Category: Палітыка і грамадства

Сталі вядомы падрабязнасці асуджэння ў Бабруйску палітвязня з Украіны

Навіна ад

У Бабруйску грамадзяніна Украіны Юрыя Бандарэнку асудзілі да палутара гадоў калоніі за нібыта абразу Лукашэнкі. Прычынай стала выказванне меркавання ў прыватнай гутарцы. 

Аб тым, што стала прычынай затрымання ўкраінца год таму і цяперашняга яго зняволення, Праваабарончы цэнтр “Вясна” даведаўся толькі цяпер. Паводле даных праваабаронцаў, Бандарэнка каля крамы выказаўся ў прысутнасці іншых грамадзян у непрыстойнай форме пра Лукашэнку. Згодна версіі абвінавачвання, матывам украінца стала нібыта «падтрымка ідэй сацыяльнай нецярпімасці да прадстаўнікоў улады Рэспублікі Беларусь і адкрытая праява непрыязнасці да яе». Вынікам стала ўзбуджэнне супраць яго крымінальнай справы па артыкуле 368 КК РБ,

Адзін з прысутных звярнуўся ў міліцыю і нават прадставіў фотаздымак машыны, на якой з’ехаў Юрый Бандарэнка са сваім таварышам. На наступны дзень украінца затрымалі па абвінавачванні ў абразе Лукашэнкі.

20 верасня 2024 года Бандарэнка быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці, паведамляецца на сайце “Вясны”.

Фота: “Вясна”

Супраць Анатоля Ісачанкі могуць узбудзіць справу ў Міжнародным крымінальным судзе ў Гаазе

Навіна ад

Як нядаўна стала вядома, Савет Еўропы запусціў працэс стварэння спецтрыбунала па Украіне. Пра прыцягненне ў рамках гэтай справы да Міжнароднага крымінальнага суда ў Гаазе беларускіх топ-чыноўнікаў, замяшаных у агрэсіі Расіі супраць Украіны і генацыдзе ўкраінскіх дзяцей, у сваім інтэрв’ю “Еўрарадыё” расказаў кіраўнік НАУ Павел Латушка. 

Паводле палітыка, намаганні каманды юрыстаў-міжнароднікаў, што працуюць у Народным антыкрызісным упраўленні, накіраваныя на тое, каб далучыць беларускіх чыноўнікаў да спецрасследавання, якое праводзіцца ў сувязі са злачынствамі супраць чалавечнасці падчас расійска-украінскай вайны Гаагскім трыбуналам. Пад разгляд суда трапляе не толькі сама ваенная агрэсія, саўдзел Беларусі ў якой заключаўся ў прадстаўленні сваёй тэрытоыі. 

Гаворка вядзецца таксама пра генацыд украінскіх дзяцей, якіх паміма іх волі вывозілі з радзімы, мэтанакіравана мянялі ім ментальнасць. Частка гэтых злачынстваў называецца “выкараненне ідэнтычнасці”, і некаторыя з іх праходзілі на тэрыторыі Магілёўскай вобласці. 

Нагадаем, што ў спіс беларускіх арганізацый, звязаных з уздзеяннем на псіхіку ўкраінскіх дзяцей, уваходзяць дзве ўстановы з Магілёўскай вобласці. Гэта дзіцячы лагер “Дубравенка”, які ўваходзіць у структуру Магілёўскага аддзялення Беларускай чыгункі, і лагер “Зара”, падпарадкаваны булачна-кандытарскай кампаніі “Дамачай” – пісалі mogilev.media.

Акрамя ўласна Аляксандра Лукашэнкі, пад юрысдыкцыю спецтрыбунала ў Гаазе могуць патрапіць – Беларускі міністр абароны Віктар Хрэнін, кіраўнік Памежных войскаў у 2022 годзе, выхадзец з Бялыніччыны Анатоль Лапо, кіраўнікі Гомельскага і Магілёўскага аблвыканкамаў і іншыя беларускія чыноўнікі. 

Фота: udf.name

Палітвязень з Чэрыкава Іван Янчанка выйшаў на волю

Навіна ад

Жыхар Чэрыкава Іван Янчанка, які быў асуджаны па палітычных прычынах, вызваліўся па заканчэнні тэрміна зняволення.

Пра выйсце на волю Івана Янчанкі паведамляе “Гомельская вясна”. У 2022 годзе яго абвінавацілі ў тым, што ён у верасні 2021 года, знаходзячыся ў Жлобіне, выказаў свае меркаванні ў каментары ў сацсетцы “ВКонтакте” пра выпадак ў Менску, калі ў сваёй кватэры быў забіты супрацоўнік ІТ-кампаніі EPAM SYSTEMS Андрэй Зельцар.

Забойства Андрэя Зельцара, які самаахвярна абараняў сваю сям’ю і дом, тады моцна абурыла беларускае грамадства і шмат хто асуджаў дзеянні супрацоўнікаў КДБ, якія ў цывільным уламіліся ў прыватную кватэру. Паводле інфармацыі ініцыятывы Dissidentby, Янчанка пакінуў каментар: “Народ адкрыў рахунак”.

За выказанае меркаванне пра дзеянні кадэбэшнікаў абвінавацілі Івана Янчанку ў распальванні варажнечы да работнікаў КДБ паводле часткі 1 артыкула 130 Крымінальнага кодэкса. Відавочна, праз тое, што каментар Янчанка напісаў, знаходзячыся ў Жлобіне, крымінальную справу разглядалі ў Гомельскім абласным судзе. Ролю суддзі выконваў прызначаны туды асабіста Лукашэнкам на пасаду суддзі Аляксей Хлышчанкоў. 4 жніўня 2022 года ён прысудзіў зняволіць Івана Янчанку на тры з паловай года калоніі агульнага рэжыму.

12 жніўня 2022 года праваабарончая супольнасць Беларусі прыняла сумесную заяву, у якой вызнала Івана Янчанку палітычным зняволеным.

Праваабаронцам не ўдалося высветліць, дзе ўвесь гэты час карнікі трымалі Івана Янчанку. Але цяпер атрыманае пацверджанне, што Іван Янчанка вызвалены па сканчэнні тэрміну, які яму прысудзіў Хлышчанкоў. На волю ён выйшаў 3 красавіка 2025 года.

Фота “Гомельская вясна”

Памерла былая палітзняволеная з Магілёва Ганна Кандраценка – дыягназ ёй паставілі яшчэ на зоне

Навіна ад

Ганна Кандраценка была асуджаная да трох гадоў пазбаўлення волі. У калоніі ёй паставілі дыягназ – рак.

5 лютага 2025 года не стала палітзняволенай з Магілёва Ганны Кандраценка. Пра смерць 39-гадовай жанчыны стала вядома толькі цяпер – паведамляе “Наша Ніва”. У калоніі, падчас трохгадовага зняволення, у яе быў дыягнаставаны рак шыйкі маткі. Ганна Кандраценка памерла праз поўгады пасля вызвалення. З родных у яе засталася толькі маці-пенсіянерка, якая жыве ў Чавускім раёне.

Ганну Аляксандраўну Кандраценку абвінавацілі адразу па трох артыкулах Крымінальнага кодэкса: абраза прадстаўніка ўлады, абраза Лукашэнкі і абраза суддзі альбо народнага засядацеля. Працэс праходзіў у 2022 годзе, яго вяла суддзя Наталля Панасенка.

суддзя
Суддзя Суда Ленінскага раёна г. Магілёва Наталля Панасенка

Вось што пра Ганну Кандраценка расказвала былая сукамерніца, таксама палітзняволеная: “Аня загіне ў тых турмах. Да яе следчы ў калонію прыехаў, а яна нагаварыла на новы тэрмін. Ані вельмі цяжка, у яе падтрымкі амаль не было ад родных, у яе толькі мама пенсіянерка, якая жыве на мінімальную пенсію.

Аня высокая і худзенькая. У яе псарыяз, які пасля працы з сінтэпонам яшчэ больш прагрэсаваць пачаў. Аня ніткі абразала і выварочвала рэчы. Ад тых шмулянняў аб тканіну ў яе стала ўсе горш”.

Акрамя псарыяза, у калоніі ў Ганны Кандраценка дыягнаставалі рак. Нягледзячы на гэта, яе не выпусцілі датэрмінова, а наадварот, дадалі яшчэ адзін тэрмін. За каментарый на адрас інспектара ДАІ Светлагорскага РУУС Андрэя Баграёнка, суддзя Вольга Краўчанка прысудзіла Ганне год пазбаўлення волі і 50 базавых велічынь штрафу, але новы тэрмін быў паглынуты ранейшым, больш строгім.

Суддзя Краўчанка
Суддзя Суда Кастрычніцкага раёна г. Магілёва Вольга Краўчанка

Ганна Кандраценка адбыла свой тэрмін цалкам. Яна вызвалілася 20 чэрвеня 2024 года. На свабодзе Ганна прабыла трохі больш за паўгода, змагаючыся са сваёй хваробай. Па словах аднавяскоўцаў, пасля смерці дачкі яе маці вядзе «пустэльніцкі лад жыцця».

Дзіўны пратэст магілёўскіх падлеткаў, дзяўчыны паказвалі “fuck” салюту – дапоўнена

Навіна ад

У сацыяльных сетках завірусілася кароткае відэа з Магілёва. На ім бачна, як некалькі дзяўчын, прыблізна школьнага веку, паказваюць непрыстойны жэст у бок святочнага салюта, што адбываўся вечарам 9 траўня. Па сілуэтах асвятляльных слупоў на заднім плане можна пабачыць, што адбывалася гэтая “акцыя” ў раёне Пушкінскага маста праз Днепр.

Дзеянні дзяўчын, якіх было не менш за шэсць чалавек, выглядаюць яўна скаардынаванымі. Цяжка зразумець, які сэнс укладалі падлеткі ў такую дэмантрацыю непавагі – магчыма, гэта спантанны падлеткавы пратэст, выкліканы засіллем прапаганды ў сістэме адукацыі, што найбольш задушліва стала праяўляцца ў час святкавання 80-годдзя перамогі ў Другой Сусветнай вайне.

Прагназуем, што ў хуткім часе ўдзельніцы гэтай наіўнай, непрывабнай, але інтуітыўна зразумелай акцыі адчуюць на сабе жудасны молах рэпрэсіўнай машыны.

UPD: Як паведамляюць афіцыйныя крыніцы, асобы дзяўчынак на відэа ўстаноўленыя. Гэта 13-14 гадовыя дзяўчынкі. Каналы прапагандыстаў і звязаныя з сілавікамі пішуць, што ўсіх іх прыцягнулі да адміністрацыйнай адказнасці, а ў некаторых выпадках (відаць, у дачыненні да 13-гадовых) да адказнасці прыцягнулі бацькоў. Таксама, усіх дзяўчынак паставілі на ўлік у Інспекцыі па справах непаўналетніх.

Фота: скрыншот

Былая палітзняволеная магілёўская студэнтка эвакуявана з Беларусі

Навіна ад

Нядаўна вызваленая з лукашэнкаўскіх засценкаў былая студэнтка-выдатніца МДУ імя А.Куляшова Данута Перадня пачынае сваё жыццё ў Польшчы.

“Дзякуючы працы каманды эвакуацыі фонда BYSOL, былая палітзняволеная змагла пакінуць Беларусь, дзе яе, пасля вызвалення, прэсавалі сілавікі.

Дапамагчы студэнтцы-выдатніцы, якую пасадзілі за антываенную пазіцыю можна па спасылцы” – напісаў у сваім Фэйсбуку кіраўнік фонда BYSOL Андрэй Стрыжак.

Паводле інфармацыі Праваабарончага цэнтру “Вясна”, 20-гадовую студэнтку Магілёўскага дзяржаўнага ўніверсытэту імя Куляшова затрымалі 28 лютага 2022 году, калі яна прыехала на маршрутцы з Кіраўска ў Магілёў.

У віну дзяўчыне паставілі тое, што яна 27 лютага перапосціла ў адзін з магілёўскіх чатаў тэкст з рэзкай крытыкай Уладзіміра Пуціна і Аляксандра Лукашэнкі за вайну супраць Украіны. Таксама там заклікалі да вулічных выступаў і пісалі пра тое, што беларускае войска ня мае перспектывы, калі непасрэдна ўступіць у вайну.

10 чэрвеня таго ж году Камітэт дзяржаўнай бяспекі ўнёс Дануту Перадню ў спіс «асоб, якія маюць дачыненне да тэрарыстычнай дзейнасці».

Перад арыштам Перадня была студэнткай-выдатніцай і мела ад педагогаў толькі станоўчыя характарыстыкі. Аднак, адразу пасля завядзення крымінальнай справы яе адлічылі з унівэрсытэту.

За той перадрук антываеннага допісу Перадні далі шэсць з паловай гадоў турмы, з якіх яна адседзела тры.

Амаль год Данута правяла ў СІЗА, яшчэ амаль два гады – ў гомельскай калоніі.  

У канцы 2024 года Дануту Перадня «памілавалі», і яна выйшла на волю. Пра яе вызваленне стала вядома ў студзені 2025 года. А ў траўні эвакуацыйная каманда BYSOL дапамагла дзяўчыне пераехаць у Польшчу.

Фота з соцсетак Дануты Перадня

Легкоатлетка из Климовичей в Польше обвинила своего бывшего в работе на КГБ

Навіна ад

Известная бегунья из Климовичей Кристина Тимановская, теперь выступающая за Польшу, заявила, что ее бывший муж Арсений Зданевич сотрудничает с КГБ.

Тимановская заявила в интервью польскому изданию Interia, что когда-то сама ходатайствовала перед польским президентом о предоставлении гражданства не только себе, но и своему супругу. По её словам, тогда он был для неё важной эмоциональной и моральной опорой.

Сегодня ситуация изменилась кардинально. Бывший муж спортсменки, остающийся в Беларуси, отказывается от польского гражданства, заявляя, что оно ему «никогда не было нужно». Более того, как утверждает Тимановская, мужчина сотрудничает с КГБ.

«Мне странно, что польские власти не обращают внимания на то, что один из их граждан взаимодействует со спецслужбами авторитарного режима» — говорит она.

Лишение гражданства, как она отмечает, осложнено тем, что в своё время соответствующий указ был подписан лично президентом Польши.

Хотя Тимановская подчёркивает, что не боится за свою безопасность, она признает: идея о возможном возвращении бывшего мужа в Польшу вызывает у нее тревогу.

«Если он действительно уже сотрудничает с КГБ — никто не может предсказать, на что он способен» — заявила спортсменка.

На вопрос, знал ли он спецслужбы еще во время брака, Тимановская отвечает осторожно: «Не думаю, но с уверенностью сказать невозможно».

Сейчас спортсменка сосредоточена на тренировках, проживает с новым партнером в США и строит новую главу своей жизни вдали от политических и личных конфликтов.

После того, как Зданевич оказался в Беларуси, Тимановская хотела, чтобы лукашисты схватили его за фотографирование с бело-красно-белым флагом. Об этом в феврале писало спортивное издание “Трибуна”.

Фото: by.tribuna.com

Снос церкви под Могилевом вызвал скандал – тут и религия, и политика, и “русский мир”

Навіна ад

В деревне Браково Могилевского района начался снос крупного строения, которое его владелец, Александр Набоков, называет скромно «часовенкой». На деле здание напоминало полноценный храм.

Как пишет Телеграм-канал Mayday, Набоков, директор «Фонда памяти Георгия Конисского», ранее получил признание за финансирование установки памятника этому православному просветителю в Могилеве. Тогда фонд активно поддерживался местными властями и церковью, но после 2022 года отношения охладели. С началом войны в Украине власти пересмотрели отношение к религиозной активности Набокова, особенно на фоне всё более политизированной риторики.

Белорусская православная церковь официально заявила, что не имеет отношения ни к фонду, ни к строительству в Браково, и не давала благословения на возведение храма или духовного центра. При этом в официальной переписке речь шла уже о крупном комплексе с домом милосердия.

Местные жители сообщают, что комплекс в форме креста задумывался как духовно-просветительский центр имени Конисского, включавший храм Рождества Богородицы. Сторонники проекта, по их словам, стали называть несогласных «врагами православия».

Местные власти свою позицию обозначили. Так, в сюжете новостей телеканала “Беларусь 4 Могилев”, они объясняют необходимость сноса недостроенного строения обращениями местных жителей из-за угроз его обрушения. 

В защиту проекта выступило объединение «Русь триединая», созданное украинскими антимайдановцами. Его лидер Сергей Моисеев, участник вторжения РФ в Харьков, направил письмо Александру Лукашенко с просьбой сохранить здание. В центре, как оказалось, планировалось переиздание идеологического текста «История Русовъ», утверждающего единство «малороссов» и «южнорусских».

Таким образом, снос «часовни» в Браково стал не просто локальной проблемой, а итогом более глубокого конфликта — на стыке религии, политики и идеологического давления.

Фото: MAYDAY

У Магілёве ў трэці раз асудзілі палітзняволенага Яна Папковіча

Навіна ад

Палітзняволенага Яна Папковіча другі раз асудзілі за «злоснае непадпарадкаванне адміністрацыі калоніі». У зняволенне ён трапіў, атрымаўшы тэрмін за імкненне абараняць Украіну.

Як стала вядома праваабаронцам «Вясны», 14 красавіка ў Магілёве палітзняволенага Яна Папковіча асудзілі за нібыта злоснае непадпарадкаванне законным патрабаванням адміністрацыі калоніі. Яму прызначылі яшчэ дзевяць месяцаў зняволення.

Гэта другая падобная крымінальная справа супраць 32-гадовага палітвязня. Ціск за кратамі на яго не спыняецца з моманту затрымання. 

Былога інкасатара «Белгазпрамбанка» і экс-спецназаўца Яна Папковіча затрымалі 2 верасня 2022 года – перад тым, як ён збіраўся з’язджаць у Польшчу. Падчас затрымання Яна моцна збілі, таксама стрэлам паранілі ягонага сабаку. 

У траўні 2023 года яму прысудзілі пяць гадоў зняволення па абвінавачванні ў арганізацыі і падрыхтоўцы дзеянняў, што груба парушаюць грамадскі парадак, а таксама ў падрыхтоўцы грамадзяніна Беларусі ў ваенных дзеяннях без упаўнаважання сваёй дзяржавы на тэрыторыі замежнай дзяржавы.

Як паведамляюць праваабаронцы, Яна Папковіча паказвалі ў некалькіх сюжэтах БТ, дзе прадстаўлялі яго наймітам, які збіраўся ехаць на вайну ва Украіну.

У “спіс экстрэмістаў” унесены памерлы год таму магілёвец – яго пабрацімы адказалі

Навіна ад

У так званым «спісе экстрэмісцкіх фармаванняў» з’явілася прозвішча Аляксандра Царука, хоць мужчына памёр год таму.

МУС абнавіў Рэспубліканскі спіс экстрэмісцкіх фармаванняў – у ім з’явіўся праект «Ямницкий Флот». Паводле ведамства, дачыненне да яго маюць Андрэй Тупоўскі і Аляксандр Царук.

У 2020 годзе Аляксандр Царук быў назіральнікам на выбарах. Яго некалькі разоў затрымлівалі: агулам ён правёў за кратамі 40 сутак. Пасля пачатку поўнамаштабнай вайны ва Украіне Аляксандр далучыўся да беларускіх добраахвотнікаў – тады яшчэ батальёна Каліноўскага і ўзяў пазыўны «Сашко».

Вярнуўшыся з вайны, мужчына цяжка захварэў на анкалагічную хваробу, якая хутка забрала ягонае жыццё. Яго пахавалі летась у красавіку ў Вільні.

Адказам адміністратараў “Ямницкого флота” на абвяшчэнне яго экстрэмісцкім фармаваннем стаў фотаздымак боепрыпасаў і подпіс пад ім: “Эти  недоразвитые признают Ямницкий Флот экстремистами. Ну так держите черти подарок от экстремистов. Жыве Беларусь и Слава Украине!!!”

Ямніцкі флот

Фота: ПЦ “Вясна”