У Магілёве па зав. Гаражнаму адбыўся пажар – гарэлі адходы бытавой тэхнікі. Ніхто не пацярпеў – паведамляе МНС. Пажар ліквідаваны.
Фота: МНС
Category: Навіны
Ля “Алімпійца” гарачую ваду далі на трэці дзень пасля адключэння
6 жніўня ў Магілёве пачаўся апошні этап адключэння гарачай вады. Трыццатнік, Саломінка, Крупская павінны былі карыстацца толькі халоднай вадой да 18 жніўня. Але ўжо на трэці дзень ў дамах у раёне “Алімпійца” з’явілася гарачая вада.
У прадпрыемстве цеплаэнергетыкі парталу mogilev in пацвердзілі, што выпрабаванні аператыўна правялі і гарачую ваду вярнулі, але не ва ўсе дамы, толькі туды, куды можна, і ў тыя, якія бліжэй да спарткомплекса. Паскораныя выпрабаванні звязаны ў тым ліку з II Гульнямі краін СНД.
Нагадаем, 10 жніўня ў “Алімпіец” пачнуць з’язджацца каратысты , спаборніцтвы пройдуць 12 і 13 жніўня, расклад можна паглядзець тут.
Фота ілюстрацыйнае
Усе лясы Беларусі адкрыты для наведвання
Абмежаванні захаваліся толькі ў двух раёнах Брэсцкай вобласці – Пінскім і Іванаўскім.
На мапе забарон на наведванне лясоў амаль уся Беларусь зялёнага колеру. Выключэнне – два раёны на поўдні краіны.
Тут можна наведваць лясы, але нельга распальваць вогнішча і праводзіць масавыя мерапрыемствы ў лясах, і канечне – кідаць пад ногі недапалак.
Фота з адкрытых крыніц
У Магілёве і Бабруйску затрымалі арганізатараў двух порнастудый
У Магілёве была затрымана 41-гадовая магіляўчанка, якая арганізавала студыю па вытворчасці парнакантэнту. За аналагічныя дзеянні быў затрыманы 33-гадовы бабруйчанін, які здымаў інтымнае відэа ў Гомелі, дзе часова пражываў.
Зняты кантэнт яны распаўсюджвалі ў інтэрнэце. Доступ да порнакантэнта каштаваў ад 20 да 100 рублёў.
СК ўзбуджаны крымінальныя справы за выраб і распаўсюджванне парнаграфічных матэрыялаў.
Фота ілюстрацыйнае.
Слесар скраў 20 літраў малака ў Мсціслаўскім раёне
Слесар ААТ «МушынаАгра» здзейсніў крадзеж 20 л малака з малочнатаварнага комплексу аг. Мушына Мсціслаўскага раёна. Мужчына прыцягнуты да адміністрацыйнай адказнасці ў выглядзе штрафу ў памеры 74 рублі – паведамляе «Святло Кастрычніка».
Фота ілюстрацыйнае
Нарваўся на буйны штраф — у цэнтры Глуска мясцовыя жыхары завальваюць кантэйнерныя пляцоўкі галлём і будаўнічымі адходамі
Гэта адбываецца ў самым цэнтры горада, на вуліцы Кірава, дзе людзі на спецыяльных пляцоўках побач з кантэйнерамі для цвёрдых бытавых адходаў навальваюць галлё, траву, паламаныя дошкі і іншае. Адзін з удзельнікаў інцыдэнта можа атрымаць штраф больш за 1100 рублёў.
На жаль гэта не адзінкавы выпадак, а так робяць нямала жыльцоў прыватных дамоў раённага цэнтра, размешчаных недалёка ад шматпавярховак у цэнтры Глуска. Яны проста прыносяць і кідаюць на кантэйнерныя пляцоўкі мяхі са смеццем, а таксама прывозяць кучы травы і галля. У выніку кантэйнеры перапоўнены, пляцоўкі завалены, няма як падысці, няма куды пакет бытавога смецця выкінуць. Жыльцы кватэр у сваю чаргу скардзяцца на камунальныя службы, што тыя кепска працуюць.
Па словах прадстаўнікоў мясцовага “Жылкамгаса” адзін з парушальнікаў (з суседняй вуліцы Тэльмана) быў зафіксаваны, калі той каля кантэйнернай пляцоўкі з каляскі звальваў кучу вецця… Калі мужчыну, які прывёз галлё на тачцы, рабочыя жылфонда зрабілі заўвагу, а ён аблаяў іх бруднымі словамі і дадаў: я плачу вам грошы, так што прыбірайце.
Аднак для яго гісторыя мела працяг — мужчыну выклікалі ў інспекцыю прыродных рэсурсаў і аховы навакольнага асяроддзя. Як высветлілася, чалавек вывез галлё не са свайго саду, а дапамагчы яго папрасіў стары сусед, мужчына не доўга думаючы наваліў галіны і павёз на бліжэйшую кантэйнерную пляцоўку. Вось і атрымалася, што суседу дапамог, а сабе непрыемнасці набыў.
За парушэнне патрабаванняў заканадаўства аб абыходжанні з адходамі на грамадзяніна быў складзены адміністрацыйны пратакол. Цяпер яму пагражае буйны штраф, які за такое паружэнне можа дасягаць да трыццаці базавых велічыняў, а гэта больш за 1100 беларускіх рублёў — паведамляе глуская раённая газета “Радзіма”.
Фота “Радзіма”
У мсціслаўскім Дамачаі распачалі выпускаць мясцовую пітную ваду
У мсціслаўскім філіяле булачна-кандытарскай кампаніі «Дамачай» прыступілі да разліву прыроднай пітной вады «Мсціслаўская». Дабраславіць пачатак вытворчасці запрасілі архіепіскапа Магілёўскага і Мсціслаўскага Сафронія.
Аакрамя арцыбіскупа, які правёў на адкрыцці вытворчасці былі і прадстаўнікі мясцовага райвыканкама. Усё адзначылі мяккасць і прыемны смак пітной вады.
Прыродная вада дастаўляецца на вытворчасць з дапамогай помпы з артэзіянскай свідравіны, размешчанай на тэрыторыі завода. Каб палепшыць гэты працэс, было дакуплена спецыяльнае абсталяванне.
Як адзначыла дырэктар мсціслаўскай філіі Наталля Кабішава, вада прайшла ўсе лабараторныя выпрабаванні, а разліваюць яе з захаваннем прыродных уласцівасцяў.
Для гэтага ў вінным цэху была добраўпарадкавана новая пляцоўка, дзе адбываецца сам працэс разліву. Менавіта тут наклейваецца этыкетка і адбываецца пакаванне.
Першыя трыста літраў пітной вады ў бутэльках аб’ёмам 5 літраў паступіць у продаж у сетку магазінаў “Дамачай” па ўсёй Магілёўскай вобласці, таксама вядуцца перагаворы па продажы ў сетцы місціслаўскай раеннай спажывецкай кааперацыі – паведамляе “Святло Кастрычніка”.
Фота “Святло Кастрычніка”
20 удараў сякерай па галаве – у Бялыніцкім раёне адбылося жорсткае забойства
Мясцовая пракуратура санкцыявала арышт 69-гадовага бялынiчаніна. Яму інкрымінавана наўмыснае забойства, учыненае з асаблівай жорсткасцю.
Паводле матэрыялаў крымінальнай справы, 1 жніўня ў перыяд часу з 15.30 да 22.00 мужчына знаходзячыся па месцы свайго жыхарства, будучы ў стане алкагольнага ап’янення, пасля сумеснага распівання спіртных напояў з таварышам 1969 года нараджэння, паміж сабутэльнікамі ўзнікла моцная сварка, якая перарасла ў асабістыя непрыязныя адносіны.
У выніку гаспадар сабутэльніку наўмысна нанёс не менш за 20 удараў абухом сякеры ў вобласць галавы, а таксама не менш за 7 удараў лязом сякеры ў вобласць грудной клеткі, прычыніўшы цялесныя пашкоджанні, ад якіх апошні памёр на месцы здарэння, – паведамляе Бялыніцкая раённая газета «Зары над Друццю».
Пакуль што мужчыну затрымалі да дакладнага высвятлення характару злачынства і абставін яго ўчынення. Крымінальная справа знаходзіцца ў распрацоўцы Бельніцкага раённага аддзела следчага камітэта. 69-галоваму бялынічаніну пагражае вялікі тэрмін пазбаўлення волі, бо забойства было ўчынена ім з асаблівай жорсткасцю, а абвінавачаны дзейнічаў з усведамленням таго, што нанясеннем вялікай колькасці ўдараў пацярпеламу па розных частках цела сякерай, ён прычыняе госцю асаблівы боль і пакуты.
Фота з адкрытых крыніц
У Глускім раёне на пажары загінуў мужчына
Трагедыя адбылася раніцай 7 жніўня ў прыватным доме ў вёсцы Поблін Грускага раёна. Ратавальнікамі на месцы ўзгарання было знойдзена цела 41-гадовага мужчыны. Загінулы пражываў адзін.
У выніку пажару знішчаны ложак, часткова знішчана падлога, пашкоджана перакрыцце, закурана маёмасць. Прычына пажару высвятляецца – паведамляе прэс-служба МНС.
Фота: МНС
У Крычаве абнавілі два ўязных знака, а трэцці так і не ўсталявалі
Сёлета перафарбавалі адзін уязны знак, а летась ўпрыгожылі другі. Ідэя з усталяваннем новай архітэктурнай формы здзейснена не была, а з боку Мсціслава ўязнога знака проста няма.
Уязны знак пры ўездзе ў Крычаў з боку Чэрыкава і Слаўгарада сёлета падрамантавалі і перафарбавалі. Гэтая малая архітэктурная форма з’явілася яшчэ за савецкім часам і перыядычна змяняе сваю афарбоўку. Яшчэ нядаўна розныя часткі знака былі пафарбаваны ў тры колеры: жоўты, чырвоны і чорны. Але сёлета гарадскія камунальныя службы яго перафарбавалі ў жоўты і белы колеры, ад чаго менш заўважным ён не стаў.
Яшчэ летась на ўездзе ў Крычаў з боку Расійскай Федэрацыі па аўтамабільнай дарозе рэспубліканскага значэння Р-43 быў упрыгожаны ўязны знак спецыяльна вылітымі з цэменту літаратамі і лічбамі наймення горада і афіцыйнай датай яго заснавання, што ствараюць агульную архітэктурную кампазіцыю. Гэта дадало арыгінальнасці ўяздному знаку, а ў вячерні час на гэтай лакацыі можна ўбачыць прыгожыя кадры спалучэнне прыродных і гарадскіх краявідаў.
Што цікава, то яшчэ ў 2021 годзе была ідэя на гэтым месцы ўсталяваць іншы ўяздны знак і нават быў аб’яўлены адкрыты архітэктурны конкурс на лепшы эскізны праект малой архітэктурнай формы. Аднак новы праект уязднога знака па вуліцы Маскоўскай рэалізоўваць не сталі, проста аздобіўшы старую архітэктурную пабудову новымі элементамі.
Варта адзначыць, што з ўязнога знака з пры ўездзе з боку Мсціслава няма да сённяшняга часу. Прыбралі яго ўжо дастаткова даўно, але архітэктурная форма, якая б пазначала ўезд у горад з гэтага накірунку, так і не з’явілася. Раней жа ўезд з боку Мсціслава быў маркіраваны жалезным знакам, які крыху нагадваў стэлу, з выявамі сярпа і молата, савецкай зоркай і рускамоўным найменнем горада.
Фота mogilev media