Ужо ў трэці раз за год горацкі райвыканкам выносіць на грамадскае абмеркаванне лёс аднаго дрэва. Mogilev.media пісалі пра першае падобнае мерапрыемства 3 красавіка. Тады рашаўся лёс бярозы, што расла на вуліцы Якубоўскага. Затым 26 красавіка вырашаўся лёс бярозы на вуліцы Пагодзінскай. Сёння, 8 лістапада ў 14.30 у Горацкім райвыканкаме пройдзе абмеркаванне вішні на вуліцы Фрунзэ, каля дома нумар 7. Мяркуецца, што дрэва перашкаджае ў эксплуатацыі гэтага дома.
Фота ілюстрацыйнае, з адкрытых крыніц