, некалькі гадзін не мог знайсці шлях назад да машыны. Некалькі аўтамабіляў ратавальнікаў адправіліся яму на дапамогу, але так і не выйшлі на след пенсіянера – перашкаджала цяжкая прахадзімасць мясцовасці, а таксама тое, што мужчына меў праблемы са слыхам.

Ратавальнікі паднялі ў паветра квадракоптэр і ў нейкі момант пенсіянер сказаў ім па тэлефоне, што бачыць агні беспілотніка. У гэты самы момант у яго, аднак, сеў акумулятар тэлефона. Пошукі працягваліся да змяркання, а знайсці рыбака дапамог цеплавы след ад кастра, які мужчына развёў, каб не замёрзнуць ва ўмовах анамальных майскіх замаразкаў.

Фота: МНС і не толькі

В Чаусах делают для народа все. Кроме забора вокруг кладбища

Навіна ад

В деревнях Чаусского района власти подводили итоги благоустройства территорий, агитировали за Лукашенко и отказались чинить забор.

В агрогородке Войнилы председатель райисполкома Дмитрий Акулич обсуждал с сельчанами развитие территорий и проблему кадрового обеспечения сельхозорганизации ОАО «Головенчицы» – пишет районная газета. Там работают 82 человека и  «есть проблемы с исполнительской дисциплиной работников». 

А председатель чаусского районного совета «депутатов» Анатолий Матюлин встретился с народом в сельмаге деревни Барышевка, сообщает телеграмм-канал MAYDAY.TEAM. Матюлин рассказал крестьянам о том, сколько делает Лукашенко «для укрепления Беларуси». Люди воодушевились этим заявлением и попросили заодно укрепить забор на местном кладбище, но получили отказ.

В итоге было принято почти соломоново решение – народ сбросится на забор сам, а к Дню деревни коммунальщики его отремонтируют.

Как обстоят дела в районе на самом деле видно по цифрам, приведенным Матюлиным: при общем количестве жителей в 16 тысяч человек, в базе данных незанятых в экономике Чаусского района числятся более 1800 граждан.

На фото: агрогородок Войнилы

Народнае апалчэнне з пенсіянераў фарміруюць у Чавусах

Навіна ад

Ваенны камісар Чавускага і Слаўгарадскага раёнаў Максім Валажанін правёў у будынку райвыканкама ў Чавусах сход, прысвечаны пачатку фарміравання ў гэтым раёне народнага апалчэння – піша газета “Іскра”. Як можна пераканацца па фотаздымках з мерапрыемства, асабовы склад апалчэнцаў – прынамсі, запрошаных на мерапрыемства – гэта людзі глыбока пенсійнага ці перадпенсійнага ўзросту. Сярод прысутных можна заўважыць таксама двух жанчын, трохі маладзейшага веку.

чавускія апалчэнцы

Нагадаем, што першы “атрад народнага апалчэння” у верасні 2022 года быў сфарміраваны ў Клімавіцкім раёне Магілёўскай вобласці. Праўда, пасля інфармацыі пра яго з’яўленне, дзейнасць клімавіцкага атрада цалкам знікла са старонак мясцовай прэсы.

Фота: “Іскра”

Дзясяткі крамаў на Магілёўшчыне гандлявалі пратэрмінаванымі прадуктамі – вось яны

Навіна ад

Санітарна-эпідэміялагічная служба апублікавала пералік крамаў у Магілёўскай вобласці, дзе быў выяўлены продаж тавараў са скончанымі тэрмінамі прыдатнасці.

Больш за ўсё такіх крамаў аказалася ў Магілёве і Магілёўскім раёне – сем. Вось яны:

  • Крама «Капеечка», г. Магілёў, зав.Мечнікава, 6;
  • Крама «Каля дома», г. Магілёў, вул. Пысіна, 2г;
  • Крама «Тройка», г. Магілёў, вул. Чалюскінцаў, 39;
  • Гандлёвы павільён №21 на міні-рынку “Алімпійскі”, па адрасе: г. Магілёў, зав. Гогаля, 2б;
  • Крама райспажыўтаварыства, в.Галынец Магілёўскага раёна;
  • Крама «Капяечка», г. Магілёў, вул. Будаўнікоў, д. 24;
  • Крама райспажыўтаварыства, в. Рэчкі Магілёўскага раёна.

Поўны спіс астатніх парушальнікаў:

Бялыніцкі раён

Крама в.Стараселле Бялыніцкага раёна

г. Бабруйск

Крама №902 «Е-Маркет» г. Бабруйск, вул. 50 год УЛКСМ,15

Крама №50 Бабруйскага раёна в. Слабодка, вул. Шасэйная,24

Клімавіцкі раён

Крама «Светлячок» г.Клімавічы, зав. Рэвалюцыйны,5А

Шклоўскі раён

Крама № 22 г. Шклоў, вул. М. Зарэчная, 82

Крама № 36 аг. Гарадзец, Шклоўскага раёна

Слаўгарадскі раён

Крама «Еўраопт» г.Слаўгарад, вул.Ленінская,34

Быхаўскі раён

Гандлёвы пункт г.Быхаў, вул.Сацыялістычная,61

Крама в.Ч.Бор Быхаўскага раёна

АПС №2 Быхаўскі СПС г.Быхаў, вул.Савецкая,5

Горацкі раён

Крама №446 г. Горкі, вул. Якубоўскага,28

Крама №344 г. Горкі, вул. Якубоўскага,3

Кафэ хуткага абслугоўвання «ЧыкенХіт» г. Горкі, вул. Якубоўскага, д. 25а

Кафэ «Гурман-Піца» (г. Горкі, Спартыўны праезд, 3 А)

Кіраўскі раён

Крама «Скрыжаванне», аг. Баравіца, вул. Цэнтральная, д. 7а, Кіраўскага раёна

Крама ТПС в. Стоўпішча, вул. Камуністычная, д.17.

Крама ТПС в. Тэйкавічы, Кіраўскага раёна

Касцюковіцкі раён

Буфет ЦРБ г. Касцюковічы, вул. Ул.Юнацкая,111

Крама № 14Г. г.Касцюковічы, вул.Студзеецкая,23

Чавускі раён

Гандлёвы аб’ект аг. Радамля, Чавускага раёна

Хоцімскі раён

Крама «Родны кут», в. Боханы Хоцімскага раёна

Крама «Капеечка» г.п. Хоцімск, вул. Садовая, 20

Фота ілюстрацыйнае.

Жанчыне з Чавускага раёна, якая лічылася памерлай 20 гадоў, вярнулі права на жыццё

Навіна ад

Абставіны жыцця загадкавай жыхаркі Чавускага раёна расследавала раённая пракуратура – піша газета “Іскра” – і нарэшце ў гэтай гісторыі пастаўлена кропка. Як высветлілася, яна нарадзілася ў горадзе Бяроза Брэсцкай вобласці і яшчэ ў сярэдзіне 1990-х двойчы адсядзела ў турме за забойства і крадзёж. Падчас зняволення яна так і не атрымала пашпарт грамадзянкі Беларусі, а пасля вызвалення не змагла заставацца ў сябе дома, а пасялілася пад Чавусамі. У выніку жанчына ўсе гэтыя гады пражывала з пашпартам СССР.

Лёс жанчыны, якую завуць Галіна, падрабязна асвятляўся беларускімі СМІ. Галіна сцвярджае, што за прызнаннем яе памерлай стаіць сястра – нібыта тая выгнала яе з дому і адмовіла ёй пражываць разам з сынам, бацькоўскіх правоў у дачыненні да якога яна пазбаўленая. Таксама, менавіта сястра, на думку жанчыны, была зацікаўленая ў тым, каб прызнаць яе памерлай. Гэта давала ёй магчымасць авалодаць сумеснай спадчынай бацькоў.

У 2004 годзе Галіна была афіцыйна абвешчана памерлай, пра што быў складзены запіс акту аб смерці ў Бярозаўскім ЗАГСе. Цяпер жа, як заявілі ў Чавускай пракуратуры, рашэнне аб прызнанні яе памерлай адмененае. Жанчына зможа атрымаць новы пашпарт, уладкавацца на працу і атрымліваць пенсію.

Фота: газета “Іскра”

В Чаусах появилась остановка в виде кузова пожарной цистерны

Навіна ад

Сотрудники Чаусского РОЧС проявили креативность и создали интересный арт-объект.

Чаусские спасатели придумали, как привлечь внимание жителей района к соблюдению правил пожарной безопасности, безопасному поведению на водоемах и профилактической информации для родителей.

Одну из автобусных остановок спасатели превратили в красочный арт-объект.

Фото: “Могилевские ведомости”.

“У госці да радзімічаў” – неапаганскае свята ў Радамлі пройдзе 27 ліпеня

Навіна ад

Як і заўсёды, у праграме этнафестываля – рэканструкцыя паганскіх рытуалаў, канцэрт, касцёр.

Свята раннесярэднявечнай культуры адбудзецца на Замкавай гары паселішча Радамля Чавускага раёна 27 ліпеня. Гэта будзе ўжо адзінаццаты этгафестываль, прысвечаны дахрысціянскай мінуўшчыне славян Магілёўскага рэгіёна. Мерапрыемства пачнецца ў 17.00 і завяршыцца каля 22.00 – перадаюць “Магілёўскія ведамасці”. Звычайна для гасцей фестываля арганізуюцца дадатковыя аўтобусныя рэйсы з Чавус.

Гасцей чакаюць тэатралізаваныя дзеянні з удзелам клубаў гістарычнай рэканструкцыі, звязаныя з побытам племя радзімічаў, абрады, рытуалы, здабыча жывога агню. А таксама тэматычны канцэрт “Ад мінулага ды сучаснага” з удзелам фальклорных ансамбляў Магілёўскай вобласці, конкурс “Радзіміцкія забавы”, работа музея пад адкрытым небам, выставы, выставы-продажы ўмельцаў, майстроў і рамеснікаў, інтэрактыўныя зоны, атракцыёны ў духу ранняга сярэднявечча.

Фота: “Магілёўскія ведамасці”, архіў

Армагедон на Магілёўшчыне – самы моцны ўдар стыхіі прыйшоўся на Асіповічы. Фота, відэа

Навіна ад

Днём 14 ліпеня на Магілёўшчыну абрынуўся жорсткі ўдар стыхіі. Навальніца, якая прайшла па паўднёвых рэгіёнах нашай краіны, закранула таксама некаторыя ўчасткі Магілёўшчыны. Сярод раённых цэнтраў самы моцны ўдар стыхіі адчулі на сабе жыхары Асіповіч.

Так, сапраўдная паніка пачалася ў наведвальнікаў цырка, калі ад моцнага ветра тут пачало проста рваць сам шацёр. Відэа, знятае гледачамі прадстаўлення, а таксама іншыя наступствы стыхіі на вуліцах Асіповіч і на дарогах Магілёўскай вобласці – у нашай відэападборцы.

У Асіповічах стыхія ламала дрэвы ў парку і на вуліцах. Увесь вечар 14 ліпеня і сёння раніцай у горадзе камунальныя службы і іншыя арганізацыі займаліся разборам завалаў.

На некаторых трасах рэгіёна паваленыя дрэвы заблакавалі рух транспарта. Гэта назіралася на трасе Гомель-Магілёў, на дарозе пад Чавусамі – пісалі карыстальнікі Тэлеграм-канала “ДАІ Магілёў ДПС”. 

У Бабруйску пасля навальніцы заліло некалькі гарадскіх вуліц – піша “Камерцыйны кур’ер”.

Нажаль, у піянерскім лагеры пад Рэчыцай ахвярай навальніцы стаў 13-гадовы хлопчык.

АБНОЎЛЕНА:
Ахвярай стыхіі таксама стала 5-гадовая дзяўчынка ў Магілёўскім раёне – паведамляе Следчы камітэт.

Фота, відэа: “Асіповіцкі край”.