Category: У Беларусі

Беларусі сом: волат аднаасобнік, з якім вудары сутыкацца на глыбіні асцерагаюцца

Навіна ад

У беларускага сама пачаўся нераст. Да 1 ліпеня вудзіць яго забаронена. Нават, калі выпадкова рыбіна трапіла на кручок, яе трэба вярнуць у родную стыхію. Абмежаванні ўведзеныя дзеля захавання папуляцыі сама.

 

Сом – удача для рыбака

Сом у Беларусі лічыцца самай вялікай рыбінай. Ёю заселеныя мясцовыя рэкі, некаторыя буйныя азёры ды вадасховішчы.

Прыродазнаўцы адзначаюць, што ўсюды яна рэдкая. Гэта пацвярджаюць і вудары. Не многія з іх могуць пахваліцца тым, што ім удавалася яе злавіць.

Адзін з магілёўскіх рыбакоў са скрухаю згадвае: на кручок трапляўся сом, пра гэта ён здагадаўся па характэрных паводзінах завудзінай рыбіны, але выцягнуць на бераг яму яе не ўдалося.

image.jimcdn.com

Другому пашанцавала болей. У Прыпяці ён падчапіў 7 кілаграмовага сама. Змагаўся, каб выцягнуць яго на бераг дзве гадзіны.

«Хацеў ужо кінуць, але дапамаглі іншыя рабакі, – апавядае ён. – Стаміўся ад змагання, але стаў тады героям, бо быў, ці не адзіным рыбаком, каму такое шчасце ўсміхнулася. Давялося памагатым прастаўляцца».

Яшчэ адзін магілёўскі вудар кажа, што вялікіх самоў бачыў толькі на фотаздымках ды чуў гісторыі пра іх ад іншых рыбакоў. Па ягоных словах даводзілася яму вылоўліваць колькі разоў «невялікіх» да 5 кілаграмаў, але ведаючы, што рыбіна рэдкая адпускаць яе.

 

Самовыя рэкорды

Як раз самы да 5 кілаграмаў гэта звыклы ўлоў рыбака, якому пашчасціла займець такую рыбіны. Значна радзей на кручок трапляе сом да 15 кілаграмаў.

У 2011 годзе жыхар вёскі Белавуша, што на Берасцейшчыне, на рацэ злавіў сама спінінгам вагою ў 51,5 кілаграмы.

image.jimcdn.com

У Беларусі вядомыя выпадкі, калі рыбакі на Дняпры лавілі самоў да 96 кілаграмаў. А па-за межамі нашай краіны вудзілі рыбіну даўжынёю да 5 мэтраў і вагою да 300 кілаграмаў.

Афіцыйна зарэгістраваны злоўлены сом вагой 306 кілаграмаў даўжынёю больш за тры мэтры і ўзростам блізу 80 гадоў.

У вадаёмах Беларусі ўловы сама малыя і не перавышаюць 1 працэнту ад агульнага ўлову. Найбольшы адзначаны ў 1946 годзе – 16 тон. Ад 1963 да 1966 году – вылоўлівалі ад 8 да 15 тон. Ад 1968 году ўловы значна зменшыліся. У 1971-80 у сярэднім выцягвалі самоў да 0,3 тон у год.

Планамерныя захады абароны і абмежаванняў на злоў у Любанскім вадасховішчы ў 1980-гадах сфармавалася ўнікальная папуляцыя сама, а доля яго ўлову сягнула 50 працэнтаў ад агульнага. Гэта дазволіла рассяліць сама ў іншыя вадасховішчы краіны.

 

Асаблівасць жыцця самоў

Рыбаку, які хоча ўлавіць сама, варта быць асцярожным і быць спрытным. Трапіўшы на кручок гэтая рыбіна дужа супраціўляецца. Мяса сама тлустае і далікатнае.

Палавая даспеласць у сама надыходзіць, калі ён важыць да 1,5 кілаграмы, даўжынёю да 60 сантыметраў. У 10-гадовым узросце рыбіна важыць да 8 кілаграмаў і мае даўжыню блізу мэтра.

image.jimcdn.com

Сом аднаасобнік і рэдка пакідае «мясцінку прапіскі». Трымаецца на глыбокіх і захламленых карчамі, каранямі дрэваў ямінах.

Да глыбокай старасці жыве ў адной яміне і толькі ачуняўшы ад зімовай спячкі, каб знайсці сабе сяброўку выбіраецца «у людзі». Нерасьціцца ў прыбярэжных мясцінах у густых падвоеных багавіннях. Для сваіх нашчадкаў на глыбіні да паўметра робіць гнездзейка.

Па нерасце вяртаецца на радзіму ў сваю яміну. Цягам году ўзмоцнена харчуецца, каб перазімаваць у спакоі.

 

Вынікі сутыкнення з самом не прадказальныя

Сом актыўны надвячоркам і ноччу. Кормяцца пераважна рыбай, а паколькі не могуць хутка плаваць, то палююць з схованкі.

wildlife.by

Апісаныя выпадкі нападу буйных самоў на людзей. У XVI–XVIII стагоддзяў, калі ў страўніках рыбіны, вылаўленай у Дунаю, знаходзілі чалавечыя парэшткі. Невядома, аднак, ці сапраўды загінулыя сталі ахвярамі самоў, альбо рыба спажывала трупы людзей.

Адшукаць падобныя гісторыі з беларускімі самамі ў адкрытых крыніцах не ўдалося. На думку мясцовых рыбакоў, такія «легенды» перакачавалі ў Беларусь з іншых краёў. Вудары, аднак, прызнаюцца, што апынуцца на глыбіні сам на сам з самом не хацелі б. Паводле іх гэтая рыбіна моцная і агрэсіўная, нягледзячы на сваю павольнасць. Траўмаваць можа ўдарам хваста, ці атакаваць усім сваім целам. Вынікі такога сутыкнення не прадказальныя.

 

Камітэт дзяржкантролю заявіў: імпарцёры лекаў знізілі цэны. У наведнікаў аптэк ёсць магчымасць спраўдзіць

Навіна ад

Ведамства адзначае, што гэта адбылося пасля ягоных рэкамендацыяў. Цэны зменшаныя практычна на ўсе імпартныя лекі.

З канца лютага і да сярэдзіне сакавіка праз рост курсаў валют лекавыя сродкі падаражэлі ў сярэднім на 30 працэнтаў, піша інфармацыйная агенцтва Белта, спасылаючыся на Камітэт дзяржкантролю.

У сувязі са зніжэннем курсу валют, адзначаецца ў публікацыі, ведамства накіравала рэкамендацыі буйным арганізацыям-імпарцёрам лекаў для іх пераацэнкі ў бок змяншэння.

Гэта прывяло да істотнага патанення разліковай адпускной цаны на асобныя лекавыя прэпараты, настойваюць кантралёры і ілюструюць тое рэакцыяй на іхную параду асобных арганізацыяў.

– Акцыянернае таварыства «Уніфарм» правяло пераацэнку па 365 найменняў лекаў і іхны кошт зменшыўся ад 2 да 22,8 працэнтаў;

– У «Медваксе» разліковы кошт упаў ад 2 да 22,8 працэнтаў па 194 найменнях;

– «Інтэрфармаксе» конт зніжаны ад 1,5 да 23 працэнтаў па 786 найменнях;

– Па пераацэнцы 368 найменняў таварыства «БРІТІТРЕЙД» іхны кошт упаў ад 7 до 29 працэнтаў.

«Змяншэнне разліковай адпускной цаны паўплывала і на зніжэнне кошту лекавых прэпаратаў у аптэчнай сетцы, – заяўляюць у КДК. – Цэны зменшаныя практычна на ўсе імпартныя лекі, па асобным пазіцыям дужа істотна».

 

«Палітыка Захаду». Прадстаўнік афіцыйнага прафсаюзу тлумачыць чаму Ўкраіна не вяртае Беларусі вагоны

Навіна ад

Прафсаюзны функцыянер Дзмітры Швайба звязвае невяртанне вагонаў з «дужа дальняй палітыкай», каб ускладніць працу беларускіх прадпрыемстваў.

Ён вінаваціць Украіну ў тым, што яна задоўга да 24 лютага, чыніла перашкоды для вяртання ў Беларусь чыгуначнага рухомага саставу. Паводле яго гэта прывяло да «вялікіх праблемаў з кантэйнерамі, кантэйнеравозамі, суханасыпнымі вагонамі». Ён цвердзіць, што страты сягалі тысячаў вагонаў.

Дзмітрый Швайна – старшыня Мінскай абласной арганізацыі Беларускага прафсаюзу работнікаў хімічнай, горнай і нафтавай галінаў прамысловасці.

 

Падзеі ва Ўкраіне парушылі структуру паставак

У інтэрв’ю «Альфа Радио», якое падае газэта «СБ. Беларусь Сегодня», сітуацыю з беларускімі вагонамі ва Ўкраіне ён разглядае, як «дужа дальнюю палітыку (Захаду) у частцы ўскладнення працы нашых прадпрыемстваў».

«Мы цудоўна разумеем, што ў бліжэйшы час гэтыя вагоны нельга будзе забраць, – адзначае прафсаюзнік. – Ды і ці магчыма забраць іх у прынцыпе, на сённяшні дзень да канца незразумела».

Дмітрый Швайна, спасылаючыся на меркаванні ў экспертнай супольнасці, ацэньвае колькасць страчаных ва Ўкраіне вагонаў ад 5 да 17 тысяч. Гэта істотны ўдар для эканоміцы і лагістычным схемам, кажа ён. Па ягоных словах праблему збіраюцца вырашаць з дапамогай крэдытных рэсурсаў з Расіі.

Прадстаўнік афіцыйнага прафсаюзу настойвае, што падзеі ва Ўкраіне парушылі структуру паставак. Паводле яго некаторыя прадпрыемствы пастаўлялі да 75 працэнтаў сваёй прадукцыі на ўкраінскі рынак, а цяпер невядома, што з сябе ўяўляе.

У пададзеным газетай «СБ. Беларусь Сегодня» інтэрвʼю не зразумела, ці называў Дзмітрый Швайна, што за падзеі адбываюцца ва Ўкраіне. А, згадваючы 24 лютага ён не тлумачыць, што ў гэты дзень пачалася поўнамаштабная агрэсія Расіі супраць суседняй краіны.

Украінскі бок настойвае: арыштаваны транспарт выкарыстоўваўся для забеспячэння лагістыкі «расійскіх войск». 

Як перадаюць украінскія мэдыі Украіна канфіскавала 51 цыстэрну-вагон з 3 тысячамі тон дызельнага паліва беларускага паходжання, а таксама былі арыштаваныя 158 грузавікоў і адзінак спецыяльнай тэхнікі з Беларусі. Па словах дырэктара Бюро эканамічнай бяспекі Украіны Вадзіма Мельніка кошт арыштаванай маёмасці Беларусі ацэньваецца ў 1 мільярд долараў ЗША.

Украінскі бок настойвае, што арыштаваны транспарт выкарыстоўваўся для забеспячэння лагістыкі «расійскіх войск». Паліва, якое знаходзілася ў цыстэрнах, перададзена ўкраінскай арміі.

фота: cfts.org.ua

Ці спраўдзіцца песімізм экспертаў? Поспехі і праблемы аграсядзібаў беларускай глыбінкі

Навіна ад

Для агратурызму ўзнялі падаткі. Эксперты не выключаюць, што ад новаўвядзенняў могуць збанкрутаваць да 17 працэнтаў аграсядзібаў. На гэты від бізнесу, які да 2022 году лічыўся самай ільготнай сферай дзейнасці ў краіне, скажацца і адключэнне Беларусі ад сістэмы браніравання Booking і Airbnb.

Напачатку Магілёў. media апавядае пра гісторыю поспеху аграсядзібы ў Слаўгадскім раёне. Яе гаспадары пазбягаюць гаварыць пра праблемы. Яны засяроджаныя на поспехах.

Аграбізнес захаваў бабуліну хату, у якой цяпер знаёмяць з таямніцамі даўнейшага жыцця вяскоўцаў

На Магілёўшчыне пад тры сотні аграсядзібаў, якія прапануюць кліентам адпачынак з разнастайнымі заняткамі: рыбалка, паляванне, баўленне з сям’ёй выхаднога дня. Гаспадары пазнаёмяць наведнікаў з традыцыйнымі промысламі і рамёствамі. Адкрыюць таямніцы нацыянальнай кухні і кулінарыі.

Паводле знаўцаў агратурызму за апошнія два гады попыт на туры выхаднога дня значна ўзрос. Нямала гараджанаў замест паездак за мяжу выбіраюць беларускую глыбінку.

У адной з сацыяльных сетак яе карыстальнікаў падзяліўся ўражаннямі ад наведвання аграсядзібы ў глыбінцы Магілёўшчыны. У Слаўгарадскім раёне, у вёсцы Ржаўка, піша ён, мясцовыя жыхары Галіна і Аляксей Ермаковы стварылі «Пчалінае царства». 

Усё тут звязана з пчоламі і пчалярствам. Турыст трапляе ў мінулае, дзе яму аповядаюць пра культурныя і гастранамічныя традыцыі магілёўскага Пасожжа. Знаёмяць са схаваным светам пчол.

Наведнікам «Пчалінага царства» прапануецца сеанс апітэрапіі. Тое незвычайная комплексная тэрапія, якая выкарыстоўвае вынікі жыццядзейнасці пчол. Пацыент спіць на вуллях. Гэта дапамагае ў лячэнні боляў спіны, выбаўляе ад галаўнога болю, ратуе ад стомы, стрэсу ды бяссонніцы. Пазітыўна ўздзейнічае на дыхальную, страўнікава-кішачную і сэрцава-судзінную сістэмы.

Як піша наведнік «Пчалінага царства» яго гаспадыня Галіна паводле адукацыі школьны псіхолаг. Яна сустракае гасцей аграсядзібы ў ролі «Пчалінай каралевы». Галіну радуе, што невялікі іхны з мужам бізнес дазволіў захаваць бабуліну хату. Падчас яе агледзінаў госці даведваюцца пра вясковыя традыцыі і традыцыі пчалярства. У доме гучыць беларуская мова.

Галіна кажа, што ў хаце месціцца экамузей, створаны 5 гадоў таму, калі ажыццяўляўся мясцовы праект «Ад вытокаў да развіцця» і фонду развіцця сельскіх тэрыторый «Адраджэнне-агра». Пры музеі ёсць крамка. У яе асартыменце мёд, васковыя свечкі, праполісныя халсцінкі, сам праполіс ды іншыя прадукты пчалярства і рамесніцтва.

Жыццём на вёсцы задаволеныя. Тут сталы занятак, даход ад яго

Амплуа Аляксей, галінінага мужа, працягвае наведнік «Пчалінага царства», «Труцень». Паводле сямейных паданняў, Аляксей пчаляр у пятым пакаленні. Пчалярствам займаюцца і яго Галінай дзеці. Бабуля і дзядуля чакаюць, што ўнукі стануць пчалярамі новай фармацыі.

Гаспадары цвердзяць: жыццём на вёсцы задаволеныя. Тут у іх сталы занятак, даход ад яго і адчуванне, што іхны бізнес прыносіць задавальненне наведнікам. Многія вяртаюцца, адзначаюць яны, каб зноў акунуцца ў вясковую экзотыку даўнейшага жыцця беларусаў.

Па словах уладальніка старонкі ў сацыяльнай сетцы з аповедаў Галіны І Аляксея госці даведваюцца пра таямніцы бортніцтва і пчалярства на Прапойскай зямлі. Прапойскам зваўся даўней цяперашні Слаўгарад. З гісторыі вядома, што тут шмат было пітных устаноў для падарожнікаў.

Па словах Ермаковых, падсумоўвае аповед уладальнік старонкі ў сацыяльнай сетцы, да 70% наведнікаў гэта – беларусы, астатнія – замежнікі. Іх сёлета прызнаюцца яны няшмат. Праблему Ермакову бачаць у неспрыяльных умовах надвор’я. Па іх словах госці прыязджаюць адпачыць, паласавацца беларускамі стравамі і надзівіцца прыгажосцю беларускіх краявідаў. А па вяртанні дамоў з нецярпеннем чакаюць спаўнення загаданага над Студняй Жаданняў.

Для аграсядзібаў надышлі не простыя часы

Магілёў. media прыкладам з «Пчаліным царствам» праілюстраваў наколькі руплівыя беларусы і здольныя да крэатыўнага развіцця свайго занятку. Уладальнікі аграсядзібаў у глыбінцы сваю будучыню бачаць не без хмарнай. Сёлета скасаваны льготны збор у сферы агратурызму, які існаваў ад 2006 году. Такая палёгка дазваляла лічыць агратурызм – адной з самых ільготных сфераў дзейнасці ў Беларусі.

Аграсядзібы і рамеснікі меліся штогод плаціць падатак у памеры двух базавых велічынь. У 2021 годзе гэта складала – 58 рублёў. Падатак падвысілі да 31 рублі ў месяц за адну сядзібу. Такую ж суму варта плаціць і за другую, калі яна ёсць. Пасля новаўвядзенняў, кажуць уладальнікі аграсядзібаў, гадавая сума падаткаў вырасце ў разы і сягне 350 рублёў.

Для вялікіх аграсядзібаў з наяўнасцю пастаянных кліентаў такая сума пад’ёмная. Для невялікіх, якія месціцца ў глыбінцы праблемная. Эксперты нагадваюць, што для агратурызму існуюць правальныя месяцы, калі турыстаў зусім няма. Гэта лістапад, снежань, люты, сакавік.

Яны адзначаюць, што людзі, занятыя ў агратурыстычным бізнесе, укладаюць не малыя грошы у упарадкаванне прылеглых да сядзібаў тэрыторыяў, рамантуюць дарогі, удасканальваюць інфраструктуру. Акрамя таго яны адраджаюць беларускія традыцыі, ствараюць працоўныя месцы, прыцягваюць у краіну замежнікаў, а значыць і валюту.

Існуюць больш песімістычныя прагнозы. Паводле іх да 17 працэнтаў існуючых аграсядзібаў збанкрутуюць. Гэта прывядзе да скарачэння працоўных месцаў у малых паселішчах, а таксама да таго, што ўладальнікі не змогуць вярнуць льготныя крэдыты, узятыя на развіццё сядзібаў.

З сакавіка 2022 году Беларусь адключана ад сістэмы браніравання Booking і Airbnb. Знікненне такіх сервізаў стане крытычным для тых аграсядзібаў, у якіх няма сваіх сайтаў і кліентуры.

Знаўцы гэтага бізнесу адзначаюць: беларусы адкрылі для сябе аграсядзібы ў перыяд пандэміі. Яны былі здзіўленыя на колькі адладжаны і арганізаваны ў іх адпачынак.

Паводле Белстата, на пачатак 2022 года ў Беларусі налічвалася 3150 аграсядзіб. Год таму іх было больш чым на дзве сотні менш – 2936. За 2021 год турысты пакінулі ў аграсядзібах каля 31 млн рублёў.

 

У росце цэнаў абвінавачаныя «агрэсіўныя санкцыі»

Навіна ад

Так мяркуе першы намеснік прэм’ер-міністра Мікалай Снапкоў. Ён запэўнівае, што «цяпер сітуацыя па цэнах стабілізуецца».

Паводле Мікалая Снапкова агрэсіўныя санкцыі супраць Расіі і Беларусі ўзнялі цэны на рынках сыравінных тавараў і харчавання. Інфляцыя бʼе рэкорды ва ўсіх краінах, цытуе службоўцу інфармацыйная агенцтва Белта.

Ён прызнае, што рост цэнаў назіраецца і ў Беларусі. Па ягоных словах у красавіку гадавы прырост спажывецкіх цэн склаў 16,8 працэнта», а дзякуючы намаганням ураду «у маі месячны прырост цэн значна замарудзіўся».

Па многіх пазіцыях «баршчавога набору» увайшоў у адмоўную зону», – настойвае Мікалай Снапкоў.

Старшыня ўраду Галоўчанка пра прыхільнасць беларусаў да долара: «Напэўна, так гістарычна склалася»

Навіна ад

«Насельніцтва псіхалагічна больш прывязана да долара», адзначае прэм’ер-міністр Раман Галоўчанка, гаворачы пра стратэгію дэдалярызацыі.

«Мы даўно прытрымліваемся стратэгіі дэдалярызацыі, падае словы старшыні ўраду інфармагенцтва Белта, спасылаючыся на ягонае інтэрвʼю на тэлеканале «Беларусь 1».

“Яна ідзе няпроста, – прызнаў ён, – у першую чаргу. Напэўна, з-за таго, што насельніцтва псіхалагічна больш прывязана да долара. Дарэчы, з усіх краін ЕАЭС менавіта, беларусы адрозніваюцца такой унікальнай псіхалагічнай прыхільнасцю да яго. Ні ў Рф, ні ў Казахстане, ні ў Арменіі такой прыхільнасці няма. Напэўна, так гістарычна склалася”.

Па ягоных словах праграма дэдалярызацыі – гэта сумесныя дзеянні Нацбанку і ўраду Беларусі. Ён лічыць, што з часам яна набудзе яшчэ большую актуальнасць, бо знаходзіцца «у мэйнстрыму развіцця сусветнай эканамічнай мадэлі, звязаным з адмовай ад долара як адзінага сродку плацяжоў».

 У эфіры тэлеканалу «Беларусь 1» Раман Галоўчанка заявіў, што свае ашчаджэнні захоўвае ў беларускіх рублях, і заклікаў беларусаў пераймаць ягоны прыклад.

Паводле звестак «Эканамічнай газеты» па выніках лютага агульны попыт на замежную валюту рэзка перавысіў прапановы.

Выданне, спасылаючыся на дадзеныя Белстату, паведамляла, што перавышэнне абʼёму набытай на працягу месяца замежнай валюты над абʼёмам прададзенай склала сумарна на ўсіх сегментах валютнага рынку 266 мільёнаў долараў ЗША. Чыстая купля валюты ў лютым 2022-га, аказалася найбольшай са жніўня 2020-га.

«Эканамічная газета» адзначае, што сітуацыя «на валютным рынку Беларусі, рэзка змянілася – пагоршылася – яшчэ да падзей ва Украіне.

Дзень у гісторыі. Дзень памяці Максіма Багдановіча

Навіна ад

25 мая – Міжнародны дзень зніклых дзяцей. Адзначаецца ад 1983 году.

25 мая 5493 да нашай эры – Александрыйская храналогія лічыла дату днём стварэння свету 

25 мая 1880 года нарадзіўся Вацлаў Іваноўскі (1880-1943), беларускі палітычны і грамадскі дзеяч, доктар тэхнічных навук, заснавальнік Беларускай рэвалюцыйнай партыі, стваральнік пецярбургскай беларускай выдавецкай суполкі «Загляне сонца і ў наша аконца», міністр асветы Беларускай Народнай Рэспублікі.

25 мая 1907 года ў Вільні адбыўся з’езд настаўнікаў, на якім быў створаны Беларускі настаўніцкі саюз. Ва ўмовах рэакцыі пасля паражэння рэвалюцыі 1905-1907 гадоў саюз не змог разгарнуць шырокую дзейнасць і спыніў існаванне.

Ставіў мэту рэарганізацыю сістэмы асветы на шырокіх дэмакратычных асновах для ўздыму грамадзянскай самасвядомасці і культуры народу. Выступаў за свецкі характар асветы; адмену саслоўных, нацыянальных і рэлігійных абмежаванняў у сферы адукацыі, таксама перавод пачатковага навучання на беларускую мову паляпшэнне матэрыяльнага і культурнага становішча настаўнікаў.

25 мая 1917 года памёр Максім Багдановіч (1891-1917), беларускі паэт, літаратуразнавец, перакладчык, класік беларускай літаратуры.

Яго спадчына ўвайшла ў залаты фонд беларускай культуры. Упершыню пачаў гаварыць па беларуску ў 1895 г. у вёсцы Вяззе (цяпер – Асіповіцкі раён), гасцюючы ў сваякоў. На доме сваякоў, у якім цяпер месціцца спартовая база, усталяваная шыльда.

Памёр Максім Багдановіч у Ялце, куды паехаў лячыцца ад сухотаў. Пахаваны там жа. У 1924 годзе на ягонай магіле паставілі помнік з чатырма радкамі з верша паэта «Паміж пяскоў Егіпецкай зямлі…».

У 2003 годзе стары помнік замянілі на новы. У 1980-х гадах уздымалася пытанне пераносу парэшткаў паэта з Ялты ў Мінск, але ініцыятары не атрымалі афіцыйнага адказу.

Музеі Багдановіча ёсьць у Мінску, Гродне, Яраслаўлі, імя паэта носяць вуліцы ва ўсіх абласных цэнтрах і буйных гарадах Беларусі, а таксама ў Расіі – Ніжнім Ноўгарадзе, Яраслаўлі і ўкраінскай Ялце.

Ягоным імем названыя школы і бібліятэкі ў Беларусі.

У 1991 годзе імя Максіма Багдановіча ўнесена ў каляндарны спіс ЮНЕСКА «Гадавіны выдатных асоб і падзей».

25 мая 1937 года нарадзіўся Сяргей Сідор (1937–1998), вучоны, педагог,

Часта яго называюць «Смоліч» геаграфіі 1990-х гадах, бо ягонымі намаганнямі, геаграфія Беларусі стала вывучацца ў школах як асобны прадмет на працягу года. Раней геаграфія краіны асобна не вывучалася, хаця падручнікі былі.

У 1971–1974 гадах працаваў на кафедры эканамічнай геаграфіі Магілёўскага педінстытуту.

25 мая 1991 года ў Мінску пачаўся I Міжнародны кангрэс беларусістаў (25-27 мая). Апошні, шосты, кангрэс працаваў 27-29 мая 2015 года.

Правядзенне кангрэсаў заклікана было садзейнічаць развіццю беларусістычных даследаванняў у галіне гуманітарных і сацыяльных навук, спрыяць выкладанню беларусазнаўчых дысцыплін за межамі Беларусі і палягчаць міжнароднае супрацоўніцтва паміж даследчыкамі ў свеце.

25 мая 1992 года ў Беларусі ўведзена нацыянальная валюта – беларускі рубель. У народзе атрымала назву «зайчык».

Уведзены былі купюры наміналам ад 50 капеек да 50 рублёў. Наміналы 100, 200 і 500 з’явіліся толькі ў снежні. Курс: 1 беларускі рубель = 10 савецкіх

Народны паэт Ніл Гілевіч са сваімі паплечнікамі адстойваў гістарычную назву для валюты – талер.

25 мая 1970 года памёр Мікола Абрамчык (1903-1970), беларускі грамадкі і палітычны дзеяч, публіцыст, інжынер, Прэзідэнт Рады Беларускай Народнай Рэспублікі (1947-1970). Пахаваны могілках Пер-Лашэз у Парыжы.

Ад 15 жніўня 1945 быў старшынём Беларускага нацыянальнага цэнтру. У снежні 1947 году афіцыйна аднавіў і ўзначаліў Раду БНР. Мікола Абрамчык быў праціўнікам пераходу беларускіх епіскапаў пад уладу Рускай праваслаўнай царквы за мяжой і адным з ініцыятараў адраджэння Беларускай аўтакефальнай царквы.

25 мая 1987 года памёр Аўген Калубовіч (1910-1987), беларускі гісторык, палітычны дзеяч, дзеяч эміграцыі ў ЗША настаўнік. Рэпрэсаваны ў 1930 г. па справе моладзевай «Беларускай Арганізацыі Альтруістых». У 1948-1953 гг. узначальваў Урад Беларускай Народнай Рэспублікі ў выгнанні.

Дзеяч беларускай дыяспары. Аўтар успамінаў пра палітычныя рэпрэсіі 1930-х гадоў. Укладальнік, рэдактар і адзін з аўтараў зборніка «Янка Купала і Якуб Колас. 1882–1982: Вянок успамінаў пра іх» (1982). Даследаваў гісторыю Беларусі XX стагоддзі. Аўтар прац «Мова ў гісторыі беларускага пісьменства», «Айцы БССР і іхны лёс», успамінаў «На крыжавой дарозе».

25 мая 2000 года пасля спектаклю «Жартаўлівы Пісарэвіч» магілёўскага народнага тэатру «Валянцін»,  адбылася сустрэча мясцовай інтэлігенцыі з акадэмікам Радзімам Гарэцкім – сынам акадэміка Гаўрылы Гарэцкага (1900-1988), пляменніка пісьменніка і літаратара і грамадскага дзеяча Максіма Гарэцкага.

Тэатр Валянцін быў тады асяродкам, гуртавання дэмакратычнай інтэлігенцыі. Пасля спектакляў абмяркоўваліся праблемы культурнага жыцця з удзелам запрошаных вядомых асобаў.

Кіраўніком тэатры быў франтавік, грамадскі дзеяч і брат гісторыка Міколы Ермаловіча – Валянцін Ермаловіч. На доме, дзё ён жыў у Магілёве, усталяваная памятная шыльда. (на фота Валянцін Ермаловіч). 

25 мая 1997 года ў Магілёве адкрыта тралейбусная лінія ад чыгуначнага вакзалу да заводу «Магілёўтрансмаш». А 10 гадоў назад, у 2012 г., агучваліся планы па будаўніцтву лініі да абласной больніцы. Намеры не рэалізаваныя.

Цяпер працягласць 5-ці тралейбусных маршрутаў складае 179,5 км; на іх 139 прыпынкаў. У горадзе працуе 107 тралейбусаў і 3 электробуса. 69,1% машын маюць тэрмін эксплуатацыі больш за 10 гадоў.

Малако і малочныя прадукты летась склалі амаль палову экспартнага аб’ёму сельгаспрадукцыі Беларусі

Навіна ад

Драйверам росту беларускага біржавога экспарту стане сельскагаспадарчая прадукцыя, лічыць намеснік старшыні праўлення Беларускай універсальнай таварнай біржы Эдуард Бельскі.

Ва ўмовах павышанага попыту на прадукты харчавання і ўмацаванне гандлёва-эканамічных адносінаў у межах Эўраазійнага эканамічнага саюзу біржавы механізм здольны максімальна эфектыўна рэалізоўваць патэнцыял беларускага аграпрамысловага комплексу, падае меркаванне прадстаўніка біржы інфармагенцтва Белта.

Паводле Бельскага за мінулы год экспарт сельскагаспадарчай прадукцыі склаў 6,7 мільярдаў долараў ЗША. З іх амаль палова (2,7 мільярдаў) прыпадала на малако і малочныя прадукты, якія прадавалі ў 58 краінаў.

«Мы гатовыя нарошчваць экспартныя пастаўкі, пагатоў, што рэсурс для гэтага ёсць – на біржавай пляцоўцы акрэдытаваныя ўсе малакаперапрацоўчыя прадпрыемствы Беларусі», – цытуе словы Бельскага Белта.

Прадстаўнік біржы выступаў на малочнай алімпіядзе ў казахскай Алматы.

Традыцыйна на 2 капейкі. Літр АІ-95 больш за долар ЗША.

Навіна ад

«Белнафтахім» аб’явіў аб павышэнні рознічных коштаў на аўтамабільнае паліва.

У Беларусі з 24 траўня зноў даражэе аўтамабільнае паліва, паведамляе канцэрн «Белнафтахім».

Гэта 13-е павышэнне цэн на паліва Кожны раз кошт павялічваюць на 2 капейкі за літр. Ад пачатку году паліва падаражэла на 26 капеек.

Цяпер літр абыдзецца аўтамабілісту:

 – АІ-92-К5-Еўра – 2 рублі 26 капейкі;

 – АІ-95-К5-Еўра – 2 рублі 36 капейкі;

 – АІ-98-К5-Еўра – 2 рублі 58 капеек;

Паводле Нацыянальнага банку 24 мая курс долара ЗША да рубля – 2,4645, еўра –2,6015. Адсюль вынікае, што літр паліва АІ-98-К5-Еўра каштуе больш за 1 долар ЗША і амаль 1 еўра.

Антибиотики, беспилотные летательные аппараты. Что еще внесено в перечень высокотехнологичных товаров

Навіна ад

В нём более 160 наименований. Кроме антибиотиков и беспилотных летательных аппаратов устройства для зарядки аккумуляторов, оборудование и устройства для фильтрования или очистки воды, а так же машины, которые выполняют две или более функции: печать, копирование или факсимильная передача, имеющие возможность подключения к вычислительной машине или к сети, сообщает Белта.

Перечень высокотехнологичных товаров утверждён постановлением Совета Министров, которое официально опубликовано на Национальном правовом интернет-портале. Оно вступает в силу после его официального опубликования и распространяет свое действие на отношения, возникшие с 1 января 2022 года, уточняет информационное агентство.