Tag: ветер

Пасля марозаў прыйдзе Масленіца са снегам і дажджом.

Навіна ад

Надвор’е на выходныя – чакаюцца тэмпературныя «арэлі».

На выходныя ў Магілёўскай вобласці сіноптыкі прагназуюць скачок тэмператур, у сярэднім на 12°С. Пасля іх – зноў маразы. Установіцца пасля яснага надвор’я пераважна пахмурнае. Пройдуць снег, снег з дажджом, а ў суботу і дождж. Працягласць дня расце на 4-5 хвілін і ўжо ў пятніцу, 24 лютага складзе амаль 10,5 гадзін. Усход сонца а 7:59, заход а 18:24. Расце Месяц.

Сінаптычны прагноз на апошні рабочы дзень тыдня, 24 лютага: раніцай да -4°С, а па адчуваннях  -10°С, удзень да -1 +2°С, уноч да +2°С. Неба будзе пахмурным, на працягу большай часткі дня пройдзе снег, які да ночы пяройдзе ў дождж. Вецер паўднёва-заходні і паўднёвы, хуткасцю да 4-6, месцамі да 8 м/с. На дарогах галаледзіца. Месцамі магчымы туман. 

Верагодна, надвор’е не перашкодзіць зяцям прымаць сваіх цёшч на бліны ў пяты дзень Масленічнага тыдня.

Вялес, Улас, Аўлас (народны каляндар). Прыкметы.

Уласьеўскія маразы апошнія, якія завяршаюць зіму: “Улас збей Рог з зімы”.

Суботняе, 25 лютага, надвор’е абяцае быць у асноўным пахмурным, раніцай прагназуецца дождж, у абед – снег, снег з дажджом, у другой палове дня – невялікі снег. Раніцой і ўвечары тэмпература +1 +2°С, днём чакаецца +2 +4°С. На асобных участках дарог захаваецца галаледзіца. Прагназуецца панаванне паўднёвых і паўднёва-заходніх вятроў, хуткасцю да 4-6 м/с, месцамі пры парывах – да 8 м/с.

Народныя прыкметы і традыцыі.

У гэты дзень не толькі святкавалі, але і выносілі на мароз пасяўное насенне, бо верылі, што прамарожанае насенне дасць лепшы ўраджай.

Чым сцюдзёней надвор’е ў гэтыя дні, тым цяплей будзе сакавік.

Адлятаюць на поўнач амялушкі (па-руску свиристели).

У Дараваную нядзелю, у апошні дзень Масленічнага тыдня, 26 лютага, раніцай і ўдзень магчымы тэмпературы да 0 -2°С, да ночы ртутны слупок тэрмометра панізіцца да -3 -5°С. На працягу сутак вызначаць надвор’е будуць заходнія і паўднёва-заходнія вятры хуткасцю да 3-5 м/с, месцамі да 6-8 м/с. 

Пахмурнае с невялікім снегам надвор’е не перашкода для спальвання пудзіла Зімы, сустрэчы Вясны.

Прыкметы. Чым халадней у гэты дзень, як і падчас усяго апошняга тыдня лютага, тым больш спякотным і сухім будзе лета.

Новы працоўны тыдзень з апошнімі двума днямі лютага – 27 і 28 пачнецца з марозаў, праўда, невялікіх.

Фота: mogilev.media 

Маразы да -18°С, снег – надвор’е на Масленіцу

Навіна ад

На новы рабочы тыдзень, на які прыпадае Масленіца, у Магілёўскай вобласці сіноптыкі прагназуюць лютаўскае, з маразамі да -18°С надвор’е, з праясненнямі зімовага неба, з ападкамі. Працягласць дня з панядзелка да пятніцы вырасце на 17 хвілін і дасягне 10 гадзін 25 хвілін. 

У першы дзень Масленіцы, панядзелак, 20 лютага – раніцай і ўвечары да -2 0°С, удзень каля 0 -2°С. Прагназуюцца снегапады, пахмурна. Вецер у першай палове дня заходні і паўночна-заходні, хуткасцю да 8-10 м/с у другой палове дня памяняецца на паўднёвы хуткасцю да 5 м/с. На працягу сутак будзе неустойлівае геамагнітнае поле. На дарогах захаваецца галаледзіца.

Лука (народны каляндар). Прыкметы.

Калі дзьме паўдзённы вецер – да ўраджаю яравых.

Калі сонца заходзіць чырвона – да халоднага лета. Да вятроў калючых.

Аблокі плывуць высока – да добрага надвор’я. Сінія аблокі плывуць – цяпло нясуць.

У аўторак, 21 лютага, на Дзень роднай мовы, надвор’е абяцае быць пахмурным, з невялікім снегам. Раніцай тэмпература 0 -1°С, але паўночныя вятры прынясуць ужо днём паніжэнне тэмператур да -2 -3°С, да ночы да -5 -7°С, месцамі да -10°С. Хуткасць ветра 3-5 м/с, месцамі да 7-10 м/с.

Захар (народны каляндар)

Чым халаднейшы апошні тыдзень лютага, тым цяплейшы апошні тыдзень у сакавіку.

Перастае кляваць (“дзяўбсці”) рыба.

У сярэдзіне рабочага тыдня, 22 лютага, маразы ўзмацняцца, пакажа свой нораў люты. Уранні ўжо слупок тэрмометра апусціцца да -10 -12°С, месцамі пры праясненнях нават і ніжэй. Удзень каля -8 -10°С, да ночы слупок тэрмометра апусціцца да -13 -15°С. Пахмурна з праясненнямі. На працягу сутак працягнуць панаваць паўночна-заходнія і паўночныя вятры хуткасцю да 3–5 м/с. Ціск высокі, таму – без ападкаў.

Нічыпар (народны каляндар)

На Нічыпара ноч цёмная – уцякае зіма.

У чацвер, 23 лютага, пры пануючых паўночных вятрах хуткасцю да 5 м/с, захаваецца марознае надвор’е: уранні слупок тэрмометра упадзе да рэкордных тыднёвых  -16  -18°С, у некаторых месцах, магчыма, і да -20°С, днем тэмпература падрасце да -8   -10°С, увечары каля -9 -11°С. Ясна, пераменна воблачна. Вецер паўднёвы і паўднёва-ўсходні, хуткасцю да 2-3 м/с. Пахмурна, без ападкаў.

Прохар (народны каляндар)

Прыйшоў Прохар ды Улас – хутка вясна ў нас.

На Прохара і зіма-зіма завохкала, а люты бушуе, але вясну чуе.

На Прохара пачынаецца паварот на вясну.

Прыйшоў Прохар – вясна зазірнула на двор.

У апошні дзень працоўнага тыдня, 24 лютага, па папярэдняму прагнозу будзем чакаць у асноўным пахмурнае снежнае надвор’е з рэем на павышэнне тэмператур. Раніцай -5 -8°С. Дзённыя паўднёвыя і паўднёва-заходнія вятры хуткасцю да 5 м/с прынясуць пацяпленне і снег: днём да 0 -1°С, месцамі да -2°С, да ночы тэмпература можа падняцца да адзнакі 0 і вышэй за 0°С.

Вялесаў дзень. Валоссе. Валосы. Улас, Аўлас (народны каляндар). Сярэдзіна зімы.

Уласаў дзень — каровіна свята. Каля Уласа сем маразоў – тры да Уласа, адзін на Уласа і тры пасля Уласа.

Фота: mogilev.media 

Надвор’е на канец тыдня – ваганні тэмпературы ад 0 да -4°С, снег, завіруха, вецер

Навіна ад

На выходныя ў Магілёўскай вобласці сіноптыкі прагназуюць адносна цёплае для зімы надвор’е, невялікія начныя маразы, пахмурнасць, з праясненнямі, узмацненне вятроў. Працягласць дня расце на 4-5 хвілін і ўжо ў суботу, 18 лютага складзе амаль 10 гадзін. Усход сонца а 8:13, заход а 18:12.

Вялікіх марозаў да -24 -27°С, як у 1979 годзе, і цяпла да +6 +8°С, як ў 1998 годзе не прагназуецца.

Сінаптычны прагноз на апошні рабочы дзень тыдня, 17 лютага: раніцай да -3  -4°С, удзень да -3°С, уноч да -2°С, неба захаваецца пахмурным, на працягу дня пройдзе невялікі снег, уночы чакаецца снегапад. Вецер паўднёва-усходні хуткасцю да 4-7, месцамі да 10 м/с. На дарогах захаваецца галаледзіца. Уноч і ўранні месцамі магчымы туман, раніцай і днём ў асобных раёнах – наліпанне мокрага снега.

Суботняе, 18 лютага, надвор’е абяцае быць у асноўным пахмурным, у першай палове дня магчымы снегапад, у другой палове – невялікі снег. Раніцой і ўвечары тэмпература 0 +2°С, днём чакаецца +2 +4°С. На асобных участках дарог захаваецца галаледзіца. Прагназуецца панаванне паўднёва-ўсходніх і заходніх вятроў, хуткасцю да 8 м/с, месцамі пры парывах – да 10 м/с.

Агата (народны каляндар). Прыкметы.

Калі ў гэты дзень мароз, то вясна будзе “дружная”, а лета – сухое і спякотнае.

18 лютага 1979 года ў пустыні Сахара, на поўдні Алжыра выпаў снег.

У нядзелю, 19 лютага, раніцай і ўдзень магчымы тэмпературы да 0 +1°С, уноч да 0 -1°С. На працягу сутак працягнуць заходнія вятры хуткасцю да 4-8 м/с, месцамі да 10-12 м/с. На працягу дня магчымы невялікі снег, пахмурнае, месцамі з праясненнямі надвор’е. Захаваецца галаледзіца.  

Вукола Цялятнік.

Мароз на Вуколу прадвесціць, што вясна будзе бурлівай, а лета сухім і спякотным.

19 лютага 1855 года ў Еўропе была створана першая карта надвор’я.

Фота: mogilev.media

Днём да +2°С, невялікія маразы, воблачна, невялікі снег – прагноз на рабочы тыдзень

Навіна ад

На новы рабочы тыдзень у Магілёўскай вобласці сіноптыкі прагназуюць адносна цёплае для лютага дзённае надвор’е, невялікія начныя маразы, пахмурнасць, з праясненнямі. Працягласць дня з панядзелка да пятніцы вырасце на 16 хвілін і дасягне 9 гадзін 55 мінут. У канцы працоўнага тыдня сонца ўзыйдзе а 8:15 і зойдзе у 18:10.

Сінаптычны прагноз на панядзелак, 13 лютага такі: раніцай да -1 0°С, удзень да +2°С, уноч да 1 +2°С, неба зноў пахмурнее, толькі месцамі магчыма праясненне, у асноўным без ападкаў. Вецер заходні і паўднёва-заходні, хуткасцю да 5, месцамі да 6–7 м/с. На дарогах захаваецца галаледзіца.

Мікіта Конік. Народныя прыкметы:
На Мікіту чырвоны агонь у печы абяцае халоднае надвор’е, а белы цёплае.
Галкі і вароны крычаць бесперапынна – будзе снегапад, а магчыма, і завіруха.
У аўторак, 14 лютага, надвор’е абяцае быць пахмурным, з невялікім снегам. У Дзень закаханых ужо вее вясной: раніцай да 0 +1°С, днём чакаецца тэмператра каля +1 +2°С, уноч каля 0 -1°С. На дарогах захаваецца галаледзіца. Прагназуецца панаванне паўночна-заходніх і паўночных вятроў, хуткасцю да 5 м/с, месцамі – да 8 м/с.

Валянцін. Трыфан Зорысты. Народныя прыкметы:

Калі вецер моцны і халодны, то і вясна не будзе песціць цяплом, а лета будзе дажджлівым.
Калі на вуліцы штыль, то вясна будзе цёплай.
Калі неба на Трыфана зорна – вясна позняя.
Зорапад на Трыфана прадвесціць ціхую вясну.
Калі на Трыфана ідзе снег – вясна будзе дажджлівая.
Калі ў Трыфанаў дзень халады пачнуцца – вясна будзе позняя і халодная.

У сераду, 15 лютага, раніцай магчымыя тэмпературы да -2 -3°С, удзень каля 0°С, да ночы слупок тэрмометра апусціцца да -5 -6°С. На працягу сутак працягнуць панаваць паўночна-заходнія і паўночныя вятры хуткасцю да 3–5 м/с. На дарогах захаваецца галаледзіца. Раніцой і днём пераважна пахмурнае надвор’е, пераважна без ападкаў, увечары магчыма праясненне.

Грамніцы. Зіма з летам сустрэліся: сонца на лета, зіма на мароз.
Раніцай на Грамніцы снег – да ўраджаю ранняй збажыны, апоўдні – сярэдняй, увечары – позняй.
На Грамніцы сняжок – увесну дажджок.
Кропель на Грамніцы прадвесціла ўраджай пшаніцы.
Грамніцы – час апошніх зімовых маразоў.
Калі неба бяззорнае – вясна заплача позна.

На чацвер, 16 лютага, прагназуецца наступнае надвор’е: уранні да -6°С, днем тэмпература падрасце да -2 0°С, да ночы зноў апусціцца да – 4 -5°С. Вецер паўднёвы і паўднёва-ўсходні, хуткасцю да 2-3 м/с. Пахмурна, без ападкаў.

Сямён і Ганна.
Калі на Сямёна і Ганну снег валіць шматкамі – лета будзе дажджлівым.

У апошні дзень працоўнага тыдня, 17 лютага, прагназуецца ў асноўным пахмурнае надвор’е. Раніцай -4 -5°С. Паўднёвыя і паўднёва-заходнія вятры хуткасцю да 3–4 м/с удзень і ўвечар прынясуць пацяпленне і снег: днём да -1 -2°С, месцамі да 0, а к ночы тэмпература вырасце да 0 +1°С.

Сцюдзёны Мікола.
Рэдкі год у гэты дзень не было маразоў.
Мікалай Сцюдзёны – час звярыных вяселляў
Калі лес счарнеў, значыць варта чакаць адлігу.
Калі доўгія сухія яловыя галіны згінаюцца – будзе завіруха, а калі распростваюцца – надвор’е будзе спрыяльным.

Катаклізмы.

16 лютага 1600 года зафіксавана першае моцнае еўрапейскае пахаладанне. Яно было звязана з выбухам вулкана за тысячы кіламетраў ад нашых земляў, у Паўднёвым Пяру – ажыў Хуайнапуціна (Huaynaputina, на мове кечуа – “малады вулкан”).

Пасля гэтага ў Еўропе фактычна не было лета – снег мог выпасці нават у чэрвені, пастаянна ішоў халодны дождж. У некаторых беларускіх хроніках пісалася, што Балтыйскае мора замярзала да «Гоцкага вострава» (Готланд), і да яго можна было даехаць ледзь не на санях. Караблі не плавалі, рыбу не лавілі і не перавозілі.

Глыбокае прамярзанне беларускіх рэк, асабліва Нёмана і Дзвіны, вельмі турбавалі мясцовых купцоў, для якіх гэтыя рэкі былі асноўнымі гандлёвымі шляхамі. У пачатку XVII стагоддзя у нашых гарадах згадваюцца лядовыя кірмашы, калі гандаль выходзіў па-за межы гарадскіх рынкаў і размяшчаўся проста на лёдзе. Тое было прывольна, навокал рынка можна было будаваць лядовыя крэпасці і кідацца сняжкамі.

Хроніка размешчанага недалёка ад Быхава Баркулабаўскага манастыра падае жудасныя карціны прыроднай і гуманітарнай катастрофы, якая ахапіла Рэч Паспалітую і ВКЛ. Пачаўся “вялікі голад”. У суседняй Масковіі за 1601-1604 гады ён забраў 500 000 жыццяў.

Невялікія маразы, пахмурнасць з праясненнямі і снег вызначаць надвор’е на уікенд

Навіна ад

На выходных у Магілёўскай вобласці захаваецца адносна цёплае для лютага і камфортнае па тэмпературах надвор’е, абяцаюць сіноптыкі. 

У пятніцу, 10 лютага, прагназуецца раніцай да -5 -3°С, удзень да -2 0°С, уноч да -2°С. Неба будзе пахмурным, магчыма месцамі праясненне, у асноўным без ападкаў, дзе-нідзе магчымы невялікі снег. Вецер паўднёва-заходні і заходні, хуткасцю да 4-5, месцамі да 7 м/с. На дарогах захаваецца галаледзіца.

Яфрэм Сірын. Яфрэм Ветраннік (народны каляндар).

Вецер на Яфрэма – да сырога лета. Яфрэмаў вецер не да дабра.

Дзень (імяніны) добрага духу дома – дамавіка. Згодна з народным павер’ем, дамавік – захавальнік у ночы хлебнага духу ў печы.

Субота, 11 лютага абяцае быць пахмурнай, з невялікім снегам. Раніцай да -2 -1°С, днём прагназуецца тэмператра каля 0°С, уноч каля -2 +1°С. На дарогах захаваецца галаледзіца. На працягу дня будуць панаваць паўднёва-заходнія і паўночна-заходнія вятры, хуткасцю да 5-7 м/с, месцамі – да 9 м/с.

Лаўрэн (народны каляндар). На Лаўрэна ведзьмы на палях “заломы” ладзяць. Каб адпудзіць паскуддзе, па кутах поля ўтыкалі чартапалох.

Люты пераменлівы ў гэты дзень: “і цеплынёй прылашчыць, і марозам аддубасіць”.

У нядзелю, 12 лютага, раніцай магчымы тэмпературы да -4°С, удзень каля -3 -2°С, увечары і ноччу да -3°С. На працягу сутак працягнуць панаваць вятры паўночна-заходняга і заходяга напрамкаў, хуткасцю да 3-5 м/с. На дарогах захаваецца галаледзіца. Захаваецца пахмурнае надвор’е, пераважна без ападкаў. Даўжыня дня вырасла ўжо да 9 гадзін і 35 хвілін.

Дзень трох свяціцеляў – Васіля Вялікага, Рыгора Багаслова, Іаана Залатавуста.

“На трох свяціцеляў нельга прасці”, таму завуць гэты дзень яшчэ і “днём трох свяціцеляў – непрадзільшчыкаў”.

Чырвоны Месяц – на вялікі вецер.

Вецер панёсся – да сырога года.

Прыходзяць зайцы ў сады – будзе люты суровы.

Ваўкі выюць пад жыллём – да будучага марозу.

За суткі да адлігі мышы выходзяць з-пад ляснога подсцілу на снег.

Калі дрэвы пакрыліся шэранню, значыць быць цяплу.

Калі павеяў вецер з поўначы, а хмар няма – быць вялікім халадам.

Калі сонца зімой закотваецца ў хмару – будзе буран.

Снягір рыпіць, значыць будзе снег, завіруха і золь.

Катаклізмы. 12 лютага.

1943 год. На кукурузным полі нараджаецца вулкан Парыкуцін (Мексіка), які да 1946 дасягне вышыні 518 м.

1947 год. У гарах Далёкага Усхода Сіхатэ-Аліня, на ўзбярэжжы Японскага мора, падае самы буйны з вядомых чалавецтву жалезны метэарыт. 

Ён драбніцца ў атмасферы і выпадае жалезным дажджом на плошчы 35 квадратных кіламетраў. Яго маса ацэньваецца ў 60 тон, з якіх сабрана 27 тон у выглядзе аскепкаў рознай велічыні. Вага самага вялікага са знойдзеных сколкаў складае 1,7 тоны. Гэты метэарыт – прыклад класічнага метэарытнага падзення. Выключна спрыяльнымі аказаліся час і месца падзення, цудоўнае надвор’е і нават водападзел, які захаваў карціну разбурэнняў у максімальнай ступені. Месца падзення метэарыта было знойдзена на наступны дзень, а ўжо праз два тыдні першыя даследчыкі былі на месцы падзення.

Невялікія дзённыя маразы, пахмурнасць, снег – надвор’е да канца рабочага тыдня

Навіна ад

У цэлым на бягучым працоўным тыдні ў Магілёўскай вобласці захаваецца адносна цёплае для лютага і камфортнае па тэмпературах надвор’е – абяцаюць сіноптыкі.

У аўторак, 7 лютага, прагназуецца ўдзень да -3°С, уночы да -10 -13°С, неба будзе пахмурным, магчыма месцамі праясненне, пройдзе невялікі снег. Вецер паўднёва-усходні, хуткасцю да 3, месцамі да 5 м/с. На дарогах галаледзіца.

Рыгор (народны каляндар). Народныя прыкметы:

Якое надвор’е з раніцы да поўдня, такое будзе і ў першую палову наступнай зімы.

Якое надвор’е з апоўдня да вечара – такое яно будзе ў другую палову наступнай зімы.

Ужо звініць першая крапель з дахаў дамоў нават пры марозе.

Серада, 8 лютага абяцае быць пахмурнай з магчымымі праясненнямі, з невялікім снегам. Днём прагназуецца невялікі мароз -3 -4°, ноччу да -6°С. На дарогах захаваецца галаледзіца. На працягу дня будуць панаваць паўднёва-усходнія вятры, хуткасцю да 2 м/с, месцамі – да 5 м/с.

“Гарохавы” дзень. Па гароху варажылі на надвор’е – рассыпалі на сподак жменьку гароху. Калі ён звонка грукнуўся аб сподак – да жорсткіх маразоў, калі глуха – то хутка пойдзе снег.

Народныя прыкметы і назіранні.

Калі сініца з раніцы спявае, то зіма яшчэ прыйдзе.

Сава крычыць – холад вяшчае.

Выходзяць вонкі бабры.

Пачынаюцца вясновыя гульні ў зайцоў.

З’яўляюцца нашчадкі ў клястоў і мядзведзяў.

У чацвер, 9 лютага, удзень пацяплее, слупок тэрмометра пакажа -1°С, начныя тэмпературы складуць -7 -8°С. На працягу сутак працягнуць панаваць вятры паўднёва-усходняга напрамку, хуткасцю да 3 м/с. На дарогах захаваецца галаледзіца. Захаваецца пахмурнае надвор’е, пераважна без ападкаў.

Дзень Івана Залатавуста.

Калі пасля завеяў у снежных гурбаў грабяні закругленыя, то гэта абяцае добры ўраджай.

Калі снег на палях ляжыць хвалямі, год будзе ўраджайным.

Апошні рабочы дзень тыдня, 10 лютага, днём будзе каля -1 -2°С, уноч да -4°С, месцамі да -8°С. Пахмурна, верагоднасць выпадзення снега. Узмацніцца хуткасць ветра да 7 м/с, месцамі да 9 м/с. Вятры паўднёва-заходняга накірунку.

Яфрэм Ветранік (народны каляндар).

Вецер на Яфрэма – да вільготнага лета. Яфрэмаў вецер не да дабра.

Імяніны дамавіка. Сялянкі рыхтавалі для дамавіка кашу і запрашалі на вячэру.

Добры клёў на рэках.

Фота: mogilev.media 

Падбадзерлівыя маразы, пахмурна, снегапады – прагноз надвор’я на выходныя

Навіна ад

Нягледзячы на тое, што ў цэлым люты чакацца адносна цёплым і камфортным па тэмпературнаму рэжыму, у Магілёўскай вобласці канец бягучага тыдня, выходныя і наступны тыдзень адзначацца зменай калянулявых тэмператур на іх павольнае паніжэнне. 

Установяцца маразы, якія будуць бадзёрыць. Пройдуць снягі, якія закрыюць глебу і вулічны бруд, павялічыцца снегавое покрыва.

У пятніцу, 3 лютага, сіноптыкі прагназуюць тэмпературы ўдзень да -2°С, уноч да -3  -5°С, неба будзе пахмурным, пройдзе снег. Вецер паўночна-заходні, хуткасцю да 3, месцамі да 5-8 м/с. На дарогах галаледзіца.

Максім (народны каляндар). Прыкметы.

Калі яснае надвор’е, тое гэта да ранняй вясны.

Калі зара на Максіма ясная, то варта чакаць маразы.

Надвор’е гэтага дня вызначае лёс ураджаю: “Святло-месяц узыдзе, затуманіўшыся, з-за аблачыны – будзе добрае жыта ў засеках”, а калі неба бясхмарнае – пуста будзе на будучы год у свіранах.

У суботу, 4 лютага, і начныя і дзённыя тэмпературы панізяцца. Днём прагназуюцца марозы -3  -5°, ноччу  -6   -7°С. Даўжыня дня ўжо складае 9:06, ён павялічыўся ў Магілеве на 1 гадзіну і 42 хвіліны, але сонца і святла як не хапала, так і не хапае. Захаваецца воблачнае надвор’е, верагодна выпадзенне снега. На дарогах захаваецца галаледзіца. На працягу дня будуць панаваць паўночна-заходнія вятры, хуткасцю да 5 м/с, месцамі – да 8 м/с.

Народныя прыкметы.

Моцныя маразы, якія бываюць у гэты дзень называюцца Цімафееўскімі.

Пра гэта гаварылі яшчэ на Апанаса (31 студзеня): “Апанас-мароз марозіць нос, а ты пачакай, дачакайся Цімафея-паўзімніка”.

Чым больш выпадзе снегу, тым вышэйшы ўраджай збожжавых.

У нядзелю, 5 лютага, працягнецца павольнае падзенне тэмператур на 1°С. Удзень парагназуецца тэмпература -5 – 7°С, ноччу да -8°С. На працягу сутак будуць панаваць вятры паўночнага накірунку, хуткасцю да 7-8 м/с. На дарогах захаваецца галаледзіца.

Цягам новага рабочага тыдня, верагодна, захаваецца трэнд паніжэння дзённых і начных тэмператур на 1°С.

Фота: mogilev.media 

Прагноз на люты – невялікія маразы, нязначныя ападкі, тэмпературы ад 0 да -6º

Навіна ад

Папярэдні доўгатэрміновы прагноз надвор’я.

Шматлікія мадэлі надвор’я на люты сведчаць пра тое, што месяц будзе з марозным надвор’ем, у сярэднім ад 0 да -6ºС, у асобныя дні ад -3 да +2 ºС, самыя мінімальныя начныя тэмпературы могуць дасягнуць адзнакі -9 -12 ºС. Большая частка дзён месяца будуць пахмурнымі, з невялікімі ападкамі. 

Люты – апошні месяц зімы. У народзе яго называюць па-рознаму, часцей «люцень», паколькі бываюць яшчэ ў гэты час лютыя маразы. А яшчэ “Люты – ілгун: адзін бок грэе, другі студзіць”. Існуе прымаўка: “Люты – месяц люты, пытаецца: як абуты?”.

У гэтым апошнім каляндарным зімовым месяцы хутчэй расце паўдзённая вышыня сонца, падаўжаецца дзень, з ім расце і сонечная радыяцыя, тэмпература паветра. Але месяц застаецца пахмурным. У сярэднім сонца закрыта аблокамі 16 дзён, бывае і 23. Ясных дзён мінімум 2, максімум – 7.

Сярэдняя тэмпература лютага на 0,7ºС вышэйшая за студзеньскую і складае ў Магілёве -6,9ºС, у Бабруйску -6,8º. Самая нізкая тэмпература лютага на Магілёўшчыне ў Горках -7,8ºС. 

Адзін раз на 33 гады сярэдняя тэмпература лютага ніжэй за -15ºС. У лютым 1940 года адзначаны абсалютны мінімум сярэднемесячных тэмператур у вобласці  -19ºС. 

Пад уплывам Атлантыкі і патокаў міжземнаморскіх паветраных мас з Балкан часта фарміруецца цёплае лютаўскае надвор’е.

Так, у 1990 годзе сярэдняя тэмпература лютага склала +1,7 ºС, што было на 8,6 º вышэй за норму. У гэтым жа годзе быў адзначаны і самы высокі абсалютны максімум лютаўскіх тэмператур: у Магілёве +12,9º, Бабруйску +14,9º. 

Амплітуда крайніх тэмператур складае амаль 52ºС, сярэдніх 21º – усё гэта вынік “свавольства” цыркуляцыйных працэсаў.

Паўднёвыя сцены дамоў, схілы дахаў добра праграваюцца і нават у марознае надвоор’е назіраецца капёж. Нездарма месяц называюць “бакагрэй”, “бакі грэй”, бо сонейка пачынае прыпякаць.

У лютым выпадае невялікая колькасць ападкаў – 32-35 мм, але характэрна іх вялікая зменлівасць. У 1890 годзе у Магілёве выпала толькі 1 мм, а у 1926 годзе – 81 мм.

У лютым пераважаюць вятры паўднёвых напрамкаў, у сярэднем хуткасцю 4,1 м/с. У гэтым месяцы да паловы дзён могуць быць з мяцеліцамі.

Прыкметы аб надвор’і ў лютым.

У пачатку лютага цёпла, растае снег – да добрага ўраджаю.

Калі люты халодны – да спрыяльнага лета.

Люты халодны і сухі – жнівень гарачы.

Люты цёплы – да халоднай вясны.

Яркія зоркі ў лютым – да марозу, цьмяныя – да адлігі.

Калі люты выдасца дажджлівым, то такімі ж можна чакаць вясну і лета.

Пагодлівы люты прадвесціць засуху летам.

Моцныя маразы – да кароткай зімы.

У канцы лютага шмат доўгіх ледзяшоў – да доўгай вясны.

Чым халадней апошні тыдзень лютага, тым цяплей будзе ў сакавіку.

Гром у лютым – да моцных вятроў.

Мокры снег, завіруха, вятры прагназуюцца на пачатку наступнага тыдня

Навіна ад

Умовы надвор’я ў Магілёўскай вобласці хутка пагоршацца.

Паводле прагнозу сіноптыкаў, у пачатку наступнага тыдня – напрыканцы студзеня ў Магілёўскай вобласці ўмовы надвор’я пагоршацца. Пры захаванні воблачнага надвор’я, чакаецца парывісты вецер, завіруха, наліпанне мокрага снегу. 

30 студзеня, у панядзелак,  ноччу месцамі, днём у многіх раёнах прагназуюцца ападкі ў выглядзе снега, мокрага снега, днём снега з дажджом і ўзмацненне ветру парывамі да 15-20 м/с.

Месцамі мяцеліца, наліпанне мокрага снегу, галалёд, на дарогах галалёдзіца. Тэмпература ўначы 0 -5°С, днём ад -3 да +2°С.

31 студзеня, у аўторак, на большай частцы тэрыторыі чакаецца снег, мокры снег. Месцамі слабая мяцеліца, наліпанне мокрага снега, на дарогах галалёдзіца. Тэмпература паветра на працягу сутак захаваецца ў інтэрвале -3 +2°С.

У першы дзень апошняга каляндарнага зімовага месяца 1 лютага, серада, прагназуецца месцамі кароткачасовыя ападкі: снег, мокры снег. На асобных участках дарог захаваецца галалёдзіца. Тэмпература ўначы ад -2 да -9°С, днём ад -4 да +1°С.

Камфортныя тэмпературы, але пераважна пахмурна. Прагноз надвор’я на выходныя

Навіна ад

27 студзеня, у пятніцу, на большай частцы тэрыторыі Магілёўскай вобласці прагназуецца воблачнае надвор’е, месцамі з праясненнямі, з адмоўнымі тэмпературамі, блізкімі да 0°С і невялікімі ападкамі. Тэмпература ноччу да -2  -5°С, удзень да 0  -1°С. На дарогах захаваецца галаледзіца. Даўжыня дня ўжо складае 8:35, ён павялічыўся ў Магілеве на 1 гадзіну і 11 хвілін, але сонца і святла не хапае.

На працягу дня будуць панаваць паўднёва-заходнія вятры, у асноўным, невялікай хуткасцю да 1-2 м/с.

Снежнае покрыва на палях практычна адсутнічае або вышыня яго не перавышае 1-4 см, у асобных паўночна-заходніх раёнах 8-9 см. Больш значны мерзлы пласт таўшчынёй 10-29 см захоўваецца толькі ва ўсходняй частцы Віцебскай і на паўночным усходзе Магілёўскай вобласці – паведамляе Белгідрамет. 

Народныя прыметы на 27 студзеня:

Белыя аблокі абяцаюць мароз.

Калі дрэвы пакрыліся шэраню – быць цяплу.

Калі ў марозны дзень пайшоў снег – да пацяплення.

28 студзеня, у суботу, прагназуецца воблачнае надвор’е, магчыма праясненне. Ападкі малаверагодны. Тэмпература ноччу да -4°С, удзень да -1°С. Месцамі туман, слабы галалёд. Вецер усходне-заходні, хуткасцю да 4 м/с.

Павел па народнаму календару.

Калі на Паўла вецер – год будзе волкі (вільготны).

Зорная ноч абяцае добры ўраджай ільну.

Калі зоркі моцна блішчаць – быць марозу, а калі зоркі цьмяныя, то будзе цёпла. Калі з поўначы паказаліся хмары, то адлігі не чакай.

Снежны буран днём на Паўла прадвесціць моцны мароз ноччу.

Дзень ведзьмакоў. У даўніну лічылася, што ў гэты дзень ведзьмакі могуць перадаваць вучням свае здольнасці, у тым ліку для ўздзейнічання на надвор’е.

29 студзеня, у нядзелю, захаваецца воблачнае з праясненнямі надвор’е. Пераважна без ападкаў. Начныя тэмпературы складуць -4 -6°С, днём слупок тэрмометра падымецца не вышэй -2°С. Месцамі туман, слабы галалёд, на дарогах галалёдзіца. Вецер паўднёва-заходні, хуткасцю да 5 м/с.

Ў даўніну казалі: які ў гэты дзень мароз – такая і летняя спякота.

У панядзелак, 30 студзеня, узмацніцца вецер, хуткасць да 7-9 м/с, пры парывах да 10-12 м/с. Прагназуецца снег, завіруха.