Беларуска Вольга Масціцкая ўдзельнічае ў эксперыменце Sirius-2023 у складзе расійскага экіпажа з шасці чалавек у якасці даследчыка, піша smartpress.by.
“Касманаўты” рыхтуюцца да рэальнага палёту на Месяц. Удзельнікі місіі ізаляваны на год з 14 лістапада. Праект запушчаны ў Расіі Інстытутам медыка-біялагічных праблем акадэміі навук.
Згодна з эксперыментам, “касманаўты” “адправіліся на “Месяц” на транспартным караблі. “Ляцець” яны будуць чацвёра сутак. Далей адбудзецца “састыкоўка” з калямесячнай арбітальнай станцыяй. Праз месяц будзе “дастаўлены” дадатковы транспартны карабель. Экіпаж будзе працаваць на ім двое сутак без перапынку.
Акрамя таго, запланаваны “высадкі” на “Месяц”. Праз 362 дні пачнецца зваротны “палёт”, які таксама працягнецца чацвёра сутак. Падчас яго ўдзельнікі эксперыменту сутыкнуцца з “няштатнымі сітуацыямі”.
У рамках даследавання будзе вывучацца стан здароўя чалавека ва ўмовах ізаляцыі. У праграме эксперыменту ўдзельнічаюць вучоныя з Расіі, Беларусі, ЗША, Канады, Італіі, Чэхіі, Турцыі, Індыі і Паўднёва-Афрыканскай Рэспублікі.
Вольга Масціцкая – малодшы навуковы супрацоўнік Інстытута фізіка-арганічнай хіміі НАН Беларусі, была ў ліку кандыдатак, якія прэтэндавалі на палёт на МКС. Кандыдаткамі на МКС былі абраны бортправаднік авіякампаніі “Белавія” Марына Васілеўская і хірург РНПЦ дзіцячай хірургіі Анастасія Ленкава (дублёр).
2 верасня пасадачны апарат Vikram і месяцаход Pragyan, якія складаюць місію высадкі на паўднёвым полюсе Месяца “Чандраян-3” былі пераведзены ў «спячы рэжым», каб абараніць іх электрычныя кампаненты падчас жорсткай двухтыднёвай ночы.
Надзеі на «паўторнае абуджэнне» індыйскага пасадачнага апарата на Месяц знікаюць пасля таго, як індыйскія навукоўцы не змаглі ўсталяваць сувязь з касмічным караблём, паколькі ён перайшоў у рэжым адключэння, каб выжыць ва ўмовах халодных месяцовых начэй.
Індыйская місія “Чандраян-3” здзейсніла гістарычную пасадку на паўднёвым полюсе Месяца ў жніўні пасля 40-дзённага падарожжа. Пасля гэтага лунаход больш за тыдзень збіраў дадзеныя з паверхні Месяца. Ён прайшоў адлегласць у 100 метраў, перадаючы выявы і дадзеныя назад на Зямлю, і пацвердзіў наяўнасць на спадарожніку нашай планеты серы, жалеза, кіслароду і іншых элементаў.
2 верасня пасадачны апарат Vikram і ровер Pragyan былі пераведзены ў «спячы рэжым», каб абараніць электрычныя кампаненты падчас жорсткіх умоў месяцовай ночы, якая доўжыцца два тыдні, і тэмпература на паверхні падае да -250 градусаў Цэльсія.
Аднак з тых часоў навукоўцы ISRO не змаглі звязацца з робатамі і заявілі, што «надзеі на іх адраджэнне слабеюць». Па словах навукоўцаў, верагоднасць таго, што прылады вытрымаюць маразы, складае каля 50%.
«Намаганні па наладжванні сувязі з пасадачным апаратам Vikram і марсаходам Pragyaan будуць працягвацца» — заявілі навукоўцы з Індыйскай арганізацыі касмічных даследаванняў (ISRO) . Яны паведамілі, што ISRO будзе працягваць намаганні па ўстанаўленні сувязі з касмічным караблём да 30 верасня, калі запланаваны наступны заход Месяца, піша Guardian.
На ўікенд у Магілёўскай вобласці сіноптыкі прагназуюць сярэднесутачныя тэмпературы крыху вышэй за +20°С, ноччу да +18°С, днём да +24, +27°С. Будзе пераважаць воблачнае без ападкаў надвор’е.
Працягласць дня паменшылася на 1:10 і скарачаецца па 3 хвіліны на суткі. 30 ліпеня сонца ўзыйдзе а 5:04, зойдзе а 21:02, працягласць дня 15:53.
Сінаптычны прагноз надвор’я на выходныя.
28 ліпеня, у пятніцу, надвор’е абяцае быць воблачным і без ападкаў у большасці раёнаў. Уноч да +15°С, раніцай да +18°С, днём тэмпература падрасце да +22°С. На працягу сутак будуць паступаць паветраныя масы з паўночнага-захаду, хуткасць вятроў да 2-4, месцамі пры парывах да 6-7 м/с. Растучы Месяц. Магнітнае поле неўстойлівае.
У суботу, 29 ліпеня, на большай частцы тэрыторыі вобласці на працягу сутак прагназуецца воблачнае надвор’е без ападкаў. Уноч і уранні да +14°С, днём слупок тэрмометра падымецца да +23°С, месцамі і ў асобных раёнах да +24 +25°С. На працягу сутак будуць паступаць паветраныя масы з паўночнага захаду, захаду, хуткасць вятроў да 3-4 м/с. Месяц расце. Магнітнае поле неўстойлівае.
У нядзелю, 30 ліпеня, прагназуецца воблачнае надвор’е, на большай частцы вобласці без ападкаў, уноч і раніцай да +18°С, удзень паветра прагрэецца да +27°С. З рання і да вечара вызначаць надвор’е будуць заходнія, паўднёва-заходнія, паўночныя вятры хуткасцю да 1-2 м/с. Месяц расце.
Ранак панядзелка, апошняга дня ліпеня, пачнецца з воблачнага надвор’я, з ранішнімі тэмпературамі да +19°С, з паўднёва-усходнімі вятрамі хуткасцю да 3-5 м/с. У другой палове, па папярэдняму прагнозу, чакаюцца дажджы з навальніцамі, тэмпература да +28°С. Поўня.
На працягу апошняга тыдня ліпеня ў Магілёўскай вобласці сіноптыкі прагназуюць у асноўным воблачнае з дажджамі, умерана цёплае надвор’е. Пад фініш тыдня панізяцца начныя тэмпературы, ўзмацняцца вятры да 7-11 м/с.
Будуць пераважаць вятры паўднёва-заходнія і паўночна-заходнія. Сярэднія сутачныя тэмпературы каля +20°С.
Удзень да +21 +24°С, начныя тэмпературы ад +10 да +15°С. Працягласць дня змяншаецца ўжо па 3 хвіліны, да 15:59 у пятніцу. У канцы працоўнага тыдня сонца ўзыдзе ў 5:06, зойдзе ў 21:05.
Сінаптычны прагноз на панядзелак, 24 ліпеня. У ноч з нядзелі на панядзелак да +13°С, раніцай да +18°С, удзень +24°С, увечары да +20°С. На працягу сутак будзе даждлівае надвор’е. Вятры на працягу сутак паўднёва-заходнія, хуткасць да 3-5, месцамі пры парывах да 7 м/с. Месяц расце. Геамагнітнае поле спакойнае.
У аўторак, 25 ліпеня, на працягу сутак захаваецца дажджлівае надвор’е. Будуць панаваць паўднёвыя і паўднёва-заходнія вятры, хуткасцю да 3-4 м/с. Уноч і ўранні каля +15 +17°С, днём тэмпература вырасце нязначна – да рыскі +21°С. Да вечара слупок тэрмометра утрымаецца на адзнаке не ніжэй за +18°С. Месяц расце. Геамагнітнае поле неспакойнае.
У сярэдзіне рабочага тыдня, 26 ліпеня, ноччу і ў першай палове дня прагназуецца пераважна воблачнае без ападкаў надвор’е, у другой палове на значнай тэрыторыі вобласці прагназуюцца дажджы. Ноччу і ўранні да +14°С, у другой палове дня да +24°С. На працягу сутак прагназуюцца заходнія і паўночна-заходнія вятры, іх хуткасць да 3-6 м/с. Месяц расце.
У чацвер, 27 ліпеня, сіноптыкі прагназуюць воблачнае з дажджамі надвор’е. Вецер паўночных напрамкаў хуткасцю 1-3 м/с. Ноччу і ўранні да +12°С, у абед і на працягу другой паловы дня +18°С. Растучы месяц.
У апошні дзень працоўнага тыдня, 21 ліпеня, па папярэдняму прагнозу будзем чакаць у ноч і ўранні даждлівае надвор’е, у другой палове дня – воблачна, пераважна без ападкаў. Чакаецца панаванне паўночна-заходніх вятроў хуткасць якіх вырасце да 7-11 м/с. Уноч і ў ранішнія гадзіны да +11°С, удзень і ўвечары да +21°С. Месяц расце.
Спецыялісты Інжынерна-тэхналагічнага інстытута (IET, Вялікабрытанія) прадставілі смелы план таго, як будзе выглядаць футбол на Месяцы: з 100-хвіліннымі матчамі, “астраформай” футбалістаў, мячом-губкай і віртуальнымі рэферы. Яны мяркуюць, што ў гульню можна будзе гуляць на Месяцы ўжо ў 2035 годзе, нават калі гэта можа выглядаць зусім інакш, чым матч тут, на Зямлі.
На думку вучоных, самы папулярны зямны від спорту хутка павінен пачаць распаўсюджвацца і за межамі планеты – паведамляе Daily Mail. Першая месячная гульня, лічаць футуролагі, адбудзецца ўжо ў 2035 годзе. Магчыма, адной з каманд стане Moonchester United.
На погляд футуролагаў з інстытута, на Месяцы маглі б прайсці гульні з каманд па пяць чалавек, якія праводзяцца ў чатыры 10-хвілінныя таймы з 20-хвіліннымі перапынкамі паміж кожнай, каб даць гульцам адпачыць.
Фота: Midjourney
Публікацыя навукоўцаў пераважна прысвячаецца не таму, як тэхнічна можна падрыхтаваць паяўленне футбольных каманд на спадарожніку Зямлі, а таму, як гэты матч лепш за ўсё абсталяваць з улікам асаблівасцяў планеты.
Так, даследчыкі заявілі, што традыцыйныя для футбалістаў шорты і чаравікі з шыпамі трэба будзе заменіць на здаравеныя скафандры ў стылі астранаўтаў з карабля Апола з футурыстычнымі функцыямі ахалоджвання, усталяванымі ўнутры. Мала таго, суддзі будуць больш нагадваць тэхналагічны VAR, чым традыцыйных людзей.
Хоць змены ў правілах і вонкавым выглядзе мяркуюцца значныя, з прычыны зусім іншага асяроддзя за межамі Зямлі, гэта ўсё роўна будзе футболам. Або, прынамсі, яго разнавіднасцю, якую можна будзе назваць, скажам, касмаболам ці мунболам. І вось як у яго гуляць.
Поле
Інжынеры прапанавалі метад лазернага выпякання, каб ператварыць участак грунта на Месяцы ў роўную бетонападобную паверхню. Яна будзе займаць у восем разоў менш месца, чым звыклае нам футбольнае поле. Лініі на ім можна будзе расфарбаваць чорна-белым палімерам. Па перыметры павінны быць усталяваныя сеткаватыя барты, а зверху – такі ж дах, каб пры адсутнасці гравітацыі мяч не паляцеў у бясконцую далеч.
Форма
Паколькі на Месяцы лёгкія шорты і шыпаваныя буцы будуць неактуальныя, іх плануецца замяніць на аблегчаныя версіі скафандраў, з падвышанай гнуткасцю і накладкамі на калені і локці. І, вядома, з кіслародным балонам і сістэмай сувязі. Унутры кожнага такога касцюма павінны быць устаноўлены сістэмы астуджэння, абагравання і кантролю за потаадлучэннем – для падладжвання пад месяцовы клімат.
Мяч
У адрозненне ад поля, якое паменшылі, мяч навукоўцы збіраюцца зрабіць у два разы больш зямнога – каб ён быў добра бачны на месяцовым грунце. І ён не можа быць напампаваны паветрам, бо розніца ціскаў на Месяцы прымусіць яго лопнуць. Спецыялісты знайшлі рашэнне – губчаты мяч з ядром з аэрагеля новага пакалення, што дазволіць яму адскокваць гэтак жа, як звычайнаму мячу.
Таймінг
Замест звыклых двух таймаў па 45 хвілін, на Месяцы давядзецца гуляць чатыры тайма па 10 хвілін з 20-хвіліннымі перапынкамі паміж імі. “Мунбалістам” спатрэбіцца больш часу на адпачынак, аднаўленне, а таксама агляд касцюмаў, абсталявання, магчыма, рамонт і дазапраўку. Бо форма ў дадзеным выпадку важная не толькі для выгоды, але і для выжывання.
Каманды і суддзі
У кожнай камандзе будзе толькі па пяць гульцоў: пры большай колькасці ва ўмовах спадарожніка спартсмены б перашкаджалі адзін аднаму і пастаянна сутыкаліся. Па гэтай жа прычыне замест суддзяў будуць галаграмы. А віртуальныя жоўтыя і чырвоныя карткі стануць загарацца на брылі гульца, які праштрафіўся.
Акрамя таго, матчы лепш за ўсё будзе праводзіць у месяцовы поўдзень, каб пазбегнуць вялізных ценяў і гуляць пры найлепшай бачнасці.
На ўікенд у Магілёўскай вобласці сіноптыкі прагназуюць сярэднесутачныя тэмпературы крыху ніжэй за +20°С. Ноччу да +13°С, днём да 22°С. Будзе пераважаць воблачнае з ападкамі надвор’е. Працягласць дня паменшылася амаль на гадзіну і скарачаецца па 2 хвіліны на суткі. 23 ліпеня сонца ўзыйдзе ў 4:48, зойдзе ў 21:13, працягласць дня 16 гадзін 15 хвілін.
21 ліпеня, пятніца. Надвор’е абяцае быць воблачным і без ападкаў у большасці раёнаў. Уноч да +13°С, раніцай да +17°С, днём тэмпература падрасце толькі да +22°С. На працягу сутак будуць паступаць паветраныя масы з паўночнага-захаду, захаду, хуткасць вятроў да 2-4 м/с. Растучы Месяц. Магнітнае поле неўстойлівае.
У суботу, 22 ліпеня, на большай частцы тэрыторыі вобласці на працягу сутак прагназуюцца дажджы, вынікам якіх стане падзенне тэмператур. Уноч і ўранні да +12°С, днём слупок тэрмометра падымецца толькі да +15°С, месцамі і ў асобных раёнах да +17°С. На працягу сутак будуць паступаць паветраныя масы паўднёвых напрамкаў, к вечару – з паўночнага захаду, хуткасць вятроў да 4 м/с. Месяц расце. Магнітнае поле неўстойлівае.
У нядзелю, 23 ліпеня, прагназуецца воблачнае надвор’е, на большай часцы вобласці дажджы, уноч і раніцай да +11°С, удзень паветра прагрэецца да +19°С. З рання і да вечара вызначаць надвор’е будуць заходнія вятры хуткасцю да 4-6 м/с. Месяц расце.
Ранак панядзелка, 24 ліпеня, пачнецца з даждлівага надвор’я, з ранішнімі тэмпературамі да +12°С, з паўднёва-заходнімі вятрамі хуткасцю да 3-5 м/с. У другой палове дня захаваецца даждлівае надвор’е, тэмпература да +22°С.
Міжнародны дзень торта (International Cake Day, з 2011 года).
Прысвечаны сяброўству і міру паміж людзьмі, краінамі, народамі. Ён праходзіць пад дэвізам “I cake you” – “Я прыйду да цябе з тортам”, што, увогуле, лагічна – як, калі не тортам з гарбатай, адсвяткаваць мір і сяброўства?
Каля вытокаў салодкага свята стаяў “Міланскі Клуб” Каралеўства Любові – супольнасць сяброў, членамі якога з’яўляюцца музыкі, кулінары і іншыя захопленыя творчыя натуры. Менавіта гэты творчы саюз у 2009 годзе пачаў традыцыю стварэння сумесных музычных торцікаў, якая затым была падтрымана і іншымі краінамі.
Міжнародны дзень шахмат (International Chess Day, з 1966 года).
Устаноўлены ў гонар заснавання ў 1924 годзе Міжнароднай шахматнай федэрацыі (ФІДЕ, Federation Internationale des Echecs).
Беларусь у ФІДЕ з 1992 года. За нашу краіну выступаюць 22 міжнародных грасмайстра і 32 міжнародных майстра.
Шахматы прыйшлі да нас з Індыі. Паводле археалагічных даных гульня ў Беларусі вядома не пазней за XI стагоддзе: шахматныя фігуры знойдзены ва ўсіх буйных нашых гарадах і іх колькасць – наибольшая ва Усходняй Еўропе.
356 год да нараджэння Хрыстова. У той жа дзень, калі Герастрат спаліў цудоўны храм Артэміды ў Эфесе, у Пеле, сталіцы Македоніі, нарадзіўся Аляксандр III Вялікі (Аляксандр Македонскі, 356-323 гг. да н.э.).
Адзін з найбуйных палкаводцаў і дзяржаўных дзеячаў Старажытнага свету.
1636 год. Памёр Альбрэхт Уладзіслаў Радзівіл (1589-1636).
Дзяржаўны і вайсковы дзеяч ВКЛ, мецэнат. Сын Мікалая Крыштафа «Сіроткі».
3 1609 года на чале ўласных атрадаў удзельнічаў у войнах Рэчы Паспалітай са Швецыяй, Масковіяй, у аблозе ў 1611 годзе Пскова-Пячэрскага манастыра і ў выправах у 1611-1612 на Маскву.
Стольнік, крайчы ВКЛ, кашталян трокскі, віленскі.
Быў адным з багацейшых магнатаў ВКЛ.
Мецэнат, клапаціўся пра пашырэнне галерэі партрэтаў у Нясвіжы, фундаваў алтар Святога Міхаіла і ўсіх Анёлаў касцёла Святога Міхаіла, разбудаваў замак у Шыдлоўцы.
1812 год. Войскі напалеонаўскага маршалу Даву без боя ўвайшлі ў Магілёў.
За дзень да гэтага з горада ўцяклі адміністрацыя губерні, частка святароў, акрамя праваслаўнага архібіскупа Варлаама – які пазней прысягнуў Напалеону – найбольш заможныя грамадзяне.
Напярэдадні быў аддадзены загад начальніку рускага гарнізонага батальёна Колену не пускаць ворага. Але пасля першай невялікай сутычкі з французамі на вале каля Віленскай заставы, руская пяхота і інваліды адступілі ў бок Быхава.
Французскія часці адразу занялі плошчу перад ратушай, дзе адбылася сустрэча маршала Даву са світай з кіраўніком губернскага дваранства Кроерам.
1852 год. Дараваны герб Лепелю.
«У чырвоным полі Пагоня». У сучаснай Беларусі афіцыйны статус герб атрымаў 2 чэрвеня 2009 года.
17 тысячны горад, вядомы з 1439 года. У горадзе працуюць ГЭС, малочна-кансервавы камбінат, заводы хлебны, электрамеханічны, камбікормавы, рамонтна-механічны, ільнозавод.
1880 год. Нарадзіўся Гальяш Леўчык (1880-1944).
Беларускі паэт, беларусазнавец, публіцыст, перакладчык, музыкант.
Аўтар «Нашай нівы», зборніка вершаў «Чыжык беларускі». Збіральнік музейных экспанатаў, кніг, меў найбагацейшыя беларусазнаўчыя бібліятэкі ў Варшаве і Слоніме.
Блізкі сябар Янкі Купалы.
Гальяш Леўчык, Зоська Верас, Рамуальд Зямкевіч
1931 год. Нарадзіўся Гай дэ Пікарда (1931-2007).
Англійскі даследчык беларускай гісторыі і культуры, музыколаг.
Скончыў Оксфардскі ўніверсітэт, універсітэт у Сарбоне.
У канцы 1950-х адправіўся з экспедыцыяй на Падляшша, дзе збіраў старажытныя беларускія царкоўныя спевы. Вывучаў творчасць беларускіх кампазітараў М. Равенскага, М. Куліковіча (Шчаглова), жыццё і дзейнасць Ф. Скарыны, распрацоўваў гісторыю перакладаў Бібліі на беларускую мову, праблематыку гісторыі ВКЛ.
Займаўся пошукам старажытных беларускіх царкоўных спеваў і іх выданнем. У 1959 адшукаў у Кіеве Супрасльскі і Жыровіцкі ірмалоі – рукапісныя музычныя зборнікі XVI ст. рэлігійнага зместу.
Выкладаў музыку і спевы ў беларускай школе імя Кірылы Тураўскага ў Лондане. Выдаў зборнікі беларускіх спеўнікаў, склаў даведнік пра Беларускую бібліятэку імя Ф. Скарыны ў Лондане.
У 1997- 2007 гадах выдаваў англамоўны часопіс «Byelorussian Chronicle».
Памёр 20 красавіка 2007 года.
Яго парэшткі пахаваныя ў крыпце Чырвонага касцёла ў Мінску.
1941 год. Першае паведамленне ў савецкім друку аб баях пад Магілёвам.
Гэта быў нарыс К. Сіманава “Гарачы дзень” у газеце “Известия”.
«Полк, якім камандуе палкоўнік Куцепаў, ужо шмат дзён абараняе горад Д.
– Снарадаў і патронаў у нас дастаткова, а ісці назад мы ўсё роўна не збіраемся. – кажа т. Куцепаў. І калі заязджаеш у размяшчэнне палка, то адразу бачыш, што байцы тут вырашылі хутчэй памерці, чым адступіць».
Палкоўніку Куцепава на момант гэтай публікацыі заставалася жыць менш за тыдзень, а «Горад Д.» – гэта Магілёў. Такой была практыка савецкай ваеннай журналістыкі: згадваць канкрэтныя геаграфічныя аб’екты забаранялася з меркаванняў бяспекі, бо нямецкіх дыверсантаў хапала і ў тыле, і на перадавой, а падстаўляць сваіх нікому не хацелася.
1941 год. У Брэсцкай крэпасці, у раёне Беластоцкіх варот у заходняй частцы Цэнтральнай выспы, быў зроблены апошні надпіс.
“Я паміраю, але не здаюся! Бывай, Радзіма”. Лічыцца, што надпіс зроблены Фёдарам Рабавым.
Апошнія абаронцы Брэсцкай крэпасці працягвалі змагацца нават тады, калі немцы былі ўжо за Смаленскам.
А роўна праз 3 гады, 20 ліпеня 1944 года, савецкая армія выйшла на Буг.
1969 год. А 20:17 па сярэднееўрапейскім часе, пілатуемую пасадку на Месяц здзейсніў модуль Eagle карабля «Апалон-11» з астранаўтамі Нілам Армстрангам і Базам Олдрынам.
У ноч на 21 ліпеня Ніл Армстранг першым з зямлян ступіў на паверхню Месяца, праз 20 хвілін месяцовы грунт пад нагамі адчуў і Олдрын.
1970 год. Памёр Алесь Астапенка (1920-1970).
Беларускі паэт, перакладчык. Меў псеўданім Мсьціслаўцы (разам з А. Куляшовым і Ю. Таўбіным).
Працаваў у рэдакцыі газеты «Звязда», рэдактарам і дыктарам беларускай рэдакцыі Усесаюзнага радыёкамітэта, загадваў аддзелам літаратуры і мастацтва газеты «Чырвоная змена», аддзелам піянерскага жыцця часопіса «Бярозка».
Аўтар 4-х зборнікаў паэзіі. Паасобныя вершы пакладзены на музыку. Перакладаў на беларускую мову творы рускіх, украінскіх, літоўскіх, латышскіх, нямецкіх паэтаў, грузінскія казкі.
1971 год. Нарадзіўся Зміцер Вайцюшкевіч.
Беларускі спявак, музыкант, кампазітар.
Удзельнік гуртоў “KRIWI», «Палац», «WZ-Orkiestra», папулярных супольных праектаў “Я нарадзіўся тут”, “Budzma The Best Rock”і іншых.
Запісаў больш за 20 альбомаў.
1977 год. У ЗША памёр Іван Любачка (1915-1977).
Беларускі гісторык.
Выкладаў у Галоўчынскай СШ Бялыніцкага раёна. У 1943 годзе вывезены на працы ў Германію.
Доктар гісторыі, прафесар шэрагу ўніверсітэтаў ЗША. Аўтар даследавання «Беларусь пад савецкай уладай, 1917-1957». Заснавальнік стыпендыяльнага фонду падтрымання доследаў у галіне беларусазнаўства.
2004 год. У Магілёве адкрыўся новы рынак – Віленскі.
Знаходзіцца на тэрыторыі былога ваеннага шпіталя ваенгарадка №5, па былой вуліцы Віленскай (зараз – Лазарэнкі).
2016 год. У Кіеве загінуў Павел Шарамет (1971-2016).
Беларускі журналіст. Узарваны ў прыватным аўтамабіле.
Працаваў у Беларусі, Расіі і Украіне, на тэлеканалах, у газетах, адзін з заснавальнікаў вэб-сайта «Беларускі партызан», сузаснавальнік «Российского антифашистского фронта», суаўтар кнігі «Случайный президент», аўтар шэрагу дакументальных фільмаў на злабадзённыя тэмы.
Пераследаваўся сілавымі ведамствамі.
23 ліпеня 2016 года быў пахаваны на Паўночных могілках пад Мінскам.
На працягу наступнага тыдня ў Магілёўскай вобласці сіноптыкі прагназуюць у асноўным воблачнае з дажджамі ўмерана цёплае надвор’е. Будуць пераважаць вятры паўднёва-заходнія і паўночна-заходнія. Сярэднія сутачныя тэмпературы каля +20°С. Удзень да +22 +28°С, начныя тэмпературы ад +10 да +15°С. Працягласць дня змяншаецца па 2 хвіліны, да 16:21 у пятніцу. У канцы працоўнага тыдня сонца ўзыдзе ў 4:55, зойдзе ў 21:16.
Сінаптычны прагноз на панядзелак, 17 ліпеня. У ноч з нядзелі на панядзелак да +13°С, раніцай да +22°С, удзень +31°С, увечары да +24°С. Гэта самы гарачы дзень на тыдні, у астатнія будзе халадней. На працягу сутак будзе воблачна, у вячэрнія гадзіны магчымы дажджы. Вятры на працягу сутак паўднёва-заходнія, хуткасць да 3-5 м/с. Маладзік. Геамагнітнае поле спакойнае.
У аўторак, 18 ліпеня, на працягу сутак воблачна, вялікая верагоднасць дажджоў на значнай тэрыторыі вобласці. Будуць панаваць паўночна-заходнія вятры, хуткасць да 2-3 м/с. Уноч і ўранні каля +15°С, днём тэмпература вырасце да рыскі +23°С. Да вечара слупок тэрмометра утрымаецца на адзнаке не ніжэй за +20°С. Маладзік.
У сярэдзіне рабочага тыдня,19 ліпеня, прагназуецца пераважна воблачнае без ападкаў надвор’е. Ноччу і ўранні ясна, тэмпературы да +10°С, у другой палове дня да +22°С. На працягу сутак прагназуюцца заходнія і паўночна-заходнія вятры, іх хуткасць да 3-4 м/с.
У чацвер, 20 ліпеня, сіноптыкі прагназуюць воблачнае з дажджамі ў другой палове дня надвор’е. Вецер паўднёвы, паўднёва-заходні хуткасцю 2-3 м/с. Ноччу і ўранні да +12°С, воблачна, у абед і на працягу другой паловы дня +24°С, пераважна дажджы.
У апошні дзень працоўнага тыдня, 21 ліпеня, па папярэдняму прагнозу будзем чакаць у ноч і ўранні воблачнае надвор’е, у другой палове – дажджы, панаванне паўднёва-заходніх і заходніх вятроў хуткасцю да 3-4 м/с. Уноч і ў ранішнія гадзіны да +11°С, удзень і ўвечары да +22°С. Месяц расце.
На працягу наступнага тыдня ў Магілёўскай вобласці сіноптыкі прагназуюць у асноўным воблачнае з дажджамі, умерана цёплае надвор’е.
Будуць пераважаць вятры паўночна-заходнія і паўночныя. Сярэднія сутачныя тэмпературы каля +20°С. Удзень да +18 +23°С, начныя тэмпературы ад +10 да +16°С. Працягласць дня змяншаецца па хвіліне, да 16.40 у пятніцу – дзень паменее амаль на паўгадзіны. У канцы працоўнага тыдня сонца ўзыдзе а 4:45, зойдзе а 21:25.
Сінаптычны прагноз на панядзелак, 10 ліпеня. У ноч з нядзелі на панядзелак да +13°С, воблачна, раніцай да +16°С, удзень +20°С, увечары да +15°С. На працягу сутак будзе воблачна, у дзённыя гадзіны дажджы. Вятры на працягу сутак паўночныя і паўночна-заходнія, хуткасць да 3-7 м/с. Месяц убывае. Геамагнітнае поле неўстойлівае.
У аўторак, 11 ліпеня, уноч і ў другой палове дня дажджы не прагназуюцца, але іх высокая верагоднасць уранні. Будуць панаваць паўночныя і паўночна-заходнія вятры, хуткасць да 2-4 м/с. Уноч каля +10°С, уранні каля +14°С, днём тэмпература падрасце толькі да рыскі +18°С. Да вечара слупок тэрмометра апусціцца да +15°С. Месяц убывае. Геамагнітнае поле неўстойлівае.
У сярэдзіне рабочага тыдня, 12 ліпеня, прагназуецца пераважна воблачнае без ападкаў надвор’е, вечарам – ясна. Начныя і ранішнія тэмпературы да +10 +16°С, у другой палове дня да +22°С, увечары да +18°С. На працягу сутак прагназуецца панаванне паўночна-заходніх і заходніх вятроў хуткасцю 3-4 м/с. Месяц убывае. Геамагнітнае поле неўстойлівае.
У чацвер, 13 ліпеня, сіноптыкі прагназуюць воблачнае з дажджамі надвор’е на працягу сутак. Вецер заходні і паўночна-заходні хуткасцю 2-4 м/с. Ноччу і ўранні да +13°С, у абед і на працягу другой паловы дня +23°С. Месяц убывае.
У апошні дзень працоўнага тыдня, 14 ліпеня, па папярэдняму прагнозу будзем чакаць у першай полове дня воблачнае, у другой палове – даждлівае надвор’е, з панаваннем паўночна-заходніх вятроў хуткасцю да 3-4 м/с. Уноч і ў ранішнія гадзіны да +16°С, удзень і ўвечары да +22°С. Месяц убывае.
На працягу наступнага тыдня ў Магілёўскай вобласці сіноптыкі прагназуюць у асноўным воблачнае з дажджамі, умерана цёплае надвор’е. Будуць пераважаць вятры паўночна-ўсходнія і паўднёва-заходнія. Сярэднія сутачныя тэмпературы каля +20°С. Удзень да +24 +27°С, начныя тэмпературы ад +14 да +18°С. Працягласць дня змяншаецца па хвіліне, да 16:55 у пятніцу. У канцы працоўнага тыдня сонца ўзыдзе а 4:37, зойдзе а 21:32.
Сінаптычны прагноз на панядзелак, 3 ліпеня. У ноч з нядзелі на панядзелак да +14°С, раніцай да +20°С, удзень +25°С, увечары да +20°С. На працягу сутак будзе воблачна, у асноўным без ападкаў. Вятры на працягу сутак паўднёва-заходнія, хуткасць да 2-6 м/с. Поўня. Геамагнітнае поле спакойнае.
У аўторак, 4 ліпеня, уноч і раніцой дажджы не прагназуюцца, але іх высокая верагоднасць у другой палове дня. Будуць панаваць паўднёва-заходнія вятры, хуткасць да 3-6 м/с. Уноч і ўранні каля +14°С, днём тэмпература вырасце да рыскі +27°С, месцамі можа дасягнуць і +28°С. Да вечара слупок тэрмометра утрымаецца на адзнаке не ніжэй за +25°С. Поўня.
У сярэдзіне рабочага тыдня, 5 ліпеня, прагназуецца пераважна даждлівае надвор’е, у другой палове дня месцамі навальніцы. Начныя і ранішнія тэмпературы да +18°С, у другой палове дня да +25°С. На працягу сутак прагназуецца змена паўночных вятроў на паўднёвыя, іх хуткасць 1-3 м/с. Поўня.
У чацвер, 6 ліпеня, сіноптыкі прагназуюць воблачнае з дажджамі ў другой палове дня надвор’е. Вецер паўночны, паўночна-усходні хуткасцю 2-3 м/с. Ноччу і ўранні да +16°С, у абед і на працягу другой паловы дня +24°С. У Купальскую ноч з 6 на 7-е да +18°С. Поўня.
У апошні дзень працоўнага тыдня, 7 ліпеня, па папярэдняму прагнозу будзем чакаць у купальскую ноч і ў першай полове дня дажджы, у другой палове – воблачнае з праясненнямі надвор’е, з панаваннем паўночна-ўсходніх вятроў хуткасцю да 2-3 м/с. Уноч і ў ранішнія гадзіны да +18°С, удзень і ўвечары да +28°С. Месяц убывае.
