Tag: Полк Калиновского
Магілёвец, які імкнуўся далучыцца да палка Каліноўскага, быў асуджаны ў Гомелі
Яго затрымалі на ўкраінскай мяжы. Прысуд – 2 гады і 6 месяцаў зняволення, канфіскаваны мабільны тэлефон.
Імя абвінавачанага не паведамляецца, вядома што справа разглядалася на закрытым судовым пасяджэнні. 28-гадовы мужчына з лютага па май 2022 года шукаў інфармацыю пра тое, як можна далучыцца да беларускага добраахвотнага падраздзялення ў шэрагах украінскай арміі – палка імя Кастуся Каліноўскага.
Магілёвец быў затрыманы падчас перасячэнні дзяржаўнай мяжы Рэспублікі Беларусь. Па рашэнні суда, ён быў прызнаны вінаватым у падрыхтоўцы да ўдзелу ва ўзброеным фарміраванні аднаго з супрацьлеглых бакоў, а таксама ўдзелу ва ўзброеным канфлікце, ваенных дзеяннях без паўнамоцтва дзяржавы. Мужчыне прызначана пакаранне ў выглядзе пазбаўлення волі на тэрмін 2 гады 6 месяцаў з адбываннем у папраўчай калоніі ва ўмовах агульнага рэжыму. Таксама ў даход дзяржавы быў канфіскаваны мабільны тэлефон.