Tag: быховский район

Быхаўчанін скарміў сабаку тушы мёртвых баброў і атрымаў крыміналку

Навіна ад

Знайшоў двух мёртвых баброў, і гэта абярнулася для жыхара Быхаўскага раёна крымінальнай адказнасцю.

Як высветліла следства, абвінавачаны ў пачатку лютага гэтага года, знаходзячыся ў пойме ракі Друць, паблізу вёскі Хамічы Быхаўскага раёна, знайшоў у лёдзе двух мёртвых баброў. Пры дапамозе сякеры мужчына дастаў целы жывёл, а пасля завёз іх дадому і разабраў, каб скарміць свайму сабаку – паведамляе інфармацыйнае агенства БелТА.

Пракуратура палічыла, што мужчына нанёс навакольнаму асяроддзю шкоду, роўную 5180 рублёў (140 базавых велічынь). У судзе абвінавачаны прызнаў сваю віну цалкам. Аднак заўважыў, што не ведаў аб крымінальнай адказнасці за перамяшчэнне і разборку дзікай жывёлы.

Паводле правілаў паляванне транспарціроўка і разборка дзікіх жывёл, у тым ліку загінулых ці іх частак, без дакументаў, прадугледжаных заканадаўствам, забараняюцца. 

У выніку мужчыну прызначана пакаранне ў выглядзе аднаго года абмежавання волі без накіравання ў папраўчую ўстанову адкрытага тыпу.

Фота ілюстрацыйнае

Ні грошай ні відэакамеры – жыхар Быхаўшчыны выпіваў з незнаёмцам, злодзея знайшлі па пальчыках

Навіна ад

Злачынцу знайшлі ў Магілёве, аднак грошы ён ужо прагуляў.

Жыхар вёскі Мокрае Быхаўскага раёна звярнуўся ў міліцыю з паведамленнем аб крадзяжы. Паводле яго слоў, ён прывёў у свой дом наглядна знаёмага мужчыну, разам з якім яны распівалі спіртныя напоі. Падчас размовы гаспадар прагаварыўся госцю, дзе захоўвае свае грашовыя зберажэнні. На наступны дзень, прачнуўшыся, выявіў, што госць скраў грошы разам з відэакамерай. Прычым пацярпелы нічога акрамя імя пра госця не ведаў. 

Падчас агляду месца здарэння следча-аператыўнай групай спецыяліст Быхаўскага міжраённага аддзела Дзяржаўнага камітэта судовых экспертыз зняў сляды рук. Пры іх праверцы па аўтаматызаванай дактыласкапічнай ідэнтыфікацыйнай сістэме было ўстаноўлена, што сляды пакінуты 45-гадовым ураджэнцам Быхаўскага раёна.

Як піша bykhov.by супрацоўнікі органаў унутраных справаў затрымалі мужчыну ў г. Магілёве. Падчас гутаркі затрыманы ў здзейсненым крадзяжы прызнаўся, аднак выявілася, што амаль усе грошы пацярпелага мужчына паспеў патраціць. 

Фота: bykhov.by

Пенсіянер загінуў у Абідавічах на пажары

Навіна ад

У Абідавічах Быхаўскага раёна 25 лістапада адбыўся пажар у прыватным доме. Трагедыя здарылася ў 13.16. Ратавальнікі выявілі цела пенсіянера 1959 года нараджэння – перадае БелТА са словаў прэс-службы абласнога МНС. Сам дом належыць іншай жыхарцы аграгарадка, жанчыне 1961 года нараджэння. Яна не пацярпела. Прычыны пажару высвятляюцца.

Фота ўзята з адкрытых крыніц і мае ілустрацыйны характар.

Падгор’е – лірычнае відэа з былога фальварка ў Быхаўскім раёне

Навіна ад

Падымаем настрой выхаднога восеньскага дня відэазамалёўкай з Быхаўскага раёна. 

 

Вёска Падгор’е знаходзіцца далёка ад турыстычных маршрутаў, але тут ёсць на што паглядзець выпадковаму падарожніку. Стары млын і вінакурня захаваліся з часоў, калі ў вёсцы размяшчаўся фальварак. Будынкі канца ХІХ – пачатку ХХ стагоддзяў крыху пашкоджаныя часам, але збольшага пакінулі свой аўтэнтычны выгляд і трывалы стан. 

Загінуў машыніст – у Быхаўскім раёне абрынулася кацельня

Навіна ад

Трагедыя адбылася ў вёсцы Нераж Быхаўскага раёна. Паваліўся дах і частка сцяны будынка кацельні. Работнікі МНС знайшлі і дасталі з-пад завалаў чалавека. Медыкі канстатавалі яго смерць. Загінулым аказаўся  машыніст кацельні 1972 г.н. Паведамленне пра здарэнне паступіла ў экстранную службу МНС у 10:42.

Уласнікам кацельні з’яўляецца Быхаўскі жылкамгас. Прычыны абрушэння ўстанаўліваюцца.