Category: У Беларусі

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Алесь Бяляцкі, Валянцін Стэфановіч, Уладзімір Лабковіч

Тром палітзняволеным праваабаронцам падоўжаная меру стрымання пад вартай яшчэ на тры месяцы, да 14 кастрычніка.

За кратамі яны ўжо год. Як паведамляць іхныя калегі, увесь гэты час ідзе следства, невядома, на якой яно стадыі, бо з адвакатаў узятыя падпіскі аб неразгалошванні.

Юлія Каценя

Асуджаная да 3 гадоў «хіміі» за, нібыта, групавыя дзеянні, што груба парушаюць грамадскі парадак.

26 гадовую жанчыну тры месяцы ўтрымлівалі на «Валадарцы». Суд адправіў яе ў калонію адкрытага тыпу. Яна вызваленая з-пад варты і будзе чакаць пакуль ёй не вызначаць месца адбыцця пакарання на волі.

Дзмітрый Марозаў

Яе дэпартуюць з Расіі ў Беларусь, дзе, паводле праваабаронцаў, яе чакае да 20 год зняволення.

Рашэнне пра дэпартацыю прыняў суд у Санкт-Пецярбургу 21 ліпеня.

Праваабаронцы нагадваюць, што Камітэт па правах чалавека ААН забараніў Расіі выдаваць Пінчук Беларусі.

25-гадовай грамадзянцы Беларусі пагражае да 20 гадоў калоніі за адміністраванне тэлеграм-чата, які прызнаны экстрэмісцкім.

Дзмітрый Марозаў

Застаецца ў зняволенні за, нібыта, распаўсюджванне «экстрэмісцкіх матэрыялаў».

Паводле праваабаронцаў урача-анестэзіёлага затрымалі 18 ліпеня ў Магілёве ў анкадыспансеры.

Цяпер ён у ізалятары часовага ўтрымання чакае суду.

«Актуальнасць праблемы, на жаль, будзе толькі ўзрастаць». Колькасць дзяцей з аўтызмам павялічваецца

Навіна ад

Пад наглядам урача-псіхіятра-нарколага цяпер знаходзяцца 2770 дзяцей з разладам аўтыстычнага спектру. За апошнія 5 гадоў агульная колькасць такіх дзяцей вырасла ў 2,4 разы.

«Актуальнасць гэтай праблемы, на жаль, будзе толькі ўзрастаць», – прызнае міністр аховы здароўя Дзмітрый Піневіч.

Паводле яго, падрыхтаваны праект загаду, які вызначае алгарытм аказання медычнай дапамогі пацыентам дзіцячага ўзросту з падазрэннем або прыкметамі разладу аўтыстычнага спектру і стварэнне асаблівых псіхалагічна камфортных умоў аказання ім дапамогі ў дзяржаўных арганізацыях аховы здароўя, перадае інфармацыйнае агенцтва «Белта».

Паводле беларускіх чыноўнікаў, сусветныя навуковыя дадзеныя сведчаць, што распаўсюджанасць разладу аўтыстычнага спектру складае 1 выпадак на 160 нованароджаных.

Аўтызм – псіхічны разлад, які характарызуецца выяўленым дэфіцытам асобасных, сацыяльных, маўленчых і іншага развіцця, а таксама навыкаў зносін.

Аўтысты – асаблівыя дзеці або людзі, якія агароджваюць сябе ад уздзеяння з грамадствам і ім абыякавае меркаванні іншых. Прычыны падобнага адхілення працы мозгу вывучаюцца, але прычыны застаюцца невядомымі.

У клінічнай практыцы Беларусі дыягназ дзецям з аўтызмам стаіцца ва ўзросце 3 гадоў і старэй. Як кажуць медыкі галоўная задача – гэта выяўленне праблемы ў раннім узросце, тады ёсць шанец «на больш-менш сацыялізаванае жыццё ў грамадстве».

 

«Засмуціла адсутнасць аншлагу». Жыхары глыбінкі аб сталічным спектаклі «Час жыцця»

Навіна ад

Група жыхароў Бялыніч наведала Нацыянальны акадэмічны тэатр імя Янкі Купалы і пабачыла спектакль «Час жыцця». Пра іхныя ўражанні і саму пастаноўку апавядае Магілёў.media.

Запрашальныя квіткі бялынічам дасталіся ад актораў тэатру Уладзіміра Рагаўцова і Генадзя Аўсянікава, якія родам з Бялыніччыны. Абодва ўсё жыццё аддалі Купалаўскаму тэатру. Генадзю Аўсяннікаву 87 гадоў, а ягонаму калегу Ўладзіміру Рагаўцову – 79. Сваю акторскую кар’еру першы пачаў у далёкім 1957-ым, а другі першы раз выйшаў на сцэну ў 1964-ым.

У спектаклі «Час жыцця» Генадзь Аўсяннікаў іграе галоўную ролю – пажылога ліфцёра, які збірае ў пятніцы сяброў. На сустрэчах яны ўспамінаюць прамінулае жыццё і выказваюцца пра рэаліі цяперашняга. Жылплошчу ліфцёр дзеліць са сваім унукам. Сюжэтныя жарсці разгортваюцца вакол кватэры, дзедаўскіх грошаў і іншых жыццёвых акалічнасцяў. Урэшце ўнук са сваёй дзяўчынай разумеюць, што не толькі іхнае жыццё наперадзе, але і ў «старых» – кожная хвіліна важная і каштоўная.

Жыхарам глыбінкі, якія зрэдку бываюць на імпрэзах сталічнага ўзроўню, а ў мясцовым Доме культуры ладзяцца пафасныя мерапрыемствы, прымеркаваныя да шанавання перадавікоў сельскай гаспадаркі, прафесійных святаў, юбілеяў ды сустрэч з праезджымі кіраўнікамі, спектакль спадабаўся. Уразіліся яны ігрой актораў ды нескладаным і гэтым прывабным сюжэтам, падобным на рэальныя праблемы з жыцця звычайных людзей.
Па словах бялынічан, у актораў усё атрымалася – гледачы паплакалі, пасмяяліся з простай жыццёвай гісторыі звычайнага пажылога ліфцёра.

Паказаць спектакль беларусам дазволіла Міністэрства культуры. Яго прадстаўнікі першымі пабачылі яго і вырашылі, што пастаноўка не мае крамолы.

Між тым гісторыя ў спектаклю даўняя. Яго першым паставіў славацкі драматург Освальд Заграднік у 1972 годзе ў Славацкім нацыянальным тэатры паводле п’есы «Сола для гадзінніка з боем». Потым сваю версію спектаклю прапанавалі акторы маскоўскага МХАТу. У 1974 годзе была запісана тэлеверсія спектаклю.

zviazda.by

Спектакль у купалаўскім паставіў рэжысёр Ігар Малоў. Пастаноўка пазіцыянуецца як «ува ўсіх сэнсах традыцыйная, зробленая ў манеры камерных псіхалагічных драм аб канфліктах пакаленняў».

«Нам хацелася б пазбегнуць штампаў, архаікі, паўтораў, банальнага прачытання матэрыялу. Мы вырашылі пайсці ў гэтай гісторыі ад сябе, ад уласнага ўнутранага свету. У кожнага з актораў ёсць уласны досвед узаемаадносінаў з дзецьмі і ўнукамі, на які можна абапірацца і сказаць аб чымсьці сваім глыбока асабістым…», казаў напярэдадні прэм’еры Уладзімір Рагаўцоў.

Пасля паездкі ў сталіцу бялынінчане адзначылі, што іх засмуціла не запоўненая гледачамі зала. І гэта, паводле іх, выглядала дзіўным на фоне колішніх заўсёдных аншлагаў.

“Крымінальнае чытво”. Мінск не пагадзіўся з высновамі экспэртаў, што беларускія ўлады перадалі на борт Ryanair інфармацыю пра бомбу

Навіна ад

Паводле міжнароднай арганізацыі грамадзянскай авіяцыі інфармацыя аб нібыта наяўнай бомбе на борце пасажырскага лайнера Ryanair, які сеў у Мінску ў маі 2021 года, была перададзена экіпажу самалёта па ўказанні ўладаў Беларусі. Свае высновы ICAO апубліквала на сваёй сайце 19 ліпеня.

Дырэктар Дэпартамента па авіяцыі Міністэрства транспарту і камунікацый Беларусі Арцём Сікорскі, што даклад міжнароднай арганізацыі грамадзянскай авіяцыі “не вытрымлівае ніякай крытыкі” і “дыскрэдытуе ІКАО як міжнародны тэхнічны орган, які займаецца грамадзянскай авіяцыяй”.

“Мы катэгарычна з ім не пагадзіліся. Афіцыйны прадстаўнік РФ, член Савета ІКАО таксама не пагадзіўся з гэтай справаздачай, указаў на шэраг памылак, недакладнасцяў, неавіяцыйных, неаб’ектыўных падыходаў”, – заяўляе Арцём Сікорскі.

Паводле яго, “ва ўсіх дакументах ІКАО напісана, што любое расследаванне праводзіцца не для таго, каб знайсці вінаватых, а каб выключыць падобныя падзеі ў будучыні. А ў цяперашні час пагрозу авіяцыйнай бяспецы ўяўляе так званы тэлефонны экстрэмізм, і гэта аб’ектыўная праблема, якой ІКАО павінна займацца”, падае словы ўрадоўцы інфармацыйная агенцтва “Белта”.

Рассьледваньне ІКАО ён лічыць “крымнальным чытвом” і “другагатункавым шпіёнскім раманам”.

Беларускія ўлады 23 мая 2021 года вымусілі лайнер авіякампаніі Ryanair, які ляцеў з Афін у Вільню, здзейсніць экстранную пасадку ў Мінску, заявіўшы, што атрымалі паведамленне аб бомбе, якая нібыта знаходзіцца на борце. Распараджэнне ляцець у сталіцу Беларусі пілоты атрымалі за некалькі хвілін да ўваходжання самалёта ў паветраную прастору Літвы. Для яго суправаджэння быў узняты знішчальнік МіГ-29 беларускіх ВПС.

Пасля пасадкі самалёта Ryanair у Мінску бомбы на борце знойдзена не было, аднак былі затрыманы два пасажыры — Раман Пратасевіч і яго сяброўка Соф’я Сапега. Сапега атрымала шэсць гадоў калоніі па абвінавачанні ў адміністраванні тэлеграм-канала “Чорная кніга Беларусі”.

«Да 500 рублёў». Белпоштай уведзеныя абмежаванні ў аплаце паслуг

Навіна ад

Часова ўведзеныя абмежаванні на правядзенне аперацый па аплаце паслуг з выкарыстаннем банкаўскіх плацежных карт, эмітаваных банкамі-нерэзідэнтамі, у суме 500 рублёў за адну банкаўскую плацежную карту за нядзелю.

Пра тое паведаміла Белпошта са свайго тэлеграм-каналу.

Паштавікі выбачаліся за прынесеныя нязручнасці.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Аляксандр Піскуноў

Асуджаны на з гады за калоніяў агульнага рэжыму.

27 лютага гэтага году ён зняў на мабільны тэлефон расійскую вайсковую тэхніку і даслаў гэта відэа ў адзін з тэлеграм-каналаў, а ў каментары напісаў пра колькасць тэхнікі, кірунак яе руху і адметныя асаблівасці.

У гэтым следства ўгледзела садзейнічанне экстрэмісцкай дзейнасці. Гомельскі абласны суд прызнаў яго вінаватым «у стварэнні экстрэмісцкага фармавання, альбо ўдзеле ў ім».

Паводле праваабаронцаў на момант затрымання хлопец не быў паўналетнім.

Дзмітрый Осік

Былога выкладчыка юрфаку Беларускага дзяржаўнага ўніверсітэту, у якога цяпер уласная каратэ-студыя, арыштавалі на 15 сутак.

Яго зняволілі 13 ліпеня і адвезлі ў Цэнтральны РУУС Мінску. Праз два дні яму прызначылі адміністрацыйны арышт. Што інкрымінуецца невядома, пішуць праваабаронцы.

Дзмітрый Марозаў

Лекара-анастэзіёлага анкалагічнага дыспансера Магілёва забралі з працы.

Паводле калегаў, нібыта, спрабаваў стварыць незалежны прафсаюз. Сілавікі ўзламалі на працоўным месцы шуфлядкі і забралі службовы камп’ютар.

Месца знаходжання невядомае. Калегі кажуць, што збіраўся звальняцца, а сямʼя чакала візу.

Аляксандр Трафімаў

Затрыманы лекар-гастраэнтэролаг з Баранавічаў.

Прычына зняволення не вядомая. Нібыта забралі на трое сутак.

Затрыманы вёў блог аб медыцыне ў сацыяльных сетках.

Яўгеній Маркавец

На волі, адбыўшы ўвесь тэрмін зняволення.

Быў затрыманы 28 мая 2021 году. Быў асуджаны ў Гомелі судом Савецкага раёну за публічную знявагу прадстаўніка ўлады.

Адседзеў 1,5 гады ў калоніі агульнага рэжыму.

Праваабарончай супольнасцю прызнаны палітвязнем.

Жыхар Бабруйску знайшоў хованку з патронамі. Іх прызналі боепрыпасамі

Навіна ад

Але з 89-ці стрэліў толькі адзін.

Па словам мужчыны на патроны ён натрапіў падчас пошуку мэталу ў кар’еры. Аб небяспечнай знаходцы паведаміў у міліцыі.

Паводле даследаванняў Дзяржаўнага камітэту судовых экспертыз патроны вырабленыя завадскім спосабам, з’яўляюцца боепрыпасамі, прызначанымі для стральбы з наразной агнястрэльнай зброі. Іх можна выкарыстоўваць для рэвальвераў сістэмы «Наган», аўтаматаў «АК», пісталетаў Токарава «ТТ», ручных кулямётаў і пісталетаў-кулямётаў.

Экспертамі зроблены адстрэл патронаў – адзін з 89 аказаўся прыдатным для стральбы, піша выданне «Комерческий курьер».

Прыканцы чэрвеня ў Магілёве, паведамляў тады Магілёў.media у адным з мясцовых гандлёвых цэнтраў наведніца таксама наткнулася на хованку з патронамі. З 37-мі прыдатным да стральбы аказаўся адзін.

Патроны былі схаваныя пад дэкаратыўнай пліткаю.

Мяняюцца правілы продажу патрыманых аўтамашын. Што чакае?

Навіна ад

Нельга будзе набыць патрыманы аўтамабіль за наяўныя грошы ў выпадку, калі здзелка ажыццяўляецца паміж юрыдычнай асобай, індывідуальным прадпрымальнікам і фізічнай асобай.

Уводзіцца патрабаванне аб заключэнні абавязковай пісьмовай дамовы на адчужэнне транспартнага сродку. У дамове павінна быць прапісана адсутнасць абмежаванняў на здзелкі з аўтамашынай.

Дамову куплі-продажу можна будзе зарэгістраваць не толькі ў ДАІ і Мінсельгаспрадзе, але і шляхам натарыяльнага афармлення.

Пры пакупцы адным чалавекам у другога, калі абодва выступаюць як фізічныя асобы, пакупка за наяўныя сродкі ўсё яшчэ будзе дазваляцца.

Змены набудуць моц праз шэсць месяцаў.

 

У Шчучыне паставілі помнік Шарлю дэ Голю. Неўзабаве адкрыццё

Навіна ад

Помнік прасякнуты сімвалізмам. На ім малады капітан Шарль дэ Голь выяўлены на фоне паўкруглай рэльефнай сцяны з аконнымі праёмамі, якая сімвалізуе шлях ад вязня да лідара Супраціўлення.

Капітан Шарль дэ Голь – будучы генерал, лідар французскага Супраціўлення і прэзідэнт Францыі – з ліпеня па верасень 1916 году быў у Шчучыне ў нямецкім палоне, паведамляе тэлеграм-канал «Спадчына».

Ён прымаў удзел у ваенных дзеяннях ад пачатку І Сусветнай вайны – з жніўня 1914 года. Тройчы быў параненым, апошні раз у Вердэнскай бітве 1916 года. Пакінуты на полі бою.

Атрымаў пасмяротную воінскую пашану, ордэн Ганаровага Легіёну. Саслужыўцы не ведалі, што дэ Голь выжыў і ў палоне. Шэсць разоў ён рабіў спробы ўцячы і быў вызвалены толькі па сканчэнні вайны.

У Францыі яго шануюць як адну з самых значных палітычных фігур у гісторыі, нароўні з Напалеонам І.

2020 год у гэтай краіне быў абвешчаны «Годам дэ Голя». За межамі Францыі, помнікі яму ёсць у Варшаве, Маскве, Нур-Султане. Цяпер з’явіцца ў Беларусі.

 

 

Цукровая паніка дабралася да Магілёва

Навіна ад

У невялікіх і буйных крамах гораду цукар знік, разбіраюць нават рафінад.

Не паспеў Магілёў.media паведаміць  пра тое, што нягледзячы на нервознасць пакупнікоў, цукру ў магілёўскіх крамах хапае, як паліцы пачалі імкліва пусцець.

Запасы тавару карэспандэнты Магілёў.media адшукалі толькі ў цэнтры гораду – на Цэнтральным (Мінскім) рынку, у «Грошыку» каля «кітайскай сцяны».

Міністэрства антыманапольнага рэгулявання і гандлю Беларусі абвяргае чуткі пра магчымае павышэнне цаны на цукар. Паведамляецца таксама, што яго складскіх запасаў у краіне дастаткова, каб задаволіць попыт.