Tag: Россия

Цяпер цяляты! Расіянін спрабаваў вывесці 30 беларускіх бычкоў

Навіна ад

50-гадовага кантрабандыста выкрылі дарогаю ў Расію. Туды ён кіраваў фуру наладаваную «жывым таварам», на які не было дакументаў. Спынілі машыну ў Кіраўскім раёне.

“Падчас агляду ў паўпрычэпе было выяўлена 30 бычкоў коштам блізу 65 тысяч рублёў”, – паведамляе тэлеграм-канал «Милиция Могилёщины».

Паводле яго, устаноўлена, што жывёлы былі закуплены ў грамадзян у Капыльскім раёне для далейшага перапродажу.

Аўтамабіль з грузам затрыманы. Праводзіцца праверка, па выніках якой дзеянням перавозчыка будзе дадзена прававая ацэнка.

Паведамленні пра выкрыццё кантрабанды дарогаю ў Расіі апошнім часам у міліцэйскім тэлеграм-каналам з’яўляецца ледзьве не штодня. У суседнюю краіну, на мяжы з якой адсутнічае сталы беларускі пагранічны і мытны кантроль, незаконна вязуць металалом, мясныя харчы, гароднінную прадукцыі, а цяпер і буйную рагатую жывёлу.

 

Навіны пабрацімаў. За час вайны на Мікалаеўшчыне ад расійскіх абстрэлаў пацярпела больш за 70 дзяцей

Навіна ад

Ад раненняў у шпіталі памерла двое з іх. 6 верасня ў выніку абстрэлу загінула дзіця.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Пра загінулае дзіця паведаміў офіс Генеральнага пракурора. Паводле звестак, апублікаваных у тэлеграм-канале ведамства, на Мікалаеўшчыне ад абстрэлаў пацярпелі 72 дзіця. Ва ўсёй Украіне на 7 верасня 2022 году загінулі 383 дзіцяці і больш за 742 атрымалі раненні рознай ступені цяжкасці.

Старшыня Мікалаеўскага абласнога савету Ганна Замазеева адзначае, што з 24 лютага, калі Расія ўварвалася ва Ўкраіну, у мясцовыя шпіталі амбулаторна звярнуліся 3329 дзяцей, з іх пралячылі 1331 дзіця. У 44 дзяцей былі мінна-выбуховыя раненні рознай ступені цяжкасці. Двое з іх памерлі ў больніцы.

«Мы разглядалі кожны асобны выпадак траўмавання дзіцяці, каб уратаваць і жыццё, і канцавіны для аднаўлення паўнавартаснага жыцця. У некалькіх выпадках у Германіі лекары былі здзіўлены выратаваным жыццём хлопчыка і захаваннем ручкі, па іх пратаколах гэта ампутацыя. А наш маленькі Мікалаеў яшчэ будзе маляваць у будучыні», – піша Замазеева пра працу мясцовых медыкаў.

g4.dcdn.lt

Кіраўнік Мікалаеўскай абласной вайсковай адміністрацыі Віталь Кім адзначае, што Мікалаеў толькі 27 з 195-ці дзён вайны пражыў без абстрэлаў.

«Чатыры з гэтых дзён былі за апошнія дзесяць дзён. Сапраўды, стала цішэй. Я думаю, гэта звязана з тым, што знішчаюцца склады з боепрыпасамі», – кажа ён.

На яго думку, у некаторых знішчаных саставах знаходзіліся ракеты С-300, прызначаныя для Мікалаева. Таксама ён заяўляе, што расіяне пачалі радзей абстрэльваць горад, як пачалося контрнаступленне ўкраінскіх войск у Херсонскай вобласці, падае меркаванне Кіма выданне «Корабелов.инфо».

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: cyprus-daily.news

Латвія беларусам да 2023 году не збіраецца выдаваць паўторныя віды на жыхарства

Навіна ад

Урад краіны падтрымаў папраўкі ў закон аб іміграцыі, якія прадугледжваюць ускладненне ўмоваў выдачы пасведчання на права пражывання ў Латвіі грамадзянам Расіі і Беларусі.

Да 30 чэрвеня 2023 года будзе спынена выдача паўторных ВНЖ грамадзянам Расіі і Беларусі, за выключэннем асоб, якія знаходзяцца ў Латвіі працяглы час. Выключэнне складаюць былыя грамадзяне Латвіі або не грамадзяне, якія не маюць права на атрыманне пастаяннага дазволу на пражыванне або статусу пастаяннага жыхара Еўрапейскага Саюзу з-за недастатковага ведання дзяржаўнай мовы, піша выданне «Наша газета».

Нормы, прадугледжаныя прававым актам, не закранаюць правы асобаў, якія шукаюць міжнароднай абароны.

Папраўкі мае зацвердзіць Сойм.

Тым часам, краіны Балтыі дамовіліся істотна абмежаваць перасячэнне межаў грамадзянамі Расіі, у тым ліку тых, у каго ёсць шэнгенскія візы, напісаў у Twitter міністр замежных справаў Латвіі Эдгар Рынкевіч.

Паводле яго, рашэнні будуць прыняты ўрадамі краін Балтыі згодна з працэдурамі нацыянальнага заканадаўства, і набудуць моц адначасова.

фота: bbci.co.uk

На Мсціслаўшчыне вяскоўцаў тэрарызуюць ваўкі. Пяцярых забілі

Навіна ад

Драпежнікаў вынішчыла адмысловая брыгада паляўнічых.

На паяўленне небяспечных жывёлаў у Таварыства паляўнічых і рыбаловаў паскардзіліся жыхары мясцовых вёсак Вароўскага, Добрае і Мушына. Паселішчы знаходзяцца за 15 кіламетраў на паўднёвы захад ад раённага цэнтру, у адносна бязлеснай мясцовасці.

Пасля скаргі на «прыбылых» ваўкоў арганізавалі паляўнічы атрад, – піша выданне Mstlife.by.

Некалькі дзён паляўнічыя пільнавалі ў мсціслаўскіх лясах ваўкоў. Аднаго застрэлілі ля вёскі Сялец. Яшчэ траіх паблізу вёскі Добрае. Яшчэ аднаго пацэліў паляўнічы, які выбраўся біць качак.

Спецыялісты мяркуюць, што найчасцей у памежныя раёны Магілёўшчыны ваўкі забрыдаюць з суседніх рэгіёнаў Расіі. «Прыбылых» драпежнікаў звычайна адстрэльваюць.

фота з адкрытых крыніц

3,5 тоны каўбасы не далі вывесці кантрабандыстам у Расію

Навіна ад

Машыну прыватнага прадпрымальніка спынілі ў Мсціслаўскім раёне. На тавар адсутнічалі грузасуправаджальныя дакументы.

Кантрабанду выкрылі супрацоўнікі Магілёўскай мытні, якая распачала адміністрацыйны працэс супраць уладальніка грузу.

«На тэрыторыі Мсціслаўскага раёну быў устаноўлены факт транспартавання ў напрамку Расійскай Федэрацыі каўбасных вырабаў у асартыменце, масай каля 3,5 тон, коштам звыш 25 тысяч беларускіх рублёў», піша тэлеграм-канал MOGILEVNEWS.

Прыватнаму прадпрымальнік пагражае штраф у памеры да пяцідзесяці працэнтаў ад кошту прадмета адміністрацыйнага правапарушэння.

фота: mogilevnewsby

Навіны пабрацімаў. Расія атакавала Мікалаеўскую вобласць. Абышлося без ахвяраў

Навіна ад

Расійскія войскі ўдарылі па абласным цэнтры і паселішчах рэгіёну ўначы. У выніку абстрэлу пашкоджана прамысловае прадпрыемства на ўскраіне Мікалаева. Паводле папярэдніх дадзеных, пацярпелых няма.

Напярэдадні, у Ачакаве расіяне ракетамі разбурылі элеватар і знішчылі некалькі тысяч тон збожжа. Пашкоджаныя дзясяткі дамоў. Пацэліў снарад і ў праваслаўны храм.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Старшыня Мікалаеўскай абласной ваеннай адміністрацыі Віталь Кім напісаў, што 5 верасня па горадзе стралялі ракетамі С-300.

 novosti-n.org

4 верасня, расійскія войскі атакавалі Ачакаў, горад у Мікалаеўскай вобласці. Пра наступствы нападу паведаміў у відэазвароце намеснік мэра Аляксей Васькоў.

«У Ачакаве сённяшняя раніца выдалася зусім нядобрай. Разбураны элеватар у Ачакаве, знішчана некалькі тысяч тон збожжа. Цяпер нашы камунальнікі разбіраюць завалы. Таксама пашкоджаныя дзясяткі дамоў», – апавядае ён у відэазвароце. Паводле яго, «пацярпелых, на шчасце, няма».

niknews.mk.ua

Старшыня абласнога савету Ганна Замазеева напісала, што на 5 жніўня ў шпіталях Мікалаева перабываў 501 грамадзянін, які трапіў на бальнічны ложак праз расійскія абстрэлы рэгіёну.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Кантрабандыстам не ўдалося накарміць Расію беларускім сырам. Яго канфіскавалі дарогаю

Навіна ад

Вывесці ў суседнюю краіну збіраліся больш за 1 тону сыру, на які не было суправаджальных дакументаў. Ладунак ацэнены ў 15 тысяч рублёў. А выкрылі кантрабанду ў Мсціслаўскім раёне.

На перавозчыкаў складзены пратакол і ім пагражае штраф у памеры да пяцідзесяці працэнтаў ад кошту прадмету адміністрацыйнага правапарушэння, паведамляе інтэрнэт-рэсурс GOLK.by.

Паводле выдання кантрабандыстаў выкрылі падчас «спецыяльнага мерапрыемства супрацоўнікі аддзелу па барацьбе з кантрабандай Магілёўскай мытні сумесна з супрацоўнікамі абласнога ДАІ Мсціслаўскага РАУС».

У Расію, на мяжы з якою адсутнічае сталы беларускі пагранічны і мытны кантроль кантрабандай вязуць металалом, мясныя харчы ды іншыя грузы, пісаў Магілёў.media. 

Двое грамадзян суседняй краіны нават спрабавалі вывезці з Беларусі 6 тон агародніннай прадукцыі без фітасанітарных дакументаў. Расіян спынілі ў Мсціслаўскім раёне. Як вынікае з публікацыяў праўладных мэдыяў у гэтым раёне найбольш затрымліваюць кантрабандыстаў.

фота: golk.by

Навіны пабрацімаў. У Клайпеду прыбылі першыя вайскоўцы нямецкай брыгады

Навіна ад

Павелічэнне колькасці вайскоўцаў з НАТА ў Літве стала адказам на поўнамаштабную агрэсію Расіі супраць Украіны. Прыбылае падраздзяленне складаецца з блізу 100 вайскоўцаў і некалькіх дзясяткаў адзінак тэхнікі для камандавання, абароны, сувязі, разведкі і тылавога забеспячэння.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

У чэрвені лідары Германіі і Літвы дамовіліся аб накіраванні нямецкай брыгады ў Літву. Пазней на саміце ў Мадрыдзе лідары НАТА адобрылі планы па павелічэнні сіл на ўсходнім крыле альянсу, уключаючы Літву.

Рашэнне аб павелічэнні колькасці войскаў НАТА ў краінах Балтыі было прынята пасля таго, як Расія пачала маштабнае ўварванне ва Украіну ў лютым гэтага года, піша інфармацыйнае агенцтва «Delfi».

«Мы вельмі ўдзячныя Германіі за лідарства ў гэтых дзеяннях, гэта забавязанне вельмі важнае для нашай краіны. Мы ведаем, што гэта патрабуе вялікіх намаганняў, вялікай падрыхтоўчай работы, але мы імкнёмся цесна супрацоўнічаць, выконваючы неабходныя дзеянні. Мы гатовы прадставіць неабходныя ўмовы для дыслакацыі ваенных і тэхнікі«, – заявіў журналістам камандуючы Сухапутнымі сіламі Літвы, брыгадны генерал Артурас Радвілас».

Паводле камандзіра 41-й танкавай брыгады Нямеччыны, генерала Крысціяна Наўрата па нападзе Расіі на Украіну паўсталі пагрозы міжнароднаму праву, а выклікі для бяспекі відавочна ўзмацніліся.

«Рэалізацыя забавязання НАТА была паскорана, і мы таксама прыклалі некаторыя намаганні для гарантавання бяспекі ўсходняга флангу», – адзначае ён.

Па ягоных словах, разгортваючы брыгаду, Нямеччына пасылае сігнал аб сваёй гатоўнасці ўдзельнічаць у стварэнні ўмоваў для бяспекі ўсходняга флангу НАТА.

Прыбылае ў Літву вайсковае падраздзяленне з Германіі возьме ўдзел у ваенных вучэннях, якія, паводле ананімных крыніцаў маюць адбыцца ў кастрычніку, снежні, сакавіку і чэрвені.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: dcdn.lt

Суценёрка схіліла да прастытуцыі дзяўчыну з Магілёўшчыны, але вывесці ў Расію яе не змагла

Навіна ад

Абодвух жанчын затрымалі на аўтавакзале ў Віцебску, адкуль яны спрабавалі з’ехаць на аўтобусе ў Расію.

42-гадовая жыхарка Віцебску пазнаёмілася з 20-гадовай жыхаркай Магілёўшчыны ў сацыяльных сетках і ўгаварыла заняцца прастытуцыяй. Дзяўчыне былі абяцаныя добрыя ўмовы пражывання ў апартаментах і зарплату ад двух тысяч долараў штомесяц, паведамляе тэлеграм-канал «МВД Беларуси».

Супраць суценёркі, якую праваахоўнікі называюць «трафікёршай» узбуджана крымінальная справа.

 

Навіны пабрацімаў. Расія абстраляла Мікалаеўскую вобласць. Загінула 8-гадовае дзіця

Навіна ад

Акрамя таго, 7 чалавек параненыя, з іх – трое дзеці.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Мікалаеў расійскія войскі атакавалі ўначы. Горад зазнаў масіраваны ракетны абстрэл. Пашкоджаныя тры медычныя ўстановы, дзве навучальныя ўстановы, музей і жылыя дамы.

Абстраляныя былі і паселішчы Мікалаеўскай вобласці. Там зафіксаваныя пашкоджанні жылых дамоў і гаспадарчых будынкаў. У выніку абстрэлаў узніклі пажары.

«Толькі за ўчорашні дзень у Мікалаеўскай вобласці ў выніку баявых дзеянняў пацярпелі 7 чалавек. Сярод пацярпелых 3 дзяцей – усе з аскепкавымі раненнямі. На жаль, ёсць і загінулыя – 8-гадовае дзіця», – паведаміла  старшыня абласнога савету Ганна Замазеева.

Яна піша, што ўсе пацярпелыя дастаўлены ў медычныя ўстановы, ім аказваецца неабходная дапамога.

«На сённяшнюю раніцу ў шпіталях Мікалаева перабывае 579 грамадзян, якія пацярпелі ад нападаў акупантаў на Мікалаеўшчыну», – дадае яна.

Паводле папярэдніх дадзеных, расійскія войскі білі па Мікалаеўшчыне ракетамі С-300. Іх абломкі адшуканыя каля аднаго з будынкаў, удакладняе інфармацыйнае агенцтва «УНІАН».

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».