Напрэдадні вадохрышча санітарная служба Магілёўскага рэгіёна ўзяла пробы з крыніц каля абласнога цэнтра. На праверку была ўзятая вада з Палыкавіцкай крыніцы і з крыніцы ў вёсцы Дубінка – піша “Прыдняпроўская ніва”.
Амаль два месяцы таму пробы з Палыкавіч паказалі перавышэнне па нітратах – распавядалі mogilev.media. Пры норме на ўтрыманне нітратаў 45 мг/дм3, вада з крыніцы паказала 46,2 міліграмаў нітратаў на кубічны дэцыметр вадкасці. Пры гэтым ад нітратаў у вадзе немагчыма пазбавіцца кіпячэннем. Пагэтаму спецыялісты заклікалі не ўжываць гэтую ваду як пітво, аднак і забараняць гэта рабіць яны не могуць.
– Нарматыўнымі дакументамі якасць і бяспека вады ў крыніцах не рэгламентуюцца, паколькі гэты від водакрыніцы з’яўляецца прыродным, якасць вады ў дадзеных крыніцах пераменлівая, залежыць ад цэлага шэрагу фактараў. – патлумачыла загадчык аддзялення камунальнай гігіены абласной санстанцыі Аксана Воранава.
Новыя спробы зноўку пацвярдзілі – вада з крыніцы ў Палыкавічах адпавядае гігіенічным нарматывам па мікрабіялагічных паказчыках бяспекі, аднак не адпавядае гігіенічным нарматывам па санітарна-хімічных паказчыках – па ўтрыманні нітратаў. Вада з крыніцы ў Дубінках адпавядае гігіенічным нарматывам па мікрабіялагічных і санітарна-хімічных паказчыках.
З пачатку гэтага стагоддзя амаль кожны год чыноўнікі радуюць жыхароў радаснай навіной пра хуткі пачатак будаўніцтва базы веславання і іншых спартыўных аб’ектаў.
Вось і ў новым 2023 годзе кіраўнік аддзела спорту і турызму абласнога выканаўчага камітэта Сяргей Новікаў парадаваў светлымі перспектывамі будаўніцтва новых спартыўных аб’ектаў жыхароў Магілёўшчыны. Патрапіла ў спіс і шматпакутная бабруйская база веславання. Што праўда, а што летуценне – добра бачна на яе прыкладзе.
Што плануюць чыноўнікі ў 2023 годзе
У Магілёўскім рэгіёне сёлета пачнуць распрацоўваць праекты будаўніцтва трох новых басейнаў: у Кіраўску, Круглым і Слаўгарадзе. Акрамя таго, у гэтым годзе будзе завершана абсталяванне басейна ў Хоцімску – паабяцаў Новікаў.
У чарговы раз чыноўнік паабяцаў таксама і распрацоўку дакументацыі будаўніцтва сучаснага комплекаў бабруйскай базы па веславанню і фітнэс-цэнтру.
Чакае абнаўлення і стайня цэнтра Алімпійскага рэзерву для коннага спорту і сучаснага пяціборства. Тут адбудзецца рэканструкцыя памяшканняў для ўтрымання коняў.
Акрамя таго, у Магілёве ў гэтым годзе пройдзе рэканструкцыя ў зале мастацкай гімнастыкі.
Як варта чытаць падобныя абяцанні чыноўнікаў.
Кідаецца ў вочы маламаштабнасць і малалікасць новых спартыўных будоўляў. Да таго ж, з усіх абяцаных для вобласці аб’ектаў, рэальна працы ўжо ідуць толькі ў Палацы гімнастыкі ў Магілёве. Там толькі што былі перанесены тэрміны адкрыцця новага басейна, пра што пісалі mogilev.media. Усё астатняе – выглядае як пражэкты.
Чытаючы інтэрв’ю чыноўнікаў трэба разумець, што яны абавязаны паказваць станоўчую дынаміку ў развіцці той галіны, за якую яны адказваюць. Таму яны вельмі часта вымушаны паказваць не рэальныя дасягненні, а запланаваныя. Апошнімі гадамі яны, каб напрасткі не трапляцца на хлусні, часцей пішуць пра распрацоўку праектаў ці нават проста дакументацыі пэўных аб’ектаў і ствараюць у жыхароў вобласці ўражанне руху наперад. А ў рэальнасці праекты распрацоўваюцца шмат гадоў і часцяком увогуле не рэалізуюцца. Характэрны прыкад – бабруйская база веславання.
База веславання ў Бабруйску – бег па коле абяцанняў.
Пра праекты мінулага стагоддзя па развіццю веславання ў горадзе не варта згадваць у кароткім артыкуле, але дастаткова сказаць, што ўжо з 2005 года аб’ект знаходзіцца пад кантролем у адміністрацыі прэзідэнта. Упершыню размовы пра будаўніцтва базы веславання ў Бабруйску набылі канкрэтыку ў красавіку 2010 года.
А ў сакавіку 2013 года прадстаўнікі выканаўчага камітэта горада Бабруйска пазнаёміліся з праектам базы веславання, якую пабудавалі ў Гомелі. У цэлым праект іх задаволіў, і яго пачалі абмяркоўваць з дызайнерамі. Засмучалі толькі адсутнасць трэнажорнай залы і пытанні пра выдаткі на будаўніцтва.
Сама база ўяўляла сабой двухпавярховы будынак з гарышчам і трыма элінгамі. У той жа час яго будаўніцтва каштавала 20 мільярдаў рублёў, што адпавядала выдаткам на рэканструкцыю Бабрускага раддому.
У 2013 годзе праект быў адпраўлены на экспертызу і быў ужо заснаваны на праекце дзвюх існуючых баз веславання ў Жлобіне і Мазыры, як больш эканамічных. У чэрвені 2014 года Венгрыя была гатовая вылучыць крэдыт для Бабруйска на будаўніцтва базы веславання.
Новую базу веславання планавалася размясціць на вуліцы Талстога ў раёне санаторыя імя Леніна. Пляцоўка – выдатная. Прастора, пад’езд, спуск да вады. На праекце база выглядала як сціплы палац. Тут прадугледжана ўсё толькі самае неабходнае – гардэроб, залы агульнафізічнай і спецыяльнай падрыхтоўкі, элінгі для захоўвання лодак і памяшканне для іх рамонту. А таксама пакой адпачынку, трэнерскія і масажныя кабінеты, пяць раздзявальняў з цывілізаванымі шафамі і душавымі кабінамі.
У 2015 годзе дызайн і ацэнка дакументацыі базы былі гатовая, але канкурэнцыю яму складала будаўніцтва падобнай базы ў Магілёве. У выніку барацьбы двух гарадоў за новую базу, яна не была завершана ў Магілёве (перапрафілявана ў ФАК на Фаціна) і не пабудавана ў Бабруйску.
У 2021 годзе ўсё паўтарылася амаль па таму ж сцэнару, што было ў 2013 годзе. У выніку была паабяцана будоўля ў 2022-2023 гадах.
І вось у 2023 годзе зноў ідуць размовы пра распрацоўку праекту базы.
Высновы.
Беларускія чыноўнікі ўмеюць планаваць будаўніцтва амбітных праектаў і распрацоўваць іх праекты дзесяцігоддзямі.
Трэба ўлічваць, што функцыянеры распрацоўваюць праекты не толькі для ўтварэння прыгожай карцінкі развіцця спартыўнай базы вобласці. На праектах можна добра зарабляць. Справа ў тым, што калі на працягу трох гадоў распрацаваны праект не здзяйсняецца, то трэба прымаць новы праект і адпаведна выдаткоўваць грошы на гэта. А праектны складнік у агульным кошце любога беларускага аб’екта самы высокі ў Еўропе. Можа быць ён і самы высокі ў свеце, але дакладных дадзеных па ўсіх краінах проста няма.
Вось так прыманне амбіцыйных, але не падмацаваных фінансамі праектаў, такіх як база веславання ў Бабруйску, стварае карцінку клопату пра спорт і здароўе грамадзян, а насамрэч марнуе як народныя грошы, так і энергію людзей.
Управление по труду, занятости и социальной защите Могилевского горисполкома 20 января, в пятницу, приглашает безработных граждан принять участие в электронной ярмарке вакансий.
– Эта площадка предоставит возможность активного диалога в режиме онлайн с нанимателями Могилева – отметила начальник отдела анализа рынка труда Управления по труду, занятости и соцзащите Моггорисполкома Ирена Католикова – В мероприятии примут участие организации Могилева, которые предоставят информацию по актуальным вакансиям. Доступ к вакансиям сохранится и после окончания электронной ярмарки. Они будут автоматически перенесены в базу данных на портале службы занятости. Электронный вариант ярмарки обеспечит общение нанимателя и соискателя в режиме онлайн.
Электронная ярмарка вакансий позволит во многом облегчить процесс поиска работы – воспользоваться таким вариантом можно не выходя из дома. Время проведения электронной ярмарки вакансий – с 10 до 12 часов.
Электронная ярмарка вакансий Костюковичского района для граждан, ищущих работу, состоится также 20 января 2023 года с 11.00 ч. до 12.00 ч. Эта электронная ярмарка вакансий также доступна на сайте e-vacancy.by.
В мероприятии примут участие организации: Костюковичский филиал Автопарк №8 ОАО “Могилевоблавтотранс”, Костюковичское райпо, ОАО “Белорусский цементный завод”, ф-л №3 “Цемстройремонт” государственного предприятия “Управляющая компания холдинга “Белорусская цементная компания”. Соискателям будет предложено более 70 свободных рабочих мест. По окончании мероприятия все актуальные вакансии будут автоматически перенесены в общереспубликанский банк вакансий на портале государственной службы занятости.
Неасцярожныя працы па спілоўванні дрэваў у адным з лясных масіваў Магілёўскага раёна 36-гадовы мясцовы жыхар ажыццяўляў у кастрычніку 2022 года – паведамляе “Прыдняпроўская ніва”.
У выніку ствол спілаванага дрэва ўдарыўся аб зямлю, разламаўся, і адламаны кавалак нанес траўмы іншаму мужчыне, імя якога не называецца. Ад атраманых траўмаў ён сканаў на месцы. За грамадска небяспечныя дзеянні, якія прывялі да смерці іншага чалавека, супраць мужчыны ўзбуджана крымінальная справа, яму пагражае да трох год няволі.
Мінае 72 гадзіны з часу затрымання вядомага магіёўскага сацыёлага, прафесара Магілёўскага дзяржаўнага універсітэта харчавання Юрыя Бубнава, пра якое пісалі mogilev.media. Гэта азначае, што 17 студзеня яму павінны альбо выставіць абвінавачванне, альбо адпусціць.
Афіцыйнай інфармацыі пра прычыну затрымання навукоўца па-ранейшаму няма. Як паведамляюць нашы чытачы, пасля затрымання Юрыя Бубнава ў розных структурных падраздзяленнях – а найперш на кафедры гуманітарных дысцыплін, якую ўзначальвае прафесар – прайшлі допыты супрацоўнікаў. Калег Юрыя Міхайлавіча распытвалі пра публікацыі сацыёлага, з чаго многія зрабілі выснову пра магчымы палітычны падтэкст затрымання – за каментарыі, альбо допісы.
Выказваюцца таксама меркаванні пра магчымую правакацыю, альбо пра ўвагу сілавікоў да даследванняў сацыёлага пра карані беларускай карупцыі.
Пралёты расійскіх і беларускіх ваенных самалётаў над тэрыторыяй Магілёўскай вобласці з 16 студзеня па 1 лютага будуць праводзіцца ў межах ваенных палётных вучэнняў.
Міністэрства абароны Беларусі паведаміла, што 8 студзеня ў нашу краіну прыбыла авіяцыйнае абсталяванне аэракасмічных сіл Расіі. Яно базуецца на ўсіх аэрадромах і навучальных пляцоўках ваенна-паветраных сіл і сіл супрацьпаветранай абароны Ўзброеных сіл Беларусі. Частка самалётаў знаходзілася на ваенным аэрадроме ў горадзе Бабруйску.
Ваенныя камісарыяты просяць не баяцца ваенных самалётаў у небе і распавесці знаёмым, што гэта планаванае палётнае тактычнае вучэнне авіяцыйных падраздзяленняў узброеных сіл Рэспублікі Беларусь і Расійскай федэрацыі, якое адбудзецца з 16 студзеня па 1 лютага.
Найперш самалёты будуць назірацца над Асіповіцкім, Глускім, Кіраўскім, Бабруйскім раёнах.
В самом вузе они не появлялись, но числятся как студенты, будущие программистка и экономист.
Как стало известно mogilev.media, нашумевшие российские вундеркинды, брат и сестра Алиса и Хеймдаль Тепляковы числятся на первом курсе могилевского Белорусско-Российского университета. Про то, что в БРУ ожидают знаменитых студентов наше издание писало еще в ноябре прошлого года. Тогда эта информация курсировала в университете на уровне разговоров и слухов. Сейчас же появились конкретные доказательства зачисления Тепляковых в БРУ в качестве учащихся.
Напомним, Алиса Теплякова стала широко известна в российском медиапространстве в 2020 году, когда в семилетнем возрасте закончила 11-й класс средней школы. Ее многодетный отец — у Тепляковых семеро детей — ошеломил общественность заявлением о том, что его дочь собирается поступать на факультет психологии МГУ. В восемь лет Алиса поступила на специальность «Психология службы», но после скандала на экзамене «Введение в психологию» перестала учиться в этом вузе.
Летом 2022 года Алису Теплякову и ее младшего брата Хеймдаля не приняли в российский университет «Синергия». Им было отказано в зачислении на основании локальных актов вуза, а также в связи с невозможностью освоения практико-ориентированных образовательных программ данного вуза.
Сейчас же десятилетняя Алиса Теплякова является студенткой первого курса Белорусско-Россиского университета. Наши читатели прислали фотографию экзаменационной ведомости группы АСОИЗ-221, в которой значится Теплякова Алиса Евгеньевна.
Группа АСОИЗ-221 обучается по специальности “Автоматизированные системы обработки информации” заочно и изучает программирование. Девятилетний брат Алисы Тепляковой Хеймдаль зачислен в группу ЭМЗ-221. Его специальность – “Электронный маркетинг”, и обучение также заочное.
Известно, что в самом университете, на установочной сессии и на протяжении текущей зимней сессии дети-вундеркинды не появлялись.
Mogilev.media пісалі 26 снежня пра незвычайны выпадак на магілёўскай вуліцы Крывуліна. Кіроўца смеццявоза, спяшаючыся, збіў кранам адразу тры асвятляльныя слупы. Пры гэтым было пашкоджана электразабеспячэння яшчэ некалькіх, бо быў сарваны і ляжаў на зямлі сілавы кабель.
16 студзеня, праз дваццаць дзён пасля здарэння, слупы так і не былі адрамантаваныя. Адзін з трох толькі быў абрэзаны – паведамляюць нашы чытачы.
Над механізмам працавалі паўтара дзясяткі чалавек, а папярэдні быў зроблены адным майстрам – з металалома. Яго абслугоўванне абыходзілася гораду ў 50$ у месяц.
Як паведамлялі mogilev.media гарадскія ўлады абвясцілі, што вежавы гадзіннік на Тэатральнай плошчы ў Магілёве рамантуецца. Хоць ён і не быў паламаны, а прастойваў з-за звальнення знакамітага гадзіннікавага майстра Генадзя Галоўчыка.
Пятнаццаць чалавек на адзін гадзіннік
Магілёўская рэдакцыя тэлеканала “Беларусь-4” распавяла, што над новым электронным механізмам гадзінніка тры тыдні працавалі 15 чалавек. У яго з’явіўся новы “галоўны гадзіннікавы майстар” – вынікае з паведамлення ў Тэлеграм-канале “Могилев – мой город”. Яго завуць Андрэй Дубровін.
Гэта адзначае, што механізм вежавага гадзінніка, які 30 гадоў таму быў зроблены майстар Генадзем Галоўчыкам быў дэмантаваны.
Нагадаем, у 1992 годзе Галоўчык аднавіў гадзіннік на Тэатральнай плошчы пасля таго, як ён прастойваў дзясяткі гадоў – механізм проста разабралі дзеці на дэталі, бо ўваход у яго памяшканне быў вольны. Генадзь Галоўчык зрабіў цалкам новы механізм, выкарыстаўшы металалом з “Магілёўчормета”.
Гэты гадзіннік без паломак адпрацаваў у горадзе да 2021 года. У апошнія гады працы яго абслугоўванне абыходзілася гарадскому бюджэту ў суму, эквівалентную 50$ – менавіта столькі атрамліваў Галоўчык, працуючы на палову стаўкі ў ЖЭУ і адказваючы за працу гадзінніка. Пасля звальнення майстра, спыніўся і механізм.
Новы механізм паламаўся ўжо назаўтра
У якую суму абыйшлося гарадскому бюджэту ўсталяванне цалкам новага механізма і колькі будзе каштаваць яго абслугоўванне надалей – не паведамляецца.
Варта адзначыць, што адразу пасля ўводу ў эксплуатацыю новы электронны механізм гадзінніка пачаў даваць збоі.
Фота, зробленае чытачамі mogilev.media ў 21:15 14-га студзеня 2023 года
Так, гадзіннік быў афіцыйна запушчаны 13 студзеня на Стары Новы год, а ўжо вечарам 14-га не працаваў – паведамілі чытачы mogilev.media. Таксама перастала працаваць яго новая начная падсветка. На наступны дзень, 15 студзеня гадзіннік ужо ішоў правільна, аднак падсветку так і не адрамантавалі.
“Разам – да перамогі!” – мікалаеўцы сабралі сродкі на новы дрон для сваёй арміі – паведамляе Карабелаў.Інфа.
Да збору на беспілотнік далучыліся і простыя працоўныя, і пенсіянеры, і медыкі, і самі вайскоўцы. Гэтым учынкам грамадзяне набліжаюць перамогу Украіны.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.
Шматлікія сёлы Мікалаеўскай вобласці разбураны акупантамі на 70-90%. А вось сяло Пасад-Пакроўскае, на мяжы Мікалаеўскай і Херсонскай абласцей, не мае ніводнага ацалелага дома – населены пункт разбураны амаль на 98%, – паведамляюць мясцовыя СМІ.
Расійскія акупанты ператварылі сяло ў руіну: знішчаны школа, дзіцячы сад, дом культуры, магазіны, аптэкі. На сёння ў сяле застаецца каля 200 мясцовых жыхароў – менш за дзесятую частку даваеннага насельніцтва.
Гінуць дзеці
Напярэдадні Старага Новага года ў Ачакаве Мікалаеўскай вобласці пахавалі трохгадовага Расціслава Прысяжнага – пішаwww.0512.com.ua. Сэрца хлопчыка літаральна разарвалася ад магутнага выбуху, які адбыўся 9 студзеня. Выбух быў такой моцы, што яго чулі нават у Мікалаеве.
Нягледзячы на жыццё ва ўмовах жортскай вайны, мікалаеўцы знаходзяць сілы, час, каб наведваць ўстановы культутуры, заапарк.
У Мікалаеўскім заапарку камчацкім мядзведзям Мірону і Вакуле споўнілася па 23 гады, а ўчора, 13 студзеня, адсвяткаваў свой дзень нараджэння амурскі леапард Раё.
Улюбёнцаў наведвальнікаў Мірона і Вакулу павіншаваць не ўдаецца – яны не выходзяць з бярлогі, у іх глыбокі зімовы сон. А вось амурскі леапард захоўвае бадзёрасць.
У Мікалаеве застаюцца складанымі пытанні электра-, цепла- і водазабеспячэння, але гэта не пужае гараджан. Па даных главы ваеннай адміністрацыі Кіма, у Мікалаеў ужо вярнулася 50-70 тысяч чалавек..
У бліжэйшы час у горадзе плануюць адкрыць тэатры і музеі, перайсці да навучання ў школах оф-лайн, адрадзіць бізнес.
Пабрацімства Мікалаева з Магілёвам было замацаванае дамовай у 2009 годзе.
31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.
Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.
Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
