Tag: Бобруйск

Тры чалавекі падпалілі сябе па неасцярожнасці ў Магілёўскай вобласці

Навіна ад

Тры выпадкі, калі людзі па неасцярожнасці атрымалі апёкі, зафіксаваныя на мінулых выходных на Магілёўшчыне – паведамляе прэс-служба МНС.

Мужчына 1968 года нараджэння ў Бабруйску падпальваў папіросу ад газавай пліты і на ім успыхнуў швэдар, прычыніўшы апёкі. Гэта здарылася яшчэ 5 траўня, але бабруйчанін не стаў звяртацца да медыкаў, пакуль не стаў адчуваць сябе дрэнна. Толькі 9 траўня ён патэлефанаваў дачцэ і паскардзіўся на самаадчуванне. Пабачыўшы на ім апёкі, жанчына выклікала хуткую.

11 траўня апёкі ног атрымаў мужчына 1999 года нараджэння ў вёсцы Азер’е Шклоўскага раёна. Як высветлілася, у 00:11 ночы ён распальваў кацёл бензінам і выпадкова абліў свае ногі.

Таксама 11 траўня ў Кіраўску да лекараў звярнулася мясцовая жыхарка 1987 года нараджэння. На ёй загарэлася вопратка, калі яна гатавала ежу – жанчына выпадкова падсунулася пад агонь і вопратка ўспыхнула.

Фота ілюстрацыйнае.

Жанчыну, падазраваную ў падпале, выратавалі ад утаплення пад Бабруйскам

Навіна ад

У вёсцы Канчаны Бабруйскага раёна мясцовая жыхарка падазравалася ў падпале гаспадарчай пабудовы, а калі за ёй прыйшоў міліцыянер, кінулася ў сажалку.

У красавіку ў вёсцы Канчаны пад Бабруйскам адбылося ўзгаранне гаспадарчага будынка – паведамляе “Трыбуна працы”. На разбіральніцтва сюды прыехаў прадстаўнік крымінальнага вышуку з мясцовага РАУС і атрымаў ад жыхароў вёскі інфармацыю, што да падпалу можа быць датычная сяльчанка 1967 года нараджэння. 

Калі міліцыянер сустрэўся з жанчынай для размовы, яна павяла сябе неадэкватна – стала пагражаць, што патопіць сябе і пабегла ў бок выкапанай сажалкі. Там яна насамрэч кінулася ў ваду і паспела праплыць некалькі метраў, перш чым вада захлынула ёй лёгкія. Прадстаўнік РАУС кінуўся за жанчынай у ваду і выцягнуў, перадаўшы потым у рукі іншых праваахоўнікаў. Яе жыццю зараз нічога не пагражае, а ў сувязі з падазрэннем наконт падпалу, з ёй праводзяцца следчыя дзеянні.

Фота ілюстрацыйнае.

Бабруйчанку пабіліі за паяданне беляша ў тралейбусе – з’явіліся падрабязнасці

Навіна ад

Штраф у памеры 1260 рублёў атрымаў бабруйчанін, які накінуўся на пасажырку тралейбуса, што ела бяляш.

Суд Бабруйскага раёна і горада Бабруйска 2 мая разглядзеў незвычайную справу аб хуліганстве ў грамадскім транспарце. У сакавіку абвінавачаны раптам накінуўся на незнаёмую дзяўчыну за тое, што яна зайшла ў салон з беляшом, піша “Наша Ніва” са спасылкай на сайт Вярхоўнага суда.

Мужчына, па версіі следства, схапіў дзяўчыну за валасы і ўдарыў двойчы – адзін раз па твары, другі – па руцэ. Пры гэтым, са слоў сведак, мужчына паводзіў сябе абуральна і гучна выказваў незадаволенасць пахам ежы ў салоне.

Сам абвінавачаны на судзе адмаўляў, што дзейнічаў з хуліганскіх памкненняў. Суд прызнаў яго вінаватым паводле ч. 1 арт. 339 КК (хуліганства) і прызначыў штраф 30 базавых адзінак – 1260 рублёў.

Таксама ён павінен выплаціць 500 рублёў кампенсацыі маральнай шкоды пацярпелай і 126 рублёў дзяржпошліны. Прысуд у законную сілу пакуль не ўступіў і можа быць абскарджаны.

У сакавіку 2023 года таксама ў Бабруйску малады чалавек ударыў 45-гадовага мужчыну ў тралейбусе пасля зробленай заўвагі, піша “Вячэрні Бабруйск”. Пацярпелы не стаў даваць адпор, мяркуючы, што перад ім школьнік, і не чакаў такой агрэсіі. Хулігана выявілі па камерах назірання.

Фота ілюстрацыйнае

Так халодна ў траўні ў Бабруйску не было яшчэ ніколі за гісторыю назіранняў

Навіна ад

Як і заяўляў Белгідрамет, абвяшчаючы штармавое папярэджанне на ноч і раніцу 6 траўня, сёння ў Беларусі назіралася небяспечная метэаралагічная з’ява – замаразкі да -1 -5°С. Верхняй рысы гэтага прагноза нідзе ў Беларусі дасягнута сёння не было, але ў Бабруйску быў абноўлены абсалютны месячны рэкорд мінімальнай тэмпературы. Так халодна тут у траўні не было яшчэ ніколі, а назіранні на бабруйскай метэастанцыі вядуцца з 1901 года, піша тэлеграм-канал @nadvorie. Сёння тут было зарэгістравана -4,3°С. Папярэдні рэкорд месяца ў -4°С быў зарэгістраваны таксама 6 траўня ў Бабруйску ў 1999 годзе.

надвор'е

Фота ілюстрацыйнае.

Стыхія на Магілёўшчыне зрывала дахі, валіла дрэвы, разбівала машыны – фота

Навіна ад

Навальніца вечарам 4 красавіка пранеслася па Магілёўшчыне з разбуральнай сілай. Найбольш пацярпеў Дрыбінскі раён, але дасталося таксама гаспадаркам і падворкам у Магілёўскім раёне, на Бабруйшчыне.

Гразавы фронт прайшоў пераважна па Гомельскай і поўдню Магілёўскай абласцей учора ў другой палове дня. Парывы ветру дасягалі 27 метраў за секунду – такія даныя былі зафіксаваныя ў Слаўгарадскім раёне, паведамляе прэс-служба МНС.

У Дрыбінскім раёне на сельгаспрадпрыемстве “Чэрнеўка Агра” быў пашкоджаны дах зерневага складу, піларамы, цялятніка і іншых пабудоў.

Черневка Агро

Таксама пабіла вокны ў аўтобусе прадпрыемства, трактары і камбайне.

дрибин черневка

дрибин черневкаагро

У іншых раёнах Магілёўскай вобласці парывамі ветру зрывала дахі на прыватных сядзібах, валіла дрэвы, у тым ліку ў дварах і на аўтамабільных дарогах.


Фота: МНС 

Пакістанцы ўжо ў Бабруйску? Першых працоўных мігрантаў з 150 000 заўважылі ў мясцовай краме

Навіна ад

Першыя пакістанцы з абяцаных Лукашэнкай 150 000 ужо заўважылі ў Бабруйску. Карэспандэнт мясцовага выдання Bobr.by выпадкова сустрэў некалькі чалавек азіяцкай знешнасці ў краме і распытаў іх, адкуль яны і колькі плануюць заставацца ў Беларусі. Мужчыны распавялі, што прыехалі з Пакістана і ўладкаваліся працаваць на пілараме. Іх працоўны кантракт разлічаны на адзін год. Відэа сустрэчы можна цалкам пабачыць тут:

Фота, відэа: Bobr.by

“Экабабры” сабралі смецце на Бярэзіне пад Бабруйскам

Навіна ад

Актывісты экалагічнага руху “Экабабры” зладзілі сплаў па Бярэзіне, і заадно сабралі кучу смецця.

У панядзелак, 28 красавіка сямнаццаць актывістаў спусціліся на байдарках па рацэ, “узброіўшыся” пальчаткамі і пакетамі для смецця. Па дарозе яны вылоўлівалі ў рацэ пластыкавыя бутэлькі і іншы бруд, назбіраўшы больш за дзясятак мяшкоў выкідаў. На развітанне, актывісты заклікалі нераўнадушных жыхароў Бабруйска далучацца да іх ініцыятывы ў наступныя разы – піша bobr.by.

экобобры

экобобры березина

Фота: bobr.by

Паглядзіце, як прайшло раллі на джыпах пад Бабруйскам

Навіна ад

Другія рэспубліканскія спаборніцтвы па джып-спрынту прайшлі на гэтых выходных пад Бабруйскам. На чатырохкіламетровую трасу выйшла каля 100 машын – піша Bobr.by. 

Заезды прайшлі ў чатырох заліковых катэгорыях: стандарт – з нязначным цюнінгам; мадыфікаваныя – з глыбокай дапрацоўкай; протаспецыяльны клас – машыны, створаныя спецыяльна для праходжання трасы і квадрацыклы.

Больш фотаздымкаў можна знайсці тут і тут.

Фота: www2.bobr.by

Пад Бабруйскам ледзь не згарэлі амаль 100 цялят

Навіна ад

Сёння ноччу пажар адбыўся на цялятніку ў вёсцы Коўрын Бабруйскага раёна на філіяле прадпрыемства “Варатынь”. На момант узгарання ў памяшканні знаходзілася 96 цялят узростам ад 3 да 6 месяцаў – паведамляе прэс-служба МНС. Іх усіх паспелі эвакуяваць на вуліцу супрацоўнікі прадпрыемства, пакуль ратавальнікі прыступалі да тушэння агню. Пацярпелых няма, толькі нязначна пашкоджаны дах цялятніка.

цяляты

Фота: МНС

Назвалі даты “Арт-Жыжаля” ў гэтым годзе

Навіна ад

XIX Міжнародны пленэр па кераміцы «Арт-Жыжаль» пройдзе з 10 па 30 ліпеня 2025 года ў вёсцы Вербкі пад Бабруйскам. У ім возьмуць удзел 20 мастакоў-керамістаў з розных краін, якія на працягу трох тыдняў будуць ствараць унікальныя творы з гліны, абменьвацца вопытам і ўдзельнічаць у майстар-класах. Мерапрыемства стане не толькі творчай пляцоўкай, але і культурнай падзеяй для рэгіёна, збіраючы аматараў керамікі і мастацтва з усяго свету. Выставачныя пляцоўкі па выніках пленэра будуць адкрытыя не толькі ў Бабруйску, але і ў Магілёве і Мінску.  Фінальным акордам фестываля традыцыйна чакаецца відовішчнае стварэнне вогненнай скульптуры, вышынёй каля двух метраў (на фота).

Фота: Прэс-служба Магілёўскага аблвыканкама