Tag: могилев

Магілёўскі сенатар запатрабаваў не пускаць у арганізацыі неправераных святароў

Навіна ад

На нядаўнім семінары ў Магілёўскім дзяржаўным універсітэце абмяркоўвалі ўдасканаленне міжканфесійных адносін. Нечаканымі на мерапрыемстве сталі рэзкія папярэджванні ад Алега Дзячэнкі – чыноўніка і былога навукоўца – пра экстрэмісцкія схільнасці служкаў розных канфесій. 

Штогадовае руціннае мерапрыемства не павінна было стаць экстраардынарным. Спецыялісты гарадскіх, раённых выканаўчых камітэтаў, якія курыруюць пытанні канфесійнай абстаноўкі ў рэгіёнах, сабраліся каб паслухаць думкі навукоўцаў, пазнаёміцца з сучаснымі тэндэнцыямі і абмеркаваць рэлігійную сітуацыю ў вобласці.  

Але сёлета на абмеркаванне былі вынесены пытанні рэлігійнага экстрэмізму, дзейнага заканадаўства пры правядзенні масавых рэлігійных мерапрыемстваў, прафілактыкі працы па недапушчэнні парушэнняў правілаў пажарнай бяспекі і захаванасці маёмасці ў культавых будынках, а таксама прадстаўлення і выкарыстання рэлігійнымі арганізацыямі зямельных участкаў. 

Сама пастаноўка пытання ўжо насіла абвінаваўчую накіраванасць, а з улікам апошніх затрыманняў магілёўскіх святароў, пра што паведамлялі mogilev.media,  выглядала, як грознае папярэджанне.

Ход семінара пацвердзіў нядобрыя прадчуванні ўдзельнікаў. Асабліва рэзка выступіў намеснік старшыні Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльнаму развіццю Алег Дз’ячэнка. Як паведамілі “Магілёўскія ведамасці” амбіцыйны чыноўнік падкрэсліў наступныя тэзісы: 

– Калі мы запрашаем святароў у школы і арганізацыі, мы павінны быць упэўненыя, што гэтыя людзі выходзяць у масы з правільнымі пасылам. Калі рэлігія ўзаемадзейнічае з грамадствам, мы павінны быць перакананыя, што яна – наша апора, праз якую мы будзем вырашаць задачы, звязаныя з кампаніяй 2024 і 2025 гадоў (маюцца на ўвазе выбарчыя кампаніі). Рэлігія не павінна супярэчыць нормам права, а таксама агульнай ідэалогіі дзяржавы, аказваючы няправільны ўплыў на чалавека, прыкрываючыся “боскай”, гэта значыць экстрэмісцкай шырмай.

Прадстаўнікоў якіх рэлігій і канфесій меў на ўвазе высокапастаўлены ахоўнік права і маралі засталося недасказаным. Каго нельга, а каго можна пускаць у школы і ўстановы таксама засталося адкрытым пытаннем. Удзельнікі семінара зразумелі, што пад падазрэннем цяпер служкі ўсіх рэлігій і канфесій. Незразумелым таксама засталося, хто і як павінен вызначаць, дзе святар выконвае свой пастарскі абавязак, а дзе ён ужо экстрэміст? 

З невясёлымі тварамі слухалі чыноўніка прадстаўніцы райвыканкамаў.

– Прасцей проста забараніць усім папам прыходзіць ва ўстановы, чым разбірацца, хто з іх экстрэміст, а хто наш чалавек, а потым паляцець са сваёй пасады. – выказалася адна з удзельніц семінара па яго заканчэнню. 

Вынікі семінара сведчаць, што выбары ўлада адклала на 2024 і 2025 гады, але ўжо цяпер клапоціцца пра тое, каб абмежаваць уплыў на грамадства самых розных сіл. А для святароў, як сведчыць выступленне Дз’ячэнкі, надыходзіць складаны этап здзяйснення імі сваіх пастырскіх абавязкаў. 

Фота: mogilevnews.by

Навіны тыдня – сабралі для вас самыя важныя падзеі, што патрапілі ў аб’ектыў Магілёў.media

Навіна ад

Галоўная падзея мінулага тыдня, безумоўна – раптоўная смерць уплывовага беларускага міністра МЗС Уладзіміра Макея. Мы сабралі для вас самыя свежыя рэакцыі і каментарыі пра гэтую падзею.

Скандальнай і эксклюзіўнай навіной mogilev.media сталі інфармацыя пра тое, што вядомыя расійскія дзеці-вундэркінды Аліса і Хеймдаль Цепляковы плануюць вучыцца ў Беларуска-Расійскім універсітэце.

Да іншых навін – у Магілёў упершыню завітаў нунцый папы Рымскага, у той час як магілёўскі ксёндз Віталь Чабатар сядзіць на сутках, а ў Клімавічах прайшоў самотны Кірмаш вакансій, на якім з дваццаці прэтэндэнтаў запрашэнне на суразмову атрымалі толькі чацвёра.

Днямі сталі вядомыя падрабязнасці падзення магілёўскай дзевяцігадовай дзяўчынкі з вакна шостага паверха.

Пазітыўныя навіны тыдня прыходзілі з Бабруйшчыны на гэтым тыдні. Так, эколаг у горадзе на Бярэзіне выказаўся, што 300-гадовы дуб-волат можна ўсё ж уратаваць.

Самае кранальнае відэа тыдня было знята на трасе Магілёў-Бабруйск – тут трактарыст на сваіх руках выносіў перапалоханую касулю. А ў самі Бабруйску пачаўся мантаж навагодняй ёлкі, хаця першай ёлкай на Магілёўшчыне ўсё роўна стане хоцімская.

Фота: РИА Новости

Международный Театральный Форум “M.@rt-контакт” в Могилёве. Продолжение воспоминаний

Навіна ад

Mogilev.media продолжает знакомить вас с воспоминаниями одного из организаторов, творческих вдохновителей блистательного театрального действия “M@rt-контакт”. От которого могилевчанам, похоже, только и остались – воспоминания. Субъективные заметки бывшего главного режиссера Могилевского областного драмтеатра Владимира Петровича мы нашли в его небольшом и уютном блоге, и с любезного разрешения автора решили опубликовать без изменений и с сохранением авторского стиля для наших уважаемых читателей. Выпуски Субъективных заметок мы запланировали на выходные дни, первую часть можно найти здесь, вторую здесь а третью здесь.

Часть 4. 

M.@rt-контакт”. Субъективные заметки.

То, что изложено ниже, моё видение ситуации и моя правда. 

 

“Молодая режиссура”

Одним из составляющих Молодёжного театрального форума был показ отрывков в рамках программы “Молодая режиссура”. Выстраивалась программа каждый раз по разному, и потому результат на выходе был непредсказуем. 

Первые годы мы сами искали и предлагали драматургический материал. В основном это были пьесы молодых, но уже заявивших о себе белорусских драматургов – Константина Стешика, Дмитрия Богославского, Павла Пряжко, Николая Рудковского…

Академия искусств, со своей стороны, предоставляла четырёх выпускников режиссёрского факультета для участия в программе.  Рамки для подготовки и показа были архисложные. Мало того, что на всё про всё давалось четыре дня, неопытным молодым  режиссёрам предстояло “присвоить” не ими выбранный материал, разработать его, срепетировать с незнакомыми до этого момента артистами нашего театра, параллельно найти музыку, успеть её свести, подобрать реквизит, костюмы, а главное, “заразить” материалом себя и работающих в отрывке актёров. Я думаю, что первые седые волосы появились у  некоторых именно в этот момент)

Проходило четыре дня, назначалось время показов, готовилась малая сцена, собиралась публика, критики, театроведы, журналисты, коллеги по профессии… 

После просмотра отрывков проходили разборы увиденного. Было всё: и жёсткая критика, и профессиональные советы, напутствия, и радость, и разочарование, и слёзы обиды от непонимания, и мужественное отстаивание своей позиции, своего видения материала… Это у режиссёров. 

А меня лично, восхищали актёры. За четыре дня, освоить немалый кусок текста, оправдать и выполнить поставленные перед ними (не всегда грамотно) задачи, это было выше моего понимания и дорогого стоило. Я в этих показах по-новому открыл для себя многих актёров, что в дальнейшем дало мне повод занимать их в той или иной роли.

Потом мы поменяли правила игры. Стали приглашать режиссёров из других стран. В итоге некоторые из них осуществили постановки в театрах Беларуси, “наведя мосты” после показа с руководством театров. Это входило в концепт “Молодой режиссуры”.

Ярким событием оказался набросок спектакля “Интервью с ведьмами”. Режиссёр Евгений Корняг создал с нашими актрисами Еленой Кривонос, Натальей Колокустовой и Александрой Винниченко уникальный мистический мир колдовства, узнаваемых человеческих отношений, импровизации и блестящей актёрской игры. 40 минут на сцене царил Театр.

Прошли годы, а я с таким же удовольствием смотрю эту уникальную зарисовку, которая через год воплотилась в полноценный спектакль “Интервью с ведьмами” в Белорусском государственном театре кукол. Хотя обещали постановку у нас, и все предпосылки для этого были… Что-то не срослось(

Думается мне, что спустя годы, кто с трепетом, кто с  улыбкой, вспоминают “М.@rt-контакт”, как неделю ярких впечатлений, драйва, знакомств, неожиданных встреч, удивления, разочарования, восхищения, недосыпания, творческого возбуждения…  

И причиной всему этому стал Театр.

Фото: odessa-life.od.ua

Кітайскія пажарныя машыны пачалі тэставаць у Магілёве, яны заменяць беларускія

Навіна ад

Ратавальнікі Магілёўшчыны атрымалі для эксплуатацыі і выпрабаванняў тры новыя спецаўтамабілі з кітайскім абсталяваннем, у зборцы якіх удзельнічалі машынабудаўнікі Магілёва. Мяркуецца, што гэтыя машыны будуць лепш прыстасаваны для ліквідацыі гарадскіх пажараў, чым беларуская тэхніка. 

Да ведама, навукова-даследчы інстытут пажарнай бяспекі і праблем надзвычайных сітуацый Міністэрства па надзвычайных сітуацыях Рэспублікі Беларусь прымае ўдзел у распрацоўцы пажарнай аварыйна-выратавальнай тэхнікі. Сярод распрацаваных машын – аўтацыстэрны пажарныя АЦ 5, АЦ 10, аўтацыстэрны 11 і 12 тон для тушэння агню “з колаў”, аўталесвіцы, аўтамабілі парашковага тушэння, аўтамабілі аэрадромнага тушэння, каленчатыя пад’ёмнікі, мабільныя пункты кіравання і іншая тэхніка. 

Аўтацыстэрна (АЦ 10,0-40 (6317), на загалоўным фота) – самая масавая машына, якая прызначана для дастаўкі да месца пажару баявога разліку, ПТВ, аварыйна-выратавальнай прылады і запасу вогнетушыльных сродкаў. Ёмістасць цыстэрны для вады  з нержавеючай сталі або ўзмоцненага кудзелістага шклапластыка 10 000 літраў. У рэальных пажарах у жылым сектары яе магчымасці празмерныя, а пад’ехаць да месца пажару ёй бывае цяжка з-за мноства прыпаркаваных каля дамоў машын. 

Аўтацыстэрна АЦ-5,0-50 (5434) прызначана для тушэння пажараў вадой з цыстэрны, адкрытага вадаёма або водаправоднай сеткі, а таксама паветрана-механічнай пенай. Аўтацыстэрна служыць для дастаўкі да месца пажару баявога разліку, пажарнага абсталявання, вады і пенаўтварэння. Выраблена на шасі аўтамабіля “МАЗ 5434” высокай праходнасці. Ёмістасць цыстэрны для вады – 5000 літраў, а бака для пенаўтваральніка – 300 л. Але і гэта машына не настолькі кампактная, каб лёгка і хутка пад’ехаць да месца пажару, што мае часцяком жыццёва важнае значэнне. 

Выпускаюць ратавальную спецтэхніку вядучыя беларускія вытворцы: ТАА “Пажснаб”, размешчаным у горадзе Барысаве, і філіял Адкрытага акцыянернага таварыства “Мінскі аўтамабільны завод” “Завод “Магілёўтрансмаш”. Вось і цяпер партнёры з Кітаю гатовы былі даслаць свае машыны, але нашы чыноўнікі настаялі на тым, каб замежнае абсталяванне было ўсталявана на беларускую аўтамабільную базу МАЗаў.

Увогуле, кітайская тэхніка ўсё больш упэўнена прыходзіць на рынкі Беларусі. Гэта адбываецца дзякуючы таму, што іх машыны эканамічныя, танныя, а часам і больш эфектыўныя за беларускія. Раней адзіным плюсам беларускай тэхнікі заставалася яе надзейнасць. Выпрабаванні і павінны найперш адказаць на пытанне, наколькі доўга зможа надзейна працаваць тэхніка з кітайскім абсталяваннем?  

Фота ўзяты з адкрытых крыніц і носяць ілюстрацыйны характар

Лысыя калёсы і небяспечнае надвор’е – на магілёўскай аб’язной адбылася жахлівая аварыя

Навіна ад

18-гадовая дзяўчына загінула ў выніку сутыкнення аўтамабіля Renault і фуры Scania – паведамляе Тэлеграм-канал абласнога УУС. Трагедыя адбылася 26 лістапада каля 18:30 гадзін паблізу вёскі Засценкі.

46-гадовы вадзіцель Renault не ўлічыў умовы надвор’я, не выбраў бяспечную дыстанцыю да трактара МТЗ, які рухаўся з ім у спадарожным напрамку і ажыццяўляў ўборку праезнай часткі. У выніку машыну занесла на паласу сустрэчнага руху, дзе адбылося сутыкненне з грузавым аўтамабілем Scania.

Ад атрыманых траўмаў 18-гадовая дзяўчына, якая знаходзілася ў Renault, загінула на месцы. Вадзіцель і яшчэ адна яго пасажырка дастаўлены ў бальніцу.

На легкавым аўтамабілі былі ўстаноўлены зімовыя шыны з моцным зносам пратэктара.

Скандальна вядомых расійскіх вундэркіндаў Алісу і Хеймдаля Цепляковых чакаюць у магілёўскім БРУ

Навіна ад

Як стала вядома Магілёў.media, дзесяцігадовую Алісу Цеплякову рыхтуюцца сустракаць на завочным аддзяленні спецыяльнасці АСАІ – яна будзе навучацца праграмаванню – а яе дзевяцігадовы брат Хеймдаль паступіў на эканамічную спецыяльнасць.

У Беларуска-Расійскім універсітэце ўжо прайшлі нарады з выкладчыцкім калектывам, на якіх прадстаўнікі адміністрацыі ВНУ тлумачылі асаблівасці двух новых залічаных студэнтаў – перадаюць крыніцы Магілёў.media. Будучых выкладчыкаў дзяцей-вундэркіндаў папярэдзілі пра тое, што з імі заўсёды знаходзіцца бацька Яўген, які аднойчы ўжо развязаў бойку у Маскоўскім дзяржаўным універсітэце, незадаволены ходам экзаменацыйнага іспыту ў дачкі на псіхалагічным факультэце.

Аліса Цеплякова стала шырока вядомай у расійскай медыяпрасторы ў 2020 годзе, калі ў сямігадовым узросце яна завяршыла праграму 11-класнага сярэдняга школьнага навучання. Бацька шмтдзетнай сям’і – у Цепляковых сямёра дзяцей – агаломшыў грамадскасць заявай, што дачка збіраецца паступаць на псіхалагічны факультэт МДУ. У восем гадоў Аліса сапраўды паступіла туды на спецыяльнасць “Псіхалогія службовай дзейнасці”, аднак пасля скандалу на экзамене па “Уводзінах у псіхалогію” перастала паяўляцца ў гэтым ВНУ.

Летам 2022 года Алісу Цеплякову і яе малодшага брата не залічылі ў расійскі універсітэт “Сінэргія”. У паступленні ім адмовілі на падставе лакальных актаў універсітэта, а таксама з-за немагчымасці асваення практыкаарыентаваных адукацыйных праграм гэтай ВНУ.

Гісторыя Алісы і яе сям’і мае дыяметральна процілеглыя ацэнкі ў расійскім грамадстве. 

– З экспертнага пункту гледжання, гэтая сітуацыя з’яўляецца неапрабаваным эксперыментам па кагнітыўнай акселерацыі малалетняга дзіцяці, які не ўлічвае пазнавальныя і асобасныя заканамернасці развіцця дзяцей гэтай узроставай катэгорыі – заяўляў доктар навук, псіхолаг Аляксандр Асмолаў.

– Скажу адразу, што я вельмі трапётка стаўлюся да гэтай сям’і – даваў каментарый MK.RU адзін са знаёмых Цепляковых – яны вялікія малайцы. Але апошні год іх проста не пазнаю. Спачатку я з захапленнем глядзеў на іх перадавыя методыкі выхавання і навучання, так радаваўся поспехам Алісы, калі яна паступіла ў лепшую ВНУ краіны. Зараз жа бачу, што зусім юнае дзіця ўцягнулі ў нейкую дзіўную гульню. Гэта ўжо не гісторыя пра паспяховае навучанне дзяўчынкі-вундэркінда, а гісторыя пра вайну бацькоў і ўніверсітэта.

Магілёў.media будзе сачыць за ходам вучобы скандальна вядомых вундэркіндаў у магілёўскім універсітэце. Вядома, што на восеньскую ўстановачную сесію Аліса і Хеймдаль не з’явіліся, іх чакаюць праз пару тыдняў на зімовай сесіі.

Фота: АО “ТВ Центр”

 

У Магілёве заўтра будуць уключаць сірэны

Навіна ад

На Магілёўскім мясакамбінаце пройдуць вучэнні па ўзаемадзеянні органаў Грамадзянскай абароны, пагэтаму пачынаючы з 15.00 у горадзе будуць уключаць сістэмы апавяшчэння. Насельніцтву пры гэтым нічога рабіць не трэба – папярэджваюць арганізатары мерапрыемства.

Аферыст дня – магілёвец заплаціў гардэробшчыцы за “згублены” нумарок, каб скрасці жаночую куртку

Навіна ад

Гардэробшчыцу пры гэтым не засмуціла, што хлопец забраў жаночую вопратку, хоць заяўляў што згубіў жэтончык ад сваёй. Крадзёж адбыўся ў адным з начных клубаў Магілёва – паведамляе Тэлеграм-канал прэс-службы абласнога УУС. 22-гадовы раней не судзімы жыхар горада звярнуўся да гардэробшчыцы ў клубе, што ён нібыта згубіў нумарок ад сваёй вопраткі. Жанчына прапанавала яму аплаціць кошт жэтончыка ў касе. Заплаціўшы невялікую суму, хлопец атрымаў доступ да гардэроба і вынес куртку 19-гадовай дзяўчыны, што адпачывала ў тым жа клубе, коштам у 500 рублёў. Узбуджана крымінальная справа.