Самый «юный» депутат «палатки» доказал, что пользу можно извлечь даже из такого бесполезного начинания, как БРСМ.
Continue reading “Молодой, да не ранний – Владимир Павловский ушел с мясокомбината в депутаты”
Tag: мясокомбинат
На Бабруйскім мясакамбінаце знайшлі праблем на мільён рублёў
Падчас праверкі Бабруйскага мясакамбіната Камітэт дзяржкантролю выявіў немэтавае расходаванне сродкаў на мільён рублёў. Гэта стала вынікам закупак пэўных тавараў праз пасярэднікаў, прадастаўлення неапраўдана працяглых растэрміновак, арэнды і рамонту памяшканняў, што не выкарыстоўваюцца, аказання паслуг. Таксама было выяўлена, што кошты на некаторыя каўбасы прадпрыемства завышала неапраўдана, праводзячы так званае прыхаванае іх завышэнне.
Сярод іншых сістэмных праблем мясакамбіната – недастатковая загрузка вытворчых магутнасцей, рост складскіх запасаў, стратнасць работы, закрэдытаванасць, недахоп абаротных сродкаў. Таксама – несвоечасовыя разлікі з сельгасвытворцамі за пастаўленую жывёлу, неабходнасць мадэрнізацыі вытворчасці.
Фота з адкрытых крыніц
Памятны крыж каля мясакамбіната ў Магілёве асвяцілі, хоць ён яшчэ недароблены
30 кастрычніка прайшла цырымонія асвячэння новага памятнага крыжа на месцы ўшанавання памяці ахвяр сталінскіх рэпрэсій. Чын асвячэння і памінальнае богаслужэнне правёў архіепіскап Магілёўскі і Мсціслаўскі Сафроні.
Новы памятны крыж быў усталяваны замест крыжа, пастаўленага грамадскасцю – пісалі mogilev.media. Звяртае на сябе ўвагу тое, што аздабненне новага крыжа не завершанае – пакладзеная толькі частка пліткі на ніжнім кубе.
Фота: mogilev.media, mogilevnews.by
Магілёўскі мясакамбінат будзе выпускаць тушонку з адборнага мяса, на расійскім абсталяванні
Магілёўскі мясакамбінат адкрыў лінію па вытворчасці мясных кансерваў. Абсталяванне для яе набывалі ў Расійскай Федэрацыі. Заяўляецца, што яно не саступае еўрапейскім аналагам. Кансервы выпускаюцца з адборнага мяса ў выглядзе кавалачкаў і спецый, тэрмін прыдатнасці такой кансервы – 3,5 гады.
Першыя кансервы вырабляюцца са свініны і ялавічыны. Далей мясакамбінат плануе пашыраць асартымент. У планах – кансервы з мяса прамысловых жывёл, мяса-раслінныя кансервы з выкарыстаннем разнастайных круп. На прадпрыемстве мяркуюць, што попыт на такую прадукцыю ёсць, бо ў яе вялікі тэрмін захоўвання, шырокі дыяпазон тэмператур пры захоўванні.
Фота: mogilev.media, mogilevnews.by
Новы памятны крыж ахвярам рэпрэсій усталявалі каля мясакамбіната ў Магілёве – фота
Крыж драўляны, з пафарбаванай сасны. Папярэдні, усталяваны грамадскасцю, быў дубовы.
Падчас правядзення рэканструкцыі праспекта Дзімітрава ў Магілёве змены закранулі таксама месца ўшанавання памяці ахвяр сталінскіх рэпрэсій. Дубовы памятны крыж, усталяваны тут грамадскасцю, быў заменены на новы. Чатырохканцовы драўляны крыж выраблены з масіва сасны і пафарбаваны. Усярэдзіне надпіс – “Кресту твоему поклоняемся владыко и воскресение твоё славим”.
Верагодна, памятнае месца чакаюць далейшыя дапаўненні. На бетонным кубе, што выступае ў якасці пастамента, магчыма, дадаткова паставяць інфармацыйныя шыльды.
Яшчэ адзін крыж, невялікі, пастаўлены грамадскасцю, застаўся на ранейшым месцы. Да яго перанеслі таблічку з тэкстам пра ўшанаванне памяці ахвяр рэпрэсій.
Фота: mogilev.media
Магілёўскі мясакамбінат плануе засмажыць самую вялікую катлету ў Беларусі
На абласных “Дажынках”, што пройдуць заўтра, 7 кастрычніка ў Хоцімску, Магілёўскі мясакамбінат плануе паставіць нацыянальны рэкорд і засмажыць самую вялікую катлету ў гісторыі краіны – піша “Спутнік”. Мяркуецца, што дыяметр катлеты складзе два метры. Пасля фіксацыі рэкорда ў нацыянальнай кнізе рэкордаў Беларусі, катлету мяркуецца перадаць у Хоцімскі дом-інтэрнат для пажылых і інвалідаў.
Сусветны рэкорд самай вялікай смажанай катлеты – наогул, прадукта ў катэгорыі “катлета, шніцаль, эскалоп, кашапо” – належыць нямецкім паварам і быў дасягнуты ў 2019 годзе. Іх шніцаль заважыў 1208 кілаграмаў (на фота) і быў уключаны ў Кнігу рэкордаў Гінэса.
Фота: guinnessworldrecords.com
Што зараз на месцы памятнага крыжа каля магілёўскага мясакамбіната – фота
Працягваем сачыць за тымі зменамі, якія закранулі месца ўшанавання памяці ахвяр сталінскіх рэпрэсій у Магілёве. Нагадаем, падчас рэканструкцыі праспекта Дзімітрава ў абласным цэнтры, вялікі памятны крыж каля мясакамбіната быў прыбраны. Да таго месца, дзе ён стаяў, праклалі дарожку з тратуарнай пліткі. На месцы самаго крыжа паявілася аснова для наступнай канструкцыі. Паводле інфармацыі mogilev.media, тут будзе ўсталяваны новы крыж.
Вялікі шасціканцовы крыж зараз так і ляжыць на зямлі побач з месцам ушанавання памяці ахвяр.
Верагодна, новы крыж будзе ўсталяваны ў самы бліжэйшы час – рэканструкцыя праспекта Дзімітрава павінна завяршыцца на гэтым тыдні. Афіцыйнай інфармацыі наконт работ на месцы ўшанавання памяці ахвяр пакуль не было.
Фота: mogilev.media
Тралейбусы ў Магілёве будуць хадзіць да кальца Мясакамбіната – ад заўтра і на тыдзень
У сувязі з уладкаванне асфальтабетоннага пакрыцця на праспекце Дзімітрава, з 21 па 26 верасня тут плануецца адключыць кантактныя лініі электраперадач. Тралейбусы нумар 4, 6 і 7, што курсіруюць з горада ў бок Любужа, будуць у гэты час хадзіць па скарочаным маршруце – да кальца Мясакамбіната. Замест іх ад кальца і на Любуж будуць запушчаныя дадатковыя рэйсы аўтобуса нумар 42 – паведамляе “Веснік Магілёва”. Праязныя на тралейбусы ў Магілёве дзейнічаюць і ў аўтобусах да канца верасня.
Фота з адкрытых крыніц
Шэсце і паніхіда ў памяць аб бязвінна забітых у гады ліхалецця пройдзе ў Магілёве
У нядзелю 5 лютага адбудзецца шэсце ад былога замкавага сквера да крыжа насупраць мясакамбіната і паніхіда біскупа ў памяць новых пакутнікаў праваслаўнай царквы.
Крыжы ля мясакамбіната – вядомае месца смутку і памяці нявінных ахвяр сталінскіх рэпрэсій. Раней народны мемарыял па традыцыі грамадскасць наведвала на восеньскія Дзяды.
Але ў апошнія гады правядзенне хроснага хода да месца расстрэлаў так званых “ворагаў народу” у 1918 – 1930-х гадах стала новай традыцыяй праваслаўнай царквы.
Вось і 5 лютага на свята сабора новых пакутнікаў Рускай царквы ўладыка Магілеўскі і Мсціслаўскі Сафроній здзейсніць боскую літургію ў царкве царскіх мучанікаў, усіх новых пакутнікаў 20 стагоддзя. Пачатак а 9-й гадзіне.
А пасля літургіі ў 11.00 адбудзецца шэсце ад царквы да Паклоннага крыжа на праспекце Дзімітрава для выканання паніхіды ў памяць пра бязвінна забітых у гады ліхалецця мінулага стагоддзя.
Маршрут хроснага хода:
- Храм царскіх пакутнікаў, новых пакутнікаў і спавядальнікаў 20-га стагоддзя (парк Горкага)
- Пушкінскі праспект
- праспект Дзімітрава (каля прыпынку “Мясакамбінат”)
- Спаса-Праабражэнскі сабор
Працягласць шэсця – 4,5 кіламетра.
Час правядзення: 11.00 – 12.30.
Фота архіўныя, з адкрытых крыніц
У Магілёве заўтра будуць уключаць сірэны
На Магілёўскім мясакамбінаце пройдуць вучэнні па ўзаемадзеянні органаў Грамадзянскай абароны, пагэтаму пачынаючы з 15.00 у горадзе будуць уключаць сістэмы апавяшчэння. Насельніцтву пры гэтым нічога рабіць не трэба – папярэджваюць арганізатары мерапрыемства.