Category: Раёны

Фатаграфаваўся ў жаночым вобразе – бабруйскі махляр вынаходліва шукаў кліентаў

Навіна ад

Такса за сэкс складала чамусьці 88 рублёў 80 капеек.

Бабруйскі суд вынес пастанову адносна чарговага кіберзлачынцы. Гэтым разам зламыснікам аказаўся мясцовы жыхар, раней ужо судзімы за дзіцячае порна, крадзёж і хуліганства. Як высветлілася падчас следства, ён размясціў свае фотаздымкі ў жаночым вобразе на папулярным мабільным дадатку для знаёмстваў. У апісанні свайго профіля мужчына прадставіўся жанчынай, гатовай на інтым.

На кантакт з ашуканцам у нейкі момант выйшаў іншы бабруйчанін, які пасля кароткай перапіскі атрымаў прапанову сустрэцца. Але спачатку трэба было зрабіць перадаплату – 88 рублёў, 80 капеек на карту. Адкуль узялася менавіта такая сума, невядома. Пасля атрымання грошай махляр даў кантактныя дадзеныя рэальнага чалавека і назваў адрас для сустрэчы, праўда, у іншым горадзе. У судовай справе ён пазначаны як М. Прыехаўшы ў горад М., ахвяра махлярства стаў дазваньвацца да “жанчыны лёгкіх паводзін”, аднак рэальная жанчына адказала яму па тэлефоне, што не разумее, што ён ад яе хоча. Зразумеўшы, што быў ашуканы, мужчына звярнуўся ў міліцыю. Кіберзлачынцу з навыкамі травесці асудзілі да палутара гадоў хатняй хіміі.

Фота ілюстрацыйнае

Асіповіцкі доктар перавёў грошы махлярам, якія прадставіліся галоўным урачом і начальнікам з вобласці

Навіна ад

Жыхара Асіповіч аферысты надурылі на 3000 рублёў. У ход пайшлі актуальныя тэмы – “дапамога Украіне”, страх перад начальствам.

Continue reading “Асіповіцкі доктар перавёў грошы махлярам, якія прадставіліся галоўным урачом і начальнікам з вобласці”

У магілёўскай калоніі памёр палітзняволены Ігар Леднік

Навіна ад

У барысаўскага палітыка была другая група інваліднасці праз хваробу сэрца. Трохгадовы тэрмін ён адбываў у калоніі №15 у Вейна пад Магілёвам.

Continue reading “У магілёўскай калоніі памёр палітзняволены Ігар Леднік”

Житель Быховского района сорвал красно-зеленый флаг со здания магазина

Навіна ад

Для этого он даже не поленился сбегать домой за лестницей

Проходя вечером 16 февраля мимо магазина, сельчанин обратил внимание на официальный флаг, закрепленный на фасаде торговой точки, сообщает близкий к правоохранителям телеграмм-канал. Мужчина попытался сбить его палкой, а когда из этой затеи ничего не вышло, принес из дома лестницу.

Сотрудники Быховского РОВД обнаружили флаг в сарае сельчанина. Объяснять милиционерам свой поступок 54-летний мужчина не стал, остальным же пояснять ничего не нужно. На него возбуждено уголовное дело.

Следует напомнить, что в 2022-м году местные идеологи тоже отличились, украсив государственным флагом «замок» из соломы, построенный ими в поле у дороги Быхов-Воронино. В общем, отношения с государственной символикой в Быхове достаточно сложные: как у властей, так и у рядовых граждан. 

Фото: mogilev.media

Магілёўскага журналіста Яўгена Глушкова прызналі палітвязнем

Навіна ад

Беларускія праваабаронцы прызналі палітвязнем фрылансера і журналіста Яўгена Глушкова. Заява з патрабаваннем вызваліць яго, і іншых журналістаў, што з’яўляюцца палітычнымі зняволенымі, з’явілася 15 лютага на сайце праваабарончай арганізацыі “Вясна”.

«МУС і КДБ у пазасудовым парадку адвольна прызнаюць экстрэмісцкімі групы грамадзян, аб’яднаных грамадскімі альбо палітычнымі інтарэсамі, якія крытыкуюць дзеянні ўладаў і патрабуюць зменаў у дзяржаве і палітыцы, што яна праводзіць, таксама экстрэмісцкімі фарміраваннямі прызнаныя некаторыя СМІ. Гэта ў сваю чаргу адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў у якасці непрапарцыйнай меры абмежавання права на асацыяцыю і свабоды выказвання меркаванняў» – гаворыцца ў супольнай заяве праваабаронцаў.

Як паведамлялі mogilev.media, супраць вядомага магілёўскага відэааператара, фрылансера і журналіста Яўгена Глушкова было высунутае абвінавачанне ва ўдзеле ў «экстрэмісцкім фарміраванні», меркавана на падставе арт. 361-1 Крымінальнага кодэкса («Стварэнне экстрэмісцкага фарміравання альбо ўдзел у ім»). Паводле гэтага артыкула, у залежнасці ад часткі, яму можа пагражаць да шасці альбо сямі гадоў зняволення.

Зараз Яўген Глушкоў знаходзіцца ў СІЗА. Яму ў віну, верагодна, як і іншаму журналісту Алесю Сабалеўскаму, ставіцца супрацоўніцтва з магілёўскімі медыярэсурсамі – 6tv.by / 6tv Belarus і Mogilev.media.

Фота: Сацыяльныя сеткі

За суткі на Магілёўшчыне два чалавекі загінулі ў пажарах

Навіна ад

У Глуску на пажары ў прыватным доме (на фота) загінула жанчына 1970 года нараджэння – паведамляе прэс-служба МНС. Прычыны трагедыі высвятляюцца. Вечарам 18 лютага пенсіянер 1957 года нараджэння загінуў на пажары ў вёсцы Цішоўка пад Магілёвам. Прычына пажару таксама пакуль невядомая. Ніжэй – аператыўнае відэа МНС.

Фота: МНС

На мяжы з Расіяй затрымалі 40 тон польскіх груш

Навіна ад

Магілёўскія мытнікі затрымалі ў Горацкім раёне, на трасе Р-15 дзве грузавыя аўтамашыны з 40 тонамі польскіх груш – паведамляе прэс-служба Дзяржаўнага Мытнага камітэта. Уся прадукцыя, як і аўтамабілі, належылі магілёўскаму прыватнаму прадпрымальніку, аднак на тавар у кіроўцаў машын не аказалася ніякай дакументацыі. Па маркіроўцы каробак мытнікі ўстанавілі, што грушы маюць польскае паходжанне. Яны накіроўваліся ў Расійскую Федэрацыю, а агульны кошт грузу складае каля 350 000 рублёў. Цяпер уласніку пагражае штраф у памеры палавіны кошту “прадмета правапарушэння” – а гэта не толькі грушы, але і аўтамабілі, якімі іх транспартавалі.

Фота: Мытны камітэт

У Палыкавічах скардзяцца на мост – увесь у ямінах, спрабуючы абысці, можна зваліцца ў азярцо

Навіна ад

Падпісчыкі гарадскога пабліка “Могилев Live” размясцілі фотаздымкі жахлівага стану маста ў Палыкавічах, што вядзе да вуліцы Прыазёрнай. “Дарога ў такіх выбоінах і цалкам пакрыта лёдам. – піша аўтар паведамлення – Агароджы па баках няма. Чалавек, які ідзе па краі гэтага мастка, можа зваліцца ў азярцо. Таксама як і машына можа з’ехаць туды ж. Гэта праблема існуе шмат гадоў.”

Фота: “Могилев Live”

У Касцюковічах спявалі перадвыбарныя прыпеўкі – крынжова і ў поўнай цішыні

Навіна ад

Тэлеграм-канал Касцюковіцкай раённай газеты выставіў ролік з двума самадзейнымі артыстамі, што спяваюць прыпеўкі пра “выбары” 25 лютага. “Меня милый не целует, говорит потом-потом. Когда выборы пройдут, поцелую с огоньком” – дзеліцца праблемамі інтымнага жыцця спявачка.

На пачатку роліка аўтары заяўляюць, што гатовыя спяваць прыпеўкі, прысвечаныя “дню галасавання” хоць цэлую гадзіну, але ў рэальнасці іх хапіла менш чым на паўтары хвіліны. Характэрна, што нягледзячы на заклікі “что б вы нам похлопали”, прадстаўленне праходзіла ў поўнай цішыні.

Фота: “Голас Касцюкоўшчыны”, скрыншот

Ванэса Каладзінская з Бабруйска стала чэмпіёнкай Еўропы па вольнай барацьбе

Навіна ад

Цяпер беларуская спартсменка з’яўляецца трохразовай чэмпіёнкай Еўропы.

Бабруйская спартсменка Ванэса Каладзінская ўдзельнічала ў Чэмпіянаце Еўропы па барацьбе ў Румыніі ў вагавай катэгорыі да 53 кілаграмаў. Фінал спаборніцтваў прайшоў 16 лютага. Напярэдадні беларуска выбіла з барацьбы Вераніку Рабавалаву з Паўночнай Македоніі, расіянку Наталлю Малышаву і грачанку Марыю Прэваларакі. У заключным паядынку Каладзінская сустрэлася з шведкай Эмай Мальгрэм, якую ўжо перамагала ўвосень 2023 года ў чвэрцьфінале Чэмпіянату свету. Учора беларуска таксама аказалася мацнейшай – паядынак завяршыўся з лікам 10:2 – паведамляе афіцыйны сайт Нацыянальнага Алімпійскага камітэта.

25 студзеня Міжнародны Алімпійскі камітэт прагаласаваў за вяртанне расійскіх і беларускіх спартоўцаў на міжнародныя спаборніцтвы ў нейтральным статуце. 28 сакавіка прэзідэнт МАК Томас Бах паведаміў, што арганізацыя падтрымлівае допуск спартсменаў у нейтральным статусе, аднак для гэтага атлеты павінны не падтрымліваць вайну Расіі супраць Украіны і не быць звязанымі з расійскімі і беларускімі ўзброенымі сіламі ці органамі нацыянальнай бяспекі.

Фота: НАК