Tag: штраф

Магілёўскае упраўленне капітальнага будаўніцтва злавілі на маніпуляцыях пры закупках

Навіна ад

Буйнейшы забудоўшчык у Магілёўскім рэгіёне, абласное упраўленне капітальнага будаўніцтва сістэматычна парушала заканадаўства аб дзяржаўных закупках – высветлілі ў Міністэрстве па антыманапольным рэгуляванні і гандлі. 

УКБ Магілёўскай вобласці праводзілі закупку з адной крыніцы ў тых выпадках, калі паводле заканадаўства неабходна было абвяшчаць біржавыя таргі. Таксама антыманапалісты выявілі ў дзейнасці прадпрыемства выпадкі, калі яно не адхіляла ўдзельнікаў таргоў, хоць да гэтага былі ўсе падставы з-за недахопаў у афармленні дакументацыі. Рашэнні пра выбар пераможцы па выніках канкурэнтных прапаноў, такім чынам, нярэдка прымаліся неправамерна. Упраўленне капітальнага будаўніцтва атрымала за гэтыя і іншыя падобныя парушэнні ўтраф у 100 базавых велічынь ад МАРГ.

Трэба адзначыць, што УКБ Магілёўскай вобласці – гэта найбуйнейшы забудоўшчык у рэгіёне. Менавіта гэтае прадпрыемства займалася ўзвядзеннем кардыяхірургічнага корпуса абласной бальніцы (на фота), спартыўнага комплекса Н2О на Фаціна ў Магілёве, будавала дарогу-дублёр, рэалізоўвала таксама шматлікія іншыя значныя для рэгіёна праекты.

Фота: moukc.by

Добраўпарадкаванне па-бабруйску – арганізацыя незаконна капала пясок, а ў яму скідвала смецце

Навіна ад

Адна з будаўнічых арганізацый, занятая на вулічным добраўпарадкаванні ў Бабруйску, знайшла арыгінальны спосаб сэканоміць на матэрыялах і вывазе смецця. Пачынаючы з канца жніўня і па сярэдзіну верасня гэтага года, супрацоўнікі прадпрыемства без ніякага дазволу здабывалі пясок на тэрыторыі каля цяплічнага камбіната. Агульны аб’ём незаконна выкарыстаных будаўнічых матэрыялаў склаў каля 200 тон – піша “Камерцыйны веснік”.

Больш за тое – ў атрыманую яміну глыбінёй 6-8 метраў арганізацыя вырашыла зваліць сваё будаўнічае смецце. Такім чынам меркавалася не толькі сэканоміць на яго вывазе, але і схаваць незаконную здабычу пяску. Інспектары службы аховы навакольнага асяроддзя засталі супрацоўнікаў прадпрыемства на месцы і “з палічнымі” – цяпер арганізацыі давядзецца выплаціць кампенсацыю ў 19 000 рублёў. 

Калі парушальнікі не пакрыюць дадзеную шкоду, будзе вырашацца пытанне аб накладанні штрафных санкцый па двух артыкулах адміністрацыйнага кодэкса:

  • за парушэнне заканадаўства аб абыходжанні з адыходамі (частка 3 арт. 16.44);
  • за самавольнае карыстанне прыроднымі рэсурсамі (частка 3 арт. 16.36). 

Калі ж шкода будзе кампенсавана своечасова і ў поўным аб’ёме, то ўсё абмяжуецца папярэджаннем.

Фота: komkur.info

Глускі суд аштрафаваў дырэктара калгаса, у якога паводкай затапіла 600 рулонаў сена

Навіна ад

Кіраўнік сельгасарганізацыі з Глускага раёна да самай паводкі не вывозіў палову з усяго сабранага сена са сваіх палёў. За гэта яго аштрафавалі і прымусілі выплаціць амаль 19 000 рублёў на карысць калгаса ў Рэчыцкім раёне.

Continue reading “Глускі суд аштрафаваў дырэктара калгаса, у якога паводкай затапіла 600 рулонаў сена”

Жыхар Мсціслаўшчыны хацеў заначаваць у лазні і атрымаў штраф

Навіна ад

На жыхара Мсціслаўскага раёна быў складзены пратакол аб адміністратыўным правапарушэнні, калі ён збіраўся заначаваць у лазні сваёй былой жонкі. Пра незвычайны званок у дзяжурную службу міліцыі піша “Святло Кастрычніка”. Да праваахоўнікаў звярнулася жыхарка адной з вёсак Мсціслаўшчыны і папрасіла выратаваць яе былога мужа. 

Continue reading “Жыхар Мсціслаўшчыны хацеў заначаваць у лазні і атрымаў штраф”

У Хоцімскім раёне мужчына вырашыў падвезці сябра і трапіў на штраф і пазбаўленне правоў

Навіна ад

Хацімчанін трапіў у непрыемную сітуацыю не проста так, бо падвозіў сябра ў нецвярозым стане. У бліжэйшыя гады вадзіць транспартны сродак ён не будзе.

Як паведамілі ва ўпраўленні Магілёўскага аблвыканкама, на адной з дарог у Хоцімскім раёне ўвагу супрацоўнікаў ДАІ прыцягнуў аўтамабіль Volkswagen. Пасля спынення транспартнага сродку інспектар звярнуў увагу, што ад вадзіцеля моцна пахне спіртным.

 У выніку агляд 47-гадовага мясцовага жыхара паказаў 1,5 праміле алкаголю ў яго крыві. Мужчына растлумачыў, што знаёмы папрасіў падвезці яго дадому, а ён не стаў яму адмаўляць. Цяпер парушальніку пагражае штраф у памеры 200 базавых і пазбаўленне правоў на 5 гадоў — паведамляюць “Магілёўскія ведамасці”. 

Фота з адкрытых крыніц

За скрадзены камбікорм у жыхара Клімавіч канфіскавалі аўтамабіль

Навіна ад

Пракуратура Клімавіцкага раёна выявіла, што ў жніўні гэтага года аператар свінагадоўчага комплекса выкраў з прадпрыемства, на якім працаваў, 15 мяшкоў камбікорма. Усяго атрымалася каля 700 кілаграмаў на 540 рублёў. Абвінавачаны мужчына цалкам прызнаў віну і кампенсаваў суму крадзяжу і быў асуджаны на штраф у 40 базавых велічыняў і канфіскацыю аўтамабіля, на якім вывозіў камбікорм з свінафермы. Таксама яму на два гады забаронена займаць матэрыяльна адказныя пасады – піша БелТА.

Фота: БелТА

За гандаль крыптавалютамі ў магілёўца канфіскуюць 700 000 рублёў

Навіна ад

Таксама яго чакае вялізны штраф, бо ў Беларусі гандаль крыптавалютамі для фізічных асобаў забаронены.

Магілёўская і шклоўская міліцыя затрымала 33-гадовага жыхара абласнога цэнтра – паведамляе прэс-служба МУС. Як можна пабачыць на прадстаўленым відэа, магілёвец аказваў паслугі па набыцці крыптавалют, у прыватнасці, стэйблкоінаў USDT. 

«United States Dollar Tether» або USDT гэта самы першы і самы папулярны стэйблкойн. Ён выпускаецца кампаніяй Tether і заўсёды каштуе роўна адзін долар. Стэйблкойн з’явіўся на біржах у 2015 годзе і з таго моманту займае адну з лідзіруючых пазіцый сярод крыптавалют.

У Беларусі паводле ўказа Лукашэнкі гандаль крыптавалютамі дазволены толькі юрыдычным асобам, якія зарэгістраваныя ў Парку высокіх тэхналогій. Цяпер затрыманага магілёўца чакае буйны штраф і зварот у даход дзяржавы ўсёй сумы, якая прайшла праз крыптакашалёк – каля 700 000 рублёў. Пры гэтым неабходна ўлічваць, што рэальны даход жыхара абласнога цэнтра складаў, верагодна, не ўсю гэтую суму, а толькі пасярэдніцкі працэнт з яе. 

Фота: МУС, скрыншот

Пад Крычавам мужчыны злавілі шэсць карасей, а штраф атрымаюць да 1100 рублеў

Навіна ад

Двое крычаўлян адправіліся на незаконную рыбалку сеткамі. Цяпер ім пагражае штраф ад 10 да 30 базавых велічыняў – менавіта так скончылася рыбалка для мужчынаў.

Рыбакі ажыццяўлялі незаконную здабычу рыбы забароненымі прыладамі рыбалоўства – чатырхстаўнымі лескавымі сеткамі агульнай даўжынёй 210,5 метра на вадаёме зусім недалёка ад Крычава.

На вадаёме паблізу вёскі Калініна з выкарыстаннем надзіманай лодкі незаконна яны здабылі шэсць асобін карася. У выніку незаконнай здабычы рыбы навакольнаму асяроддзю была прычынена шкода ў памеры 6 базавых велічынь. У адносінах да рыбакоў складзеныя пратаколы аб адміністрацыйным правапарушэнні і накіраваны для разгляду ў суд Крычаўскага раёну. Ім пагражае накладанне штрафу ў памеры ад 10 да 30 базавых велічыняў з канфіскацыяй прыладаў па здабычы рыбы – паведамляе газета “Крычаўскае жыццё”.

Фота ілюстрацыйнае

Нарваўся на буйны штраф — у цэнтры Глуска мясцовыя жыхары завальваюць кантэйнерныя пляцоўкі галлём і будаўнічымі адходамі

Навіна ад

Гэта адбываецца ў самым цэнтры горада, на вуліцы Кірава, дзе людзі на спецыяльных пляцоўках побач з кантэйнерамі для цвёрдых бытавых адходаў навальваюць галлё, траву, паламаныя дошкі і іншае. Адзін з удзельнікаў інцыдэнта можа атрымаць штраф больш за 1100 рублёў. 

На жаль гэта не адзінкавы выпадак, а так робяць нямала жыльцоў прыватных дамоў раённага цэнтра, размешчаных недалёка ад шматпавярховак у цэнтры Глуска. Яны проста прыносяць і кідаюць на кантэйнерныя пляцоўкі мяхі са смеццем, а таксама прывозяць кучы травы і галля. У выніку кантэйнеры перапоўнены, пляцоўкі завалены, няма як падысці, няма куды пакет бытавога смецця выкінуць. Жыльцы кватэр у сваю чаргу скардзяцца на камунальныя службы, што тыя кепска працуюць. 

Па словах прадстаўнікоў мясцовага “Жылкамгаса” адзін з парушальнікаў (з суседняй вуліцы Тэльмана) быў зафіксаваны, калі той каля кантэйнернай пляцоўкі з каляскі звальваў кучу вецця… Калі мужчыну, які прывёз галлё на тачцы, рабочыя жылфонда зрабілі заўвагу, а ён аблаяў іх бруднымі словамі і дадаў: я плачу вам грошы, так што прыбірайце. 

Аднак для яго гісторыя мела працяг — мужчыну выклікалі ў інспекцыю прыродных рэсурсаў і аховы навакольнага асяроддзя. Як высветлілася, чалавек вывез галлё не са свайго саду, а дапамагчы яго папрасіў стары сусед, мужчына не доўга думаючы наваліў галіны і павёз на бліжэйшую кантэйнерную пляцоўку. Вось і атрымалася, што суседу дапамог, а сабе непрыемнасці набыў. 

За парушэнне патрабаванняў заканадаўства аб абыходжанні з адходамі на грамадзяніна быў складзены адміністрацыйны пратакол. Цяпер яму пагражае буйны штраф, які за такое паружэнне можа дасягаць да трыццаці базавых велічыняў, а гэта больш за 1100 беларускіх рублёў — паведамляе глуская раённая газета “Радзіма”. 

Фота “Радзіма”

Крычаўскія міліцыянты знайшлі ў кіроўцы 100 кілаграм насвая

Навіна ад

У раёне чыгуначнага вакзала міліцыя спыніла машыну і ў багажным аддзяленні знайшла каля 100 кілаграм насвая. Кіроўцу пагражае буйны штраф.

Каля чыгуначнага пераезду ў Крычаве па вуліцы Моладзевая супрацоўнікі міліцыі спынілі аўтамабіль «Джылі Атлас», у багажным аддзяленні якога знаходзілася 10 чорных поліэтыленавых пакетаў. Іх змесціва – цвёрдае, сыпкае рэчыва зялёнага колеру – прыцягнула ўвагу праваахоўнікаў. Не выклікаў даверу і агульны аб’ём – каля 100 кілаграм.

Згодна з экспертызай, дадзеным рэчывам аказаўся некурыльны тытунёвы выраб, прызначаны для смактання і (або) жавання тыпу снюс альбо насвай. У выніку кіроўцу, які перавозіў насвай у сваёй машыне, пагражае накладанне штрафу ў памеры ад 10 да 20 базавых велічыняў з канфіскацыяй некурыльнага тытунёвага вырабу – паведамляе раённая газета “Крычаўскае жыццё”.

Фота ілюстратыўнае