Tag: больница

Навіны пабрацімаў. Кіраўнік Мікалаеўскай вобласці заклікае жыхароў эвакуявацца

Навіна ад

Кіраўнік абласной ваеннай адміністрацыі Віталій Кім раіць жыхарам вобласці, якія не дапамагаюць войску і не занятыя працай, пакінуць яе.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Сітуацыя ў Мікалаеўскай вобласці застаецца напружанай. Прыфрантавы рэгіён расійскія войскі штодня абстрэльваюць.

images.unian.net

Уначы 17 верасня яны зноў атакавалі Мікалаеў. Параненымі аказаліся дзевяць чалавек. Пашкоджаныя жылыя дамы, паведаміў мэр гораду Аляксандр Сянкевіч.

«Паводле папярэдніх дадзеных, 9 чалавек атрымалі раненні рознай ступені, чацвёра з іх да гэтага часу перабываюць у больніцы”, – адзначыў ён.

Старшыня абласнога савету Ганна Замазеева напісала ў тэлеграм-канале, што ў выніку абстрэлу паселішчаў рэгіёну загінуў адзін чалавек.

«У цэлым па стане на сённяшнюю раніцу ў шпіталях Мікалаева перабываюць 626 грамадзян, якія пацярпелі ад атак акупантаў на Мікалаеўшчыну. Яшчэ 85 пацярпелых лечацца амбулаторна», – паведаміла яна.

images.unian.net

Па словах кіраўніка абласной ваеннай адміністрацыі Віталія Кіма, вострай праблемай для Мікалаева застаецца нястача чыстай вады. Па ўсім горадзе можна ўбачыць людзей, якія стаяць у чарзе па ваду, адзначае ён.

«Раю ўсім, у каго ёсць праца і ён можа дапамагчы вайскоўцам, працаваць разам і дапамагаць салдатам перамагаць. Калі працы няма, трэба пакінуць гэты раён», – кажа кіраўнік абласной ваеннай адміністрацыі, якога цытуе  інфармацыйная агенцтва «УНІАН».

У сярэдзіне красавіка з-за баявых дзеянняў паблізу Мікалаева быў пашкоджаны водаправод, які падаваў ваду ў горад з Дняпра.

klymenko-time.com

З 13 мая аднавілася водазабеспячэнне жылых дамоў, аднак вада падавалася з Днепра-Бугскага ліману, яна прыдатная толькі для бытавых патрэбаў.

i.lb.ua

У канцы жніўня ў Мікалаеве з-за аварыі на водазаборы з Днепра-Бугскага ліману поўнасцю спынена падача вады.

У пачатку верасня Віталь Кім заяўляў, што праблемы з пітной вадой немагчыма вырашыць бліжэйшым часам. Найхутчэйшы спосаб яе развязання – гэта дэакупацыя Херсонскай вобласці і аднаўленне водаправоду з Дняпра.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Навіны пабрацімаў. Расія абстраляла Мікалаеўскую вобласць. Загінула 8-гадовае дзіця

Навіна ад

Акрамя таго, 7 чалавек параненыя, з іх – трое дзеці.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Мікалаеў расійскія войскі атакавалі ўначы. Горад зазнаў масіраваны ракетны абстрэл. Пашкоджаныя тры медычныя ўстановы, дзве навучальныя ўстановы, музей і жылыя дамы.

Абстраляныя былі і паселішчы Мікалаеўскай вобласці. Там зафіксаваныя пашкоджанні жылых дамоў і гаспадарчых будынкаў. У выніку абстрэлаў узніклі пажары.

«Толькі за ўчорашні дзень у Мікалаеўскай вобласці ў выніку баявых дзеянняў пацярпелі 7 чалавек. Сярод пацярпелых 3 дзяцей – усе з аскепкавымі раненнямі. На жаль, ёсць і загінулыя – 8-гадовае дзіця», – паведаміла  старшыня абласнога савету Ганна Замазеева.

Яна піша, што ўсе пацярпелыя дастаўлены ў медычныя ўстановы, ім аказваецца неабходная дапамога.

«На сённяшнюю раніцу ў шпіталях Мікалаева перабывае 579 грамадзян, якія пацярпелі ад нападаў акупантаў на Мікалаеўшчыну», – дадае яна.

Паводле папярэдніх дадзеных, расійскія войскі білі па Мікалаеўшчыне ракетамі С-300. Іх абломкі адшуканыя каля аднаго з будынкаў, удакладняе інфармацыйнае агенцтва «УНІАН».

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Бялынічах з больніцы спрабаваў збегчы расіянін з нарказалежнасцю. Супраць яго ўзбуджаная крымінальная справа, а сам ён у СІЗА

Навіна ад

У адзежы хворага міліцыя адшукала папулярны ў моладзі хімічны наркотык – альфа-PVP. Супраць яго распачатая крымінальная справа за незаконны абарачэнне наркатычных сродкаў.

Паводзіны 21-гадовага пацыента бялыніцкай больніцы тамтэйшыя медыкі называюць неадэкватнымі. Ён кідаўся на ўрачоў і спрабаваў уцякаць, кажуць яны.

З цяжкай інтаксікацыяй хворага перавезлі ў лякарню абласнога цэнтру і да ложка прывязалі спецыяльнымі рамянямі. Аналіз пацвердзіў падазрэнні медыкаў, што пацыент – солевы наркаман, піша газета «Зара над Друццю».

У адзежы маладога чалавека міліцыянты адшукалі 0,051 грамаў альфа-PVP, які маладзёны называюць «хуткасць»і «зомбі». Супраць яго распачалі крымінальную справу па 1 частцы 328 артыкулу – «Незаконныя без мэты збыту выраб, перапрацоўка, набыццё, захоўванне, перавозка або перасылка наркатычных сродкаў, псіхатропных рэчываў або іх прэкурсораў або аналагаў».

На допыце малады чалавек прызнаўся, што перыядычна ўжывае солевыя наркотыкі.

«Паколькі малады чалавек – грамадзянін Расіі, каб ён не схаваўся за мяжой напярэдадні суда, парушальніка беларускага заканадаўства з бальнічнага ложка пад вартай адправілі ў Магілёўскае СІЗА», – піша бялыніцкая раёнка.

Расіяніну пагражае да 5 гадоў пазбаўлення волі.

фота: medlux.net.ua

У Міністэрстве аховы здароўя прызнаюць рост хворых на каранавірус і раяць экстрэнна вакцынавацца

Навіна ад

Як вынікае са слоў начальніцы аддзелу гігіены, эпідэміялогіі і прафілактыкі Міністэрства аховы здароўя Іны Карабан рост пакуль нязначны. Паводле яе, беларуская медыцына падрыхтаваная да магчымай эпідэміі. Уздым захворванняў чакаецца ў верасні.

Вядома, што ў Беларусі ўжо выяўлены амікрон-ніндзя, адзін са штамаў каранавірусу. У інтэрв’ю тэлеканалу «СТВ» Іна Карабан не падала статыстыкі адносна цяперашняга стану па захворванням, але прызнала, што назіраецца невялікі рост. Яна адзначыла, што «ніндзя» больш распаўсюджваецца ў ЗША і Еўропе і працякае там у лёгкай і сярэдняй ступені цяжкасці.

«Мы бачым, што ўжо паціху выпадкі пачынаюць павялічвацца. І сітуацыя ў краінах вакол нас гэта паказвае. Каранавірус становіцца бліжэй да сезоннага. Чакаем, як і грып, але толькі ён будзе крыху раней, чым грып» даводзіць  прадстаўніца Міністэрства аховы.

Паводле яе, за папярэднія 2,5 гады пандэміі беларуская медыцына напрацавала неабходны досвед барацьбы з каранавірусам. Падрыхтаваныя планы дзеянняў на выпадак эпідэміі і пры неабходнасці яны будуць карэктавацца ў залежнасці ад развіцця сітуацыі. Як зʼявіцца неабходнасць, будуць разгортвацца новыя ложкі ў больніцах.

Па словах Іны Карабан ратаваць беларусаў ад новых штамаў каранавірусу будуць расійскімі і кітайскімі вакцынамі, якія, паводле ўрадоўкі, засведчылі сваю эфектыўнасць. Як зʼявіцца неабходнасць, будуць выкарыстоўваць кубінскую вакцыну, якую нядаўна зарэгістравалі ў Беларусі.

Іна Карабан заклікае беларусаў тэрмінова вакцынавацца, каб пазбегнуць ускладненняў цяжкіх форм захворвання.

Пра тое, што наступная хваля каранавірусу надыдзе ў верасні, спрагназаваў міністр аховы здароўя Дзмітрый Піневіч. Ён запэўніваў, што апасацца эпідэміі не варта, бо «каранавірусная інфекцыя становіцца ўсё больш сезонным захворваннем», пісаў Магілёў.media.

фота з рэсурсу: bbc.com

У Магілёве ўзводзяць інфекцыйную больніцу. Калі ўлазіны – невядома

Навіна ад

На пашпарце аб’екту радок з пазначэннем тэрміну завяршэння будаўніцтва новага інфекцыйнага корпусу Магілёўскай больніцы №1 не запоўнены. Адусутнічае на ім і дата пачатку будаўніцтва. Між тым, згодна з дзяржаўнымі стандартамі, на інфармацыйных стэндах павінны быць пазначаныя такія звесткі ў поўным аб’ёме. У адваротным выпадку, гэта парушэнне.

Узводзіць новы інфекцыйны корпус узяліся ў 2021 годзе. Тады праўладныя мас-мэдыі паведамлялі пра важнасць лякарні для гораду. Аднак, у сваіх публікацыях і яны пазбягалі адзначаць, калі ж будоўля завершыцца. 

Сёлета напярэдадні Дня гораду старшыня гарвыканкаму Ўладзімір Цумараў абмовіўся, што тое мае адбыцца ў 2022 годзе.

«У гэтым годзе плануецца ўвесці ў эксплуатацыю інфекцыйны корпус Магілёўскай больніцы №1 і новы корпус Магілёўскага абласнога анкалагічнага дыспансера», – даклаў чыноўнік у інтэрвʼю «БелТА», якое перадрукаваў сайт Магілёўскага аблвыканкаму.

Варта заўважыць, што Цумараў ужыў слова «плануецца», абачліва пакінуўшы сабе шлях да адступлення.

Рашэнне пра будаўніцтва новага корпусу было прынята, калі пачалася пандэмія каронавірусу. Яна выявіла непадрыхтаванасць гарадской сістэмы аховы здароўя да маштабных інфекцыйных захворванняў. У 2020-2021 гадах уладам даводзілася перапрафіляваць лякарні і нават адмаўляцца ад планавага лячэння хворых.

Да таго ж, гарадская інфекцыйная больніца, пабудаваная ў 1960-х гадах, даўно маральна і фізічна састарэла. Паводле чыноўнікаў, гэтай лякарні адведзенае месца ў корпусе, які ўзводзіцца. 

Ён будзе разлічаны на 192 месцы. Абяцаюць, што якасць лячэння ў ім  значна ўзрасце. У корпусе падчас праектавання прадугледжаныя захады лячэння пацыентаў ва ўмовах маштабных эпідэміяў.

Пытанне, аднак – калі лякарню ўзвядуць. Будаўнікі толькі завяршылі мантажныя працы і пачалі аддзелку. Сумнеўна, каб да верасня, калі чакаюць уздым захворваньня на каранавірус, у корпусе адзначылі ўлазіны.

Пра тое, што наступная хваля каранавірусу надыдзе ў верасні, спрагназаваў міністр аховы здароўя Дзмітрый Піневіч.  Ён запэўнівае, што апасацца эпідэміі не варта, бо «каранавірусная інфекцыя становіцца ўсё больш сезонным захворваннем», піша БелТА.

Пра адсутнасць небяспекі ад COVID-19 беларускія чыноўнікі гаварылі і ў 2020 годзе, калі свет, сутыкнуўшыся з гэтай інфекцыяй, не ведаў, як ёй даць рады. Да маштабнай эпідэміі Беларусь аказаліся не падрыхтванай, што абышлося ёй, паводле афіцыйнай інфармацыі,  у больш за 7 тысяч жыццяў беларусаў. 

На Магілёўшчыне вясковец замест алкаголю выпіў сродак ад паразітаў. Медыкі выратавалі

Навіна ад

Вадкасць, якой пачаставаў знаёмы, мужчына палічыў віном.

Жыхар Краснапольскага раёну атруціўся ветэрынарным прэпаратам. Ён спажыў каля 30 мл невядомай вадкасці чырвонага колеру, падобнай на пладова-ягаднае віно, якой яго пачаставаў знаёмы. Неўзабаве пасля гэтага адчуў млоснасць, слабасць, пацямненне ў вачах, пачаліся ваніты, піша інфармацыйнае агенцтва «Белта».

Вяскоўца шпіталізавалі ў раённую больніцы. Медыкі паставілі дыягназ «атручэнне сурагатамі алкаголю». Па аказанні медычнай дапамогі жыццю і здароўю мужчыны нічога не пагражала.

Паводле спецыялістаў камітэту судовых экспертызаў настойка чамярыцы, якую глытнуў вясковец, ужываецца, як сродак, якім выклікаюць ваніты, а таксама для барацьбы з паразітамі. Пах, колер і смак яе падобныя з алкагольнымі напоямі.

Ужыванне прыводзіць да цяжкага атручэння, якое часта мае лятальны зыход. Смяротнай дозай для дарослага лічыцца 50 мл настойкі.

фота: ytimg.com

Жыхары Слаўгарадчыны чакаюць завяршэння рэканструкцыі раённай бальніцы

Навіна ад

У Слаўгарадзе паціху завяршаецца рэканструкцыя раённай бальніцы, асноўны корпус якой быў пабудаваны яшчэ ў 1975-м годзе. Перабудова і развіццё бальніцы даўно наспела. Рэканструкцыя дазволіць пашырыць аддзяленні і кабінеты, прадугледжана і ўсталяванне сучаснага медабсталявання.

Слаўгарадскі раён Магілёўскай вобласці аказаўся адным з самых забруджаных рэгіёнаў пасля аварыі на Чарнобыльскай АЭС. Тым не менш, будынак слаўгарадскай цэнтральнай раённай бальніцы і паліклінікі капітальна не рэмантаваўся з 1975 года, час ад часу праводзіўся толькі бягучы рамонт. Будынак не толькі маральна, але і фізічна састарэў, спарахнелі інжынерныя і вентыляцыйныя сеткі, зносілася сантэхнічнае абсталяванне. Жыхары раёна і персанал бальніцы даўно казалі пра неабходнасць абнаўлення бальніцы. Яно стала магчымым дзякуючы фінансаванню з рэспубліканскага і абласнога бюджэтаў, сума склала 4,5 млн. Br.

Цяпер завяршаецца першы этап рэканструкцыі – рамонт лячэбнага корпуса. За год будаўнікі прывялі ў парадак будынак, правялі перапланіроўку, замянілі ліфты, надалі бальніцы больш сучасны выгляд. Змянілася і прызначэнне некаторых памяшканняў, што дазволіць зрабіць кабінеты ўрачоў і палаты для пацыентаў больш прасторнымі і ўтульнымі. Ідзе закуп сучаснага медыцынскага абсталявання, мэблі.

Пасля рэканструкцыі пашырацца магчымасці лабараторных даследаванняў і ўльтрагукавой дыягностыкі. У планах – пашырэнне эндаскапічнага аддзялення, каб праводзіць абследаванні ЖКТ на месцы, каб жыхары раёна не ездзілі ў абласны цэнтр. У бальніцы павялічылася колькасць кіслародных пунктаў да 31. Ідзе падрыхтоўка пляцоўкі для ўстаноўкі кіслароднага газіфікатара. Абноўленая бальніца разлічана на 73 ложкі. Усяго ЦРБ абслугоўвае амаль 13 тысяч чалавек.

Другая чарга рэканструкцыі тычыцца паліклінікі, якая размяшчаецца ў адным будынку з бальніцай. У змену паліклініка ў Слаўгарадзе разлічана на 500 наведванняў. Грашовыя сродкі выдзяляюцца па дзяржаўнай праграме “Пераадоленне наступстваў катастрофы на Чарнобыльскай АЭС”. На рэканструкцыю паліклінікі неабходна знайсці яшчэ больш за 5 млн. Br.

Психиатрическую больницу в Трилесино могут закрыть

Навіна ад

В полуторатысячном агрогородке Дрибинского района расположен филиал Могилевской областной психиатрической больницы – и это единственное подразделение, расположенное вне областного центра. Проживание пациентов в этом живописном уголке – а в поселке удивительный ландшафт, есть прекрасное озеро, памятник природы местного значения “Трилесинские исполины” – по идее должно составлять одну из лечебных процедур. Однако, загруженность больницы составляет всего 27 человек при 60 сотрудниках медицинского и технического персонала.

В последнее время специалистов больницы, у которых заканчиваются контракты, регулярно уведомляют о непродлении отношений.

Вот что рассказал в интервью телеканалу ОНТ Иван Архипцов, хозяйственный рабочий филиала “Трилесинская психиатрическая больница”:

– 22 марта меня вызвал отдел кадров, сообщали, что контракт не будут продлевать. Я, считай, главный кормилец в доме. Семья без денег остается. Работы у нас в колхозе нет.

Новость о непродлении контракта получили еще двое работников больницы. На эти места никого не берут. И это стало поводом для паники в коллективе. Сегодня из 60 коек клиники востребованы меньше половины. Штат сотрудников, а это врачи, средний и младший медперсонал и хозгруппа, около 60 человек. Коллектив боится закрытия клиники, ведь, по словам людей, волна сокращений уже не первая.

Дрибинская районная больница не доукомплектована средним медицинским персоналом, и, в случае необходимости, готова принять на работу 12 медсестер. Но неизвестно, куда трудоустроить, к примеру, санитарок. И до Дрибина не рукой подать, 15 километров.

Наталья Кобрина, медсестра филиала “Трилесинская психиатрическая больница” отмечает, что трудоустройство в районном центре, не такая уж благодать:

– Это посменная работа. В 8 утра мы должны уехать на работу. В 8 у нас есть автобус до Дрибина. И в 8 вечера нужно добраться до дома. А на чем? Последний автобус до нас идет в 17:10. И в 8 часов мы никак не сможем добраться. Пусть сутки мы отработаем. В 8 уехали, а в 8 сдали смену и надо домой, а автобус у нас в 11:30.

Чиновники районного уровня, представители Могилевской областной психиатрической больницы – конечно, уверяют, что будут заботиться о каждом сотруднике.

Павел Головач, заместитель главного врача Могилевской областной психиатрической больницы, отмечает:

– В первую очередь все должны понимать, что здесь идет речь об экономии бюджетных средств. В любом случае, какое бы ни было принято решение, ни пациенты, ни персонал не должны волноваться. Все будут обеспечены.

– Если мы рассматриваем ситуацию в данном контексте, то наши работники, по большому счету, не загружены. И содержать данное учреждение очень затратно. – прямо заявляет Наталия Дубиковская, заместитель председателя Дрибинского райисполкома.

В результате, оставшиеся сотрудники больницы с тревогой ожидают окончания сроков трудовых контрактов, прекрасно осознавая, что за словами о заботе про людей как правило кроется забота про бюджетные средства.