Зноў атрута на прылаўках – 100% правераных гандлёвых кропак парушылі санітарныя нормы

Спецыялістамі санітарнай службы Магілёўскай вобласці ў бягучым красавіку абследавалі 73 крамы сетак “Санта”, “Еўраопт”, “Тройка”, “Ноеў каўчэг”, “Суседзі” і іншых. Парушэнні патрабаванняў санітарна-эпідэміялагічнага заканадаўства пры вырабе і рэалізацыі прадукцыі ўласнай вытворчасці выяўлены на кожным наведаным аб’екце – паведамляе Магілёўскі абласны цэнтр гігіены, эпідэміялогіі і грамадскага здароўя. 

40 найменняў прадукцыі і сыравіны былі са скончаным тэрмінам прыдатнасці, больш за 90 найменняў прадукцыі без дакладнай маркіроўкі,  31 найменне прадукцыі з парушэннямі тэмпературных рэжымаў захоўвання. 

Выяўлены 82 пробы харчовай прадукцыі, якая не адпавядае гігіенічным нарматывам. У некаторых салатах выяўлены бактэрыі групы кішачнай палачкі, стафілакок і дрожджы. Не адпавядалі гігіенічным нарматывам па мікрабіялагічных паказчыках шматкампанентныя салаты, бліны з начынкамі, курыная прадукцыя грыль, пірожныя і тарты.

Кантроль працягваецца, але і працягваюцца і шматлікія парушэнні.

Фота за адкрытых крыніц, мае ілюстрацыйны характар

Абласная “Магілёўская лыжня” пройдзе ў Чавусах 18 лютага

Абласное зімовае свята «Магілёўская лыжня» пройдзе ў Чавусах у суботу 18 лютага на базе раённай СДЮШАР – анансуе падзею газета “Іскра”. Свята праводзіцца дзеля папулярызацыі здаровага ладу жыцця.

Традыцыйна пройдуць чатыры старты лыжнай эстафеты, у якіх прымуць удзел больш за 700 лыжнікаў-бюджэтнікаў. Гэта каманды структурных падраздзяленняў абласнога,  гарадскіх і раённых выканаўчых камітэтаў, праваахоўных органаў і сілавых структур, клубаў па гульнявых відах спорту, абласных цэнтраў і вучылішчаў алімпійскага рэзерву. Чакаюць таксама аматараў лыжнага спорту. 

У залежнасці ад узросту будзе сфарміравана 12 забегаў сярод мужчын і жанчын. Самую кароткую дыстанцыю пабягуць спартсмены-аматары ў катэгорыях 60+ – усяго 1 км, самую доўгую –  ва ўзросце 18-29 гадоў – 3 км трасы.

У месцы правядзення лыжні арганізоўваецца пракат спартыўнага абсталявання, выязны гандль з гарачай кавай, гарбатай, юшкай і салдацкай кашай.

Пераможцы атрымаюць грошы, медалі, дыпломы. 

Свята “Чавуская лыжня-2023” прайшло ў мінулыя выходныя.

Фота газета “Іскра”

У Бабруйску гандлявалі шкодным для людзей і для аўтамабіляў шклоамывальнікам

У Бабруйску з продажу канфіскавалі няякасную шклоамывальную вадкасць расійскай вытворчасці – паведамляе БЕЛТА. Яна не адпавядае заяўленным уласцівасцям, утрыманне метылавага спірту ў 416 разоў перавышае норму, пагэтаму яна небяспечная для здароўя кіроўцаў і пасажыраў, шкодная для сістэмы астуджэння рухавіка ўнутранага згарання. 

Падчас праверкі Магілёўскай абласной інспекцыяй Дзяржстандарта аднаго з прыватных гандлёвых аб’ектаў у продажы была выяўленая шклоамываючая нізказамярзальная вадкасць расійскай вытворчасці.

Устаноўлена, што вытворца наўмысна падмануў спажыўцоў: тэмпература крышталізацыі склала -13,5°С, а не -30°С заяўленных у маркіроўцы, метылавы спірт не заяўлены, а насамрэч яго змест у 416 разоў перавышаў норму, устаноўленую ў Беларусі для гэтай прадукцыі.

Эксперты зрабілі выснову, што такая шклоамывальная вадкасць можа сур’ёзна пашкодзіць сістэмы астуджэння рухавіка ўнутранага згарання, нанесці шкоду стану і здароўю людзей, бо ўдыханне пары метылавага спірту можа прывесці да страты самакантролю пры кіраванні транспартным сродкам ад выкліканых галаўнога болю, галавакружэння, паслаблення зроку і прытуплення рэакцыі.

Дзяржстандарт забараніў увоз і рэалізацыю гэтай прадукцыі.

Фота ілюстрацыйнае

Як у Беларусі мяняюцца правілы гандлю – з 22 студзеня

Бялізну з штампамі дзяржаўных арганізацый, радыёактыўныя рэчывы і эратычную прадукцыю нельга будзе прадаваць на рынках. І тварог.

Савет міністраў Беларусі прыняў пастанаўленне №964, якое змяняе правілы гандлю – расказваем у якіх сферах будуць новаўвядзенні

Не будзе алкаголя на касах, новыя меню

Згодна пастановы Савета міністраў у крамах з 22 студзеня алкаголь нельга будзе размяшчаць на касах і на гандлёвым абсталяванні, што знаходзіцца побач. Такая забарона не будзе распаўсюджаацца толькі на алкамаркеты, duty free, аўталаўкі, сельскія крамы, крамы плошчай да 400 квадратаў і ўстановы грамадскага харчавання.

Пастанова таксама зацвердзіла новыя правілы да інфармацыі, якая знаходзіцца ў меню ўстановаў грамадскага харчавання. У іх павінна быць дакладна прапісана наступная інфармацыя: найменне, порцыя, кошт за порцыю, краіна паходжання тавара. Пры продажы алкагольных напояў у меню і віннай карце ўстаноў грамадскага харчавання павінны быць указаны найменні алкагольных напояў, краіна іх паходжання, ёмістасць спажывецкай ўпакоўкі і іх кошт, аб’ём і кошт порцыі.

На рынках нельга будзе прадаваць тварог і масла

У пералік забароненых тавараў для продажу на рынках увайшло ажно сорак дзве пазіцыі. Пад забарону трапілі твораг і тварожныя вырабы, масла з каровінага малака, маргарынавая прадукцыя, не расфасаваныя вытворцамі ў адпаведную спажывецкую ўпакоўку. Выключэнне зроблена толькі для фермераў або фізасоб, якія прадаюць прадукцыю ўласнай вытворчасці.  

Гэтаксама нельга будзе прадаваць алкаголь, насенне мака, воцат і воцатную кіслату (уключна з растворамі на яе аснове), разрэзанныя дыні і кавуны пры адсутнасці індывідуальнай упакоўкі, вяленае і сыравяленае мяса, рубленыя мясныя паўфабрыкаты, а таксама недаведзеныя да кулінарнай гатоўнасці вырабы з мяса хатняй вытворчасці.

Бялізна са штампамі дзяржаўных арганізацый – усё

Акрамя таго, нельга будзе прадаваць на рынках – выбуховыя, атрутныя і радыёактыўныя рэчывы, скуры жывёлаў без маркіроўкі, канфіскаваныя з абароту тавары, бялізну са штампамі дзяржаўных арганізацый, дзяржаўныя ўзнагароды і ганаровыя знакі, бланкі каштоўных папер і дакументаў з пэўнай ступенню абароны, а таксама каштоўныя металы і камяні, вырабы з іх ва ўсіх відах, гадзіннікі з карпусамі з каштоўных металаў і нават жэмчуг з бурштынам.

Больш за тое, у гандлёвых кропках рынкаў нельга будзе прадаваць бытавую тэхніку, гадзіннікі, фотатавары, тэлефоны, кампутары і аргтэхніку, тытунёвыя вырабы, лекавыя сродкі (як вырабы для медыцынскага прызначэння, так і ветэрынарнага), дзіцячае і спартовае харчаванне, пестыцыды, адзенне з натуральнага футра і скуры, а таксама эратычную прадукцыю.

Толькі чыстыя аўто

Новая пастанова Савета міністраў абавязвае ўладальнікаў камісійных аўтакрамаў аператыўна паведамляць па тэлефоне ў органы ўнутраных спраў аб выпадках выяўлення пры прыёме аўто на камісію відавочных прыкмет змянення ідэнтыфікацыйнага  нумара або аб выпадках яго адсутнасці, ці неадпаведнасці прадстаўленым дакументам.

Акрамя таго, у дагаворы аб прыёмцы аўто на камісію давядзецца ўказваць інфармацыю аб адсутнасці звестак аб абмежаванні і забароне на здзяйсненне здзелак з транспартным сродкам, у тым ліку аб тым, што яно нікому не падорана, не прададзена, не закладзена, не перададзена ў арэнду, не арыштавана, а таксама па ёй няма судовых спрэчак і тавар вольны ад любых прэтэнзій з боку трэціх асоб.

Больш падрабязна з новай пастановай Саўміна можна пазнаёміцца на Нацыянальным прававым інтэрнет-партале

Фота ілюстратыўнае

Павысілі кошт на газ для запраўкі балонаў

Міністэрства антыманапольнага рэгулявання і гандлю скарэктавала кошт на звадкаваны газ для рэалізацыі насельніцтву ў балонах. Гэта інфармацыя змешчана на Нацыянальным прававым інтэрнэт-партале. 

Кошт за 1 кг газу для запраўкі газавых балонаў аб’ёмам ад аднаго да 27 літраў (а гэта 11,4 кг) складзе 1,43 рубля. Раней было – 1,37. Гэта значыць, што калі раней за вялікі балон спажывец плаціў 36 рублёў 99 капеек, то цяпер будзе – 38,61.

“Змяненне цаны на газ для запраўкі ў малалітражныя балоны праводзіцца штогод у планавым парадку і абумоўлена кампенсацыяй газазабеспячальным арганізацыям росту кошту набытага газу” – растлумачылі ў Міністэрстве антыманапольнага рэгулявання і гандлю.

Тавары без дакументаў і высокая надбаўка – у Горках зачынілі прыватную краму

За найгрубейшыя парушэнні заканадаўства прыпынена праца гандлёвага аб’екта ў горадзе Горкі – паведамляе прэс-служба Камітэта дзяржкантроля Беларусі.

Пры праверцы магазіна, які належыць мясцоваму індывідуальнаму прадпрымальніку, работнікамі Камітэта дзяржкантролю выяўлены факты завышэння цэн на розныя тавары. Так, на вінаград гандлёвая надбаўка была завышаная на 100%, на хурму – на 110% і г.д.

Таксама ў продажы знаходзіліся больш за 40 найменняў тавараў, на якіх не была адлюстравана неабходная інфармацыя аб іх складзе, даце вырабу, тэрміне прыдатнасці, вытворцы, і 7 найменняў тавараў (агародніна і садавіна) без дакументаў, якія пацвярджаюць іх набыццё і якасць гэтай прадукцыі.

Па патрабаванні КДК Магілёўскай вобласці дзейнасць крамы прыпыненая.

Фота: прэс-служба Камітэта дзяржкантроля

Кіраўск сановіцца сталіцай смажанкі – яе прадаюць тут тысячамі ў дзень

Райвыканкам задумаў стварыць скульптуру смажанкі.

Райцэнтр вядомы падарожнікам па трасе Бабруйск – Магілёў найперш сваёй смажанкай. Аўтобусы, якія рухаюцца па самай доўгай у Еўропе прамой трасе, робяць спецыяльныя прыпынкі ля кафэ з сімвалічнай назвай “Смажанка”, каб людзі маглі закупіццца гэтай смакатой. 

Прыдарожнае кафэ за дзень рэалізуе ад 2 да 4 тысяч смажанак, а ў летні час продажы вырастаюць да 5-6 тысяч штук – паведамяе газета “Магілёўскія ведамасці”. 

Як адзначаюць у Кіраўскім райспажыўтаварыстве, сярэднямесячны тавараабарот спажывецкага таварыства складае 330 тысяч рублёў, прычым паkову – 170 тысяч з іх прыносіць рэалізацыя смажанак.

 mogilev.media


У 1934 годзе побач з вёскай Старцы на месцы былых хутароў і вёскі Качэрычы быў арганізаваны пасёлак Кіраўск. Пасёлак быў названы ў гонар Сяргея Кірава, сакратара Ленінградскага абкама ВКП(б) пасля яго забойства ў 1934 году. У 1955 годзе пасёлак Кіраўск і вёскі Кірава і Стараселле былі аб’яднаны ў адно паселішча – пасёлак пад назвай Кіраўск, які ў 1959 годзе атрымаў статус пасёлка гарадскога тыпу. У 2001 годзе Кіраўск атрымаў статус горада.


Папулярнасць кіраўскіх смажанак настолькі вялікая, што кіраўчане прапануюць увекавечыць свой брэнд ў скульптуры. Слава аб кіраўскім кулінарным шэдэўры так далёка выйшла за межы раёна, што многія жыхары вобласці, і не толькі яе, імкнуцца патрапіць у раённы цэнтр, каб самім пераканацца ў яго ўнікальных смакавых якасцях – заяўляюць жыхары горада. 

Шапікі «Магілёўсаюздрук» аднаўляюць працу па вобласці

З канца кастрычніка сталі аднаўляць працу асобныя кіёскі “Магілёўсаюздруку” ў Магілёве, Бабруйску, Чавусах. Супрацоўнікі сеткі нясмела выказваюць аптымізм, што да канца года адновяць працу некалькі дзясяткаў гандлёвых кропак прадпрыемства. Шматлікія шапікі прадпрыемства не працавалі з чэрвеня-ліпеня бягучага года.

Кіраўніцтва ААТ «Магілёўсаюздрук» ў жніўні падало хадайніцтва ў суд аб прызнанні банкруцтва – пісалі Магілёў.media – хаця яшчэ ў чэрвені на прадпрыемстве заяўлялі, што не збіраюцца ліквідавацца. 

Праблемы ў прадпрыемства пачаліся яшчэ ў 2016 годзе, калі ўзніклі цяжкасці ў разліках з дзелавымі партнёрамі. Затрымкі выплат пацягнулі за сабой штрафныя санкцыі. На 1 студзеня 2020 года чыстая страта ад яе дзейнасці павялічылася амаль у 50 разоў – з 19 да 900 тысяч рублёў.

У 2022 годзе «Магілёўсаюздрук» стаў паступова закрываць свае гандлёвыя кропкі. Паліцы ж многіх з аб’ектаў гандлю, якія засталіся, стаялі напаўпустымі. З-за фінансавых цяжкасцей прадпрыемства не магло закупаць увесь ранейшы асартымент тавараў.

Сярод крэдытораў “Магілёўсаюздруку” было 523 арганізацыі, і далёка не ўсе з іх згодныя былі цярпліва чакаць вяртання даўгоў. Ужо да сярэдзіны ліпеня было ўзбуджана 289 выканаўчых спраў па запазычанасцях.

«Магілёўсаюздрук» мусіў на жнівень выплаціць агульную суму ў 4 859 087 рублёў. Немагчымасць пагасіць такую буйную суму і прымусіла прадпрыемства самому хадайнічаць аб прызнанні яго банкрутам.

У жніўні быў прызначаны крызісны кіраўнік, «Магілёўсаюздрук» узяў курс на вяртанне пазык крэдыторам.


Даведка. На студзень 2018 года “Магілёўсаюздрук”, які якраз адзначаў свой 100-гадовы юбілей, меў гандлёвую сетку з 224 кропак, у тым ліку 10 магазінаў, 28 павільёнаў і 186 кіёскаў.


На жнівень 2022 года засталося толькі 43 аб’екты ў Магілёве, Бабруйску і Чавусах, але і тыя да верасня закрыліся.

Безумоўна, гандаль друкаванымі выданнямі сёння не з’яўляецца самай прыбытковай справай. Па-першае, наймацнейшую канкурэнцыю тут складаюць сеткавыя рэсурсы. Па-другое, з-за розных прычын людзі ўвогуле сталі менш чытаць. Па-трэцяе – “Саюздрук” у значнай меры выжывае за кошт гандлю рознымі дробнымі таварамі, уключаючы тытунёвыя вырабы, талоны і праязныя білеты. Напрыклад, у некаторых кіёсках цыгарэты давалі да 65% абароту. Але сёння розныя гандлёвыя сеткі запоўнілі сабой і сваімі таварамі ўсё навокал, у тым ліку вядуць рознічны гандаль і праз вулічныя кіёскі.

Пры гэтым РУП “Белсаюздрук”, куды ўваходзіць і яго магілёўскае падраздзяленне, з’яўляецца найбуйнейшай нацыянальнай сеткай па распаўсюджванні перыёдыкі.

Торговля с просрочкой продуктов продолжается

По данным отделения гигиены питания Могилевский областного центра гигиены, эпидемиологии и общественного здоровья в сентябре 2022 года выявлено два десятка объектов торговли и общественного питания, в которых осуществлялась торговля товарами с истекшими сроками годности либо хранения.

Такие объекты торговли выявлены в 9 районах из 21 в области. 

Стоимость просроченных товаров варьирует от 2,40 рубля до 59,44 рубля. 

50% торговых точек с просроченными товарами приходится на магазины районных райпо, 12,5% – на ИП и ЧУП. В список объектов попали также и торговые точки  Белорусской сельскохозяйственной академии в Горках, ООО «Санта Ритейл», ООО «Евроторг», ОАО «Заднепровье». 

На сайте приводится перечень объектов, в которых осуществлялась торговля товарами с истекшими сроками годности (хранения, по материалам проверок).

Работники торговых точек утверждают, что никакого злого умысла в ситуации с торговлей товарами с истекшими сроками годности либо хранения нет, ведь за такие нарушения они лишаются премий, что сказывается на размере их и так небольших зарплат.

Среди причин, по которым допускается торговля с просрочкой на объектах торговли Могилевской области называются в целом, а не только в случае проверенных торговых точек в сентябре:

– чрезмерная загруженность кассиров, продавцов в условиях постоянного изменения ценников на товары то в одну то в другую сторону, особенно при проведении всевозможных акций (указали почти 90% опрошенных);

– дополнительное выполнение обязанностей, непрописанных в трудовых договорах продавцов и кассиров: охрана, уборка помещений, разгрузка товара и прочее (90%);

– текучка кадров;

– невнимательность работников (10%).

 

18 тон металалому канфіскавалі ў Горацкім раёне. Жалеза везлі ў Расію

Жыхар Воршы закупаў лом чорнага металу ў Магілёўскім раёне з мэтай яго збыту ў Расійскай Федэрацыі.

30-гадовага мужчыну затрымалі ў дарозе. Яго неаднаразова прыцягвалі да адказнасці за незаконнае абарачэнне металу.

На працягу некалькіх месяцаў ён закупаў лом чорнага металу ў Магілёўскім раёне з мэтай яго збыту ў Расійскай Федэрацыі. Падчас перавозкі назапашаных 17 760 кілаграмаў на суму ў 5 000 рублёў да межаў Рэспублікі Беларусь аршанца затрымалі праваахоўнікі. Увесь металалом канфіскаваны, а на яго ўладальніка складзены пратакол аб адміністратыўным правапарушэнні за незаконнае абарачэнне чорнага лому, паведамляе прэс-служба абласнога УУС.

Яна адзначае, што аршанец ужо неаднаразова прыцягваўся да адказнасці за падобныя парушэнні.