Гардэробшчыцу пры гэтым не засмуціла, што хлопец забраў жаночую вопратку, хоць заяўляў што згубіў жэтончык ад сваёй. Крадзёж адбыўся ў адным з начных клубаў Магілёва – паведамляе Тэлеграм-канал прэс-службы абласнога УУС. 22-гадовы раней не судзімы жыхар горада звярнуўся да гардэробшчыцы ў клубе, што ён нібыта згубіў нумарок ад сваёй вопраткі. Жанчына прапанавала яму аплаціць кошт жэтончыка ў касе. Заплаціўшы невялікую суму, хлопец атрымаў доступ да гардэроба і вынес куртку 19-гадовай дзяўчыны, што адпачывала ў тым жа клубе, коштам у 500 рублёў. Узбуджана крымінальная справа.
Tag: могилев
Самае кранальнае відэа дня з Магілёўшчыны
Трактарыст спыніўся на ажыўленай трасе, каб вынесці разгубленую касулю на ўзбочыну. Відэа было знятае на трасе Магілёў-Бабруйск.
Падзенне дзевяцігадовай дзяўчынкі ў Магілёве – падрабязнасці
Нашы чытачы распавялі шчымлівыя падрабязнасці надзвычайнага здарэння, якое днямі адбылося ў Магілёве ў адным з дамоў па праспекце Шмідта. Нагадаем, дзевяцігадовая дзяўчынка выпала з вакна кватэры на шостым паверсе і ўпала на дах магазіна, размешчанага на першым паверсе дома. У цяжкім стане яна была шпіталізаваная.
Як стала вядома Магілёў.media, дзяўчынка мае асаблівасці развіцця, і самастойна адчыніла вакно. Пасля падзення яна доўгі час праляжала на даху магазіна “Славянскі”. Калі ратавальнікі і “хуткая дапамога” забіралі дзяўчынку, тэмпература яе цела паказвала ўсяго 24 градусы. Зараз медыкі змагаюцца за жыццё малечы.
Паглядзіце, які сыр прадаваўся ў Магілёве
У соцсетках паявіліся фотаздымкі прадукцыі кампаніі “Савушкін прадукт”. Чорны ад цвілі сыр быў набыты ў краме “Еўраопт” па вуліцы Лазарэнкі ў абласным цэнтры.
У Магілёве пройдзе онлайн-семінар па навагодніх цацках, арганізаваны праз адно месца
Вам прыйдзецца вельмі пастарацца, каб прыняць удзел у практыкуме.
Абласны метадычны цэнтр народнай творчасці размясціў аб’яву пра онлайн-семінар па вырабе навагодніх цацак у стылі выцінанкі для ўсіх жадаючых. Праўда, чамусьці семінар вырашана правесці паасобна для розных раёнаў Магілёўшчыны, як быццам бы гэта мае значэнне для онлайн-фармата. Першы этап заяўлены на 23 лістапада для Бялыніцкага, Бабруйскага, Быхаўскага, Глускага, Горацкага, Дрыбінскага, Клімавіцкага, Клічаўскага, Кіраўскага, Касцюковіцкага і Крычаўскага раёнаў. Для астатніх раёнаў семінар пройдзе 30 лістапада.
Заняткі будзе праводзіць крычаўская майстрыца Наталля Бернадская, сябар Міжнароднага клуба “Папяровыя традыцыі”, “Беларускага саюза майстроў народнай творчасці” і народны майстар выцінанкі.
Вось толькі прыняць удзел у онлайн-семінары будзе вельмі няпроста. Па-першае, ніякай спасылкі на трансляцыю практыкума няма ні на сайце Установы культуры “Магілёўскі абласны метадычны цэнтр народнай творчасці і культурна-асветнай працы”, ні ў сацсетках і мэсенджарах арганізацыі.
Па-другое, пра алгарытм падключэння да трансляцыі любога жадаючага не змаглі патлумачыць ні ў прыёмнай установы, ні ў аддзеле спецыялістаў (то бок, прыйшлося зрабіць некалькі званкоў, і не заўсёды трубку падымалі). Тэхнічныя супрацоўнікі арганізацыі патлумачылі Магілёў.media, што для падключэння да трансляцыі, неабходна пакінуць свае кантакты ў Viber альбо нумар тэлефона, пасля чаго жадаючаму будзе скінута спасылка на Zoom-трансляцыю семінара. Такім чынам, для ўдзелу ў семінары любому ахвотнаму прыйдзецца прайсці праз пошукі кантактаў арганізатара, праз некалькі тэлефонных званкоў і абмен асабістымі паведамленнямі з супрацоўнікамі цэнтра народнай творчасці.
Пад Мікалаевым расійскія войскі разбурылі капліцу, пабудаваную беларускімі і польскімі перасяленцамі ў сярэдзіне ХІХ ст.
У Мікалаеве фактычна знішчаны вадаправод. На дзявятым месяцы поўнамаштабнага расійскага ўварвання ва Украіну высветлілася, што ў Мікалаеве з-за салёнай вады пашкоджана карозіяй 240 кіламетраў вадаправода. З красавіка ў Мікалаеве няма прэснай вады, паведамляе УНІАН
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.
Вадаправодная сістэма для забеспячэння насельніцтва, прадпрыемстваў, войск напаўнялася салёнай вадой з Днепра-Бугскага лімана. Генеральны дырэктар гарадскога камунальнага прадпрыемства “Мікалаеўводаканал” Барыс Дудзенка адзначае, што карозіяй пашкоджаны трубы па ўсім горадзе.
images.unian.net
Для выпраўлення сітуацыі пачата супрацоўніцтва з “Таварыствам Чырвонага Крыжа”, “UNICEF”. Кошт рамонту гарадской сеткі з’яўляецца настолькі маштабным, што яго не здужае ні мясцовы бюджэт, ні дзяржаўны.
У Мікалаеўскай вобласці без электрычнасці застаюцца амаль 90 населеных пунктаў.
З пачатку вайны акупанты часткова пашкодзілі або цалкам знішчылі 787 аб’ектаў электразабеспячэння на тэрыторыі рэгіёна, паведамляе palyanytsyaua.
Усяго на Мікалаеўшчыне расійцы пашкодзіла і знішчылі 13 542 грамадзянскія аб’екты, сярод іх: 92 медыцынскіх, 388 навучальных устаноў, 184 установы культуры, 189 прамысловых прадпрыемстваў, 8 729 аб’ектаў жыллёвага фонду, 992 аб’екты газазабеспячэння, 30 аб’ектаў аб’ектаў водазабеспячэння і іншыя.
Тым часам, працягваецца праца сапёраў. У вызваленых раёнах вобласці выявілі больш за 100 мін, якія акупанты схавалі ў сярэдніх школах.
palyanytsyaua.com
Акупанты зруйнавалі каталіцкую капліцу ў Кісялёўцы.
Каля вызаленага ад акупантаў раённага цэнтра Снігіроўкі акупанты разбурылі храм, які перажыў сусветную вайну і камуністычны рэжым. Будынак не дачакаўся свайго 170-годдзя, якое планавалася адсвяткаваць 8 снежня.
Храм Беззаганнага Зачацця Найсвяцейшай Панны Марыі ў вёсцы Кісялёўка, як сведчыць пробашч парафіі айцец Аляксандр, цалкам разбураны і аднавіць яго немагчыма, толькі пабудаваць нанава. Знішчаны найстарэйшыя іконы. Сяло Кісялёўка было заснавана католікамі-перасяленцамі з Польшчы і Беларусі. Мураваная капліца ўзведзена ў 1852 годзе.
Пабрацімства Мікалаева з Магілёвам было замацаванае дамовай у 2009 годзе.
31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.
Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.
Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
У Магілёў упершыню завітаў апостальскі нунцый у Беларусі арцыбіскуп Антэ Ёзіч
Апостальская нунцыятура ў Мінску з’яўляецца дыпламатычнай місіяй Святога Пасаду ў Беларусі і рэзідэнцыяй прадстаўніка Папы ў нашай краіне. Пасля прыбыцця ў Мінск Антэ Ёзіч пачаў наведваць рэгіёны Беларусі. Цяпер прыйшла чарга Магілёўшчыны.
Прадстаўнік Папы Францішка ў нашай краіне ўпершыню наведаў Магілёўшчыну ў верасні мінулага года, калі ўзяў удзел у агульнабеларускіх урачыстасцях, якія праходзілі ў Бялынічах з нагоды 260-годдзя каранацыі абраза Маці Божай Бялыніцкай папскімі каронамі і 30-годдзя адраджэння касцёльных структур у Беларусі.
Гэтым разам ватыканскі дыпламат наведаў першую біскупскую сталіцу на тэрыторыі сучаснай Беларусі, што калісьці была цэнтрам самай вялікай па плошчы дыяцэзіі ў гісторыі Каталіцкага Касцёла.
Нунцый Ёзіч узначаліў цэлебрацыю ўрачыстай святой Імшы ў старадаўняй магілёўскай катэдры Унебаўзяцця Найсвяцейшай Панны Марыі і святога Станіслава.
Нядаўна ўлады нарэшце перадалі гэтую гістарычную святыню ў бязвыплатнае карыстанне магілёўскім католікам, якія дагэтуль павінны былі плаціць штомесячную арэндную плату.
Магілёўскі каталіцкі святар Віталь Чабатар арыштаваны на 15 сутак
Пра затрыманне віцэ-дэкана Магілёўскага дэканата стала вядома 17 лістапада, а сёння Тэлеграм-канал Katolik.life паведаміў, што святар атрымаў арышт на пятнаццаць сутак.
Айцец Віталій Чабатар належыць да Ордэну кларэтынаў і працуе ў Магілёве з 2007 г. У студзені 2018 г. біскуп Аляксандр Яшэўскі прызначыў яго віцэ-дэканам Магілёўскага дэканата. Актуальна з’яўляецца вікарыем мясцовай парафіі св. Антонія Падуанскага. Паходзіць з Гродна.
Пра прычыну затрымання не паведамляецца.
Фота: katolik.life
Натарыусы бясплатна пракансультуюць магілёўцаў 2 снежня
– Падчас бясплатнага кансультавання грамадзяне, якія звярнуліся, і прадстаўнікі юрыдычных асоб могуць атрымаць адказы на пытанні, якія іх цікавяць, якія ўваходзяць у кампетэнцыю натарыуса, у тым ліку афармлення спадчынных правоў, складання завяшчанняў, шлюбных дагавораў, адчужэння нерухомасці, здзяйснення выканаўчых надпісаў, прадастаўлення электронных дакументаў для дзяржаўнай рэгістрацыі. юрыдычных асоб або індывідуальных прадпрымальнікаў або ўнясення змяненняў у статут (устаноўчы дагавор) натарыусам, забеспячэння пісьмовых доказаў. – распавялі ў Магілёўскай абласной натарыяльнай палаце рэсурсу Mycity.by.
З адрасамі і рэжымам працы натарыяльных кантор і натарыяльнага бюро Магілёўскай натарыяльнай акругі можна азнаёміцца на сайце Беларускай натарыяльнай палаты ў раздзеле “Знайсці натарыуса”.
Магілёвец падглядзеў будаўнічыя матэрыялы і абакраў гараж на 5 000
64-гадовы жыхар абласнога цэнтра завіхаўся ў сваім гаражы, калі міма праходзіў 42-гадовы мужчына. Апошні заўважыў унутры памяшкання цэглу і іншыя будаўнічыя матэрыялы, вярнуўся праз некаторы час і ўзламаў навясныя замкі. Усе скрадзеныя матэрыялы ён прадаў трэцяй асобе, але яго ўдалося затрымаць праваахоўнікам. Сума шкоды сягае 5 000 рублёў. Цяпер супраць непрацуючага і раней не судзімага магілёўца ўзбуджана крымінальная справа – паведамляе Тэлеграм-канал прэс-службы абласнога УУС.