Заметив, что кладовой давно не пользовались, воры отжали запорное устройство и вынесли оттуда вещи, принадлежавшие пожилой женщине.
Они надеялись на то, что пропажи никто не заметит. Однако хозяйка кладовой обратилась в милицию.
Похищенное воры спрятали в своих квартирах, но попользоваться чужим добром не успели – милиция возвратила украденное пенсионерке.
Стоимость украденных вещей составила 1000 рублей, сообщает газета “Беларусь Сегодня”
Фото газеты “Беларусь Сегодня”
Крамы нізкіх коштаў пачалі адыгрываць усё большую ролю ў побытавых звычках беларускага насельніцтва. Нягледзячы на рост сярэдняй зарплаты, пра які рапартуюць афіцыйныя крыніцы, сваім кашальком грамадзяне дэманструюць натуральнае імкненне ашчаджаць і быць гатовымі да найгоршага.
Сеткі дыскаўнтараў шырока развіваюцца па ўсёй Беларусі, прымяняючы самыя разнастайныя стратэгіі прыцягнення наведвальнікаў і зніжэння выдаткаў дзеля захавання сваёй прывабнасці ў вачах пакупнікоў. У цэнтры адной стратэгіі можа быць эканомія на самых элементарных выдатках, напрыклад, на эстэтычных рашэннях.
Іншыя аптымізуюць лагістыку, эканомяць на складскіх памяшканнях, заробках супрацоўнікаў, ці чымсьці яшчэ. А што на выхадзе? Якая стратэгія прыводзіць да рэальна самых танных цэннікаў у крамах?
Мы выбралі сем прадуктовых дыскаўнтэраў у Магілёве і параўналі, колькі каштуе базавы набор самых простых і частых пакупак у кошыках грамадзян. Вось гэтыя крамы – “Грошык”, “Светофор”, “Доброцен”, “Мегаопт”, “Копеечка”, “Маяк” і “ВпрОК”. Як бачым, у спіс увайшлі як міжнародныя сеткі, кшталту расійскіх “Светофора” і “Доброцена”, так і беларускія прыватныя “Грошык” і “Копеечка”, і нават дзяржаўны “Мегаопт” і чыста магілёўскі “ВпрОК”.
Набор прадуктаў мы для першага разу вырашылі скласці самы агульны і просты. Пакуль што ён не цалкам супадае з прынцыпам спажывецкага кошыка, але на гэта ёсць пэўныя рэзоны. У наш набор увайшлі – хлеб, малако, макароны, грэчка, сыр, каўбаса, алей і крыху гародніны на салат – цыбуля, гуркі і таматы. Ну, і мы яшчэ дадалі адзін бонус – бляшанку піва.
У некаторых выпадках адзін і той жа тавар аднаго брэнда прысутнічаў у большасці крам. Гэта дазваляла нам прыйсці да высновы пра ўзровень зніжкі, якую ў выніку атрымлівае пакупнік, наведвальнік магазінаў нізкіх цэн. У іншых – тавары мелі розных вытворцаў, але былі супастаўляльныя па наменклатуры (напрыклад, каўбаса “Доктарская”) кошце і якасці. Так, каўбаса бралася толькі вышэйшага гатунку, а прынцып выбару піва, напрыклад, быў адзіным – самая танная бляшанка светлага піва аб’ёмам да 0,5 л.
Але некаторыя тавары зусім не прадстаўлены ў шэрагу дыскаўнтэраў. Так, няма хлеба і гародніны ў “Дабрацэне”, у “Светлафоры” таксама няма хлеба, а з гародніны толькі цыбуля. Адсутнічала гародніна і ў “Мегаопце. У такім разе мы залічвалі ў агульны падлік кошт аналагічнага тавару ў іншай краме (таксама краме нізкіх коштаў) па найвышэйшай выяўленай цане. Логіка тут простая – каб дабраць у свой кошык гэты тавар, пакупнік усё роўна вымушаны будзе ісці ў іншую краму і там яго купляць. А кошт можа быць ужо не коштам дыскаўнтэра, а вышэй. Так што, спадзяемся, што адлюстравалі ў канчатковым падсумаванні максімальна аб’ектыўны вынік.
Чорны хлеб. У “Грошыку”, “ВпрОК”, “Маяку”, “Мегаопце” і ў “Капеечцы” ён быў. Па кошце ад 0,75 у “Грошыку” да 1,65 у “ВпрОК”. Дзесьці гэта быў хлеб “Стары Менск”, як у “Грошыку”, што аказаўся самым танным (у спіну дыхаў хлеб за 0,76 з “Маяка”), а дзесьці толькі магілёўскі “Сітны” ў “ВпрОК” за найбольшую суму ў гэтай лінейцы. Дзеля справядлівасці трэба адзначыць, што “Сітны” ў краме “ВпрОК” пры масе 0,95 кг за 1,65 рублі выйграе перад такімі самымі гатункам, аб’ёмам і вытворцай у крамах “Грошык” (2,13 р.) і “Капеечка” (2,15 р.). Такім чынам, “Сітны” у “ВпрОК ” аказаўся самым танным “Сітным” сярод усіх, але самым дарагім у катэгорыі чорнага хлеба за найніжэйшы кошт.
Малако. Тут кошты раскіданыя не так шырока – ад 1,60 у “Светлафоры” да 1,92 ў “Мегаопце”.
Яшчэ крыху эстэтыкі дыскаўнтэраў
Грэчка. Самая танная ў “Светлафоры” за 1,35. Далей 1,55 у “Дабрацэне” і 1,57 у “Мегаопце”. Найбольш дарагая сярод самых танных – у “Грошыку” і “Капеечцы” за 1,79.
Самы танны пачак макаронаў сустрэўся ў “Маяку” за 0,79. Далей ідуць “Капеечка” з макаронамі за 0,83, “Грошык” (0,94 р.) і “Светлафор” – 0,96. Самыя дарагія ў “ВпрОК”, па 1,69 за пачак.
Алей адсутнічаў у “Светлафоры”, таму гэтай краме мы залічылі кошт як у “Капеечцы”, самы высокі па дыскаўнтэрах – 3,99. Найніжэйшы кошт за рафінаваны саланечнікавы алей знайшоўся ў “Мегаопце” – 2,59. Бліжэйшы пераследвальнік – “ВпрОК “, 2,65 і “Дабрацэн”, 2,69.
Каўбаса “Доктарская”, 400 грам была прадстаўлена ад розных вытворцаў і каштавала ад 3,29 у “Светлафоры” да 4,00 у “Дабрацэне”. Па 3,59 яна каштуе ў “Маяку” і “Капеечцы”. Іншую каўбасу, канечне, можна было знайсці і яшчэ танней, але мы вырашылі скарыстацца прадстаўленасцю аднаго і таго ж гатунка ва ўсіх крамах.
Тое самае з сырам – гатунак “Расійскі” брэнда “Брэст-Літоўск” сустрэўся ў кожнай краме, што дазволіла даць аб’ектыўны агляд зніжак, якіх дасягаюць дыскаўнтары. “Светлафор” – 2,98, “Маяк” – 2,99, “Дабрацэн” – 3,15, “Грошык” – 3,85, “Мегаопт” – 3,95, “ВпрОК ” – 3,98 і “Капеечка” – 3,99.
Калі падсумаваць агульны цэннік на названыя сем тавараў, то ў даследаваных дыскаўнтэрах ён складзе: у “Маяку” – 14,43 рублі за ўсё, у “Светлафоры” 14,82, у “Грошыку” 15,66, у “Мегаопце” 16,01, у “Дабрацэне” 16,28, у “Капеечцы” 16,90 а самы дарагі аказаўся ў краме “ВпрОК” – 17,32.
Цыбуля, гуркі і памідоры прадаваліся ў чатырох дыскаўнтэрах з сямі – у “Грошыку”, “ВпрОК”, “Маяку” і “Капеечцы”. Цыбуля яшчэ, нагадаем, была ў “Светлафоры”. Кошты за белую рэпчатую цыбулю вагаюцца ад 0,85 у “Грошыку” да 1,05 у “Маяку”. Гуркі (гладкія) самыя танныя ў “Грошыку” – 1,89. Самыя дарагія ў “ВпрОК” – 2,71. Таматы каштуюць аднолькава ў “Грошыку”, “Маяку” і “Капеечцы” – 4,89, а ў “ВпрОК” 5,60.
Што ж да піва, самае таннае мы знайшлі ў “Светлафоры”, расійскі “Старый мельник” па 1,37 за бляшанку. Самая танная беларуская “Аліварыя дзясятка” – у “Грошыку” за 1,45. Найвышэйшы кошт сярод самых танных бляшанак аказаўся ў “Мегаопце” – 1,92.
Такім чынам, падсумоўваючы набыты кошык аднолькавых прадуктаў у кожнай краме-дыскаўнтары, мы атрымалі наступны рэйтынг.
Розніца паміж самім дарагім кошыкам і самым танным склала 4 рублі 42 капейкі, альбо 15,4% ад усёй сумы. І сённяшні пераможца – гэта гандлёвая сетка “Маяк”, якая прадэманстравала не толькі самыя прывабныя кошты, але і паўнату выбару.
Спадзяемся, што гэтае даследаванне дапаможа нашым чытачам, а мы будзем працягваць свае агляды і параўноўваць спажывецкія кошыкі ў розных гандлёвых сетках Магілёва. Дзяліцеся сваімі назіраннямі і заўвагамі ў каментарыях у сацыяльных сетках, mogilev.media з удзячнасцю прыслухацца да іх дзеля далейшага ўдасканалення метадалогіі.
Фота: mogilev.media
Конкурс “Круче всех” состоится 17-18 ноября, сообщает портал mogilev.by.
Возраст участников творческого состязания неограничен.
Номинации самые разнообразные:от эстрадного вокала до художественного чтения.
Следим за интригой и выясняем, кто же в Могилевской области. все-таки, круче всех.
Фото носит иллюстративный характер.
Пракуратура Магілёўскай вобласці падчас наглядных мерапрыемстваў устанавіла, што ў новым корпусе адной з бальніц Магілёва ў працэсе эксплуатацыі з-за заводскага браку масава пачало выходзіць са строю сантэхнічнае абсталяванне. У выніку замены патрабавалі 647 вадаправодных кранаў-змяшальнікаў.
З-за ўстаноўкі няякаснага абсталявання адбылося затапленне памяшканняў бальніцы, а таксама менавіта з гэтай прычыны чатыры дні на апараце магнітнай рэзананснай тэрапіі, які размяшчаўся ў будынку новага корпуса бальніцы, не абследаваліся хворыя. Толькі па выпадковасці новае і дарагое абсталяванне не пацярпела.
Адзначаецца, што адміністрацыя бальніцы неаднаразова накіроўвала ў адрас кіраўніцтва будаўнічай кампаніі прэтэнзіі, аднак меры па замене змяшальнікаў імі не былі прыняты. Пасля прадпісання пракуратуры ўсё сантэхнічнае абсталяванне заменена – піша mycity.by.
Фота ілюстрацыйнае, з адкрытых крыніц
Працягваецца рамонт пуцеправодаў па вуліцы Завадской у Магілёве. Пасля завяршэння рэканструкцыі маста каля Быхаўскага рынка, з-за якога амаль на два месяцы была перакрытая вуліца Чалюскінцаў, будаўнікі пераходзяць да новага маста – па праспекце Шмідта (на фота).
На працягу рамонтных работ рух па праспекце будзе спынены. Работы пачнуцца 24 кастрычніка і паводле папярэдніх планаў працягнуцца да 31 снежня 2023 года – паведамляе mycity.by.
Фота: yandex.maps, скрыншот
Прэс-служба абласнога УУС выклала відэа, як 46-гадовы кіроўца аўтамабіля Volkswagen спрабуе ўцячы ад экіпажа ДАІ. Спачатку аўтамабіль прытармажвае каля ўзбочыны, пасля патрабавання спыніцца, але потым рэзка набірае хуткасць. На адным са скрыжаванняў кіроўца ледзь не збіў дзяўчыну, што пераходзіла дарогу на зялёнае святло. Паведамляецца, што У адносінах да яго складзена 6 адміністрацыйных пратаколаў, у тым ліку за адмову ад праходжання медыцынскага агляду. Цяпер мужчыну чакае вялікі штраф і пазбаўленне вадзіцельскага пасведчання на бліжэйшыя 5 гадоў.
Фота: УУС, скрыншот
У сувязі з правядзеннем рамонта чыгуначнага маста паміж станцыямі Друць і Вендрыж, на працягу некалькіх дзён на наступным тыдні і ў канцы лістапада будуць адмяняцца цягнікі – паведамляе mycity.by. Так, 24, 25 кастрычніка і 28, 29 лістапада адмяняюцца цягнікі Мінск – Магілёў з адпраўленнем з Мінска ў 6.55, з Магілёва – у 15.33. Таксама цягнікі Магілёў – Салігорск адпраўленнем з Магілёва 6:18, з Салігорска – у 17:21. Некаторыя цягнікі з Мінска і ў Мінск будуць хадзіць праз Воршу і памяняюць расклад руху.
Таксама ў гэтыя дні некаторыя цягнікі на ўчастку Асіповічы – Магілёў будуць курсіраваць са змененым раскладам і маршрутам.
Фота з адкрытых крыніц
У Магілёўскім гарвыканкаме паведамілі, што рамонт маста каля Быхаўскага рынка фактычна завершаны, і 23 кастрычніка, у наступны панядзелак будзе адкрыты праезд па вуліцы Чалюскінцаў.
Нагадаем, што вуліцу перакрылі 9 верасня на адзін месяц, а 28 верасня тэрмін рамонту маста павялічылі да канца кастрычніка.
Фота: mogilev.media
Аператыўнікі наркакантролю затрымалі трох жыхароў Брэсцкай і Гомельскай абласцей, якія рабілі закладкі ў Магілёве – паведамляе МУС.
У асабістых рэчах і на здымнай кватэры фігурантаў знайшлі і канфіскавалі фасовачныя пакеты, шпрыцы і больш за 180 г асабліва небяспечнага псіхатропнага рэчыва.
Са слоў аднаго з затрыманых, у мэсэнджэры яму прыйшла прапанова аб незаконнай падпрацоўцы, на якую ён пагадзіўся. Паехаць на крымінальныя заробкі ён прапанаваў сваёй сяброўцы і прыяцелю. Разам яны не толькі рабілі закладкі, але і ўжывалі частку наркотыкаў, якія прызначаліся для рэалізацыі.
Вядома, што затрыманыя 38-гадовыя раней неаднаразова судзімыя мужчыны і іх 22-гадовая саўдзельніца рабілі аналагічныя тайнікі ў Брэсцкай і Віцебскай вобласці.
Следчымі распачата крымінальная справа за незаконны абарот наркотыкаў з мэтай збыту. Кур’ерам пагражае да 20 гадоў пазбаўлення волі.
Фота: скрыншот МУС.
Вертыкальная ротарная паркоўка была пастаўлена паміж гандлёвым цэнтрам “Магніт” і Магілёўскім абласным мастацкім музеям імя П. Масленікава ў сакавіку 2023 года – пісалі mogilev.media. Гэта адбылося з парушэннем заканадаўства аб ахове помнікаў. Справа ў тым, што паркоўка не гарманіруе з навакольнымі аб’ектамі і парушае эстэтычнае ўспрыняцце помніка архітэктуры, якім з’яўляецца музей Масленікава, былы Пазямельна-Сялянскі банк, пабудаваны ў пачатку ХХ стагоддзя.
Цяпер жа гэтую дысгарманічнасць вырашылі прыглушыць шчытом з выявай новага магілёўскага слогана-брэнда “Магілёў – мой горад”, выкананага ў рускай мове.
Дапаўненне паркоўкі шчытом не адмяняе, аднак, таго факта, што будынак банка з’яўляецца самастойнай гісторыка-культурнай каштоўнасцю, для якой яшчэ не зацверджаны праект зон аховы. А без яго зацвярджэння распрацоўка праектнай дакументацыі для аб’ектаў побач з ім забаронена палажэннямі Кодэкса аб культуры – адзначалі яшчэ ў сакавіку спецыялісты.
Фота: mogilev.media
