Tag: осиповичи

Ужо некалькі гадоў – вось такі ўваход у бальніцу пад Асіповічамі

Навіна ад

Асфальт перад галоўным уваходам у бальніцу сястрынскага нагляду ў вёсцы Дараганава Асіповіцкага раёна мае такі выгляд ужо некалькі гадоў. Падчас правядзення рамонтных работ на падземных камунікацыях дарожнае пакрыццё было ўскрытае, ды так справу і пакінулі.

“Напэўна, на тое ёсць нейкія аб’ектыўныя прычыны, але ж роўнасць дарогі каля важнага сацыяльнага аб’екта, галоўнай установы аховы здароўя цэлага сельсавета – аб’ектыўная неабходнасць. – адзначае на сваіх старонках раённае выданне “Асіповіцкі край” – Цяжка хворым, рухома-абмежаваным пацыентам сталага веку кожны крок даецца з цяжкасцю, а тут яшчэ штучна створаныя перашкоды ў дадатак.”

Фота: Асіповіцкі край

Пад Асіповічамі пройдзе чэмпіянат па збору грыбоў

Навіна ад

На бліжэйшых выходных на беразе Асіповіцкага водасховішча пройдзе экафэст “”Ціхае паляванне” з бардаўскімі песнямі, конкурсам па кулінарыі і чэмпіянатам па збору грыбоў – паведамляе БелТА.

Асноўным месцам правядзення фестывалю стане база адпачынку “Бярозка”. Тут можна будзе спыніцца ў намётавым лагеры ці забраніраваць месцы ў летнім доміку. У 11.00 9 верасня тут пачне працаваць горад майстроў і міні-кірмаш фермерскай і экапрадукцыі “Дары восені”. У гэты ж дзень запланавана пешая экскурсія. 

Раніцай 10 верасня стартуе чэмпіянат па зборы грыбоў, у якім змогуць паўдзельнічаць усе ахвочыя. Пераможцам стане той, хто набярэ больш за ўсё грыбоў па вазе.

Фота з адкрытых крыніц

Лілеі пад два метры ростам і цыбуліна на паўкіло – асіповіцкія агароднікі дзеляцца рэкордамі

Навіна ад

Памідор на 1,5 кг сёлета вырасціў на сваім лецішчы жыхар Асіповічаў Валерый Доўнар – піша “Асіповіцкі край”.

Гэты паказчык – блізкі да нацыянальнага рэкорда, але на Магілёўшчыне збіралі таматы і большай вагі – расказвалі mogilev.media. Так, жыхарка Чавус вырасціла памідор на кіло шэсцьсот. 

А вось дрэвападобныя лілеі ў агародзе Лідзіі Жырнікавай з Асіовічаў перасягнулі ўсе чаканні. Два метры ростам.

Добры ўраджай цыбулі атрымала Ірына Цішурова. Сёлета яна паспрабавала вырасціць гэту культуру з насення. Клопатаў з ёй было нямала, але вынік прыемна ўразіў: вялікія, залацістыя, амаль адна ў адну цыбуліны вагою ў паўкіло.

Кабачок даўжынёй 100 сантыметраў і вагой 3,5 кілаграмы вырасціла Вікторыя Дварэцкая. І гэта не гародніна-пераростак, якая доўга чакала свайго часу на градцы. Кабачок гатунку “кобра” насамрэч павінен быць вялікім. Цікава тое, што пры такіх памерах гародніна мае мяккую лупіну і мякіш амаль без зярнятак.

Фота: “Асіповіцкі край”

Маланка забіла мужчыну пад Асіповічамі

Навіна ад

Вечарам 30 жніўня кампанія маладых людзей вярталася на машыне пасля адпачынку на беразе Свіслачы ў Асіповіцкім раёне. Навальніца заспела іх на лясной дарозе, пагэтаму сябры спыніліся на ўзбочыне дарогі перачакаць непагадзь. 25-гадовы хлопец вырашыў выйсці з машыны, а калі ён адышоў ад аўтамабіля на 10 метраў, яго забіла ўдарам маланкі – паведамляе прэс-служба Следчага камітэта.

Фота: Следчы камітэт, скрыншот

Адразу двое патанулі ў Свіслачы пад Асіповічамі

Навіна ад

Два мужчыны аднаго ўзросту – 1982 года нараджэння абодва – патанулі ў рацэ Свіслач у Асіповіцкім раёне 19 жніўня, паведамляе прэс-служба МНС. Цела аднаго мужчыны было выяўлена днём каля аграгарадка Свіслач, цела другога было знойдзена пад вечар у раёне аграгарадка Ліпень.

Фота з адкрытых крыніц

Амаль тону камбікорма скраў жывёлавод у Асіповічах

Навіна ад

Дваццаць мяшкоў кармавых сумясяў для буйной рагатай жывёлы знайшлі на падворку ў 30-гадовага мужчыны ў Асіповічах. Працуючы жывёлаводам у адным з сельскагаспадарчых прадпрыемстваў горада, на працягу некалькіх месяцаў ён выкрадаў пшанічныя бялкова-крухмальныя прадукты прама з мясцовых пашаў. Усяго скрадзена было 950 кілаграмаў кармоў – паведамляе прэс-служба УУС аблвыканкама. Заведзена крымінальная справа.

Фота: УУС, скрыншот

У Асіповіцкім раёне Яўген Прыгожын зарэгістраваў кампанію

Навіна ад

Як высветлілі беларускія СМІ, у вёсцы Цэль Асіповіцкага раёна Магілёўскі аблвыканкам зарэгістраваў кампанію «Канкорд Мэнэджмент і Кансалтынг». Яе кіраўніком указаны Яўген Прыгожын. Інфармацыя пра гэта ўтрымліваецца ў Адзіным дзяржрэгістры юрыдычных асоб і ІП Мінюста Беларусі.

Таварыства з абмежаванай адказнасцю “Канкорд Менеджмент і Кансалтынг” са статутным фондам у 200 беларускіх рублёў Магілёўскі аблвыканкам зарэгістраваў 19 ліпеня 2023 года. Асноўным відам дзейнасці новай кампаніі заяўлена “Кіраванне нерухомай маёмасцю”. Поўны адрас юрыдычнай асобы – Рэспубліка Беларусь, 213727, Магілёўская вобласць, Асіповіцкі раён, Пратасевіцкі сельсавет, в. Цэль, вул. Усходняя, д. 2а. Менавіта там знаходзіцца палявы лагер, куды з Расіі прыбылі найміты ПВК “Вагнер”.

Фота з адкрытых крыніц

Пад Асіповічы прыбылі ўжо тры калоны “вагнераўцаў”, фуры трапілі на спутнікавыя здымкі

Навіна ад

Беларускія СМІ паведамляюць, што назіралася ўжо тры калоны з дзясяткаў аўтамабіляў, аўтобусаў і фур ПВК “Вагнер”, што прыбылі ў ваенную частку ў пасёлку Цэль пад Асіповічамі.  

Спутнікавыя здымкі лагера пад Асіповічамі апублікавала выданне The New York Times. Па меркаванні выдання, гэтыя здымкі пацвярджаюць перамяшчэнне “вагнераўцаў” у дадзены лагер. Так, на першым фотаздымку, зробленым 14 ліпеня, ніякай актыўнасці не заўважана. На другім здымку, зробленым 16 ліпеня, можна пабачыць некалькі фур. Фуры ўваходзілі ў склад калон, якімі “вагнераўцы” рухаліся па Беларусі ў бок Асіповічаў апошнімі днямі.

Фота: Maxar

У Асіповічах мужчына выйшаў пакурыць і ўпаў з балкона

Навіна ад

Вечарам 14 ліпеня жыхары дома па вуліцы Каралёва ў Асіповічах убачылі мужчыну, што ляжыць на даху магазіна, прыбудаванага да шматпавярховага жылога дома, на ўзроўні другога паверху. Відавочцы адзначылі ратавальнікам, што ён упаў на дах з пятага паверха. Мужчына 1955 года нараджэння, пенсіянер, патлумачыў ратавальнікам, што выйшаў пакурыць на балкон сваёй кватэры, самлеў і ўпаў з балкона. З траўмамі ён шпіталізаваны – паведамляе прэс-служба МНС.

Фота: МНС

У Беларусі заўважылі вялікую калону “вагнераўцаў”, яны рухаюцца пад Асіповічы

Навіна ад

Сёння раніцай стала вядома, што вялікая калона ПВК “Вагнер” з 60 аўтамашын у суправаджэнні аўтамабіляў беларускага ДАІ перасяклі расійска-беларускую мяжу і рушылі праз Рагачоў і Бабруйск у бок Асіповіч. Мяркуецца, што канечнай кропкай маршрута стане лагер у пасёлку Цэль Асіповіцкага раёна. У калоне заўважаны пікапы, фуры, “буханкі” і мінімум тры аўтобусы для перавозкі людзей.

Учора Міністэрства абароны Беларусі паведаміла пра тое, байцы “Вагнера” ўдзельнічаюць у падрыхтоўцы вайскоўцаў падраздзяленняў тэрытарыяльных войскаў у ходзе заняткаў пад Асіповічамі. Назіральнікамі называлася лічба ў 200 чалавек “вагнераўцаў”, што ўжо знаходзіліся на той момант у Беларусі. Таксаама Мінабароны выступіла з заявай, што распрацаваная дарожная карта супрацоўніцтва ведамства з ПВК “Вагнер” па перадачы баявога вопыту.

Фота з адкрытых крыніц