Tag: Бобруйск

Дармаш – у Бабруйску пройдзе кірмаш па бясплатнай раздачы рэчаў

Навіна ад

Гарадская ініцыятыва “Экабабры” ладзіць у Бабруйску бясплатны кірмаш. Ён будзе праходзіць сёння з 18.00 да 20.00 і заўтра 14 верасня з 9.00 да 17.00 у актавым зале індустрыяльна-будаўнічага каледжа па вуліцы Гагарына, 42.

Галоўны прынцып мерапрыемства – экалагічны падыход да спажывання рэчаў.

Можна будзе прынесці, альбо бясплатна забраць:

  •  мужчынскае, жаночае, падлеткавае, дзіцячае адзенне;
  • абутак;
  • кнігі;
  • школьныя прыналежнасці;
  • усё для творчасці і хобі

Усе рэчы павінны быць чыстымі, цэлымі, каб іх было прыемна браць у рукі, папярэджваюць арганізатары.

Фота: bobr.by

Бабруйчанка вырошчвала дома каноплі – муж папрасіў

Навіна ад

Жыхарку Бабруйска затрымала міліцыя ў Мінску – паведамляе прэс-служба сталічнага сілавога ведамства. Хатняя гаспадыня любіла займацца вырошчаннем раслін, і аднойчы яе муж папрасіў заняцца марыхуанай. Пакуль ён быў на заробках, жанчына наладзіла дома цэлую вытворчасць. У гаспадарчай прыбудове да кватэры яна абсталявала невялікую наркалабараторыю, дзе вырошчвала каноплі для свайго абранніка. У кватэры жыхаркі Бабруйска міліцыя знайшла 50 грамаў марыхуаны.

Фота ілюстрацыйнае.

На дымавую трубу ў Бабруйску знайшоўся пакупнік

Навіна ад

У пачатку жніўня mogilev.media звярнулі ўвагу на дзіўны лот на аўкцыёне “БелЮрЗабеспячэння” – на продаж была выстаўлена труба ў Бабруйску. Канструкцыю разам з зямельным участкам прадавалі за 19 600 рублёў з-за запазычанасці прадпрыемства “Цеплаэнергетыка”.

Прызначаны на 27 жніўня аўкцыён адбыўся. Бабруйскае выданне “Камерцыйны кур’ер” са спасылкай на прадстаўніка “БелЮрЗабеспячэння” паведамляе, што заяўку на ўдзел у аўкцыёне падаў адзін чалавек. 

Па законе, калі патэнцыйных пакупнікоў менш за два, таргі прызнаюцца несапраўднымі. Пры гэтым, адзінаму магчымаму ўласніку даецца права выкупіць лот за суму, роўную стартаваму кошту плюс пяць працэнтаў. Прыняць рашэнне пакупнік павінен на працягу пяці працоўных дзён. У выпадку адмовы ад здзелкі трубу паўторна выставяць на таргі з 20-працэнтным паніжэннем кошту.

продается труба

Фота: БелЮрЗабеспячэнне

Кнігі бабруйскага гісторыка Ігара Мельнікава прызнаныя “экстрэмісцкімі матэрыяламі”

Навіна ад

Сам аўтар ужо шэсць месяцаў сядзіць у СІЗА. У час затрымання ён працаваў над кнігай пра міліцыянераў і чэкістаў.

Гісторык з Бабруйска Ігар Мельнікаў быў затрыманы ў студзені 2024 года. Доўгі час прычына яго затрымання не была вядомая, а нядаўна з’явілася інфармацыя, што 10 верасня яго пачнуць судзіць у Мінскім гарадскім судзе па ч. 1 арт. 361-4 КК – “садзейнічанне экстрэмісцкай дзейнасці”.

23 жніўня суд Цэнтральнага раёна горада Мінска прыняў рашэнне аб уключэнні некалькіх кніг гісторыка ў спіс “экстрэмісцкіх” – піша Reform.news. Гэта наступныя выданні:

  • Нічыпарук П.К., Мельнікаў I. B. Адысея палешука / Павел Нічыпарук, Ігар Мельнікаў. — Мінск: «Альфа-кніга», 2017. — 328 с.;
  • Мельнікаў, I. B. Забыты корпус: гісторыя польскага войска на тэрыторыі Бабруйшчыны ў 1918, 1919-1920 гадах / Ігар Мельнікаў — Мінск: «Альфа-кніга», 2018. — 224 с.;
  • Мельнiкаў, I.B. На «мяжы цывілізацый». Старонкі гісторыі даваеннага савецка-польскага кардона ў Беларусі / Ігар Мельнiкаў. — Мінск: «Альфа-кніга», 2020. — 352 с.

Ігар Мельнікаў займаецца вывучэннем гісторыі Заходняй Беларусі ў складзе Польшчы ў міжваенны час, а таксама ваеннай гісторыяй. У той час, калі адбылося яго затрыманне, ён працаваў над кнігай «Прыступіць да ліквідацыі». 

Па словах гісторыка, яна мусіла распавядаць пра «гісторыю барацьбы савецкіх міліцыянераў і чэкістаў супраць былых нацысцкіх памагатых і калабарацыяністаў… [і ўтрымліваць] унікальныя факты пра здраднікаў з батальёна «Дальвіц», паліцыяў і іншых памагатых нацыстаў, якія не давалі вярнуць мірнае жыццё ў БССР».

Фота з сацыяльных сетак Ігара Мельнікава.

Пад Бабруйскам прайшла страйкбольная “Бітва гарадоў” – фота

Навіна ад

У многіх удзельнікаў былі нашыўкі ў выглядзе расійскага сцяга, у многіх – беларускага афіцыйнага. Але таксама былі страйкбалісты з амерыканскімі, брытанскімі, нямецкімі нашыўкамі.

Маштабная “Бітва гарадоў” з удзелам 300 страйкбалістаў прайшла ў гэтую нядзелю на палігоне пад Бабруйскам. У спаборніцтвах узялі ўдзел каманды з наступных гарадоў і абласцей:

  • Бабруйск;
  • Гомель і вобласць;
  • Мінская вобласць;
  • Віцебская вобласць.

Мерапрыемства было арганізавана СК “Бабруйскі страйкбольны клуб” пры Бабруйскай аб’яднанай арганізацыйнай структуры ДТСААФ.

страйкбол

На фота бачна, што многія з удзельнікаў сімпатызуюць узброеным сілам Расійскай Федэрацыі, што праводзяць агрэсіўную вайну супраць Украіны. Пра гэта гавораць шматлікія нашыўкі ў выглядзе расійскага трыкалора на камуфляжы ўдзельнікаў. У аднаго з страйкбалістаў была заўважная нават нашыўка ПВК “Вагнер”.

страйкбол

страйкбол

Іншыя ўдзельнікі, відавочна, з’яўляліся дзейснымі альбо былымі беларускімі сілавікамі. Таксама можна было пабачыць удзельнікаў з нашыўкамі краін NATO – ЗША, Вялікабрытаніі, Германіі.

страйкбол

Сярод усіх каманд перамогу атрымаў гомельскі страйкбольны клуб “Рысічы”.

страйкбол

Вяікую фотагалерэю са спаборніцтваў можна знайсці тут.

страйкбол

страйкбол

страйкбол

страйкбол

Фота: Страйкбольны клуб “Рысічы”

Замахнуўся кулаком і дастаў нож – жыхара Бабруйска публічна судзілі на яго ж прадпрыемстве

Навіна ад

Публічнае судзілішча над работнікам, абвінавачаным у пагрозе сямейнага гвалту, прайшло на Бабруйскім хлебазаводзе.

Пагроза забойствам і прычыненнем фізічных пашкоджанняў – менавіта так кваліфікавала абвінавачванне паводзіны жыхара Бабруйска 1965 года нараджэння. Раніцай у ліпені гэтага года мужчына прыехаў на сваё лецішча ў вёсцы Мікулічы. “Паснедаўшы са спіртным”, як гаворыцца ў матэрыялах справы, ён заўважыў, што на лецішча прыйшлі таксама яго сястра з сынам. З роднымі ў бабруйчаніна быў застарэлы канфлікт з-за перадзелу маёмасці пасля смерці бацькоў. 

Гнеў абуяў чалавекам, жыхар Бабруйска накінуўся на сястру і яе сына – замахнуўся кулаком і стаў пагражаць нажом, паведамляецца ў матэрыялах справы. Пасля таго, як жанчына з дзіцёнкам падаліся назад і выйшлі на вуліцу, бабруйчанін схаваў нож у шуфлядку, дзе яго неўзабаве знойдуць работнікі міліцыі.

Асабістую справу мужчыны вырашылі разглядаць публічна, прычым на яго родным прадпрыемстве – “Бабруйскім камбінаце хлебапрадуктаў”. На выязное пасяджэнне суда запрасілі супрацоўнікаў завода. Перад імі афіцыйна зачыталі, што на месцы працы бабруйчанін характаразуецца станоўча. Паводле словаў яго сястры, аднак, як толькі ён вып’е, то пачынае шукаць канфлікт.

Па выніках судовага разгляду жыхара Бабруйска асудзілі да штрафу ў 30 базавых велічынь, што складае 1 200 рублёў.

Фота: “Трыбуна працы”

Бабруйчанін забіў сваю маці-сабутыльніцу насмерць

Навіна ад

41-гадовы жыхар Бабруйска тры разы запар хадзіў за дабаўкай у краму, а калі п’яная маці стала смяяцца над ім, забіў яе кулакамі да смерці.

Генеральная пракуратура Беларусі апублікавала матэрыялы судовай справы наконт забойства з асаблівай жорсткасцю. Паведамляецца, што ў лютым 2024 года абвінавачаны, 41-гадовы жыхар Бабруйска, разам з маці на працягу дня ўжывалі спіртное. Увечары, калі алкагольныя напоі скончыліся, абвінавачаны ў трэці раз за дзень схадзіў у краму за «дабаўкай». 

Прыйшоўшы ў кватэру, на прапанову выпіць разам, пачуў ад маці абразлівыя выказванні. У ходзе ўзніклага канфлікту абвінавачаны падышоў да маці, якая ляжала на ложку, і нанёс ёй не менш як 20 удараў рукамі і нагамі па розных частках цела, у тым ліку ў жыццёва важныя органы, прычыняючы асаблівыя пакуты. Смерць пацярпелай наступіла на месцы здарэння праз непрацяглы час.

Падчас судовага пасяджэння абвінавачаны віну не прызнаў, растлумачыў, што ў момант учынення злачынства знаходзіўся ў стане моцнага алкагольнага ап’янення, намеру на пазбаўленне жыцця маці не меў.

З улікам усіх абставін, мужчыне прызначылі 18 гадоў калоніі.

Фота ілюстрацыйнае

Гастролеры-домушники из Подмосковья обворовывали квартиры в Бобруйске

Навіна ад

Ошиблись адресом. Воры вскрыли бобруйскую квартиру, когда хозяйка была дома. 

В августе, в Бобруйске участились случаи квартирных краж, сообщает телеграмм-канал МВД Беларуси.

Воры работали профессионально:

  • выбирали квартиру, хозяева которой отсутствовали;
  • вскрывали дверь  отмычкой.

Несмотря на свой криминальный опыт, «домушники» все-таки допустили ошибку: что называется, вошли не в ту дверь. Хозяйка очередной вскрытой квартиры оказалась дома. Незваным визитерам пришлось говорить, что они ошиблись адресом и спешно ретироваться.

Женщина позвонила в милицию и вскоре преступники были задержаны.

Выяснилось, что:

  1. «Домушники» приехали из Подмосковья.
  2. Сняли квартиру в Бобруйске и принялись за дело, передвигаясь по городу на автомобиле.

Преступники уже были судимы за аналогичные преступления и угоны машин.

Похищенные вещи были обнаружены в съемной квартире. Возбуждены уголовные дела.

 Фото МВД Беларуси

В Бобруйске и Хотимске с аукциона продаются… дымовые трубы

Навіна ад

Хорошую, бывшую в употреблении, дымовую трубу можно купить в Бобруйске. В Хотимске тоже можно стать владельцем странного объекта.

Когда дело – труба

Интересный товар, именуемый сооружением неустановленного назначения, предлагает купить с аукциона сайт «Белюробеспечение». Речь идет о дымовой трубе. Добротную трубу из кирпича в Бобруйске можно купить всего за 19 600 рублей.

Потенциальным владельцам трубы сообщается, что:

  1.   Здание расположено на земельном участке, площадью 0.2159 га.
  2.   Земельный участок отдельно для данного объекта недвижимости не выделялся.
  3.   Трубу за долги  продает Коммунальное производственное унитарное предприятие “Теплоэнергетика г. Бобруйск”.
  4.   Сведения о составных частях и принадлежностях отсутствуют.

С самовывозом

Зачем, господа, еще какие-то части и принадлежности? Труба, сама по себе, штука полезная и в хозяйстве всегда сгодится. Правда, если судить по непоняткам с участком, купленную трубу придется вывозить.

Ну, а если цена кусается, то у КПУП “Теплоэнергетика г. Бобруйск” есть труба попроще. Она тоже выставлена на аукцион с начальной ценой 17 300 рублей.

Любители дымовых труб могут также приобрести себе трубу, уже стальную, в Хотимске, на улице Гагарина. Ее за долги продает ОДО «Трепел». Цена – всего 4 900 рублей.

Товар может залежаться

Товар, надо отметить, все же не очень ходкий. А его разорившиеся владельцы очень напоминают гражданина Быка из культовой кинокомедии, который продавал колодезную цепь со словами:

– Хлопец, купи цепи. Хорошая цепи… Ну, где ты себе такие достанешь?

Фото с сайта “Белюробеспечение”.

Пад Бабруйскам сутыкнуліся дзве легкавушкі, пяць чалавек шпіталізаваныя

Навіна ад

Пра ДТЗ на трасе пад Бабруйскам паведамляе прэс-служба Міністэрства аховы здароўя. 7 жніўня на трасе Р-31 у Бабруйскім раёне сутыкнуліся два легкавыя аўтамабілі. У выніку аварыі пяць чалавек былі шпіталізаваныя. Афіцыйныя крыніцы МУС пакуль не каментавалі гэтае здарэнне, але пра падрабязнасці аварыі ўдалося даведацца карэспандэнтам бабруйскага “Камерцыйнага кур’ера”.

ДТЗ адбылося каля 17.00 недалёка ад вёскі Лысая Горка. Па папярэдніх дадзеных, кіроўца аўтамабіля «Нісан» пры здзяйсненні развароту не пераканаўся ў бяспецы манёўру: у машыну ўрэзаўся іншы транспартны сродак.

Фота ілюстрацыйнае