Звесткі пра пераслед паводле праваабаронцаў, медыяў і родзічаў тых, хто зазнае яго.
Антон Малюга
Асуджаны да трох гадоў калоніі.
Паводле праваабаронцаў нагодаю для крымінальнага пераследу стала, нібыта, збіранне ім звестак аб размяшчэнні воінскіх частак і адсыланне іх у «экстрэмісцкія» тэлеграм-боты.
Малюгу прызналі вінаватым у «садзейнічанні экстрэмісцкай дзейнасці» і «незаконным збіранні звестак, якія складаюць дзяржаўныя сакрэты».
Справу разглядаў суддзя Мікалай Сянько.
Сяргей Раманаў
Змешчаны на месяц у памяшканне камернага тыпу, пішуць праваабаронцы.
Раней яго некалькі разоў змяшчалі ў штрафны ізалятар, а таксама пазбавілі былі рэжымнай перадачы і званкоў родным.
Праваабаронцы нагадваюць, што 22 снежня 2021 году Мінскі абласны суд актывісту анархісцкага руху Раманава асудзіў да 20 гадоў калоніі. Столькі ж далі яго паплечніку Аліневічу. Рэзановіча пакаралі да 19, а Дубоўскага – да 18 гадоў калоніі.
Разглядалі справу ў закрытым рэжыме.
Уладзімір Целяпун
Затрыманы.
Праваабаронцы пішуць, што яго забралі з дому і паводле папярэдніх звестак, яму інкрымінуюць «распаўсюджванне экстрэмісцкай інфармацыі ў Фэйсбуку». Па зняволенні ўтрымліваўся ў Мазырскім аддзеле міліцыі.
Вольга Кронда
Асуджанай да трох гадоў «хатняй хіміі» і штрафу ў 3000 рублёў забаранілі хадзіць у казіно ды гуляць у азартныя гульні, пішуць праваабаронцы.
Кроўду абвінавацілі ў абразе міліцыянта Руслана Куцко і абавязалі сплаціць яму «маральную кампенсацыю», але яна таго не зрабіла і на яе наклалі такія абмежаванні.
Звесткі пра пераслед паводле праваабаронцаў, медыяў і родзічаў тых, хто зазнае яго.
Сяргей Боршч, Сяргей Дзябольскі, Юрый Джэнжэра, Сяргей Ганічаў, Яўген Грыцук, Анастасія Гунько, Арцём Забеленкаў, Наталля Карнеева, Сяргей Кзендзікаў, Дзмітрый Ляўковіч, Алена Латушка, Алена Малькевіч, Ігар Пастухоў, Святлана Саковіч, Сяргей Франчук, Леанід Чырыкаў, Віталь Фесік, Мікіта Саідаў.
Праваабарончай супольнасцю прызнаныя палітзняволенымі, а іх крымінальны пераслед палітычна матываваным.
Яна Пінчук
Этапавалі з Расіі ў Беларусь.
Паводле Генеральнай пракуратуры, Яна Пінчук выдадзеная Расіяй Беларусі для прыцягнення да крымінальнай адказнасці. Абвінавачаная ўжо ў Беларусі.
Яе вінавацяць у адміністраванні «экстрэмісцкіх» тэлеграм-каналаў і інкрымінуюць «распальванне сацыяльнай варожасці», закліку да «дзеянняў супраць нацыянальнай бяспекі» і «стварэнне экстрэмісцкага фармавання».
Пінчук пагражае да 19 гадоў пазбаўлення волі.
Яе арыштавалі ў Санкт-Пецярбургу ў лістападзе 2021 года і ўтрымлівалі ў няволі. Беларускія сілавікі абвясцілі дзяўчыну ў вышук.
Камітэт правоў чалавека ААН прапанаваў Расеі ўстрымацца ад дэпартацыі ў Беларусь Яны Пінчук і забяспечыць абарону яе жыцця і недатыкальнасці да разгляду камітэтам яе скаргі. У Маскве праігнаравалі рэкамендацыі.
Наталля Ганчарэнка
Асуджаная на 3 гады абмежавання волі ў калоніі адкрытага тыпу («хіміі») і вызваленая ў залі суду.
Паводле праваабаронцаў, Наталля Ганчарэнка ўтрымлівалася ў няволі з 31 мая 2022 года ў межах крымінальнай справы аб групавых дзеяннях, што “груба парушалі грамадскі парадак”.
У «пакаяльным відэа», якое з’явілася на праўладных тэлеграм-каналах, яна «прызналася», што перакрывала рух транспарту падчас жнівеньскіх акцый пратэсту ў 2020 годзе, была падпісаныя на «экстрэмісцкія» тэлеграм-каналы, а таксама зарэгістравалася ў плане «Перамога».
Справу на Ганчарэнкі разглядаў суд Маскоўскі раёну Мінска пад старшынствам суддзі Юрыя Машкета.
Паводле праваабаронцаў, экскурсаводка і блогерка на «пакаяльным» відэа кажа, што на адной з экскурсіяў «дапусціла некарэктныя выказванні на адрас Лукашэнкі».
Уладзіслаў Багамольнікаў
Праваслаўны святар арыштаны на 14 дзён адміністрацыйнага арышту.
Паводле праваабаронцаў у яго кватэры сілавікі выламалі дзверы.
Уладзіслаў Багамольнікаў – клірык прыходу храму Богаяўлення Мінску, загадчык Царкоўна-гістарычнага музею БПЦ, сябра епархіяльнага суда Менскай епархіі.
Ён вядомы тым, што служыў на Плошчы Перамен літургію па забітаму Раману Бандарэнку, а таксама абвяшчаў галадоўку ў падтрымку палітвязня і журналіста Ігара Лосіка.
Андрэй Аляксандраў, Ірына Злобіна
Ажаніліся ў следчым ізалятары №1 Мінску, пішуць іхныя калегі.
Абодва прызнаныя праваабарончай супольнасцю, палітвязнямі.
Яны фігуранты «справы БелаПАН». Спачатку ім было выстаўлена абвінавачанне ў «дзеяннях, якія груба парушаюць грамадскі парадак» – за аплату штрафаў удзельнікам масавых пратэстаў 2020 года ў Беларусі. Пазней ім выставілі абвінавачванне ў «здрадзе дзяржаве».
Былы намеснік дырэктара БелаПАН Андрэй Аляксандраў і яго дзяўчына Ірына Злобіна знаходзяцца пад вартай з 12 студзеня 2021 году. Іхныя калега, былы дырэктар Дзмітрый Наважылаў і Ірына Леўшына, якая замяніла яго на гэтай пасадзе – з 18 жніўня.
Звесткі пра пераслед паводле праваабаронцаў, медыяў і родзічаў тых, хто зазнае яго.
Павел Мажэйка
Затрыманы.
Кіраўніка гродненскага«Цэнтру гарадскога жыцця» ў сакавіку 2021 году забіралі разам з мастаком Алесем Пушкіным. Тады Мажэйку вызвалілі пасля 72 гадзін зняволення.
Юлія Юргілевіч
Затрыманая па вяртанні ў Беларусь.
У тэлеграм-каналах пішуць, што ў доме адвакаткі правялі вобшук.
Юлію Юргілевіч выключылі з калегіі адвакатаў Гродна 23 лютага. Яна працавала ім 18 год. Юргілевіч абараняла палітвязняў: мастака Алеся Пушкіна, студэнта-хіміка Арцёма Баярскага, музыканта Ігара Банцара, блогера Вадзімаці і іншых.Звесткі пра пераслед паводле праваабаронцаў, медыяў і родзічаў тых, хто зазнае яго.
Андрэй Маслоў
Асуджаны на 2,5 годы калоніі.
Нагодай для крымінальнага пераследу стала жаданне хлопца далучыцца да добраахвотнікаў ва Ўкраіне.
Прызнаны вінаватым у «падрыхтоўцы да ўдзелу ва ўзброеным канфлікце на тэрыторыі іншай краіны».
Вадзім Хіжнякоў
Змешчаны на паўгода ў памяшканне камернага тыпу.
Ён адбывае пакаранне ў папраўчай калоніі № 1. У ПКТ прабудзе да сканчэння тэрміну зняволення.
Вадзіма Хіжнякова асудзілі на 2,5 гады калоніі за «гвалт у дачыненні да супрацоўнікаў міліцыі». Ён кінуў у амапаўца «неўстаноўлены прадмет» на акцыі пратэсту 27 верасня 2020 года. На судзе віну не прызнаў.
Праваабарончай супольнасцю прызнаны палітзняволеным.
Дзмітрый Дубоўскі
Застаецца ў штрафным ізалятары па сканчэнні 30 прызначаных дзён.
Туды яго адправілі за дысцыплінарныя спагнанні, паведамляюць праваабаронцы.
Яны дапускаюць, што актывіста анархіскага руху маглі адправіць у памяшканне камернага тыпу.
Дубоўскі асуджаны на 18 гадоў калоніі. Праваабарончай супольнасцю прызнаны палітзняволеным.
Марыя Бажынская, Дзмітрый Арцёменка
Адказную сакратарку газеты «Металург» Марыю Бажынскую штрафавалі на 20 базавых велічыняў (320 рублёў).
Сацыёлага Дзмітрыя Арцёменку асудзілі на 12 дзён адміністрацыйнага арышту.
Што стала прычынаю іх пераследу, праваабаронцы спрабуюць высветліць.
Святлана Грышкевіч
Затрыманая.
Паводле праваабаронцаў, экскурсаводка і блогерка на «пакаяльным» відэа кажа, што на адной з экскурсіяў «дапусцілі некарэктныя выказванні на адрас Лукашэнкі».
Кірыл Каржакоў
Затрыманы.
Паводле праваабаронцаў нагодай для зняволення стаў яго ўдзел у акцыях пратэсту 2020 году і, нібыта, распаўсюджванне “экстрэмісцкіх матэрыялаў”.
Павел Мажэйка
Затрыманы.
Кіраўніка гродненскага«Цэнтру гарадскога жыцця» ў сакавіку 2021 году забіралі разам з мастаком Алесем Пушкіным. Тады Мажэйку вызвалілі пасля 72 гадзін зняволення.
Юлія Юргілевіч
Затрыманая па вяртанні ў Беларусь.
У тэлеграм-каналах пішуць, што ў доме адвакаткі правялі вобшук.
Юлію Юргілевіч выключылі з калегіі адвакатаў Гродна 23 лютага. Яна працавала ім 18 год. Юргілевіч абараняла палітвязняў: мастака Алеся Пушкіна, студэнта-хіміка Арцёма Баярскага, музыканта Ігара Банцара, блогера Вадзімаці і іншых.
Звесткі пра пераслед паводле праваабаронцаў, медыяў і родзічаў тых, хто зазнае яго.
Аляксандр Фядута, Рыгор Кастусёў, Юры Зянковіч, Дзяніс Краўчук, Вольга Галубовіч.
Пракурор Міхаіл Кавалёў агучыў пазіцыю дзяржавы адносна пакарання фігурантаў справы аб «змове з мэтаю захопу дзяржаўнай улады не канстытуцыйным чынам».
– 12 гадоў калоніі для палітолага і літаратуразнаўцы Аляксандра Фядуты, абвінавачанага паводле часткі 1 артыкул 357 Крымінальнага кодэксу «змова з мэтаю захопу дзяржаўнай улады неканстытуцыйным шляхам;
– 12 гадоў калоніі для старшыні партыі БНФ Рыгора Кастусёва, абвінавачанага паводле часткі 1 артыкул 357 Крымінальнага кодэксу «змова з мэтаю захопу дзяржаўнай улады неканстытуцыйным шляхам;
– 12 гадоў калоніі для юрыста Юрыя Зянковіча, абвінавачанага паводле часткі 1 артыкулу 357 Крымінальнага кодэксу «змова з мэтай захопу дзяржаўнай улады неканстытуцыйным шляхам», часткі 1 артыкулу 361-1 Крымінальнага кодэксу «стварэнне экстрэмісцкага фармавання і кіраўніцтва ім», часткі 3 артыкулу 361 Крымінальнага кодэксу «публічныя заклікі да захопу дзяржаўнай улады», часткі 3 артыкулу 130 Крымінальнага кодэксу «распальванне сацыяльнай варожасці»;
– 3 гады калоніі для супрацоўніца мінскага офісу Зянковіча Вольга Галубовіч, абвінавачанай паводле артыкулу 342 Крымінальнага кодэксу «актыўны ўдзел у групавых дзеяннях, якія груба парушаюць грамадскі парадак»;
– 3 гады калоніі для актывіста і дальнабойніка Дзяніса Краўчука, абвінавачанага паводле артыкулу 342 Крымінальнага кодэксу «актыўны ўдзел у групавых дзеяннях, якія груба парушаюць грамадскі парадак».
Аляксей Іванчыкаў, Андрэй Андрэеў, Аляксандр Комар.
Праваабарончай супольнасцю прызнаныя палітвязнямі, а іх крымінальны пераслед палітычна матываваным.
Павел Вінаградаў.
Змешчаны ў штрафны ізалятар.
Пра гэта даведалася ягоная жонка. Паводле яе мужа пакаралі штрафным ізалятарам за спагнанні і там ён прабудзе да 2 верасня.
У Паўла Вінаградава дыягнаставаныя сухоты. 28 ліпеня яго перавялі ў аршанскую папраўчую калонію № 12, дзе ўтрымліваюцца і лечацца асуджаныя, хворыя на актыўную форму гэтай хваробы.
У турме ён схуднеў на 36 кілаграмаў.
Дзмітрый Каспяровіч.
Затрыманы.
Паводле праваабаронцаў, якія спасылаюцца на праўладныя тэлеграм-каналы, нагодай для пераследу стаў удзел у пратэстах 2020 году.
Дзяніс Навалаеў, Андрэй Віталёў.
Затрыманыя.
Праваабаронцы пішуць, што на апублікаваных «пакаяльных відэа» яны кажуць, што ў 2020 годзе ездзілі некалькі разоў у Мінск на акцыі пратэсту.
Абвешчаны рэзалюцыяй Асамблеі Арганізацыі Аб’яднаных Нацыяў у 2010 годзе.
Міжнародная канвенцыя аб абароне асобаў ад гвалтоўных знікненняў была прынятая 20 снежня 2006 года Генеральнай асамблеяй ААН.
Ею заяўлялася заклапочанасьць павелічэннем колькасці гвалтоўных або не добраахвотных знікненняў у свеце. Сярод іх называліся арышт, затрыманні і выкраданні. Занепакоенасць была выказаная ростам паведамленняў аб пераследзе, жорсткім абыходжанні і запалохванні, якія зазнаюць сведкі або сваякі зніклых асобаў.
Дакумент падпісалі амаль 100 дзяржаваў, 50 ужо ратыфікавалі. Беларусь падпісала канвенцыю, але не ратыфікавала.
У 1999 годзе ў Беларусі бясследна зніклі: былы міністр унутраных спраў Юры Захаранка і віцэ-спікер Вярхоўнага Савета XIII склікання Віктар Ганчар, а таксама прадпрымальнік Анатоль Красоўскі ды былы асабісты аператар Лукашэнкі, аператар расійскага тэлеканалу ОРТ Дзмітрый Завадскі.
1481 год. Пакараныя смерцю на публічным абезгалоўліванні князі Іван Гальшанскі і Міхаіл Алелькавіч.
Іх звінавацілі ў змове супраць Караля польскага і Вялікага князя літоўскага Казіміра.
Змоўнікаў пакаралі ў Вільні.
Паводле адной версіі, змоўнікі збіраліся запрасіць караля ў Кобрын на вяселле, на якім забіць і ўзвесці на велікакняжацкі сталец Міхаіла Алелькавіча.
Паводле іншай версіі, забіць караля Казіміра хацелі, каб адарваць ад Вялікага Княства Літоўскага і далучыць да Маскоўшчыны землі да Бярэзіны.
1866 год. Нарадзіўся Канстанцін Скірмунт.
Гаспадарчы і палітычны дзеяч Беларусі і Польшчы, дыпламат.
Адзін з заснавальнікаў Гродзенскага таварыства сельскай гаспадаркі, Мінскага таварыства ўзаемнага страхавання, Краёвай партыі Літвы і Беларусі, Польскага нацыянальнага камітэту ў Парыжы.
У 1909–1917 гадах быў членам Дзяржаўнага савету ад Гродзенскай губерні.
Амбасадар Польшчы ў Італіі, Вялікабрытаніі, у 1921-1922 гадах міністр замежных спраў Польшчы.
1885 год. Памёр Юльян Корсак.
Паэт і перакладчык.
Блізкі сябар літаратараў Адама Міцкевіча і Антона Адынца.
Аўтар двух зборнікаў вершаў, сярод якіх былі творы з беларускай тэматыкай.
Развіваў рамантычны стыль лірычнай паэзіі, у якой выкарыстоўваў класічныя i беларускія фальклорныя матывы.
Некаторыя вершы пакладзены на музыку Станіславам Манюшкам.
1893 год. У Магілёве адбыўся землятрус.
Яго сіла клала 4 балы па шкале Рыхтэра.
Яшчэ фіксаваліся землятрусы 12 лістапада 1896 года, 4 балы, 4 сакавіка 1977, 4-5 балаў, 30 мая 1990, 3-4 балы.
1919 год. Утворана Мінская беларуская школьная рада.
Дзейнічала ў 1919-1920 гадах і стала асновай для стварэння Беларускай цэнтральнай школьнай рады.
У прэзідыум Рады ўваходзілі Сымон Рак-Міхайлоўскі (старшыня), Вацлаў Іваноўскі, Усевалад Ігнатоўскі, Аркадзь Смоліч.
Рада кіравала дзейнасцю беларускіх навучальных устаноў Мінскай губерні, стварала беларускія школы і культурна-асветныя гурткі, павятовыя і валасныя беларускія школьныя рады, арганізавала ў Мінску і Слуцку беларускія настаўніцкія курсы.
Намагалася стварыць беларускі нацыянальны ўніверсітэт.
Спыніла дзейнасць у ліпені 1920 году з прыходам бальшавікоў.
1929 год. Памёр Паўлюк Трус.
Паэт, публіцыст. Сябра літаратурнага аб’яднання «Маладняк».
Скончыў Беларускі педагагічны тэхнікум, у якім наведваў лекцыі Якуба Коласа, Міхайлы Грамыкі, Усевалада Ігнатоўскага, сустракаўся з Янкам Купалам.
Быў пастаянным удзельнікам студэнцкага хору, пастановак п’ес.
Займаўся апрацоўкай фальклорна-паэтычных матэрыялаў для кампазітараў.
Выдаў два зборнікі паэзіі «Вершы», суаўтар серыі літаратурных пародыяў.
Пасмяротна выйшлі «Творы» (1935), кнігі Выбраных твораў (10 выданняў, у 1931-1979), «Новай квадры настаў маладзік» (вершы і паэмы, 1984).
Для дзяцей была выдадзеная кніга паэзіі «Падаюць сняжынкі» (1983).
У гонар Паўлюка Труса названыя вуліцы ў Мінску і Уздзе.
1954 год. Нарадзіўся Аляксандр Лукашэнка.
Палітык.
У 1994 годзе абраны прэзідэнтам Рэспублікі Беларусі. У выніку рэферэндумаў працягнуў свае паўнамоцтвы і дамогся фактычна пажыццёвага кіравання краінаю.
У 2020 годзе адбыліся масавыя пратэсты супраць вынікаў чарговых прэзідэнцкіх выбараў, на якіх абвясцілі Лукашэнку пераможцам. Пратэсты былі жорстка здушаныя. Рэпрэсіі трываюць дагэтуль. Лукашэнка не прызнаны кіраўніком дзяржавы краінамі Захаду.
Лукашэнка скончыў гістарычны факультэт Магілёўскага педагагічнага інстытуту і Беларускую сельскагаспадарчую акадэмію.
Працаваў на партыйных, адміністрацыйных пасадах у Шклове і Шклоўскім раёне.
1975 год. Нарадзілася Наталля Цылінская.
Веласіпедыстка, палітык.
Васьміразовая чэмпіёнка свету, бронзавы прызёр Алімпійскіх гульняў 2004. Заслужаны майстар спорту Беларусі.
Член Канстытуцыйнай камісіі па змяненні Канстытуцыі Беларусі.
2009 год. На Radom Air Show у польскім Радаме разбіўся беларускі знішчальнік СУ-27 з 61-авіябазы з-пад Баранавічаў.
Загінулі два лётчыкі-беларусы: палкоўнікі Аляксандр Жураўлевіч і Аляксандр Марфіцкі.
Жураўлевіч быў кіраўніком другой у гісторыі Беларусі авіяцыйнай акрабатычнай групы «Крылы Беларусі», якую створанылі ў 2009 годзе.
Лётчыкі выконвалі складаную фігуру пілатажу.
Пілотам загадалі катапультавацца, але яны не падпарадкаваліся, бо самалёт быў заблізка да гледачоў і жылых пабудоў. Машына абрынулася за 100 метраў ад дамоў.
Рашэннем Рады гміны Гузд у 2010 годзе каля Радаму паставілі помнік беларускім лётчыкам.
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
Звесткі пра пераслед паводле праваабаронцаў, мэдыяў і родзічаў тых, хто зазнае яго.
Сцяпан Талкачоў
Асуджаны на 2,5 гады пазбаўлення волі ў папраўчай калоніі агульнага рэжыму.
Нагодай для пакарання стаў каментар «па справе Зельцара».
Паводле праваабаронцаў, Талкачова абвінавацілі ў «распальванні расавай, нацыянальнай, рэлігійнай або іншай сацыяльнай варожасці ці варажнечы». Сваёй віны ён не прызнаў.
Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры. Пазней стала вядома, што ім аказаўся Андрэй Зельцар, супрацоўнік кампаніі EPAM Systems.
За каментары ў сацсетках у «справе Зельцара» затрымалі ўжо каля 200 чалавек.
Мікалай Галаўкоў
Асуджаны на тры гады.
Паводле праваабаронцаў нагодай для крымінальнага пераследу быў той жа каментар «па справе Зельцара». Галаўкова асудзілі «за абразу прадстаўніка ўлады, Лукашэнкі і дыскрэдытацыю Рэспублікі Беларусь».
Захар Сабін
Затрыманы.
Праваабаронцы дапускаюць, што нагодаю для зняволення гітарыста рок-гурта Detroit hills маглі стаць рэпосты з «экстрэмісцкіх» каналаў.
Андрэй Цімафеенка
Адбыў зняволенне.
Паводле праваабаронцаў, 48-гадовага жыхара Віцебску асудзілі на два гады калоніі «за гвалт над супрацоўнікам міліцыі». Ён “перашкаджаў міліцыянту выконваць службовыя абавязкі і правакаваў яго на ўжыванне фізічнай сілы”.
Праваабарончай супольнасцю прызнаны палітзняволеным.
Звесткі пра пераслед паводле праваабаронцаў, медыяў і родзічаў тых, хто зазнае яго.
Адам Саўко
Этапаваны ў следчы ізалятар Віцебску.
Суд Фрунзенскага раёну Мінска 1 ліпеня пакараў 19-гадовага хлопца на 5 гадоў калоніі за «ўдзел у масавых беспарадках».
Праваабарончай супольнасцю прызнаны палітвязнем.
Андрэй Мацонка
Затрыманы.
Праваабаронцы, спасылаючыся на праўладныя тэлеграм-каналы, паведамляюць, што яму інкрымінаваныя «абраза Лукашэнкі» і «незаконныя дзеянні ў адносінах да інфармацыі аб прыватным жыцці і персанальных дадзеных».
Аляксандр Захарэвіч
Адбыў няволю.
Паводле праваабаронцаў, Захарэвіча затрымалі 1 лістапада 2020 года на акцыі пратэсту і асудзілі спачатку на 9 дзён адміністрацыйнага арышту. Па іх адбыванні, яго звінавацілі ў «гвалце над супрацоўнікам органа ўнутраных спраў». Захарэвіч, нібы, наступіў на нагу міліцыянту падчас уцёкаў.
Сваёй віны ў судзе не прызнаў, але быў асуджаны на два гады пазбаўлення волі.
Звесткі пра пераслед паводле праваабаронцаў, мэдыяў і родзічаў тых, хто зазнае яго.
Андрэй Уткін
Асуджаны на два гады калоніі.
Праваабаронцы пішуць, што яго абвінавацілі у садзейнічанні экстрэмісцкай дзейнасці. Ён пераслаў тэлеграм-каналу, які лічыцца «экстрэмісцкім», фота з расійскай тэхнікай.
Андрэй Уткін прызнаны праваабарончай супольнасцю палітзняволеным.
Арцём Калашук
Асуджаны на 8 месяцаў калоніі агульнага рэжыму.
Паводле праваабаронцаў жыхара Магілёва Чавускі раённы суд прызнаў вінаватым «у абразе прадстаўніка ўлады», «абразе Лукашэнкі» і «абразе суддзі».
Нагодай для крымінальнага пераследу сталі каментары ў сацыяльных сетках.
Станіслаў Паўлінковіч
20 дзён утрымліваецца ў штрафным ізалятары. Туды яго адпраўляюць рэгулярна пасьля таго, як перавялі з калоніі, пішуць праваабаронцы.
Першапачаткова ён адбываў двухгадовае абмежаванне волі за знявагу суддзі ў папраўчай установе № 39 у Крупках. Туды прыбыў у сакавіку 2021 году.
29 красавіка 2022 году, па заяве адміністрацыі спецкамендатуры, суд замяніў Паўлінкавічу «хімію» на рэальнае пазбаўленне волі ў калоніі.
Паўлінковіч прызнаны праваабарончай супольнасцю палітзняволеным.
Ніна Багінская
75-гадовай удзельніцы пратэстаў, на якія яна заўжды прыходзіць з бел-чырвона-белым сцягам, суд наклаў дадатковыя абмежаванні.
Кабеце забаранілі выязджаць з Беларусі, наведваць казіно, а таксама гуляць у азартныя гульні.
Раней ёй забаранілі паляваць, кіраваць машынай і маламернымі судамі, а аператарам сувязі забаронена прадстаўляць ёй паслугі інтэрнэту, мабільнай сувязі і тэлебачання.
Паводле праваабаронцаў, у красавіку Багінскую аштрафавалі на 1600 рублёў за тое, што выйшла са сцягам у цэнтр Мінску на Дзень Волі. Штраф аплачваць яна адмовілася, што стала нагодай для накладання абмежаванняў.
Барыс Хамайда
Затрыманы.
Паводле праваабаронцаў яго забралі ў судзе, куды ён прыйшоў на працэс над журналісткай Таццянай Мацвеевай.
Хамайда на патрабаванне міліцыянта адмовіўся зняць медальён з Пагоняю. Міліцыянт Уладзіслаў Шышкавец выклікаў службовую машыну, якою Барыса Хамайду павезлі ў РАУС. Адтуль ён не выйшаў.
Елена Латушка
Затрыманая.
Яна жонка, палітзняволенага Анатоля Латушка. Паводле праваабаронцаў у ейным доме адбыўся ператрус, у рамках расследавання крымінальнай справы, распачатай за арганізацыю і падрыхтоўку дзеянняў, якія груба парушалі грамадскі парадак, або актыўны ўдзел у іх.
Фігурантаў справы Анатолія Латушку, Алену Маліноўскую ды Лілію Ананян вінавацяць у «злосным хуліганстве», «перашкодзе ажыццяўленню права на ўдзел у рэферэндуме, працы Цэнтрвыбаркаму» і «знявазе дзяржаўных сімвалаў».
Звесткі пра пераслед паводле праваабаронцаў, мэдыяў і родзічаў тых, хто зазнае яго.
Павел Абуховіч, Аляксей Грыцкевіч, Павел Бабчанок, Уладзімір Рабчанка, Уладзімір Прадкін, Іван Супрунчык, Віталь Гузаў, Аляксей Парэцкі, Роберт Кузняцоў, Аляксей Багдзей.
Прызнаныя палітвязнямі.
Праваабарончая супольнасць лічаць іх справы палітычна матываванымі.
На 25 жніўня ў Беларусі прызнаныя палітычнымі вязнямі 1307 чалавек.
Ілля Гольцаў
Асуджаны на 1,5 гады калоніі агульнага рэжыму.
Суддзя з Гомельскага абласнога суду Васіль Бягун прызнаў яго вінаватым у «распальванні варожасці ці варажнечы», пішуць праваабаронцы.
Міхаіл Міхута
Асуджаны на 5 гадоў «хатняй хіміі» – абмежаванне волі без накіравання ў папраўчую ўстанову адкрытага тыпу.
Чэмпіёна Еўропы і віцэ-чэмпіёна свету па гандболе суд Зэльвенскага раёну абвінаваціў у «абразе Лукашэнкі» і «паклёпе на Лукашэнку».
Паводле праваабаронцаў, справу Міхуты разглядала суддзя Люцыя Жук.
Нагодай для крымінальнага пераследу сталі каментары ў сацыяльных сетках, апублікаваныя ў 2010 годзе.
Таццяна Мацвеева
Віцебскую журналістку пасадзілі на 8 дзён адміністрацыйнага арышту.
Нагодай для пераследу сталі «аватаркі ў сацыяльных сетках», паведамляюць праваабаронцы. Іх суд кваліфікаваў, як «парушэнне парадку арганізацыі або правядзення масавых мерапрыемстваў».
Журналістку затрымалі яшчэ 29 ліпеня, але разгляд справы адкладалі.
Ілля Сілянкоў
Адбыў пакаранне і вызвалены.
Яго асудзілі на 1,5 гады «хіміі» за абразу Лукашэнкі. Іх адбываў у папраўчай установе адкрытага тыпу №9.
Як пішуць праваабаронцы, студэнт 4 курсу Гомельскага дзяржаўнага тэхнічнага ўніверсітэту 13 жніўня 2020 года расклеіў і раскідаў не менш за 17 улётак з выявай Лукашэнкі і надпісамі, якія, як палічыў суд, «прынізілі яго гонар і годнасць».
Звесткі пра пераслед паводле праваабаронцаў, мэдыяў і родзічаў тых, хто зазнае яго.
Таццяна Мацяеўская
Асуджаная да 2,5 гадоў «хатняй хіміі» (абмежаванне волі без накіравання ў папраўчую калонію).
Паводле праваабаронцаў, 61-гадовую жанчыну суд Кастрычніцкага раёну Гродна прызнаў вінаватай у абразе Лукашэнкі. Справу разглядаў суддзя Уладзімір Пазняк.
Нагодай для пераследу сталі «ўпадабайкі» пад карыкатурнымі выявамі ў сацыяльных сетках.
Сяргей Марозаў
На волі, але аштрафаваны.
Яго забралі з аўтафестывалю «Лакацыя», што праходзіў 20 жніўня ў Гродне.
Паводле праваабаронцаў, нагодай для затрымання сталі беларускія татуіроўкі. Аштрафавалі ж яго за «экстрэмісцкія» падпіскі ў Instagram. Марозаў мае заплаціць 640 рублёў (20 базавых велічыняў).
Станіслаў Рубашэўскі
Затрыманы.
Паводле праваабаронцаў, схоплены за ўдзел у акцыях пратэсту 2020 году і дасыланне знаёмай спасылкі на «экстрэмісцкі» тэлеграм-канал.
Вольга Барушка
Затрыманая.
Урача-анестэзіёлага, як пішуць праваабаронцы, схапілі па падазрэнні ў абразе супрацоўнікаў сілавых структураў.
Аляксандра Доўгая
Затрыманая.
Праваабаронцы пішуць, спасылаючыся на праўладныя тэлеграм-каналы, што жанчыну зняволілі за відэа супраць расійскіх вайскоўцаў і падтрымку Ўкраіны. Свой ролік яна выклала на TikTok-старонцы.
Аляксандра Доўгая даглядае дзіця з інваліднасцю.
Арцём Ананіч
Затрыманы.
Яму інкрымінуюць удзел у акцыях пратэсту 2020 году і перакрыванне праезнай часткі дарог. Сілавікі запісалі «пакаяльнае відэа».
Наталля Карнеева
Затрымана.
Праваабаронцы дапускаюць, што разам з ёю схоплены і ейны муж.
Затрыманні адбыліся 19 жніўня.
Наталля – мастак, педагог і кераміст з вопытам работы больш за 13 гадоў. Яна праводзіла майстар-класы па лепцы з гліны.
