Началась эта история в последних числах апреля, когда нетрезвый гражданин применил насилие в отношении сотрудника милиции.
Помимо прочего, Костюковичский суд приговорил нарушителя к штрафу.
Вот эту компенсацию милиционер и передал Муравильской средней школе, посетив ее вместе с начальником райотдела, пишет “Голас Касцюкоушчыны”
Фото “Голас Касцюкоушчыны”
У 2023 годзе Краснапольскім РАУС выдварана (выслана і дэпартавана) з краіны 5 замежнікаў. За парушэнне міграцыйнага заканадаўства Рэспублікі Беларусь да адміністрацыйнай адказнасці прыцягнута яшчэ 9 іншаземцаў — паведамляе краснапольская раённая гаета “Чырвоны сцяг”.
Адзначым, што на падставе рашэння аб дэпартацыі або высылцы замежны грамадзянін або асоба без грамадзянства ўключаецца ў спіс асоб, уезд якіх у Рэспубліку Беларусь забаронены або непажаданы. Дэпартаванаму іншаземцу ўезд у Рэспубліку Беларусь можа быць забаронены на тэрмін ад шасці месяцаў да пяці гадоў. Высланаму іншаземцу ўезд у Рэспубліку Беларусь можа быць забаронены на тэрмін ад шасці месяцаў да дзесяці гадоў.
Фота “Чырвоны сцяг”.
Каля чыгуначнага пераезду ў Крычаве па вуліцы Моладзевая супрацоўнікі міліцыі спынілі аўтамабіль «Джылі Атлас», у багажным аддзяленні якога знаходзілася 10 чорных поліэтыленавых пакетаў. Іх змесціва – цвёрдае, сыпкае рэчыва зялёнага колеру – прыцягнула ўвагу праваахоўнікаў. Не выклікаў даверу і агульны аб’ём – каля 100 кілаграм.
Згодна з экспертызай, дадзеным рэчывам аказаўся некурыльны тытунёвы выраб, прызначаны для смактання і (або) жавання тыпу снюс альбо насвай. У выніку кіроўцу, які перавозіў насвай у сваёй машыне, пагражае накладанне штрафу ў памеры ад 10 да 20 базавых велічыняў з канфіскацыяй некурыльнага тытунёвага вырабу – паведамляе раённая газета “Крычаўскае жыццё”.
Фота ілюстратыўнае
Як высветлілі супрацоўнікі міліцыі, прыблудзіўшымся мужчынай аказаўся грамадзянін Расійскай Федэрацыі з горада Новасібірска. Мужчына быў дэпартаваны, бо незаконна знаходзіўся на тэрыторыі Беларусі. Больш за тое, на яго складзены адміністратыўны пратакол. Цяпер яму пагражае штраф у памеры да васьмі базавых велічыняў – паведамляе пра здарэнне мсціслаўская раённая газета “Святло кастрычніка”.
Фота ілюстратыўнае
Новае ўзброенае фармаванне можа з’явіцца ў Беларусі – «Народнае апалчэнне». Разбяраемся, што гэта за структура, якія задачы будзе вырашаць, як будзе камплектавацца, фінансавацца, каму падпарадкоўвацца.
Народнае апалчэнне – узброеныя фарміраванні. Будуць стварацца з добраахвотнікаў – грамадзян Беларусі, іншаземцаў, асоб без грамадзянства, якія пастаянна пражываюць у Беларусі, якія жадаюць удзельнічаць у «забеспячэнні ваеннага становішча».
Ствараць апалчэнні будуць органы мясцовага кіравання і саветы абароны.
Што могуць рабіць добраахвотнікі падчас ваеннага становішча – прымяняць фізічную сілу, выкарыстоўваць зброю, затрымліваць людзей, якія ўчынілі злачынства або правапарушэнне, каб перадаць іх сілавікам, патрабаваць захавання парадку, абмежаванняў і забарон, уведзеных для забеспячэння ваеннага становішча.
Сумесна з міліцыяй апалчэнцы маюць права абмяжоўваць рух транспартных сродкаў, надглядаць машыны і багаж, затрымліваць транспартныя сродкі, аглядаць кватэры, дамы, офісы, правяраць дакументы, выкарыстоўваць аўтамабілі юрыдычных і фізічных асоб, каб адвезці параненых да медыкаў.
Каго не возьмуць у апалчэнне. Не возьмуць людзей, якія адбываюць арышт, абмежаванне волі з накіраваннем або пазбаўленне волі, тых, хто знаходзіцца пад хатнім арыштам, тых, у адносінах да якіх прынята рашэнне аб інтэрнаванні, людзей, якія прызнаныя недзеяздольнымі або абмежавана дзеяздольным, якія маюць захворванні або фізічныя недахопы, якім проціпаказана валоданне зброяй.
Якія задачы будуць выконваць атрады Народнага апалчэння – асноўная задача, “аказанне садзейнічання тэрытарыяльным органам унутраных спраў у выкананні імі паўнамоцтваў пры забеспячэнні ваеннага становішча, абароне ўласнасці ад злачынных і іншых супрацьпраўных замахаў”. Іх таксама могуць прыцягваць і для вырашэння “іншых задач па забеспячэнні ваеннага становішча”.
Фінансавае і матэрыяльнае забеспячэнне народнага апалчэння будзе здзяйсняцца за кошт сродкаў мясцовых бюджэтаў, за “добраахвотныя ахвяраванні юрыдычных і фізічных асоб і іншых крыніц, не забароненых заканадаўствам”.
У кожным атрадзе прызначаюцца камандзір і яго намеснік (намеснікі). Іх кандыдатуры ўзгадняюцца з кіраўнікамі мясцовых органаў унутраных спраў і дзяржаўнай бяспекі.
Агульнае кіраўніцтва народным апалчэннем кладзецца на мясцовы савет абароны. А непасрэднае кіраўніцтва – на тэрытарыяльныя органы ўнутраных спраў.
Падрыхтоўкай добраахвотнікаў і матэрыяльным забеспячэннем атрадаў будзе займацца Савет міністраў. Міністэрства абароны будзе адказваць за зброю і боепрыпасы для апалчэнцаў.
Тэрытарыяльныя органы ўнутраных спраў удзельнічаюць у падрыхтоўцы і вызначаюць задачы для атрадаў апалчэння. Усё астатняе, як адбор добраахвотнікаў, выбар камандзіраў, кантроль за выкананнем задач і гэтак далей кладзецца на плечы мясцовых выканкамаў.
Фота з адкрытых крыніц.
50-гадовы мясцовы дырэктар прыватнага унітарнага прадпрыемства збіраў метал па раёне, скупляў яго ў насельніцтва для наступнай здачы ў пункт прыёму, але пры гэтым не меў дзяржаўнай рэгістрацыі і ліцэнзіі. Пры аглядзе тэрыторыі яго дома выяўлена яшчэ больш за 16 тон лому і адыходаў чорных металаў.
Металалом на агульную суму амаль 22 000 рублёў канфіскаваны.
У дачыненні чэрыкаўскага бізнесмена складзены два пратаколы аб адміністрацыйным правапарушэнні за нарыхтоўку і перавозку металу і яго захоўванне. У суме яму пагражае штраф да 7 400 рублёў.
Фота мае ілюстрацыйны характар
20-гадовы навучэнец каледжа з Касцюковіцкага раёна прыехаў у Клімавічы да дзяўчыны, якая яму спадабалася. Увесь дзень ён правёў з ёй, а ўвечары збіраўся ехаць дадому. Аднак з’язджаць маладому чалавеку так не хацелася, што каб застацца начаваць у бацькоў дзяўчыны, ён вырашыў зімітаваць з сябе ахвяру злачынства.
Па дарозе да вакзала малады чалавек знайшоў разбітую бутэльку і аскепкам шкла парэзаў на сабе адзенне, нанёс драпіны на жываце. Таксама хлопец схаваў сваю сумку з мабільнікам, пашпартам і дробнай сумай грошай у бязлюдным месцы. Затым пагрукаўся ў бліжэйшы дом, гаспадыні якога распавёў, што на яго напалі двое мужчын.
Жанчына патэлефанавала ў міліцыю. У раённым аддзеле міліцыі хлопец расказаў гісторыю пра напад, а таксама заявіў, што ў скрадзенай сумцы было шмат грошай.
Як піша “Голас Касцюкоўшчыны” навучэнца каледжа на міліцэйскай машыне павезлі на пазначанае ім “месца злачынства”. Аднак ніякіх слядоў здзейсненага гвалту там супрацоўнікі праваахоўных органаў не выявілі. У такой сітуацыі малады чалавек змушаны быў прызнацца, што здзейсніў загадзя ілжывы данос, і паказаў, дзе схаваная торба з яго рэчамі.
У выніку 20-гадовага касцюковіцкага фантазёра суд прыгаварыў да пазбаўлення волі на адзін год з выпрабавальным тэрмінам.
Фота ілюстрацыйнае
Самая характэрная гісторыя адбылася ў адным з сельскіх населеных пунктаў Глускага раёна. На прыкладзе гэтай гісторыі добра бачна, як дзейнічаюць махляры.
На гэтым этапе вядуцца размовы і тонкая псіхалагічная гульня. Злачынцы спекулююць як на самых лепшых чалавечых якасцях – сумленнасці, спачувальнасці, так і на некаторых пароках, напрыклад на ганарлівасці.
У снежні 2022 года нашай гераіне патэлефанавалі з Telegram. Хтосьці назваў сябе прадстаўніком асацыяцыі беларускіх банкаў і пераканаў суразмоўцу стаць удзельнікам спецыяльнай аперацыі па выяўленні ашуканцаў сярод банкаўскіх работнікаў. Жанчына засумнявалася, але суразмоўцам удалося ўвайсці ў давер. Пра аперацыю ніхто не павінен быў ведаць, у тым ліку блізкія сваякі.
Як бачна, у глускім выпадку ашуканцы абапіраліся на сумленнасць і жаданне справядлівасці вясковай жанчыны. Але важную ролю сыграла і акцэнт на тым, што ёй даверылі выкананне важнай ролі выкрывальніцы злачынцаў. Такая роля дазваляе чалавеку лічыць сябе абраным, выключным, далучаным да сакрэтнай аперацыі, робіць ягонае жыццё напоўненым нейкім важным сэнсам.
Жанчыне патлумачылі, што для выкрыцця банкаўскіх ашуканцаў, неабходна падаць заяўку на крэдыты. Выконваючы загады ілжывых супрацоўнікаў асацыяцыі, яна ўзяла крэдыт на 6400 рублёў у банку, а потым у іншым банку яшчэ на 3000.
Жанчыну пераканалі ўсталяваць прылажэнне з функцыяй аддаленага доступу (пра што яна не ведала). З дапамогай яго злачынцы змаглі перавесці ўсе 9400 рублёў на ўласны рахунак. Сваёй добраахвотнай памочніцы яны патлумачылі, што ён бяспечны.
Калі ахвяра аказалася занадта даверлівай, і ўсё для ашуканцаў прайшло па іх злачыннай схеме, то яны спрабуюць паўторна развесці сваю ахвяру на грошы.
Вось і наша глуская жанчына праз некалькі тыдняў, па ўказанні “спецыялістаў па асацыяцыі”, ізноў узяла крэдыт, ужо ў трэцім банку на 4000 рублёў, якія сама перавяла сваім суразмоўцам.
Увесь гэты час жанчына нікому не расказала пра “спецыяльную аперацыю”, нават супрацоўнікам рэальнага банка, якія былі заклапочаны тым, што грамадзянка афармляе трэці крэдыт за месяц.
Натуральна, што пасля пераводу ўсіх грошай жанчыны на свае рахункі махляры зніклі і на званкі не адказвалі. Яна засталася сам насам са сваімі крэдытамі, а потым звярнулася ў міліцыю.
Кіраўнік аддзелу ўнутраных спраў Глускага раёна Сяргей Красавін пацвердзіў, што новы год сапраўды адзначаны рэзкім павелічэннем кіберзлачынстваў. Калі ў 2022 годзе іх у раёне было зарэгістравана 13, то толькі за 1 месяц гэтага года – 7 (па 5 з іх ужо распачаты крымінальныя справы, а па двух праводзіцца расследаванне).
Адных ахвяр ашуканцы ўгаварылі ўзяць крэдыты а потым авалодалі гэтымі грошамі, кагосьці пераканалі ўсталяваць прылажэнне і “спісалі” сабе грошы, хтосьці стаў удзельнікам “рэкламнай гульні” і таксама страціў свае зберажэнні на карце.
Фота з адкрытых крыніц.
У жыхара Чавус было выяўлена 150 літраў самагоннай брагі – паведамляе chausynews. Як сведчыць мясцовы ўчастковы інспектар міліцыі І. Гулькоў, гэта першы ў Чавускім раёне вядомы выпадак вырабу моцных алкагольных напояў у такім аб’ёме.
Самагооншчыку цяпер пагражае штраф у памеры да 5 базавых велічынь (1 БВ зараз складае 37 рублёў) з канфіскацыяй названых напіткаў, паўфабрыкатаў і апаратаў.
Будні раённай міліцыі – п’яныя пешаходы і веласіпедысты, нецвярозыя вадзіцелі, бяспраўнікі і крадзяжы.
Пра сваю штодзённую працу міліцыянеры распавялі рэсурсу Асіповіцкі край. Прыкладам, толькі за мінулы тыдзень імі папярэджана 169 правапарушэнняў, а да адказнасці прыцягнуты 38 пешаходаў і веласіпедыстаў, два з якіх п’яныя; злоўлены пяць бяспраўнікаў і нецвярозы вадзіцель. Чатыры кіроўцы не прадставілі перавагу ў руху пешаходу, дзесяць чалавек парушылі правілы абгону і перавозкі дзяцей у аўтатранспарце.
Так, за 1 дзень падчас спецыяльнага мерапрыемства “Фільтр” спынена 33 парушэнні правіл дарожнага руху, у тым ліку два – правіл перавозкі дзяцей і па адным – правіл перасячэння чыгуначнага пераезду і парушэнне правіл службовай асобай. Апошняе цікава, бо аказваецца, што выяўленне парушэнняў чыноўнікаў фіксуецца асобна.
Зарэгістравана восем дарожна-транспартных здарэнняў. Так, днём 28 кастрычніка ў вёсцы Жыцін пад коламі аўтамабіля Hyundai апынуўся пяцігадовы хлопчык, які, па папярэдніх даных, выбег на праезную частку з-за прыгараднага аўтобуса. Дзіця з цяжкімі траўмамі шпіталізавана.
29 кастрычніка ў 6.50 на 98 кіламетры трасы Мінск-Гомель 35-гадовы жыхар Бабруйскага раёна, кіруючы аўтамабілем Toyota, наехаў на асіпаўчаніна, які перасякаў праезную частку дарогі ў неналежным месцы і не быў абазначаны святлоадбіваючымі элементамі. У выніку мужчына загінуў.
Аддзелам Дэпартамента аховы выяўлены два факты дробнага крадзяжу. Таксама складзены адміністрацыйныя пратаколы за парушэнне правіл палявання і незаконную транспарціроўку драўніны.
А вось пракуратура Асіповіцкага раёна падобнай драбязой не займаецца. Яна ўзбудзіла крымінальную справу па падазрэнні загадчыцы таварнай фермы ў крадзяжы шляхам злоўжывання службовымі паўнамоцтвамі.
Вось такая руцінная праца выпадае на долю асіповіцкіх і ўвогуле раённых міліцыянераў штотыднёва.
