На Магілёўшчыне за суткі ратавальнікі знайшлі ў лесе трох грыбнікоў, што заблукалі.
Дзве пенсіянеркі 1955 і 1963 гадоў нараджэння зніклі ў лясным масіве каля вёскі Мірадзіна Бабруйскага раёна яшчэ 3 кастрычніка. Толькі назаўтра, каля 11.15 4 кастрычніка іх удалося знайсці ратавальнікам – паведамляе прэс-служба МНС.
4 кастрычніка ў 16-20 жыхары вёскі Панізоў Магілёўскага раёна паведамілі, што іх сусед, 81-гадовы пенсіянер раніцай пайшоў па грыбы і да гэтага часу не вярнуўся. Дзядуля старэнькі, мае хранічныя захворванні, таму яго доўгая адсутнасць выклікала хваляванне ў суседзяў. Да месца меркаванага знаходжання пенсіянера выехалі ратавальнікі, работнікі міліцыі, валанцёры. Адсутнасць у мужчыны мабільнага тэлефона ўскладняла пошукі.
У 18-05 работнікі МНС знайшлі пенсіянера за паўтара кіламетра ад дома. Мужчына знясілеў і яго прыйшлося выносіць з лесу на руках.
Адыёзная прапагандыстка і, як яна сябе называе, “інфаказачка” Вольга Бондарава пабачыла бел-чырвона-белую сімволіку ў контурах афіцыйнага магілёўскага брэнда, нанесенага на борт пасажырскага аўтобуса.
Пра гэта блогерша, якая даўно займаецца даносамі на любое праяўленне беларускасці ў грамадскай прасторы, напісала ў сваім тэлеграм-канале. “Гэтыя фота даслала калега з Масквы. У Расію магілёўскі аўтобус катаецца з велізарным бчб-сэрцам на борце.” – заявіла Бондарава.
Брэнд “Могилев – мой город!” паявіўся ў публічнай прасторы абласнога цэнтра адносна нядаўна. Рэдакцыя mogilev.media ў красавіку гэтага года атрымлівала ад абуранага чытача з гэтай нагоды ліст – “Колькі можна любіць Магілёў толькі па-руску?”.
Гэты слоган-брэнд зараз актыўна раскручваецца і размяшчаецца практычна ва ўсіх сацыяльных і дзяржаўных установах Магілёва. Нанесены на борт аўтобуса, брэнд зайграў, аднак, для прапагандысткі Бондаравай новымі фарбамі.
“Некаторыя захыснікі бчб пісалі мне ў лічку, што, маўляў, аксцісь, Бондарава, сэрца на борце аўтобуса ў колерах дзяржаўнага сцяга: вунь, і зялёная палосачка ёсць. Таму я папрасіла сваю расейскую калегу зняць аўтобус з Магілёва здалёк. Глядзім, што атрымалася, на відэа.
Гаражны кааператыў “Спадарожнік-2008” калісьці быў самым буйным магілёўскім гаражным масівам. Пабудаваны яшчэ ў канцы 1970-х гадоў на самым ускрайку абласнога цэнтра, ён спачатку забяспечыў надзённыя патрэбы тысяч аўтаўладальнікаў, а потым ператварыўся ў галаўны боль.
Нягледзячы на рост колькасці аўтамабіляў у магілёўцаў у 1990-х і 2000-х гадах, гэты гаражны масіў аказаўся амаль нікому не патрэбны. Ён быў тады размешчаны далёка ад спальных раёнаў, таму жыхары больш схіляліся пакідаць аўто каля свайго дома, чым ставіць яго на ноч у гараж на іншым канцы горада.
Сваю ролю адыграла і велічыня гаражнага масіва. Яго аказалася немагчыма ахоўваць, таму “гаражы на абласной” неўзабаве ператварыліся ў раён промыслу для людзей з невысокімі сацыяльнымі патрэбамі. Праломы ў сценах, надпісы “гараж пустой” тут сустракаюцца на кожным кроку.
Лёс гаражнага масіва істотна змяніўся з будаўніцтвам побач новых мікрараёнаў, але больш за ўсё – з пабудовай аб’язной дарогі-дублёра, якая злучыла раён абласной бальніцы з плошчай Касманаўтаў. Першая чарга трасы адрэзала ад масіва невялікую частку гаражоў, затое другая чарга – якая пакуль нікуды асабліва і не вядзе – разрэзала кааператыў на дзве часткі.
Першая частка, якая засталася каля абласной бальніцы, аказалася ў больш-манш выгадным становішчы. Сюды зручна дабрацца што на машыне, што пешкі з суседніх дамоў. Наяўнасць побач новых мікрараёнаў “Спадарожнік-1” і “Спадарожнік-2” ў далейшым павінна прывесці да росту попыту на гэтыя гаражы, а потым і да лепшай уладкаванасці тэрыторыі.
Другая ж частка апынулася практычна па-за дасягальнасцю для камфортнай эксплуатацыі. Каб дабрацца сюды, трэба знайсці грунтовую дарогу праз могілкі, збоч новага кальца дарогі-дублёра.
Альбо можна скарыстаацца з’ездам з дарогі-дублёра. Але пешкі дабрацца сюды ўжо даволі доўгая дарога, так што гэтая другая частка кааператыва, як выглядае, асуджаная на далейшае дэпрэсіўнае існаванне. Абваленыя дахі і разламаныя сцены, безгаспадарлівасць на кожным кроку, і выглядае, што на гэтым тут час так і спыніцца.
Во второй половине дня, 2 октября в переулке, прилегающем к вокзальной площади Быхова, горела машина. По словам очевидцев, автомобиль якобы взорвался. Так или иначе, но столб дыма был виден издалека.
Сотрудники МЧС прибыли к месту происшествия на двух пожарных машинах и потушили огонь, однако к тому времени от легковушки остались только рожки да на ножки.
В Горецком районе мужчину насмерть придавило автомобилем, который он ремонтировал
Вечером 2 октября жуткая трагедия произошла в Горецком районе. Житель агрогородка Овсянка ремонтировал свой “ситроэн”, используя домкрат и деревянные опоры.
Что-то пошло не так: автомобиль сорвался с опор и и придавил хозяина. Супруга мужчины вызвала “неотложку”, но спасти человека не удалось. Погибший мужчина – отец троих малолетних детей. Ему было сорок семь лет.
Отыгрался на чужой машине
Житель Могилевского района отдыхал вместе с женой и родственника в ресторане Кировска. Возвращаясь домой ночью, супруги поссорились у подъезда.
Разгневанный муж подошел к припаркованному рядом автомобилю “рено”, разбил стекла, фары, помял капот и двери чужой машины.
Кто один из них неправ – результат в боку дыра
Поножовщиной закончилась попытка примирения супругов в Бобруйске. Как выяснилось, 44-летний муж и 31-летняя жена ссорились всю неделю. В конце концов, решили заключить перемирие.
Накрыли стол, но “консенсуса” так и не достигли – женщина ударила благоверного ножом в бок. “Скорую” вызвала 12-летняя дочь беспокойной парочки.
Мать и сын воссоединились
С требованием немедленно освободить сына пришла в РОВД 39-летняя жительница Горок. Парень был задержан за мелкое хулиганство и до разбирательства никто не собирался его отпускать.
Однако неугомонная, и к тому же пьяная мамаша продолжала настаивать на своем.
В конце концов она разбила стекло входной двери РОВД. Теперь женщина находится там, где и ее чадо – в изоляторе временного содержания.
Ужо трэцяя вертыкальная паркоўка вытворчасці “Магілёўліфтмаша” была ўсталяваная ў абласным цэнтры. Яна размясцілася каля прахадной завода “Электрарухавік” у мікрараёне Юбілейным.
Раней падобная паркоўка з’явілася перад адміністрацыйным корпусам самаго “Ліфтмаша”. У пачатку 2023 года, парушаючы ўсе нормы заканадаўства аб ахове гістарычных помнікаў, паявілася яшчэ адна, каля Магілёўскага абласнога музея імя Масленікава – пісалі mogilev media.
Музычны фестываль “Залаты шлягер” пройдзе ў Магілёве з 24 па 29 кастрычніка. Магілёўская абласная філармонія апублікавала афіцыйную праграму мерапрыемства. Урачыстае адкрыццё фестываля пройдзе 26 кастрычніка. Сярод хэдлайнераў – група “Песняры”, ВІА “Лейся песня” і “Синяя птица” з Расійскай Федэрацыі, а таксама папулярныя ў мінулым спевакі Міхаіл Мурамаў, Ірына Панароўская, Сяргей Белікаў і іншыя. На канцэрце адкрыцця таксама заяўленыя артысты з Італіі, аднак ёсць заўвага, што ў праграме магчымыя змены.
Сярод італьянскіх артыстаў вылучаюцца заўсёднік беларускіх фестываляў Мікеле Пома, а таксама маладыя спевакі Антанэла Бучы і Маура Менгалі. Іх цяжка назваць папулярнымі выканаўцамі. Так, афіцыйны ютуб-канал Антанэлы Бучы мае ўсяго 582 падпісчыкі, а самы папулярны кліп на ім – 73 тысячы праглядаў. На SoundCloud Маура Менгалі падпісчыкаў 28 чалавек, а кампазіцыі маюць ад 1 да 4 лайкаў.
Сярод замежных гасцей фестываля таксама фігуруюць італьянцы Элеанора Д’Апаліта і Ціна Джунчы, і спявак Кевін МакКой. МакКой – экс-саліст амерыканскага гурта Bad Boys Blue, які цяпер жыве ў Германіі і вельмі часта выступае на настальгічных канцэртах і фестывалях у краінах былога СССР.
Двое фальшываманетчыкаў з Бялыніч былі затрыманыя супрацоўнікамі Упраўлення па барацьбе з эканамічнымі злачынствамі – паведамляе прэс-служба МУС. 20-аговы і 31-гадовы жыхары райцэнтра арганізавалі сістэму дастаўкі і рэалізацыі на Магілёўшчыне падробных пяцітысячных купюр расійскай валюты. Фальшывыя рублі яны набывалі праз інтэрнэт і забіралі сродкі ў пакінутых закладках. Затым мянялі грошы ў гандляроў на гарадскіх рынках у Магілёве, Бабруйску, Быхаве і Кіраўску. Усяго фальшаваманетчыкі паспелі збыць 37 падробных купюр – на агульную суму больш чым 7 300 беларускіх рублёў. Цяпер ім пагражае да 15 гадоў зняволення.
Год таму mogilev media пісалі пра паяўленне на Беларусі гіганцкага інвазіўнага малюска, якога нельга браць у рукі. Тады фотаздымкі з атрутным смаўжом публікавалі мінскія паблікі. Цяпер паявіліся сведчанні з самаго Магілёва – з поймы рачулкі Дзебры.
Магілёўскія карыстальнікі соцсетак публікуюць фотаздымкі вялікага ярка-карычневага ці нават аранжавага смаўжа, знойдзенага каля рэчкі Дзебры ў Магілёве.
“Дасюль ніколі ня бачыў такіх жырдзяістых і прытым аранжавых сьлізняў. І гэта ён яшчэ ад майго шоргату скукожыўся.” – піша аўтар фота.
Іспанскі смоўж родам з Партугаліі. Адсутнасць натуральных ворагаў і камфортныя ўмовы надвор’я паспрыялі яго пашырэнню ў краінах Еўропы – у тым ліку Ўсходняй. З 2010-х гадоў гэтага смаўжа пачалі сустракаць у Падмаскоўі, затым і ў больш паўночных рэгіёнах Расіі. Вядома, што нават зімняе надвор’е нашых шырот дастаткова камфортнае для гіганцкага малюска. І на стадыі лічынкі, і на стадыі дарослай жывёлы ён спакойна трывае мінусавыя тэмпературы.
Спецыялісты раяць не дакранацца да гэтага малюска рукамі, паколькі яны могуць быць пераносчыкамі вялікай колькасці захворванняў. Смаўжы вырастаюць да вялікіх памераў, аж да 15 сантыметраў. Памер і агрэсіўны колер палохаюць птушак, таму гэты інвазіўны шкоднік не мае натуральных ворагаў у экасістэме і бесперашкодна распаўсюджваецца ў новай для сябе прыродзе.
На сайце petitions by з’явілася петыцыя супраць перайменавання плошчы Арджанікідзэ ў плошчу імя Георгія Каніскага.
“Мы выступаем супраць перайменавання плошчы Арджанікідзэ ў Магілёве ў гонар Георгія Каніскага – гаворыцца ў петыцыі. Асоба Каніскага ўжо ўшанавана ў назве суседняй вуліцы Архірэйскі Вал Каніскага. Нядаўна ж пастаўлены помнік свяціцелю знаходзіцца не на плошчы, на вуліцы Карла Маркса.
Куды больш гэтая назва пасавала б для трапецападобнай плошчы насупраць архіепіскапскага палаца, створанай па прыкладзе плошчы Капітолія ў Рыме, бо палац і комплекс увогуле з’явіўся па заказе Каніскага.
Што тычыцца плошчы Арджанікідзэ, то ўжо не першы раз прапануецца адраджаць у назвах плошчаў і сквераў гістарычную тапаніміку Магілёва. Гэты квартал паміж вуліцамі Болдзіна і Камсамольскай узнік толькі дзякуючы таму, што было знесена другое кола ўмацаванняў горада – Блізкі вал. Прапануем так і назваць плошчу – плошча Блізкі Вал. Для прыкладу ў Мінску ёсць вуліца Гарадскі Вал, а таксама плошча Стары Аэрапорт, якія адлюстроўваюць розныя гістарычныя аб’екты, што сёння ўжо цалкам зніклі з гарадской прасторы.”
Петыцыя была створаная 27 верасня. Збор подпісаў пад ёй будзе праходзіць да 4 кастрычніка.
