Tag: раненые

Вайна ва Ўкраіне. У Харкаве паболела ахвяраў ад расійскіх атак. Загінула трое чалавек і яшчэ чацвёра параненыя

Навіна ад

Расійскія войскі атакавалі Харкаўскую ЦЭЦ увечары 11 верасня. Двое яе працаўнікоў загінулі і яшчэ двое атрымалі раненні. Уначы расіяне зноў ударылі па горадзе. Часткова разбураны 5-павярховы жылы дом. 1 чалавек загінуў, 2 атрымалі раненні.

Пра тое ў тэлеграм-канале паведамляе кіраўнік абласной ваеннай адміністрацыі Алег Сінягубаў. Ён піша, што па Харкаве ўначы расійскія войскі стралялі з ракетных комплексаў С-300. Па яго словах папярэдне вядома пра 1 загінулага і 2 параненых.

У выніку расійскіх удараў па аб’екце крытычнай інфраструктуры 11 верасня колькасць загінулых павялічылася да двух чалавек. Яны былі працаўнікамі прадпрыемства.

«Каля 20:00 11 верасня вораг нанёс ракетны ўдар па Халаднагорскім раёне, пашкоджаны абʼект крытычнай інфраструктуры. 2 работнікі загінулі. Ратавальнікі амаль усю ноч лакалізавалі маштабны пажар», – адзначае Сінягубаў.

Расійскія войскі ўдарылі па Харкаўскай ЦЭЦ. У многіх раёнах гораду прапала святло і вада. У сетках паведамлялі, што ў Харкаве спынілася метро.

«У выніку расійскіх ракетных удараў знікла электразабеспячэнне ў Харкаве і на значнай частцы Харкаўскай вобласці. Таксама без электрычнасці не працавалі помпы, якія падаюць ваду ў дамы людзей. Цяпер у вобласці адноўлена 80% электразабеспячэння і водазабеспячэння. Работы працягваюцца», – адзначае Алег Сінягубаў.

Акрамя Харкаўскай вобласьці былі цалкам абясточаныя Данецкая вобласць, часткова – Запарожская, Днепрапятроўская і Сумская, піша інфармацыйная агенцтва «УНІАН».

У Сумскай, Днепрапятроўскай і Палтаўскай абласцях удалося цалкам аднавіць электразабеспячэнне.

 

Навіны пабрацімаў. У Мікалаеве ад расійскіх абстрэлаў паранена 9 чалавек. Яшчэ двое ў вобласці

Навіна ад

Мікалаеў расійскія войскі сталі звыкла абстрэльваць уначы. Адзін са снарадаў трапіў у двор пяціпавярховага дому, адзін пад’езд якога знішчаны пажарам і выбухам. Разбураны і прыватны дом.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

У ноч на 11 верасня прыкладна ў 2.50 Мікалаеў зазнаў моцны абстрэл, спасылаючыся на кіраўніка абласной ваеннай адміністрацыі Віталія Кіма, паведамляе выданне ONLINE.UA.

«Паводле папярэдняй інфармацыі, 9 чалавек атрымалі раненні рознай ступені цяжкасці, 3 з іх дагэтуль перабываюць у больніцы», – кажа Кім.

Па яго словаў атакаваныя былі і паселішчы вобласці. Там трываюць выратавальныя працы і вядома пра двух параненых. Адзін чалавек лічыцца зніклым.

Старшыня абласнога савету Ганна Замазеева піша ў сваім тэлеграм-канале, што на раніцу 11 верасня ў шпіталях Мікалаева перабывала 609 грамадзян, пацярпелых ад расійскіх абстрэлаў. Яшчэ 68 параненых лечацца амбулаторна.

За 200 дзён вайны Мікалаеў расійскія войскі не абстрэльвалі толькі 29. Апошнія 6 спакойных дзён былі на працягу апошніх двух тыдняў.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Вайна ва Ўкраіне. У Харкаве Расія зноў забіла людзей (абноўлена)

Навіна ад

За прамінулыя содні ў Харкаўскай вобласці ад расійскіх абстрэлаў загінула 4 чалавекі. Адна жанчына сканала ў шпіталі. З раненнямі ў мясцовыя больніцы даставілі 10 чалавек.

Пазней колькасць пацярпелых узрасла да 14 чалавек. З іх трое дзяцей: 3, 11 і 15 гадоў.

«Дзеці шпіталізаваныя. Медыкі ацэньваюць іх стан як сярэдні. Пагрозы іх жыццю няма. 4 дарослых атрымалі лёгкія траўмы, шпіталізацыя не спатрэбілася, ім аказалі медычную дапамогу на месцы. Стан астатніх пацярпелых – сярэдні», – адзначае кіраўнік абласной ваеннай адміністрацыі Алег Сінягубаў.

Паводле яго, ноччу, 9 верасня, расійскія войскі інтэнсіўна абстрэльвалі ракетамі абласны цэнтр і паселішчы рэгіёну.

«Пашкоджаныя прыватныя дамы, вучэбна-спартыўны цэнтр, гаспадарчыя будынкі», – паведамляў ён.

Па яго словах, за прамінулыя содні медыкі шпіталізавалі 10 чалавек: 8 – у Харкаве і дваіх у вобласці. Загінулі 4 чалавекі: 2 у Харкаве і два ў паселішчах рэгіёну. У Харкаве шпіталізаваная 53-гадовая жанчына памерла.

Алег Сінягубаў звязвае абстрэлы гораду «з поспехамі Узброеных Сіл, якія цяпер вызваляюць тэрыторыю вобласці».

«Нашы салдаты вельмі матываваныя і не пакінуць ворагу ніводнага шанцу. Вораг дэмаралізаваны і ўцякае з нашай зямлі. Мы сур’ёзна прасоўваемся і на Балаклійскім напрамку, і на іншых кірунках, але пакуль пра гэта казаць зарана», – піша ён у сваім тэлеграм канале.

Інфармацыйнае агенцтва «УНІАН» нагадвае, што 8 верасня ў выніку ўдару расійскіх войск у Харкаву пашкоджаны адміністрацыйны будынак. Загінулі двое мужчын, раненні атрымалі 5 чалавек. Двое з іх – 49-гадовы мужчына і жанчына 21 года – у цяжкім стане.

Вайна ва Ўкраіне. Расія атакавала Харкаў і забіла дваіх жыхароў

Навіна ад

Горад расійскія войскі абсталялі раніцай. Удары былі нанесеныя адразу па некалькіх раёнах.

«На жаль, 2 мужчыны ва ўзросце 21 і 65 гадоў загінулі. Пацярпелі 5 чалавек. Двое з іх – 49-гадовы мужчына і 21-гадовая жанчына – у цяжкім стане. Стан яшчэ трох пацыентаў лекары ацэньваюць як сярэдні, гэта мужчыны 31, 52 і 53 гадоў», – паведаміў старшыня абласной ваеннай адміністрацыі Алег Сінягубаў.

Па яго словах, у выніку ракетнага абстрэлу Індустрыяльнага раёну Харкава пашкоджаны адміністрацыйны будынак. Яшчэ адна ракета ўпала ў зямлю побач.

Па Харкаву стралялі і ноччу. Адна з ракет трапіла ў аб’ект крытычна важны для жыццезабеспячэння гораду. Пацэлілі снарады і ў адно з мясцовых прадпрыемстваў, паведаміў мэр Харкава Ігар Церахаў.

Напярэдадні адна з ракет выбухнула ў горадзе Змееве ля больніцы. Абышлося без пацярпелых.

 

Навіны пабрацімаў. За час вайны на Мікалаеўшчыне ад расійскіх абстрэлаў пацярпела больш за 70 дзяцей

Навіна ад

Ад раненняў у шпіталі памерла двое з іх. 6 верасня ў выніку абстрэлу загінула дзіця.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Пра загінулае дзіця паведаміў офіс Генеральнага пракурора. Паводле звестак, апублікаваных у тэлеграм-канале ведамства, на Мікалаеўшчыне ад абстрэлаў пацярпелі 72 дзіця. Ва ўсёй Украіне на 7 верасня 2022 году загінулі 383 дзіцяці і больш за 742 атрымалі раненні рознай ступені цяжкасці.

Старшыня Мікалаеўскага абласнога савету Ганна Замазеева адзначае, што з 24 лютага, калі Расія ўварвалася ва Ўкраіну, у мясцовыя шпіталі амбулаторна звярнуліся 3329 дзяцей, з іх пралячылі 1331 дзіця. У 44 дзяцей былі мінна-выбуховыя раненні рознай ступені цяжкасці. Двое з іх памерлі ў больніцы.

«Мы разглядалі кожны асобны выпадак траўмавання дзіцяці, каб уратаваць і жыццё, і канцавіны для аднаўлення паўнавартаснага жыцця. У некалькіх выпадках у Германіі лекары былі здзіўлены выратаваным жыццём хлопчыка і захаваннем ручкі, па іх пратаколах гэта ампутацыя. А наш маленькі Мікалаеў яшчэ будзе маляваць у будучыні», – піша Замазеева пра працу мясцовых медыкаў.

g4.dcdn.lt

Кіраўнік Мікалаеўскай абласной вайсковай адміністрацыі Віталь Кім адзначае, што Мікалаеў толькі 27 з 195-ці дзён вайны пражыў без абстрэлаў.

«Чатыры з гэтых дзён былі за апошнія дзесяць дзён. Сапраўды, стала цішэй. Я думаю, гэта звязана з тым, што знішчаюцца склады з боепрыпасамі», – кажа ён.

На яго думку, у некаторых знішчаных саставах знаходзіліся ракеты С-300, прызначаныя для Мікалаева. Таксама ён заяўляе, што расіяне пачалі радзей абстрэльваць горад, як пачалося контрнаступленне ўкраінскіх войск у Херсонскай вобласці, падае меркаванне Кіма выданне «Корабелов.инфо».

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: cyprus-daily.news

Вайна ва Ўкраіне. Расія атакавала Харкаў. Забіта жанчына

Навіна ад

З пачаткам поўнамаштабнага ўварвання Расіі ва Ўкраіну Харкаў сістэматычна абстрэльваецца расійскімі войскамі. Эксперты мяркуюць: па горадзе страляюць, каб утрымліваць у рэгіёне ўкраінскія ўзброеныя сілы.

Уначы, 6 жніўня, расіяне абстралялі адзін з раёнаў Харкава. Ракета пацэліла ў прыватны дом. Пад яго заваламі ратавальнікі адшукалі цела жанчыны, паведаміў кіраўнік гораду Ігар Церахаў.

Ранкам ракетай быў разбураны шматпавярховы дом у цэнтры Харкава.

«Інфармацыя аб пацярпелых удакладняецца. На гэтую хвіліну шпіталізаваных няма», – напісаў у тэлеграм-канале старшыня Харкаўскай абласной адміністрацыі Алег Сінягубаў.

Інфармацыйная агенцтва «УНІАН» нагадвае, што з пачатку поўнамаштабнага ўварвання Расіі ва Ўкраіну Харкаў зазнае сістэматычна абстрэлы.

17 жніўня расійская ракета, трапіўшы ў трохпавярховы жылы дом, забіла 7 і 16 чалавек параніла. Сярод пацярпелых было 11-гадовае дзіця.

У горадзе пачалі ставіць прыпынкі-сховішчы для тых каго заспелі абстрэлы на вуліцы.

«УНІАН», спасылаючыся на звесткі брытанскай разведцы, піша, што расійскія войскі штодня абстрэльваюць горад, каб утрымаць на гэтым напрамку ўкраінскія сілы.

Навіны пабрацімаў. У Мікалаеве пад расійскім абстрэлам адзін чалавек загінуў, адзін паранены

Навіна ад

Мікалаеў, як і іншыя ўкраінскія гарады, інтэнсіўна абстрэльваюць пасля таго, як украінскія узброеные сілы атакавалі расіян у Херсонскай вобласці. 

Паведамляецца, што ў Мікалаеве 30 жніўня ў выніку расійскага абстрэлу адзін мірны жыхар загінуў і адзін атрымаў раненні.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

«На жаль, ёсць ахвяры апошніх абстрэлаў. Цяпер вядома аб адным загінулым і адным параненым. Прашу ўсіх быць максімальна асцярожнымі і не выходзіць на вуліцу без пільнай неабходнасці», – напісаў у сваім тэлеграм-канале мэр Мікалаева Аляксандр Сянкевіч.

Днём раней, 29 жніўня, расійская армія нанесла масіраваны ўдар па Мікалаеву. Два мірных жыхары загінулі і 24 былі параненыя.

За апошні дзень у выніку абстрэлаў часткова, або цалкам разбураныя 39 грамадзянскіх будынкаў. Усяго ж за час поўнамаштабнай вайны ў Мікалаеўскай вобласці разбурана 10 076 аб’ектаў. За гэты час удалося аднавіць 1344 аб’екты крытычнай інфраструктуры і ЖКГ, паведамляе выданне «Николаевские новости».

Не выключаецца, што інтэнсіўны абстрэл жылых раёнаў украінскіх гарадоў звязаны з контрнаступленнем украінскіх войск на поўдні краіны, у Херсонскай вобласці. Яно пачалося 29 жніўня.

Прасоўванне ўкраінскіх сіл суправаджаецца разбурэннем лагістыкі расіян на акупаваных тэрыторыях.

Украіна ўстрымліваецца агучваць свае поспехі па дэакупацыі раёнаў, а Расія заяўляе, што контрнаступленне спыненае.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: lenta.ua

Вайна ва Ўкраіне. Расія абстраляла Харкаў і забіла людзей

Навіна ад

Расійскія войскі атакавалі цэнтральныя раёны гораду. Паводле папярэдніх дадзеных загінула 5 і паранена – 9 чалавек.

Паводле кіраўніка абласной ваеннай адміністрацыі Алега Сінегубава, адна з ракет пацэліла ў жылы будынак, які загарэўся. На месцы працуюць экстранныя службы. Звесткі аб пацярпелых удакладняюцца.

«Колькасць ахвяраў у выніку сённяшняга абстрэлу цэнтральнай часткі Харкава раней дасягнула 4 загінулых і 9 параненых», напісаў ён у сваім тэлеграм-канале.

Пазней, у 10.49 мэр гораду Ігар Церахаў паведаміў пра 5 забітых. Ён дадаў, што паступае інфармацыя аб выбуху снараду побач з 5-павярховым жылым домам, а таксама аб трапленні аднаго з іх у дашкольную навучальную ўстанову.

Ігар Церахаў піша, што горад быў атакаваны 8 артылерыйскімі снарадамі. Яны пацэлілі ў месцы адпачынку гараджан.

Тым часам, у сацыяльных сетках распаўсюджваюцца відэа з наступствамі абстрэлаў. На адным з іх цела забітага дзіця.

Не выключаецца, што інтэнсіўны абстрэл жылых раёнаў украінскіх гарадоў звязаны з контрнаступленнем украінскіх войск на поўдні краіны, у Херсонскай вобласці. Яно пачалося 29 жніўня.

Прасоўванне ўкраінскіх сіл суправаджаецца разбурэннем лагістыкі расіян на акупаваных тэрыторыях.

Украіна ўстрымліваецца агучваць свае поспехі па дэакупацыі раёнаў, а Расія заяўляе, што контрнаступленне спыненае.

фота: mind.ua

Вайна ва Ўкраіне. Абстраляныя Запарожжа і памежныя вёскі Сумскай вобласці

Навіна ад

Памежныя паселішчы Сумскай вобласці зазнаюць атакі штодня. Рэгіён мяжуе з трыма расійскімі абласцямі. Адтуль і абстрэльваюць Украіну.

Цягам 12 гадзінаў мінулага дня па тутэйшых мясцінах расійскія войскі выпусцілі больш за 200 мін і снарадаў. Два чалавекі атрымалі раненні. У адной з вёсак цалкам знішчана інфраструктура.

Паводле старшыні абласной ваеннай адміністрацыі Дзмітрыя Жывіцкага расіяне стралялі па пасёлках дзясятка раёнаў.

images.unian.net

Ён кажа, што ў выніку абстрэлу Новаслабадской грамады параненыя два чалавекі з адной сям’і. Міна пацэліла ў іхны дом. У сяле пашкоджаныя прыватныя дамы і гаспадарчыя пабудовы, параненая свойская жывёла, піша інфармацыйнае агенцтва «УНІАН».

Па словах Жывіцкага, у вёску, дзе знішчана ўся мясцовая інфраструктура, прыляцела блізу паўсотні мінаў. Адбыліся пажары ў будынках вучэльні, школы ды дзіцячага садка. Паводле папярэдняй інфармацыі, пацярпелых няма.

static.ukrinform.com

Уначы 28 жніўня расіяне стралялі па Запарожжу. Былі атакаваны два раёны і цэнтр. Ракеты пацэлілі ў жылыя будынкі і інфраструктурныя аб’екты. Двое чалавек параненыя.

Паводле сакратара Запарожскага гарадскога савету Аляксандра Старуха, па горадзе было выпушчана 16 ракет, паведамляе «УНІАН».

Абстраляны быў і гарадскі цэнтр Харкава. Там абышлося без ахвяр.

 

Навіны пабрацімаў. Дзень незалежнасці Ўкраіны больш за 300 жыхароў Мікалаева адзначаюць у шпіталях. Не абышлося без расійскіх атак

Навіна ад

У лякарні людзі трапілі праз раненні, атрыманыя пад абстрэламі расійскіх войск. 7 чалавек, з іх двое дзяцей, трапілі ў шпіталь за апошні дзень.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

У мясцовых шпіталях на 24 жніўня перабывала 315 грамадзян. Яшчэ 77 пацярпелых атрымаюць медычную дапамогу амбулаторна.

Прамінулы дзень не абышоўся без абстрэлаў Мікалаеўскай вобласці. Былі атакаваныя паселішчы ў чатырох раёнах. Ракеты пацэлілі ў жылыя будынкі. У выніку раненні атрымалі 7 чалавек. З іх двое дзяцей, паведаміла старшыня абласнога савету Ганна Замазеева.

У Мікалаеўскай вобласці за апошні дзень расіяне нанеслі ўдары па 33 грамадзянскіх аб’ектах.

З пачатку расійскага поўнамаштабнага ўварвання ў Мікалаеўскай вобласці пашкоджана часткова або поўнасцю 9852 інфраструктурныя аб’екты. Найбольшых стратаў зазнаў жылы фонд, сістэма адукацыі, аховы здароўя ды ўстановы культуры, пішуць «Николаевские новости».

У Мікалаеўскай вобласці 12 найбуйнейшых прадпрыемстваў з-за ўварвання ва Украіну расійскіх войскаў спынілі працу, кажа кіраўнік Мікалаеўскай абласной ваеннай адміністрацыі Віталь Кім.

«Што тычыцца бізнесу, бізнес-актыўнасці і абаротных сродкаў, то ўсё вельмі дрэнна: не працуе вельмі шмат прадпрыемстваў, прынамсі, 12 найбуйнейшых, яны не працуюць», – цытуе яго выданне «Корабелов. инфо».

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».