Tag: могилевская область

На абласным конкурсе выбіралі лепшых міліцыянтаў – расказваем, што на ім было, а чаго не хапала

Навіна ад

Кастрычніцкі і чэрыкаўскі сталі лепшымі на Магілёўшчыне і паказалі, што павінен умець рабіць прафесіянал у міліцыі

З работай самых масавых катэгорый работнікаў міліцыі так ці інакш сутыкаецца кожны беларус. І мы ўсе разумеем, як важна, каб міліцыянеры з аднаго боку былі прафесіяналамі, а з іншага – памяталі, што служаць беларускаму народу, умелі падтрымліваць кантакт і вырашаць праблемы простых людзей. 

Сам жа конкурс цікавы яшчэ і тым, што ён паказаў, якія якасці міліцыянераў лічыць важнымі іх міліцэйскае начальства. 

Абласны этап рэспубліканскага конкурсу прафесійнага майстэрства прайшоў у Магілёве на званне “Лепшы ўчастковы інспектар міліцыі” і “Лепшы ўчастковы інспектар па справах непаўналетніх”. Конкурс паказаў, якія якасці патрэбны самым блізкім да народу шэраговым міліцыянерам для нясення службы і чаго ім не хапае. 

Што было

Як сведчыць сайт УУС вобласці спаборніцтвы пачаліся са страявога агляду і экзамену па страявой падрыхтоўцы. Тут усё зразумела. 

Надалей супрацоўнікі міліцыі стралялі з табельнай зброі і дэманстравалі баявыя прыёмы барацьбы. Трэба адзначыць без жартаў, што гэта вельмі актуальныя навыкі менавіта для ўчастковых. Многія думаюць, што толькі АМАП і іншыя спецыяльныя структуры здзяйсняюць захопы і абясшкоджванне злачынцаў. А насамрэч, “пад нож” часцей за ўсё ідуць менавіта работнікі нізавога звяна, а большасць злачынстваў маюць побытавы характар. 

Яшчэ інспектары здавалі іспыты па фізічнай, спецыяльнай і медыцынскай падрыхтоўцы. Без добрай фізічнай формы і спецыяльных навыкаў паспяхова працаваць немагчыма. А ўмець аказаць першую медычную дапамогу, нават прыняць роды, абавязан кожны міліцыянер.  

Завяршыўся дзень спаборніцтвам у аратарскім майстэрстве. Сайт не тлумачыць, у чым заключаўся гэты конкурс. Калі ва ўменні выступаць са сцэны, то гэта, як падаецца, не самае важнае. 

Чаго не было

Што здзівіла, так гэта адсутнасць рэальна важных конкурсаў па вырашэнню канфліктных сітуацый і прымірэнні жыхароў, на недапушчэнне канфліктаў. 

Што рабіць, калі п’яныя не кантралююць сябе, калі муж скардзіцца, на тое, што жонка скрала з іх халадзільніка ягоную каўбасу? Як паводзіць сябе, калі суседзі знізу “пасылаюць” радыяцыю на суседзяў зверху? 

Падобных нестандартных сітуацый у любога ўчастковага некалькі тузінаў. Вось у вырашэнні іх і крыецца прафесіяналізм міліцыянера, які павінен умець без прымянення сілы знайсці выйсце з самай складанай сітуацыі. Хочацца верыць, што падобныя заданні былі ў час экзамена па спецыяльнай падрыхтоўцы. 

Пераможцы

Лепшым участковым інспектарам міліцыі Магілёўскай вобласці стаў маёр міліцыі Яўген Дзянісенка з Кастрычніцкага РАУС г. Магілёва. Другое месца заняла лейтэнант міліцыі Юлія Дзяшук, якая прадстаўляе той жа райаддзел. На трэцім месцы апынуўся капітан міліцыі з Крычава Уладзіслаў Стручкоў.

Сярод участковых інспектараў па справах непаўналетніх лепшым стаў старшы лейтэнант міліцыі Дзяніс Вараб’ёў, які прадстаўляе Чэрыкаўскі РАУС. На другім месцы старшы лейтэнант Ангеліна Казлова з Краснаполля. Замыкае тройку лідараў капітан міліцыі Вікторыя Прымачак з Ленінскага РУУС г. Магілёва.

Радуе, што палова пераможцаў жанчыны. Сусветная практыка паказвае, што калі колькасць жанчын у паліцыі дасягае хаця б 40%, то скарг, карупцыі і канфліктаў у гэтай службе становіцца значна менш. 

Пераможцы будуць абараняць гонар Магілёўскай вобласці на рэспубліканскім этапе конкурсу прафесійнага майстэрства.

фота: mogilev.mvd.by

Дзень у гісторыі. 8 кастрычніка. Выданне «Граматыкі словеньска языка». Вызваленне Чавусаў ад маскоўскай акупацыі. Самы разбуральны пажар у гісторыі ЗША

Навіна ад

1500 год. У час знаходжання ў Браславе Вялікага князя ВКЛ Аляксандра гораду дараваны прывілей на магдэбургскае права (няпоўнае).  

Герб «Вока прадбачання»  горад атрымаў 2 чэрвеня 1792 г. у адпаведнасці з прывілеем Станіслава Аўгуста Панятоўскага. 

Горад вядомы з 1065 года. Мае 9,4 тысяч жыхароў, цэнтр турызму нацыянальнага значэння. 

У горадзе праводзіцца штогадовы фестываль “Віва Браслаў”.

1586 год. У Вільні ў друкарні Мамонічаў выдадзена першая друкаваная граматыка царкоўнаславянскай мовы –  «Граматыка словеньска языка». 

Аўтарства трактату прыпісваецца Іаану Дамаскіну, пераклад на царкоўнаславянскую мову – Іаану Экзарху. 

Некаторыя даследчыкі лічаць аўтарам гэтага выдання Івана Фёдарава.

1660 год. Каля Чавусаў войска Рэчы Паспалітай адбіла наступленне рускай арміі, што вымусіла яе адступаць да Смаленска. 

Чавусы былі вызвалены ад маскоўскай акупацыі.

1831 год. Нарадзіўся Міхал Ельскі. 

Беларускі скрыпач, кампазітар, музычны пісьменнік.

Актыўны ўдзельнік грамадскага жыцця Беларусі, дабрачынных канцэртаў, сустваральнік Мінскага музычна-літаратурнага таварыства (1880).

Сабраў дзесяткі народных мелодый, напісаў працы «Народныя танцы Мінскай губерні», «Вывучэнне музыкі».

Аўтар каля 100 музычных твораў.

Выступаў з канцэртамі ў беларускіх і еўрапейскіх гарадах.

1871 год. У ЗША адбыўся самы разбуральны пажар у гісторыі краіны. 

Ці то з-за каровы, якая збіла ліхтар у хляве, ці то з-за злодзея, які быў неасцярожны з агнём, выгарэў увесь цэнтр Чыкага з 48 кварталамі. 

З 300 тысяч жыхароў 90 тысяч засталіся без прытулку. Загінула каля 300 чалавек.

1899 год. На тэрыторыі Магілёўскай губерні ўсталявалася самае ранняе снежнае покрыва за ўвесь час метэаназіранняў.

1902 год. У в. Выдранка Краснапольскага раёна нарадзіўся Канстанцін Кернажыцкі. 

Беларускі гісторык. Кандыдат гістарычных навук

Даследаваў аграрную гісторыю Беларусі познефеадальнай і капіталістычнай эпох, эвалюцыю феадальнага спосабу вытворчасці, капіталізму.

Разам з Дз. Дудковым абгрунтаваў капіталістычны характар аграрнага ладу Беларусі пасля сялянскай рэформы 1861 года.

Адзін са складальнікаў зборніка дакументаў «Гісторыя Беларусі ў дакументах і матэрыялах» (1936).

Памёр у ГУЛАГу ў 1942 годзе.

1910 год. Пайшла з жыцця Марыя Канапніцкая.

Паэтэса, перакладчыца, буйнейшы майстар польскай рэалістычнай літаратуры.

Змагарка за правы жанчын. Блізкая сяброўка Элізы Ажэшкі. 

Неаднаразова наведвала Беларусь, перапісвалася з Я. Лучынам.

Аўтар цыклаў вершаў, эпічных паэм, зборнікаў апавяданняў,  цыклаў народных песняў «З лугоў і палёў», «На жалейцы», кнігі «Міцкевіч, яго жыццё і душа» (1899).

Асноўныя матывы яе творчасці — сялянская нядоля, жыццё гарадской беднаты, любоў да радзімы, вера ў народ, у надыход справядлівасці.  

1943 год. Загінуў Андрэй Мрый. 

Беларускі празаік, журналіст, перакладчык. Ураджэнец в. Палуж Краснапольскага раёна.

Вязень ГУЛАГу. 

Найбольш вядомы сваім сатырычным раманам на савецкую рэчаіснасць «Запіскі Самсона Самасуя».

Супрацоўнік часопіса «Наш край», інспектар Цэнтральнага бюро краязнаўства, член літаратурнага аб’яднання «Узвышша», стылістычны рэдактар у газеце «Звязда».

У Магілёве яго імя носіць бульвар.

1967 года. У Вялікабрытаніі ўпершыню прыняты закон, які рэгламентуе ўтрыманне алкаголю ў крыві вадзіцеляў.

Калі б гэты закон не быў прыняты і паліцыя не кантралявала вадзіцеляў на алкаголь, то наша краіна  за 10 гадоў страціла б 62 000 чалавек.

1991 год. Памерла Зоська Верас (Людвіка Сівіцкая-Войцік). 

Беларуская пісьменніца і грамадскі дзеяч.

Аўтар «Беларуска-польска-расейска-лацінскага батанічнага слоўніка» (1924), «Гісторыя ўжывання зёлак у лячэнні» (1934), кнігі вершаў для дзяцей «Каласкі» (1985), успамінаў пра М. Багдановіча, У. Галубка, Ядвігіна Ш. і іншых.

 

630 гектараў лясоў адновяць у Магілёўскай вобласці, такая масштабная акцыя пройдзе ўпершыню

Навіна ад

Акцыя “Адновім лясы разам” пройдзе з 6 па 22 кастрычніка. Далучыцца да аднаўлення лясоў можа любы ахвочы.

Па інфармацыі намесніка кіраўніка Магілёўскага лесагаспадарчага аб’яднання Сяргея Шаха, для лесааднаўленчых работ лясгасамі вобласці падабраны больш за 400 участкаў. Аднаўляць новыя плошчы будуць асноўнымі лесаўтваральнымі пародамі: хвоя, елка, бяроза, алешына і дуб.

«Усе высадкі з нашых гадавальнікаў. Для будучай акцыі мы падрыхтавалі амаль 2,4 млн штук пасадачнага матэрыялу» – адзначыў Сяргей Шах.

Такая маштабная рэспубліканская акцыя на тэрыторыі нашага рэгіёна пройдзе ўпершыню. Рашэнне аб яе правядзенні прыняло Міністэрства лясной гаспадаркі з-за шкоды, якую атрымалі лясы вобласці вясной. 

«Тады з-за ўраганных вятроў каля 350 тысяч гектараў насаджэнняў пацярпелі. Больш за ўсё дасталася Клімавіцкаму, Чавускаму, Чэрыкаўскаму і Горацкаму раёнам. Але мала проста прыбраць пашкоджаную драўніну і перапрацаваць яе. Самая галоўная задача лесаводаў – аднавіць пашкоджаныя ўраганнымі вятрамі насаджэнні» – падсумаваў Сяргей Шах.

Далучыцца да акцыі можа любы ахвочы. На сайце аб’яднання ёсць нумары тэлефонаў, звярнуўшыся па якіх, можна атрымаць усю інфармацыю, якая цікавіць. Акрамя гэтага, можна звярнуцца і ў бліжэйшае лясніцтва ці лясгас.

фота: petrikovles.by

Паляпшэння надвор’я чакаем у другой палове тыдня

Навіна ад

У другой палове тыдня, па інфармацыі сіноптыкаў,  надвор’е на тэрыторыі Магілёўскай вобласці палепшыцца.

З чацвярга 6 кастрычніка дажджоў і воблачнасці стане менш, вецер павернецца на паўднёва-заходні і тэмпературны фон пачне павышацца: у начны час тэмпература паветра складзе ад +3 да +10 С, а днём будзе ад +13 да +20 С.

Пры гэтым, не варта забываць, што восень – пара туманоў, таму на дарогах неабходна быць уважлівымі.

Надвор’е без ападкаў можа пратрымацца да 13-14 кастрычніка.

 

Лепшага кіроўцу смеццявоза Магілёўшчыны абяруць 30 верасня

Навіна ад

У Магілёве ўжо шосты раз пройдзе конкурс прафесійнага майстэрства “кіроўца смеццявоза”. У ім прымаюць удзел работнікі ўсіх прадпрыемстваў ЖКГ вобласці.

Спаборніцтвы накіраваны на павышэнне прафесійнага майстэрства ўдзельнікаў і прэстыжу прафесіі “вадзіцель смеццявоза”, паляпшэнне навыкаў якаснай эксплуатацыі аўтатэхнікі. Для ўдзелу ў спаборніцтве дапушчаны вадзіцелі, якія не маюць парушэнняў працоўнай і вытворчай дысцыпліны, а таксама дарожна-транспартных здарэнняў за апошнія 12 месяцаў.

Удзельнікам па традыцыі прыходзіцца спаборнічаць і ў тэорыі і на практычных занятках. Напачатку ў канкурсантаў правераць веданне правіл дарожнага руху і прылад аўтамабіля. 

А вось практычны этап прадугледжвае дэманстрацыю навыкаў кіравання аўтамабілем-смеццявозам. Праверка навыкаў ваджэння будзе складацца з праходжання элементаў “габарытная змейка”, рух па габарытным тунэлі, пастаноўка аўтамабіля заднім ходам у бокс, пад’езд з аднаго тармажэння да “планкі” – да яе дотыку пярэднім бамперам – а таксама дыяганальная паркоўка і выкананне пагрузкі кантэйнера.

Пляцоўкай спаборніцтваў стане абласная арганізацыйная структура ДТСААФ.

Якія прызы атрымаюць пераможцы, пакуль не абвешчана, але вядома, што дыпломы і каштоўныя падарункі будуць ад Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў. У ранейшыя гады пераможцы атрымоўвалі яшчэ і надбаўку да службовага акладу памерам у 15% за 1 месца, 10% – за другое, 5% – за трэцяе. 

На тысячу пажылых мужчын на Магілёўшчыне прыходзіцца амаль дзве тысячы жанчын

Навіна ад

1 кастрычніка ва ўсім свеце святкуецца Дзень сеньёраў – пажылых людзей. Свята ўстаноўлена Генеральнай Асамблеяй  ААН у 1990 годзе. 

На пачатак 2022 года ў Магілёўскай вобласці жыло больш за 163 тысячы пажылых людзей, гэта кожны шосты жыхар. Сярод іх па колькасці вылучаюцца жанчыны – 65%. Гэта азначае, што 1000 пажылых мужчын прыходзіцца 1923 жанчыны, – правядамляюць у Галоўным статупраўленні Магілёўскай вобласці. 

Самай шматлікай узроставай групай сярод сеньёраў з’яўляецца насельніцтва 65-69-гадовага ўзросту. Адзначаецца, што людзі ў групе 60+ застаюцца актыўнымі нягледзячы на паважаны ўзрост. У 2021 годзе 124 пары ва ўзросце 60 гадоў і старэй  заключылі шлюб, – 143 жанчыны і 248 мужчын.

Больш за палову жанчын ва ўзросце 65-74 гады працягваюць працаваць – 50,9%, а таксама 49,1% не пакідаюць працоўных месцаў. Сеньёры Магілёўшчыны з’яўляюцца актыўнымі карыстальнікамі Інтэрнэту. У 2021 годзе доля карыстальнікаў сярод асоб ва ўзросце 65+ гадоў склала 47%.

Да 2050 года кожны шосты жыхар нашай планеты будзе мець узрост старэй за 65 гадоў, што складзе 16% насельніцтва, тады як зараз гэта толькі кожны адзіннаццаты чалавек у свеце – 9% насельніцтва. У 2018 годзе ўпершыню ў гісторыі колькасць  людзей ва ўзпрсце 65+ перавысіла колькасць дзяцей ва ўзросце да 5 гадоў. 

Строительство 137 тысяч квадратов жилья на Могилевщине в 2022 году: достижение или провал?

Навіна ад

Данные статистики показывают, что темпы нового строительства упали в 2,6 раза.

Главное управление статистики Могилевской области опубликовало данные по вводу жилья в январе-августе 2022 года.

Эти данные показывают, что в области введено в эксплуатацию 136,7 тысяч кв. метров жилья, или 5,89% от республиканского уровня, в том числе 39,9 тысяч кв. метров с господдержкой, или 5,07% от национального объема.

Определенное удивление вызывают площади введенного общего жилья в ряде районов, таких как Глусский (644), Хотимский (626), Краснопольский (532), Дрибинский (210). Если взять средние современные параметры однокомнатной квартиры в 40-50 квадратов, то получается, что на весь Дрибинский район построено за 8 месяцев 4-5 квартир. 

Несмотря на явную нехватку рабочих рук в строительной отрасли области, за 8 месяцев построено 136,7 тысяч кв. метров жилья при плане 143 тысячи, т.е план выполнен на 95,6%, согласно информации начальника отдела жилищной политики комитета по архитектуре и строительству Могилевского облисполкома Александра Марфонова.

Этот чиновник в начале января 2022 года заявил: «В Могилевской области при задании в 2021 году 90 тыс. кв.м введено в эксплуатацию около 110 тыс. кв.м, построенных с государственной поддержкой. Это на 22% больше, чем предполагалось.  В планах на 2022 год – возвести 143 тыс. кв.м. К слову, количество построенного с господдержкой жилья ежегодно составляет около трети от всех введенных в эксплуатацию на территории области квадратных метров».

Является ли огромным достижением цифра в 143 тысяч квадратных метров? Это увеличение объемов? Оказалось, что наши чиновники многого не договаривают. 

Если обратиться к официальному сборнику «Регионы Беларуси. Основные социально-экономические показатели городов и районов. 2021. Статистический сборник. Том 2», то можно обнаружить весьма интересную статистику по вводу жилья в Могилевской области в 2015 и 2020 гг. и сделать вывод, что к 2022 году объемы введения в эксплуатацию жилья упало в 2,6 раза.

Показатели 2015 2020
Ввод в эксплуатацию жилых домов за счет всех источников финансирования, тыс. кв. м общей площади 325,5 369,0
В т.ч. в сельских населенных пунктах  66,1 67,5

 

Ад 9 да 11 працэнтаў зменшыўся заробак у Хоцімскім, Магілёўскім і Касцюковіцкім раёнах

Навіна ад

Зніжэнне рэальных заробкаў у Беларусі назіраецца з сёлетняга сакавіка. Пры гэтым у краіне ёсць раёны, дзе гэта зніжэнне найбольш дынамічнае, піша рэсурс Banki24.by.

Паводле яго, у Магілёўскай вобласці рэальны заробак у ліпені найбольш упаў у Хоцімскім, Магілёўскім і Касцюковіцкім раёнах. У Хоцімскім раёне ён знізіўся да аналагічнага перыяду 2021 году на 11,7%, у Магілёўскім – на 10,3%, у Касцюковіцкім – на 9,1%.

Падобная дынаміка назіраецца ў суседняй Віцебскай вобласці. Тут рэальны заробак у ліпені больш за ўсё ўпаў у Расонскім, Талачынскім і Докшыцкім раёнах. У Расонскім раёне ён знізіўся на 10,2%, у Талачынскім – на 9,3%, у Докшыцкім – на 8,5%.

Banki24.by адзначае, што рэальная зарплата за сакавік па краіне ўпала да супастаўнага месяца 2021 году на 0, 7%, за красавік – на 4, 5%, за май – на 5, 7%, за чэрвень – на 4, 2%, за ліпень – на 5,9 працэнта.

Такім чынам, канстатуе выданне, працэс зніжэння рэальных заробкаў у Беларусі доўжыцца ўжо 5 месяцаў. За гэты час рэальныя заробкі не раслі да аналагічнага леташняга перыяду ні ў адной вобласці. Таксама змяншэнне рэальнага заробку паказваў і Мінск.

Рэальная заработная плата – гэта колькасць тавараў і паслуг, якую можна набыць на намінальную заработную плату; па сутнасці гэта пакупніцкая здольнасць намінальнай заработнай платы.

Намінальная зарплата – гэта канкрэтная грашовая сума, якую атрымлівае работнік.

 

Бабруйск далучыўся да ратавання планеты ад забруджвання – тут адкрылі другі пункт збору пратэрмінаваных лекаў. У Магілёве няма ніводнага

Навіна ад

На Магілёўшчыне Бабруйск – адзіны горад, дзе трымаюцца новых стандартаў утылізацыі лекавых сродкаў. У двух мясцовых паліклініках паставілі спецыяльныя кантэйнеры для пратэрмінаваных медычных прэпаратаў.

У Бабруйску два пункты для збірання пратэрмінаваных лекаў

Першы ў Бабруйску такі кантэйнер з’явіўся летась у паліклініцы № 6, а другі днямі паставілі ў паліклініцы № 7, якая абслугоўвае некалькі мікрараёнаў, піша выданне «Бобруйский курьер».

У кантэйнеры выкідваюцца таблеткі, аэразолі, мазі, кроплі. Ад прэпаратаў расліннага паходжання ды сродкаў індывідуальнай абароны пазбаўляюцца іншым спосабам.

У гарадах Магілёўскай вобласці, акрамя Бабруйску, пункты збірання пратэрмінаваных лекаў адсутнічаюць. На гарачай лініі паліклінік абласнога цэнтру, як высветлілася, нічога не ведаюць пра новыя стандарты і неабходнасць утылізацыі старых лекаў. Мясцовыя фармацэўтычныя ўстановы пакуль не займаюцца вырашэннем такога пытання.

Чаму сталі зьбіраць пратэрмінваныя лекі?

Пункты збірання лекаў сталі разгортваць, каб пазбегнуць забруджвання навакольнага асяроддзя медыкаментамі. У пробах вады і глею, узятых на ачышчальных станцыях некалькіх буйных беларускіх гарадоў, была выяўленая прысутнасць цыпрафлаксацыну, левафлаксацыну, дратаверыну, дыклафенаку, эстрадыёлу.

bobrlife.by

Забруджванне навакольнага асяроддзя фармацэўтычнымі рэчывамі – новая глабальная экалагічная пагроза. Па ўсім свеце ў вадаёмах і нават у пітной вадзе праяўляецца прысутнасць лекаў. Антыбіётыкі, нейралептыкі, гарманальныя і іншыя прэпараты трапляюць у арганізмы жывёлаў і людзей ды выклікаюць хваробы, анамальныя паводзіны, прыводзяць да бясплоддзя.

Паменшыць некантраляванае фармацэўтычнае забруджванне дапамагае асобнае збіранне пратэрмінаваных лекавых сродкаў з утылізацыяй. Такая практыка ўкаранёная ў большасці краінаў Еўропы. Сабраныя лекі спальваюць пры высокай тэмпературы, або адбываецца іх мяккая хімічная ўтылізацыя.

Хто дапамог уладзе ўбачыць праблему?

У Беларусі першы кантэйнер для збору пратэрмінаваных лекаў устанавіла грамадская арганізацыя «Цэнтр экалагічных рашэнняў» у 2018 у Мінскай гарадской паліклініцы № 40. У снежні 2019 года эколагі з дапамогай баранавіцкіх грамадскіх актывістаў запусцілі праект «Прырода без фармацэўтычных адыходаў». Намаганнямі грамадскасці за год у 18 гарадах Беларусі было ўстаноўлена больш за 30 кантэйнераў і сабрана за год больш за 400 кілаграмаў пратэрмінаваных лекаў.

encrypted-tbn0.gstatic.com

На сусветную практыку абароны прыроды і актыўнасць грамадскасці звярнула ўвагу ўлада.

З 1 верасня 2020 года набыў моц новы Тэхнічны кодэкс устаноўленай практыкі «Ахова навакольнага асяроддзя і прыродакарыстанне. Правілы абыходжання з камунальнымі адходамі». Пратэрмінаваныя лекавыя сродкі выдзелены ў асобную групу камунальных адходаў і падлягаюць асобнаму збору. Распрацоўка формы спецыяльных кантэйнераў, выдзяленне месцаў для збору і вырашэнне іншых арганізацыйных задач ускладзена на мясцовыя выканаўчыя органы ўлады і работнікаў жыллёва-камунальнай гаспадаркі.

 

На Магілёўшчыне дазволілі наведваць лясы

Навіна ад

Гэта вынікае з інтэрактыўнай карты Міністэрства лясной гаспадаркі, дзе Магілёўшчына афарбавана ў «зялёнае». Гэта азначыць, што наведванне лясоў дазволена.

Забарона наведваць лясы ў сувязі з кліматычнымі ўмовамі трывала з канца жніўня. Пастановы аб тым прынялі выканкамы 21 раёну вобласці.

Забароны і абмежаванні на наведванне лясоў актуальныя для 15 раёнаў поўдня Беларусі – у Гомельскай і Брэсцкай вобласці.