Tag: овощи

Жыхарка Горак вырасціла памідор-гігант – фотафакт

Навіна ад

Памідор вагой 738 грама вырасціла жыхарка Горак на ўласным агародзе. А яшчэ на сваёй кухні стварыла памідорна-кветкавую кампазіцыю.

Канешне, гэта не адзіны тамат, які з’явіўся сёлета на яе градках, аднак самым вялікі памідор вырас больш за 700 грам. 

Больш за тое, ураджай памідораў у жанчыны з Горак наогул атрымаўся вельмі салідным. З гэтай нагоды яна нават стварыла спецыяльную памідорна-кветкавую кампазіцыю, якая ўпрыгожвае кухню і стварае добры настрой уладальніцы рэкордная агародніны – паведамляе інфармацыйны рэсурс horki.info

А мы нагадаем, што пакуль трымаецца рэкорд пенсіянеркі з Чавус Вольгі Хічэўскай, якая вырасціла памідор вагой у 1,6 кілаграмы – пра што раней пісалі mogilev.media.

Фота horki.info і з адкрытых крыніц

У цэнтры Вільні на пешаходнай вуліцы высадзяць мяту, капусту, памідоры

Навіна ад

Сёлета ў Вільні па вуліцы Шніпішкю побач з гандлёвым цэнтрам «Cup» з’явіцца сад ядомых раслін.

Тут будуць расці мята, капуста, гарбузы і нават памідоры. Гэта вуліца была абрана для такога сада невыпадкова, бо там няма руху транспарта і прызначана яна выключна для пешаходаў. А гэта значыць, што кожны наведвальнік зялёнай зоны можа не баючыся з’есці гародніну з сада – паведамляе “Новая газета. Балтыя”.

Падобныя гарадскія сады і ядомыя клумбы цяпер папулярныя ў Скандынавіі і Заходняй Еўропе. Па словах ландшафтнага архітэктара Віленскага гарадскога парка Вайвы Маразене, памідоры, вырашчаныя ў такім садзе, не павінны адрознівацца ад тых, што вырошчваюць гараджане на сваіх балконах ці агародах.

Магілёву ёсць чаму павучыцца ў суседзяў.

Фота з адкрытых крыніц

Першыя свае гуркі на Магілёўшчыне чакаюцца ўжо напрыканцы лютага

Навіна ад

Кіраўскае сельгаспрадпрыемства “Рассвет імя К. Арлоўскага” ўжо высадзіў першыя ў гэтым сезоне таматы і гуркі ў сваіх цяпліцах. Найбольш раннім чакаецца ўраджай гуркоў, якія павінны паявіцца ў фірменных крамах прадпрыемства ўжо ў канцы лютага. Збор ураджаю таматаў запланаваны на красавік.

Сёлета ў цяпліцах аграпрадпрыемствы высадзілі таматы на плошчы ў 3 гектары. На 2,5 га размясціліся таматы слівападобныя “Рамінда F1”, яшчэ 0,5 га займаюць таматы гатунку “Ксантэра F1”. Таксама ў цяпліцах высадзілі расаду агуркоў плошчай 4 га. Тут на 2 га размясціліся сярэднеплодны гатунак “Яні F1”, 1,2 га займае кароткаплодны гатунак “Б’ерн F1”. Яшчэ 0,8 га займае гатунак “Антысіпатар” – паведамляе БелТА.

Фота: БелТА

На Магілёўшчыне збіраюць у шэсць разоў больш ураджаю сёлета, чым летась

Навіна ад

У мінулым годзе на гэты час сярэдняя ўраджайнасць гародніны складала 59 цэнтнераў з гектара, а ў гэтым годзе – 361. 

Усяго на Магілёўшчыне дзяржаўныя сельгаспрадпрыемствы сабралі ўраджай з 21% засяваных плошчаў – паведамляюць “Магілёўскія ведамасці”. Агульны збор гародніны дасягнуў 4674 тон і значна пераўзыходзіць паказчык 2021 года – 2622 тоны.

Ураджайнасць у прыватных гаспадарках не паддаецца строгаму статыстычнаму аналізу, аднак малаверагодна, што там яна істотна адрозніваецца ад названых паказчыкаў.

Сярэдняя ўраджайнасць зерневых культур сёлета па Беларусі таксама была вышэй за леташнюю.

«Фотаальбом Магілёў.media». Успамін пра апошнія дні лета з тым, што ўрадзіла

Навіна ад

Мілая дачніку карціна, калі на ягоных палетках пасеянае ўвесну ўзышло ды саспела. Пра ўрод на сваіх сотках ён гатовы апавядаць гадзінамі, чакаючы ад суразмоўцы захаплення ды зайздрасці. Каб пераканаць яго ён абавязкова нечым свойскім пачастуе. Уважліва выслухае калегу пра гісторыю ягоных поспехаў на зямлі.

Падслухоўваць такія гаворкі найчасцей даводзіцца ў прыгарадных цягніках. Дарогаю да лецішча, ці з яго, з наладаванымі торбамі садавіны ды гародніны, дачнікі з выглядам дасведчаных аграрыяў расказваюць адзін аднаму сакрэты свайго майстэрства. 

Гэта нічога, што ўсё свядомае жыццё яны аддалі гораду. Папросту беларуса цягне да зямлі. У ёй яго сіла і ўпэўненасць, што заўтра абавязкова надыдзе і ўсё будзе добра.

Пра тое напісаў Магілёў.media яго чытач. Разам з развагамі пра «сялянскую душу беларуса» ён даслаў серыю фотаздымкаў з поспехамі сваёй аграрнай чыннасці. Ягоныя творы папоўнілі «Фотаальбом Магілёў.media».

У фотаальбоме Магілёў.media – сабраныя фотаздымкі, дасыланыя чытачамі. Іх аўтары суправаджаюць свае работы невялікімі допісамі. У асноўным тлумачаць, чаму вырашылі сфатаграфаваць той, ці іншы ўпадабаны вобраз. Як і раней, чакайма фотаздымкай і допісаў да іх у паштовай скрынцы skrynia@mogilev.media.

Пенсіянерам і дачнікам дазволілі падзарабіць. Нязвыкла шмат гандляроў свойскай прадукцыі сабралася ля цэнтральнага рынку Магілёва

Навіна ад

Імправізаваныя гандлёвыя рады захапілі не толькі вуліцу Ціміразеўскую, на якой размешчаны рынак, але і суседнюю Першамайскую. Людзі прадаюць вырашчаную на сваіх палетках садавіну і гародніну, а таксама сабраная ў лесе грыбы ды ягады. Па колькасці тавару бачна, што ўсё гэта ўрадзіла.

Гараджане адзначаюць, што на прылеглай да рынку мясціне няма міліцэйскіх нарадаў, якія разганяюць у іншыя дні гандляроў. Расклееныя тут абвесткі папярэджваюць аб адміністрацыйнай адказнасці за гандаль у нявызначаным месцы.

Сярод гандляроў пераважаюць пенсіянеры. На прынесеных з сабою ўслончыках, ці сканструяваных на месцы лаўках, сядзяць і маладзейшыя іх калегі. Твары ўва ўсіх стомленыя, а ў вачах мальба да мінакоў, каб тыя чаго купілі.

Адзначыць Мядовы спас, асвяціўшы харчы, ля тутэйшай царквы сабралося багата праваслаўных вернікаў. Гандляры ля рынку і грамада ля бажніцы ажывілі цэнтр Магілёва ў выхадны дзень. Гараджане заўважаюць, што супрацоўнікі міліцыі назіраюць за абстаноўкай, але не ўмешваюцца ў гарадское дзейства, бо свята ж.

Даражэе бульба ды цыбуля, таннее – капуста з агуркамі. Падрос на 1 рубель 13 капеек мінімальны заробак

Навіна ад

Даражэе бульба да цыбуля, таннее – капуста з агуркамі. Падрос на 1 рубель 13 капеек мінімальны заробак.

Паводле Нацыянальнага статыстычнага камітэту ў параўнанні з чэрвенем мінулага году харчовыя і не харчовыя тавары падаражэлі на 119 працэнтаў, а паслугі – на 111-ць.

МІнімальны заробак стаў на 1 рублель 13 капеек болей, чым быў у сакавіку. Яго ўзьнялі да 480 рублёў 96 капеек.

Паводле звестак Нацыянальнага статыстычнага камітэту, пададзеных інфармацыйным агенцтвам «Белта» падаражэлі:

– Цыбуля рэпчатая падаражэла на 38,68%;

– Бульба – на 28,46%;

– Морква – на 24,31%;

– Буракі – на 12,7%;

– цытрусавыя – на 6,15%.

З паслугаў найбольш падаражэлі: турыстычныя (на 13,08%), санаторна-аздараўленчыя (на 10,6%) ды паслугі дашкольных устаноў (на 9,8%).

Танней сталі:

– Капуста патаннела на 39,15%;

– Агуркі – на 21,44%;

– Памідоры – на 20,06%;

– Бананы – на 12,84%;

– Яблыкі – на 10,31%.

– Перац салодкі – на 7,65%.

Тым часам, Міністэрства працы і сацыяльнай абароны паведаміла, што мінімальны заробак за чэрвень складзе 480 рублёў 96 капеек. Гэта азначае, што за тры месяцы ён «падрос» на 1 рубель 13 капеек.

Пасля сакавіцкай індэксацыі ён склаў 479 рублёў 83 капейкі. З першага студзеня 2022-га мінімалка была 457 рублёў.

 

Гурочкі са Шклова, памідоры з Брэсту, а чарэшні з Украіны. Што прадаюць і за колькі на магілёўскім цэнтральным рынку (фота)

Навіна ад

На «мінскім», як упарта працягваюць называць гэты рынак магілёўцы, можна вывучаць геаграфію, якая, аднак, уступае ў канфлікт з тым, што ляжыць у кашальку.

Наведнікаў рынку дзівіць, што сярод вялікага выбару садавіны ды гародніны, ёсць прадукцыя з Украіны, дзе шугае вайна.

Але, за яе просяць значна больш, чым за тавар, прывезены з далейшых краёў. З Украіны вязуць чарэшні, херсонскія памідоры.

З пабачанага на мясцовых прылаўках самымі таннымі былі «гурочкі» са Шклова. Некалі ў гэтым райцэнтры кожная сядзіба мела парнікі, дзе гадаваліся гуркі.

Нават тутэйшая гасцініца названая «Раднічком», у гонар аднаго з гурочных гатункаў. На пляцоўцы ля Дому культуры стаіць скульптура гурка. Цяпер тыя часы ў мінулым і гуркі расцяць з большага для сябе, а не на продаж.

Нямала садавіны з цяплейшых куткоў Беларусі, пераважна, з Берасцейшчыны.

Багата зяленіва з далёкіх краёў – Туркменіі, Арменіі, Турцыі, Узбекістану.

Выбар ёсць, але пытанне ў тым, што мае пакупнік у гаманцы.

 

В Беларуси откорректирован список овощей для ввоза из недружественных стран

Навіна ад

Беларусь откорректировала запрет на ввоз овощей из стран, которые придерживаются санкционной политики. Это предусмотрено постановлением Совмина, которое опубликовано на Национальном правовом портале.

Ранее в списке запрещенных на ввоз были указаны овощи, кроме предназначенных для посева. Теперь это уточнение убрали.

Кроме того, ряд овощей значились в исключениях, то есть для них запрет, который вступил в силу с 1 января, не применялся. Это семенной картофель, лук-севок, гибридная кукуруза и бобовые для посева.

К списку исключений сейчас добавили салат-латук, баклажаны, сладкий стручковый перец, кабачки и салатные овощи.

Появились два исключения и в категории «Фрукты и орехи». Теперь эмбарго не распространяется на некоторые свежие яблоки и груши.

Продуктовое эмбарго действует с 1 января.  Запрет распространяется на товары из стран Европейского союза, Соединенных Штатов Америки, Канады, Норвегии, Албании, Исландии, Северной Македонии, Соединенного Королевства Великобритании и Северной Ирландии, Черногории, Швейцарии. Как ранее сообщалось, насыщать внутренний рынок будут аналогичными товарами из дружественных стран.

officelife.media