Tag: бешенство

Сталі вядомыя падрабязнасці гісторыі з заражэннем шаленствам жыхароў пасёлка Хімік пад Магілёвам

Навіна ад

Нядаўна mogilev.media пісалі пра надзвычайную сітуацыю ў дачным пасёлку Хімік (яшчэ яго называюць Сідаравічамі) пад Магілёвам. Нагадаем, на незалежных Тэлеграм-каналах з’явілася інфармацыя, што больш за дваццаць дзяцей былі шпіталізаваныя з падазрэннем на шаленства – усе яны гуляліся з шчанюкамі хворай сабакі.

Зараз жа з’явіліся падрабязнасці гэтай гісторыі. Вялікі матэрыял, прысвечаны сітуацыі ў пасёлку Хімік, апублікаваны каналам “Белыя халаты”. Па інфармацыі рэсурса, на пачатку лета ў дачным пасёлку з’явілася бадзяжная сабака. Неўзабаве ў яе нарадзілася сем шчанюкоў, з якімі пастаянна гулялі мясцовыя дзеці. У сярэдзіне жніўня двух шчанят жыхары пасёлка забралі да сябе дадому.

У канцы жніўня бадзяжная сабака, маці шчанятаў, пакусала жанчыну і пасля гэтага высветлілася, што яна хворая на шаленства. Пасля гэтага больш за дваццаць дзяцей, што кантактавалі з шчанюкамі, былі шпіталізаваныя дзеля праверкі на шаленства. З сямі шчанят чацвярых удалося знайсці і вылавіць. Зараз яны знаходзяцца ў ізаляцыі і пад назіраннем. Яшчэ двух – тых, каго забралі дадому дачнікі – цяпер шукаюць. Шукаюць, відаць, і сёмага.

Мясцовыя жыхары – піша выданне – звяртаюць увагу, што ў чатах дачнага пасёлка даўно звярталі ўвагу на сабаку. Справа ў тым, што некалькі месяцаў таму ў пасёлку ўжо адбываўся напад іншага (як потым стала вядома, здаровага) сабакі на дзяўчынку.

Усе прэтэнзіі, натуральна, былі звернутыя да старшыні дачнага кааператыва. Але і ён, як высветлілася, стаў ахвярай нападу – нядаўна бадзяжная сабака-маці, хворая на шаленства, яго падрапала. Зараз старшыні кааператыва прыйдзецца прайсці курс вакцынацыі.

Жыхары пасёлка ўжо склалі петыцыю, з заклікам разабрцца з сітуацыяй, а таксама з просьбай аб гуманным абыходжанні з шчанятамі – каб іх не ўсыплялі, у выпадку, калі будуць здаровымі.

Характэрна, што да гэтага часу няма ніякай афіцыйнай інфармацыі пра гэтую надзвычайную сітуацыю.

Фота: “Белыя халаты”

Больш за дваццаць дзяцей маглі заразіцца шаленствам пад Магілёвам?

Навіна ад

Яны гуляліся з шчанюкамі бадзяжнага сабакі, у якога выявілі хваробу – паведамляе Тэлеграм-канал “Беларусь за МКАДам”.

У пасёлку Хімік пад Магілёвам каля 20-ці дзяцей былі шпіталізаваны з падазрэннем на заражэнне шаленствам.

– Дваццаць дзяцей на сённяшнюю раніцу шпіталізаваны. І паступаюць новыя. Абласная дзіцячая бальніца ўжо размяркоўвае дзяцей па розных аддзяленнях – прыводзіць рэсурс словы жыхаркі пасёлка.

Мясцовыя жыхары звязваюць гэта з тым, што дзеці гулялі са шчанюкамі бяздомнага сабакі, які апынуўся хворым на шаленства. Дарэчы, жыхары пасёлка неаднаразова звярталі ўвагу мясцовых уладаў на праблему своечасовага прыбірання смецця і бяздомных жывёл.

Пакуль афіцыйнай інфармацыі пра сітуацыю, што склалася ў пасёлку, не публікавалася. З іншых крыніц пакуль таксама не паступала звестак пра абставіны, выкладзеныя ў Тэлеграм-канале.

подозрение на бешенство

Фота: “Беларусь за МКАДам

У Магілёўскім раёне 18 чалавек кантактавалі з шалёным сабакам, яшчэ двух ён пакусаў

Навіна ад

У пачатку верасня магілёўскія эпідэміёлагі зафіксавалі выпадак кантакту людзей з хворым на шаленства хатнім сабакам, што не быў прывіты. У Магілёўскім раёне два чалавекі пацярпелі ад яго ўкусаў, а яшчэ 18 чалавек мелі з ім кантакт – гладзілі, лашчылі і кармілі, паведамляе прэс-служба абласнога Цэнтра гігіены і эпідэміялогіі.

Усе пацярпелыя былі шпіталізаваны, зараз ім праводзіцца курс антырабічных прышчэпак супраць шаленства. У сярэдзіне жніўня ў населеным пункце была заўважаная ліса, пазней побач з населеным пунктам быў знойдзе труп лісы, хворай на шаленства.

Фота ілюстрацыйнае

Пад Горкамі ўспышка шаленства

Навіна ад

У вёсцы Котлева Горацкага раёна гаспадар сядзібы знайшоў на ўласным падворку памерлую лісу. Праверка паказала, што драпежнік хварэў на шаленства. Пры гэтым ліса кантактавала з гаспадарскім сабакам, які пазней паводзіў сябе агрэсіўна. Усім асобам, што маглі атрымаць заражэнне, прапісаныя антырабічныя прывіўкі – паведамляе “Горацкі веснік”.

Фота ілюстрацыйнае

Пад Клімавічамі ўвялі карантын па шаленстве

Навіна ад

Карантынныя мерапрыемствы ў сувязі з пагрозай заражэння шаленствам уведзеныя ў вёсцы Лазавіца Клімавіцкага раёна і ў лясным масіве побач – паведамляе раённая газета “Родная ніва”. У гэтай мясцовасці праводзіцца ліквідацыя эпізаатычнага ачага захворвання.

Фота ілюстрацыйнае

Больш за траціну ўсіх выпадкаў шаленства на Беларусі прыходзіцца на Магілёўскую вобласць

Навіна ад

Штогод каля 3000 чалавек звяртаецца ў арганізацыі аховы здароўя Магілёўскай вобласці ў сувязі з пакусамі жывёл. 

У 2022 годзе пацярпелі 2947 чалавек, больш чым у 2021-м на 66 чалавек, у асноўным з прычыны павелічэння кантактаў з бадзяжнымі жывёламі. Больш за палову тых, хто звярнуўся, маюць патрэбу ў шпіталізацыі і ўвядзенні акрамя вакцыны – антырабічнага імунаглабуліну.

Асноўным рэзервуарам віруса шаленства ў прыродзе з’яўляюцца ваўкі, лісіцы, янотападобныя сабакі. У структуры захворвання сярод жывёл у Магілёўскай вобласці, як і ў папярэднія гады, пераважалі лісы, на долю якіх у 2022 годзе прыпадала больш як 46 працэнтаў ад усіх зарэгістраваных выпадкаў. У мінулым годзе вырасла доля янотападобных сабак да 20%, на буйных рагатых жывёл прыйшлося 13%. 

Паводле дадзеных ветэрынарнай службы, больш як трэць ад усіх зарэгістраваных у 2022 годзе ў Беларусі выпадкаў шаленства сярод жывёл прыпала на Магілёўскую вобласць – 84 выпадкі з 260, піша “Родная ніва” са словаў урача-эпідэміёлага аддзялення асабліва небяспечных інфекцый Магілёўскага абласнога цэнтра гігіены, эпідэміялогіі і грамадскага здароўя Наталлі Марозавай.

Фота ілюстрацыйнае, з адкрытых крыніц.

Санслужба заяўляе пра шаленства. Мясцовыя кажуць, што яна была ручной – з’явіліся падрабязнасці пра рысь, што пакусала людзей

Навіна ад

Як пісалі Магілёў.media, у дачным пасёлку “Пушча”, які знаходзіцца на Лахве паміж Мяжысеткамі і Досавай Сялібай, адбыўся напад рысі на людзей. Жывёла пакусала рукі аўтамабілісту і была застрэленая выратавальнікамі.

Урач-эпідэміёлаг аддзялення асабліва небяспечных інфекцый Магілёўскага абласнога цэнтра гігіены, эпідэміялогіі і грамадскага здароўя Наталля Марозава у сваім інтэрв’ю mogilevnews.by паведаміла, што ў драпежніка было выяўлена шаленства. 

– Пацярпелыя шпіталізаваны, зараз ім праводзіцца курс антырабічных прышчэпак супраць шаленства. – распавяла Наталля Марозава.

Адначасова сітуацыю з рыссю ў садовым таварыстве “Пушча” абмяркоўвалі на адным з папулярных магілёўскіх тэлеграм-каналаў. Карыстальнік пад нікам DK, відавочна абазнаны ў сітуацыі, напісаў:

“Яна там ужо гады 2 жыла каля крамы ў лесе. Хутчэй за ўсё нехта ўзяў кацянём, потым зразумеў, што драпежнік і выкінуў яе. Яна, каб дзікая была, пайшла б у лес, патомствам абзавялася… А яна нават паляваць не ўмела, максімум якога ката ці сабачку зловіць. У той частцы “Пушчы” ў апошні час сабакі перасталі тусавацца. Ёй людзі хлеб падкідвалі. А яна абыякава да ўсяго ставілася, можа і хварэла. Там мужык прыехаў, якога яна за руку ўкусіла, а яна ляжала пад каляінай каля калодзежа, ну і да яго пад машыну залезла. А ён яе палкай пачаў адтуль выкалупваць, вось яна і кусанула яго… Наогул шкада, вядома. Кацяра, толькі вялікая. Хтосьці прыручыў, а потым выкінуў…”

Фота: Прэс-служба Міністэрства па надзвычайных здарэннях

У Клімавіцкім раёне зноў пагроза шаленства

Навіна ад

Раённы выканаўчы камітэт абвясціў каранцін па шаленстве на тэрыторыі аграгарадка Макеевічы, паведамляе газета “Родная ніва”. Характэрна, што з году ў год Клімавіцкі раён становіцца адным з самых небяспечных па распаўсюджанасці шаленства сярод жывёл.

У 2021 годзе ў Клімавіцкім раёне былі зарэгістраваныя пяць выпадкаў шаленства ў дзікіх і свойскіх жывёл – лісы, янота, бадзяжнага і хатняга сабак, каровы на малочна-таварнай ферме – паведамляе раённы цэнтр эпідэміялогіі.

У 2014 годзе ў гэтым жа раёне было зафіксавана 13 выпадкаў шаленства. 

 

Фота носіць ілюстратыўны характар

14 бобруйчан пострадали из-за контакта с бешеным животным

Навіна ад

В первых числах апреля в Бобруйске зарегистрирован случай массового контакта с больным бешенством животным – пострадало 14 человек, включая 2 детей.

Пострадавшие проходят курс вакцинации. Бездомное животное, будучи больным бешенством, было ласковое и старалось облизать руки или лицо всех кто к нему прикасался.

Ежегодно в области за медицинской помощи обращаются около 3 тысяч человек, пострадавших от укусов, оцарапывания, ослюнения животными.

За первых три месяца 2022 года уже зарегистрировано 507 обращений, из которых 66% связано с покусами собаками и кошками, имеющими хозяев, 29% с покусами от бездомных животными, 3% дикими и 2% сельскохозяйственными животными.

В Могилёвской области практически на всех территориях с большей или меньшей интенсивностью регистрируются случаи бешенства среди диких и домашних животных.

Инфекцию распространяют в основном лисы. Всюду, где есть очаги бешенства среди животных, под угрозу заражения попадают люди.