Едучы па вуліцы Маўчанскага ад гандлёвага цэнтра “Атлас” у бок “Гіпа”, кіроўца Hyundai Equus выехаў на сустрэчную паласу, каб абагнаць іншую машыну. У выніку адбылося сутыкненне з машынай Ford, якая ад удару зачапіла Mitsubishi – паведамляе Тэлеграм-канал прэс-службы абласнога УУС.
Паводле папярэдняй інфармацыі, 50-гадовы вадзіцель Hyundai Equus быў у нецвярозым стане. Аварыя адбылася ў 9.00.
Па гарадскіх праязных на іх ездзіць будзе нельга.
З 10 па 14 кастрычніка адмяняецца рух цягнікоў на перагоне Магілёў – Галынец у сувязі з будаўнічыми работами падземнага пешаходнага пераходу ад вуліцы Будаўнікоў да вуліцы Пысіна.
Магілёўскі філіял «Аўтобусны парк № 1 ААТ «Магілёўаблаўтатранс» інфармуе, што з мэтай дастаўкі пасажыраў ад станцыі Галынец да станцыі Магілёў-1 і назад 10, 11, 13 кастрычніка будзе арганізаваны дадатковы гарадскі аўтобусны маршрут № 66 “Прывакзальная плошча – чыгуначная станцыя Галынец” у экспрэсных зносінах.
Для падвозу пасажыраў ад чыгуначнай станцыі “Галынец” да станцыі “Магілёў-1” і назад рух будзе ажыццяўляцца ў наступным напрамку:
— Прывакзальная плошча — вуліца Першамайская — вуліца Камсамольская — вуліца Чалюскінцаў — вуліца Вішнявецкага — в. Цішоўка (вуліца Шашэйная) — аўтадарога Р123 — чыгуначная станцыя «Галынец» (без прыпынкаў);
— Чыгуначная станцыя Галынец — аўтадарога Р113 — в. Цішоўка (вуліца Шашэйная) — вуліца Вішнявецкага — вуліца Чалюскінцаў — вуліца Камсамольская — вуліца Першамайская — Прывакзальная плошча з пасадкай і высадкай пасажыраў на прыпыначных пунктах “Завод сінтэтычных плёнак”, “Каледж мастацтваў”, “Тэатр лялек”, “Прывакзальная плошча”.
Гарадскія праязныя білеты для гэтага аўтобуса не будуць дзейнічаць, звяртаюць увагу ў аўтапарку № 1. Кошт праезду 90 капеек.
Замена ліфтаў у Мінску моцна дапамагла “Магілёўліфтмашу” больш менш стабільна працаваць у апошнія гады. Але планы па замене ліфтавага абсталявання на наступны год у сталічных шматпавярхоўках значна меншыя, бо большасць ліфтаў новыя.
Замена ліфтавага абсталявання ў жылых дамах сталіцы прадугледжана праграмай “Камфортнае жыллё”, якая зацверджана пастановай Савета Міністраў Рэспублікі Беларусь – паведамляе БелТА. Замене падлягаюць ліфты, якія адпрацавалі нарматыўны тэрмін у 25 гадоў і старэйшыя за яго. Работы праводзяцца на 100% за кошт сродкаў бюджэту, самі жыхары не ўкладаюць асабістыя зберажэнні.
У 2022 годзе ў сталіцы павінна быць заменена 440 ліфтоў у шматкватэрных дамах. Большасць магілёўскіх ліфтаў ужо ўсталяваныя. Засталося замяніць яшчэ каля 70 ліфтаў. У сярэднім на замену ліфта і ўводу яго ў эксплуатацыю сыходзіць 2-2,5 месяца.
Сёлета пры замене выкарыстоўваюцца ліфты толькі беларускай вытворчасці ААТ “Магілёўліфтмаш”. Раней калектывы жыхароў дамагаліся ўсталявання таксама і нямецкіх ліфтаў.
Праграма на наступны год яшчэ фарміруецца, але папярэдне плануецца ў жылых дамах Мінска замяніць у 2023 годзе толькі 264 ліфты. Гэта на 40% менш за план на 2022 год. Тлумачыцца гэта тым, што з кожным годам ліфтаў, якія падлягаюць замене, становіцца ўсё менш. У асноўным усё старое ліфтавае абсталяванне, якое адпрацавала нарматыўны тэрмін, у Мінску ўжо замянілі.
Жывёла была заўважаная на ўчастку дарогі пад Беразіно. Ранішняе відэа з ім, знятае пасажырам адной з машын на трасе М4 было выкладзена ў сацыяльных сетках.
Мядзведзяня бегла здоўж падзяляльнай паласы, а з набліжэннем аўтамабіля пачало шукаць магчымасць вярнуцца ў лес. Верагодна, яно трапіла на праезжую частку праз дзірку ў ахоўнай агароджы.
Падобныя выпадкі ўжо не раз здараліся на гэтым участку трасы М4.Так, дарослы мядзведзь быў неаднаразова заўважаны пад Беразіно ў 2018 годзе – пісалі “Магілёўскія ведамасці”.
– Агароджы павінны накіроўваць жывёл да экадукаў, спецыяльных экалагічных мастоў, але ў Беларусі агароджы ставяць, а на экадукі грошай няма. – тлумачылі выданню спецыялісты – Алень ці мядзведзь, вядомы міграцыйным інстынктам, ідзе ўздоўж металічнай агароджы, пакуль не знойдзе адтуліну або праход для другараднай дарогі на скрыжаванні, праз які пападае на трасу і ўжо не можа з яе сысці.
Пра нечаканую актыўнасць медзвядзёў на Магілёўшчыне ў апошнія часы пісалі таксама і Магілёў.media. Нагадаем, што навукоўцы ахнулі, калі падлічылі рэльную колькасць гэтай жывёлы па краіне. Матэрыял “Мядзведзі запаланілі лясы Магілёўшчыны? Разбіраемся” можна прачытаць па гэтай спасылцы.
Дзейнасць архіваў цяжка пераацаніць. Яны – матэрыалізаваная памяць грамадства. Як чалавек без памяці, так і грамадства без архіваў не можа паўнацэнна функцыяваць. Архівы насамрэч даюць вялізныя аб’ёмы інфармацыі па запытах грамадзян і арганізацый. Апошнія гады адным з важных напрамкаў іх дзейнасці з’яўляецца аблічбоўка дакументаў архіўных фондаў, што не толькі спрашчае пошук звестак, але і забяспечвае захаванасць першакрыніц. Але што з таго звычайнаму чалавеку?
Што могуць даць архівы звычайнаму грамадзяніну?
У Магілёве і вобласці працуюць шэраг архіўных устаноў, якія маюць сваю спецыялізацыю.
Дзяржаўны архіў грамадскіх аб’яднанняў знаходзіцца ў будынку гарвыканкама. Там знаходзяцца не толькі справы пра дзейнасць камсамольскіх і партыйных арганізацый у савецкі час, але і тысячы персанальных спраў камуністаў. Калі вашы сваякі імі былі, то вам сюды для вывучэння гісторыі сваёй сям’і.
Дзяржаўны архіў Магілёўскай вобласці знаходзіцца на Рабочым пасёлку па вуліцы Чалюскінцаў. Тут месцяцца справы арганізацый і ўстаноў усіх галін эканомікі і сацыяльнай сферы пераважна пасля 1917 году. Калі вы ведаеце, дзе працавалі вашы продкі, то можаце знайсці і інфу пра іх працу. Часцяком тут шукаюць інфармацыю пра гады працы для пенсій, нават пра прыналежнасць будынкаў для судовых спраў…
Магілёўскі гарадскі архіў размешчаны на вуліцы Маўчанскага д. 52 (былы будынак АТС). Калі арганізацыю, дзе вы працавалі закрылі, то вам сюды. Тут можна знайсці дадзеныя па асабістаму складу і зарплаце для пацверджання стажу працы і афармлення дакументаў для прызначэння пенсіі.
Архіў Органаў ЗАГС – вул. Першамайская 71, Магілёў (Дом Саветаў). Тут інфармацыя па нараджэнню і датах смерці вашых продкаў.
Яшчэ працуюць рэгіянальныя архівы ў Бабруйску і Крычаве, якія абслугоўваюць і суседнія раёны.
Маюцца архівы юстыцыі і КДБ, дзе захоўваецца інфармацыя па крымінальных справах, але яны закрытыя для шараговых грамадзян.
Кожнае дзейнае прадпрыемства ці ўстанова таксама мае свой архіў.
А тым часам
100-годдзе дзяржаўнай архіўнай службы Беларусі адзначылі магілёўскія архівісты.
Лепшымі архівістамі Магілёўшчыны з уручэннем дыпломаў прызнаны Аксана Каюшнікава і Марыя Мардэсава. Прынята рашэнне аб перадачы абласному архіву будынка па вуліцы Карла Маркса плошчай 6 тысяч кв.м. Будуць выдзелены сродкі і праведзена сур’ёзная рэканструкцыя будынка для пераезда туды архіва. Гэта доўгачаканая падзея.
фота з адкрытых крыніц
Чалавека ў касцюме галоўнага героя “Трансформераў” заўважылі падпісчыкі канала “Могилев Live”. Паведамляецца, што ён прайшоўся па магілёўскіх вуліцах.
Варта заўважыць, што такі касцюм аніматара каштуе каля 6 600 беларускіх рублёў – у гэтым можна пераканацца на спецыялізаваных сайтах.
Важны пуцеправод у бок Бабруйска запрацаваў у два бакі. Але працы яшчэ не скончаны.
Са спазненнем у рабочы тыдзень адкрылі рух транспарту ў два бакі на пуцеправодзе, які злучае цэнтр горада і Рабочы пасёлак і прапускае транзітны транспарт на Бабруйск праз чыгунку.
Мы паведамлялі, што рух транспарту па гэтым пуцеправодзе будаўнікі па плане павінны былі адкрыць яшчэ 1 кастрычніка.
Тым не менш, рамонтныя работы працягваюцца на тратуарах і пад пуцеправодам. На выхадныя дні на левым баку рух транспарту зноў будзе перакрыты.
Рамонт маста пачаўся яшчэ ў маі, а канчаткова завяршыць усе працы плануецца да канца года.
Як паведамляюць нашы чытачы, ліўневая каналізацыя каля Фацінскай затокі за апошнія дні моцна апаўзла. У глыбокім рве калектара бязладна валяюцца кольцы трубы, па якой мусіць выцякаць вада з ліўнёвак мікрараёна.
На спадарожнікавым здымку, размешчаным ніжэй, можна пабачыць, якім быў памер размытай часткі калектара на 2021 год – сіняя стрэлка – і дзе пачынаецца роў цяпер – чырвоная стрэлка.
“Вялікі Фацінскі каньён”, як называюць яго чытачы, дабраўся ўжо да імпазантнага карабліка, выкінутага на бераг, а да прыватнага сектара засталося метраў пяцьдзясят.
“Кірмаш вакансій” для людзей сталага веку адбудзецца ў Цэнтры занятасці насельніцтва па вуліцы Касманаўтаў, 17. Мерапрыемства будзе працягвацца ўсяго адну гадзіну – з 11.00 да 12.00 у наступны аўторак 11 кастрачніка.
Вольныя працоўныя месцы пенсіянерам і людзям перадпенсійнага ўзросту прапануюць такія прадпрыемствы, як Магілёўскі філіял “Белпошты”, прадпрыемства “Дыета”, КУП “ЖРЭУ Ленінскага раёна г.Магілёва”, “Камбінат школьнага харчавання” і іншыя.
Беларусы сталі аднымі з лідараў спаборніцтва, у якім паўдзельнічалі прадстаўнікі шасці краін, а магілёвец Уладзімір Грамыка ўзяў срэбны медаль.
Першая адкрытая міжнародная астранамічная алімпіяда праходзіла з 26 верасня па 2 кастрычніка на базе Мардоўскага дзяржаўнага ўніверсітэта імя М.П. Агарова. Сусветная алімпіяда сабрала ў расійскім правінцыйным Саранску прадстаўнікоў толькі 6 краін. У складзе кожнай каманды было па шэсць удзельнікаў.
Спаборніцтва ўключала чатыры туры: тэарэтычны, практычны, наглядальны, тэставы і праходзіла на англійскай мове з выкарыстаннем дыстанцыйных тэхналогій узаемадзеяння.
Беларуская каманда выступіла выдатна і заваявала адзін сярэбраны і чатыры бронзавыя медалі. “Срэбра” атрымаў Уладзімір Грамыка – навучэнец 11-га класа Магілёўскага абласнога ліцэя № 3 – паведамілі ў прэс-цэнтры Міністэрства адукацыі. Падрыхтаваў свайго вучня да перамогі настаўнік фізікі і астраноміі Аляксей Бакарэвіч.
