Tag: кража

У Касцюковіцкім раёне прадавачка нацягала з касы каля пяці тысяч рублёў

Навіна ад

Падчас інвентарызацыі выявілі крадзёж грошай з вясковай крамы. 

Як паведамляюць ва Упраўленні ўнутраных спраў Магілёўскага аблвыканкама, у выніку інвентарызацыі аднаго з раённых гандлёвых аб’ектаў была выяўлена значная нястача.

Падчас праверкі праваахоўнікі высветлілі, што 48-гадовая прадавачка, выконваючы абавязкі загадчыцы крамы, на працягу некалькіх месяцаў прысвойвала тавары і грошы гандлёвага аб’екта. 

Прадукты жанчына перапрадавала мясцовым жыхарам, а грошы з касы траціла на сябе. Шкода касцюковіцкаму райпо ацэньваецца на агульную суму каля 4 700 рублёў.

Узбуджана крымінальная справа. 

Фота ілюстрацыйнае 

У Хоцімскім раёне начальства скрала паўсотні тон угнаенняў, падкупала работніцу, але тая іх выдала

Навіна ад

Крадзёж са злоўжываннем службовымі паўнамоцтвамі і замах на дачу хабару інкрымінаваны 55-гадоваму намесніку дырэктара аграрнага прадпрыемства Хоцімскага раёна і яго саўдзельніку, 51-гадоваму жыхару Краснаполля. 

Як паведамляе генеральная пракуратура, дзейнічаючы па папярэдняй змове, абвінавачаныя выкралі 47,5 тон угнаенняў коштам больш як 7 тысяч беларускіх рублёў. Затым гэтыя ўгнаенні яны вывезлі ў Расію і прадалі там.

Для ўтойвання гэтага факта зламыснікі спрабавалі падкупіць загадчыцу склада сельгаспрадпрыемства. Аднак жанчына не прыняла 30 тысяч расійскіх рублёў хабару і крадзёж быў раскрыты дзякуючы ёй.

Пасля таго як абвінавачаныя даведаліся, што пра крадзёж стала вядома, то разам з калегам з іншага сельгаспрадпрыемства, намеснік дырэктара выкраў яшчэ 48,5 тон аналагічных мінеральных угнаенняў. Гэтыя ўгнаенні даставілі на склад замест раней выкрадзеных. 

Такім чынам, сукупная шкода ад злачыннай дзейнасці намесніка дырэктара і яго саўдзельніка перавысіла 11 тысяч беларускіх рублёў. 

Зламыснікі знаходзяцца зараз пад вартай, у іх дачыненні заведзена крымінальная справа.

Фота ілюстрацыйнае

У Магілёве юнак абнёс чужы гараж праз дзірку ў даху

Навіна ад

Магілёвец залез праз дах у чужы гараж і скраў у пенсіянера рэчы на 1100 рублёў.

Як паведаміла афіцыйны прадстаўнік Ленінскага раённага ўпраўлення ўнутраных спраў Магілёва Алена Сіманава, у міліцыю звярнуўся 87-гадовы мужчына, які расказаў, што ў яго з гаража быў выкрадзены паўпрычэп, касілка, а таксама сокавыціскалка і металічная бочка на агульную суму каля 1100 рублёў.

Следчыя высветлілі, што чужую маёмасць краў 20-гадовы хлопец, які нідзе не працуе. Больш за тое, раней ён ужо быў судзімы за крадзяжы. 

Праходзячы міма гаражнага масіва, малады чалавек звярнуў увагу на пашкоджаны дах у адным з чужых памяшканняў. Злачынца праз дах забраўся ўнутр гаража, незаўважна вынес адтуль каштоўную маёмасць, якую пасля перапрадаў на метал, а грошы патраціў на асабістыя патрэбы.

У дачыненні да фігуранта злачынства распачата крымінальная справа.

Фота ілюстрацыйнае

Жыхар Асіповіч не дасыпаў шчабёнку ў дарожную сумесь і “наэканоміў” 35 тон

Навіна ад

Як высветлілі праваахоўнікі, 26-гадовы жыхар Асіповіч, супрацоўнік адной з дарожных арганізацый, парушаў тэхналагічны працэс і перыядычна не дасыпаў у дарожную сумесь неабходную колькасць шчабёнкі. Гэта прыводзіла да пагаршэння якасці складу дарожнага пакрыцця.

Агулам мужчыне ўдалося “сэканоміць” 35 тон друзу, якія ён планаваў прадаць за 1 200 рублёў. Падчас спробы продажу яго і затрымала міліцыя – паведамляе прэс-служба абласнога УУС.

Фота: УУС

Магілёвец месяц прыкідваўся п’яным пакупніком, а сам цішком цягаў прадукты з крамы

Навіна ад

Жыхар Магілёва, раней неаднаразова судзімы, на працягу месяца вадзіў за нос работнікаў прадуктовай крамы ў абласным цэнтры. На касе ён прыкідваўся перад прадаўцамі выпівохай, што прыйшоў за дагонам, а сам незаўважна перакладваў тавары з пакупніцкага кошыка ў свой пакет у ячэйцы камеры захоўвання. За месяц ён у сукупнасці абакраў магазін на 2 000 рублёў. Тавары з крамы ён перапрадаваў іншым асобам – паведамляе прэс-служба абласнога УУС.

Фота ілюстрацыйнае.

Спаліўся на крадзяжы алкаголя і ласіных рагоў – сяльчанін гадамі абкрадаў аднавяскоўцаў

Навіна ад

Уладальнік дачнага дома стаў ахвярай злодзея, аднак сістэма відэаназірання зафіксавала злачынцу.

Як паведаміў начальнік Крычаўскага міжраённага аддзела Дзяржаўнага камітэта судовых экспертыз Мікалай Войтаў, у доме, які пацярпелы выкарыстоўвае як лецішча, невядомы разбіў акно, пракраўся ўнутр і выкраў спіртное і ласіныя рогі. Скрадзенае гаспадар дома ацаніў у суму больш за 300 рублёў.

Аднак устаноўленая ў доме сістэма відэаназірання дазволіла гаспадару апазнаць у злодзеі аднавяскоўца – 48-гадовага жыхара аграгарадка Верамейкі. Больш за тое, падчас агляду месца здарэння спецыяліст Дзяржаўнага камітэта судовых экспертыз зняў след абутку, які па выніках правядзення экспертызы супаў з падэшвай гумовага бота падазраванага.

Супрацоўнікі міліцыі затрымалі мужчыну. Падчас расследавання вясковец прызнаўся, што здзейсніў яшчэ два крадзяжы з дамоў сваіх аднавяскоўцаў у 2020 і 2022 гадах.

Такім чынам, вынікі расследавання надзвычайнага здарэння двазволілі раскрыць цэлы шэраг злачынстваў, здзейсненых жыхаром Верамеек. У дачыненні да мужчыны Чэрыкаўскім раённым аддзелам Следчага камітэта ўзбуджана крымінальная справа.

Фота ілюстрацынае

Рэцыдывіст у Магілёве лёгка абакраў ангар, таму што раней у ім працаваў

Навіна ад

З прыватнага ангара па завулку Гаражным у Магілёве невядомы выкраў маёмасць на агульную суму каля 1500 беларускіх рублёў – паведамляе прэс-служба УУС аблвыканкама. 

Сышчыкі высветлілі, што чужыя рэчы вынес 37-гадовы беспрацоўны, ужо судзімы магілёвец. Раней ён працаваў у заяўніка і ведаў працоўны распарадак, а таксама тое, як можна адчыніць уваходныя дзверы. Ён неаднаразова прабіраўся ўнутр ангара, адкуль і вынес дарагія рэчы. 

Фота мае ілюстрацыйны характар

“Укралі са склада” – двое работнікаў шчыра прызналіся свайму кіраўніку, адкуль вязуць зерне

Навіна ад

Двух работнікаў сельскагаспадарчага прадпрыемства ў Горацкім раёне позна вечарам на дарозе сустрэў кіраўнік гэтай арганізацыі. Ён пабачыў, што мужчыны вязуць на падводзе два мяшкі зерня. Як потым высветлілася, на 820 кілаграмаў. На пытанне кіраўніка, адкуль узялі мяшкі, работнікі шчыра прызналіся, што скралі іх са склада арганізацыі. Начальнік выклікаў міліцыю і дзежураваў каля злодзеяў да прыезда праваахоўнікаў.

Камітэт судовых экспертыз пацвердзіў – пранікнуць на склад прасцей простага, а на ўваходзе быў выяўлены адбітак абутку аднаго з работнікаў, затрыманых дырэктарам – паведамляе прэс-служба Камітэта.

Фота: Прэс-служба Камітэта судовых экспертыз

Магілёвец скраў упрыгожванні ў сваёй дзяўчыны, як толькі яна дала яму ключы

Навіна ад

Магілёвец выкраў з кватэры сваёй дзяўчыны залатыя ўпрыгожванні на агульную суму амаль 5 000 тысяч рублёў – паведамляе прэс-служба УУС Магілёўскага блвыканкама.

Устаноўлена, што напярэдадні дзяўчына аддала ключы ад кватэры свайму хлопцу, які выкраў яе маёмасць і здаў каштоўнасці ў ламбард. Атрыманыя грошы патраціў на пагашэнне сваіх пазык. Узбуджана крымінальная справа. Выкрадзеная маёмасць канфіскавана і вернута ўладальніцы.

Фота ілюстрацыйнае

Ні грошай ні відэакамеры – жыхар Быхаўшчыны выпіваў з незнаёмцам, злодзея знайшлі па пальчыках

Навіна ад

Злачынцу знайшлі ў Магілёве, аднак грошы ён ужо прагуляў.

Жыхар вёскі Мокрае Быхаўскага раёна звярнуўся ў міліцыю з паведамленнем аб крадзяжы. Паводле яго слоў, ён прывёў у свой дом наглядна знаёмага мужчыну, разам з якім яны распівалі спіртныя напоі. Падчас размовы гаспадар прагаварыўся госцю, дзе захоўвае свае грашовыя зберажэнні. На наступны дзень, прачнуўшыся, выявіў, што госць скраў грошы разам з відэакамерай. Прычым пацярпелы нічога акрамя імя пра госця не ведаў. 

Падчас агляду месца здарэння следча-аператыўнай групай спецыяліст Быхаўскага міжраённага аддзела Дзяржаўнага камітэта судовых экспертыз зняў сляды рук. Пры іх праверцы па аўтаматызаванай дактыласкапічнай ідэнтыфікацыйнай сістэме было ўстаноўлена, што сляды пакінуты 45-гадовым ураджэнцам Быхаўскага раёна.

Як піша bykhov.by супрацоўнікі органаў унутраных справаў затрымалі мужчыну ў г. Магілёве. Падчас гутаркі затрыманы ў здзейсненым крадзяжы прызнаўся, аднак выявілася, што амаль усе грошы пацярпелага мужчына паспеў патраціць. 

Фота: bykhov.by