Журналісты газеты “Кiравец” звярнулі увагу на занядбаны вугал мясцовага аўтавакзала – і за час вёрсткі нумару сітуацыя змянілася.
Знакамітая кіраўская смажанка, якая прадаецца побач з аўтавакзалам, як і раней, прыцягвае натоўпы мясцовых жыхароў і гасцей горада.
Але побач з кулінарнымі пахамі наведвальнікаў сустракаў не надта прыемны пейзаж – абшарпаны вугал будынка аўтавакзала, які мог сапсаваць агульнае ўражанне ад горада.
І гэта ў той час, калі па ўсёй краіне шырокім фронтам, сямімільнымі крокамі ідзе год добраўпарадкавання!
Яшчэ да публікацыі крытычнага матэрыялу, уладальнікі аўтавакзала аператыўна адрэагавалі: злашчасны вугал быў атынкаваны. Што ні кажы, а газета “Кіравец” – справа ўплывовая.
Смажанка з салатам “пад шубай” – што?! Культавая закусачная ператварылася ў гастранамічны бардэль.
Чытачы mogilev.media падзяліліся ўражаннямі ад наведвання міні-рэстарана, што працуе на месцы знакамітай калісьці магілёўскай “Смажанкі”. Нагадаем, дзяржаўная закусачная тут зачынілася яшчэ шэсць гадоў таму, а ў яе памяшканні адкрыўся пафасны “стрыт-фуд бар” Da Grill. У прынцыпе, нічога негатыўнага ў тым, што дзяржаўныя прадпрыемствы саступаюць дарогу прыватнаму бізнэсу, няма. Гэта няўмольны закон эканомікі. Але, часам, са стратай традыцыйных і любімых сэрцу з’яваў губляецца таксама і дух старога горада, і, калі хочаце, яго вайб.
Штосьці падобнае адбылося і ў выпадку з Da Grill. Гэты маленькі вулічны рэстаранчык пасля закрыцця “Смажанкі” асабліва не пазіцыянаваўся як яе лагічны працяг. Але, відаць, публіка патрабавала, і паступова тут не проста ўвялі смажанку ў меню, але паволі сталі пераймаць яе брэнд. Знешняя рэклама тут спекулюе назвай гэтай стравы, а профіль кампаніі ў Google.maps з цягам часу ператварыўся ў «Smazhenka bistro».
Вось толькі самой смажанкай у Da Grill і не пахне. Ёй пахне ў Кіраўску, куды, відаць, пераехалі аматары гэтай стравы з глуздамі, і куды спецыяльна па смажанку людзі з’яжджаюцца з усёй Беларусі. А не ў Магілёў. Чытачы нашага выдання нядаўна наведалі гэты “стрыт-фуд бар” і падзяліліся назіраннямі. Замест абяцаных 15-ці хвілін замоваў чакаць прыходзіцца па 25. Ну, а смажанка ператварылася ў поле эксперыментаў – на традыцыйную гарачую булку дадумаліся класці сялёдку пад шубай. Ладна, грыбы. Ладна, сырыя памідоры і зеляніна. Але – салат? Наступнай эксперыментальнай стравай, напэўна, трэба будзе чакаць смажанку з тортам, альбо, можа, з сушы?
Райцэнтр вядомы падарожнікам па трасе Бабруйск – Магілёў найперш сваёй смажанкай. Аўтобусы, якія рухаюцца па самай доўгай у Еўропе прамой трасе, робяць спецыяльныя прыпынкі ля кафэ з сімвалічнай назвай “Смажанка”, каб людзі маглі закупіццца гэтай смакатой.
Прыдарожнае кафэ за дзень рэалізуе ад 2 да 4 тысяч смажанак, а ў летні час продажы вырастаюць да 5-6 тысяч штук – паведамяе газета “Магілёўскія ведамасці”.
Як адзначаюць у Кіраўскім райспажыўтаварыстве, сярэднямесячны тавараабарот спажывецкага таварыства складае 330 тысяч рублёў, прычым паkову – 170 тысяч з іх прыносіць рэалізацыя смажанак.
mogilev.media
У 1934 годзе побач з вёскай Старцы на месцы былых хутароў і вёскі Качэрычы быў арганізаваны пасёлак Кіраўск. Пасёлак быў названы ў гонар Сяргея Кірава, сакратара Ленінградскага абкама ВКП(б) пасля яго забойства ў 1934 году. У 1955 годзе пасёлак Кіраўск і вёскі Кірава і Стараселле былі аб’яднаны ў адно паселішча – пасёлак пад назвай Кіраўск, які ў 1959 годзе атрымаў статус пасёлка гарадскога тыпу. У 2001 годзе Кіраўск атрымаў статус горада.
Папулярнасць кіраўскіх смажанак настолькі вялікая, што кіраўчане прапануюць увекавечыць свой брэнд ў скульптуры. Слава аб кіраўскім кулінарным шэдэўры так далёка выйшла за межы раёна, што многія жыхары вобласці, і не толькі яе, імкнуцца патрапіць у раённы цэнтр, каб самім пераканацца ў яго ўнікальных смакавых якасцях – заяўляюць жыхары горада.
