Раман Галоўчанка заяўляе, што Беларусь «мае намер адказаць люстэркава на агрэсіўныя дзеянні эканамічнага кшталту з боку недружалюбных краін». Са словаў урадоўцы вынікае, што ўсё «будзе цывілізавана»: іхную уласнасць, якая знаходзіцца ў Беларусі, могуць забраць. Сярод такіх краінаў згадваюцца Літва і Латвія.
“Нам перашкаджаюць рэалізоўваць свае камерцыйныя інтарэсы”
Незадаволенасць беларускага боку выклікана, як заяўляецца, «фактычным пазбаўленнем уласнасці». Аляксандр Лукашэнка патрабуе, каб былі ўжытыя захады супраць Літвы, яка нібыта прысабечыла 30 працэнтаў акцыяў клайпедскага тэрміналу сыпкіх грузаў.
“Мала таго, што гэтыя санкцыі незаконна ўвялі, дык яшчэ і фактычна забралі нашу ўласнасць” – казаў Лукашэнка, словы якога падавала БелТА.
На ягоныя словы Галоўчанка адрэагаваў сваім «Отжали».
nv-online.info
Чыноўнік заяўляе, што ўжо пачалася “прэтэнзійная праца”. Паводле яго, дзеянні «недружалюбных» краін “фактычна нам перашкаджаюць рэалізоўваць свае камерцыйныя інтарэсы”, піша БелТА.
“Нашы меры ў адказ цяпер рыхтуюцца. – даводзіць Галоўчанка – Таксама ўсё будзе цывілізавана. Уся ўласнасць і юрыдычных, і фізічных асоб недружалюбных дзяржаў Рэспубліцы Беларусь вядома, яна падлічана”, – кажа Галоўчанка.
“Як мінімум гэта будуць люстэркавыя рашэнні”
Чыноўнік запэўнівае, што ніякіх агрэсіўных дзеянняў з беларускага боку не будзе.
«Але калі ў адносінах да нас ужываюць агрэсіўныя дзеянні эканамічнага кшталту, вядома ж, мы маўчаць не будзем. Як мінімум гэта будуць люстэркавыя рашэнні. Але да апошняга будзем заклікаць да голасу розуму», – выказваецца Галоўчанка.
Пра “беларускія” 30 працэнтаў
30 працэнтаў акцыяў клайпедскага Тэрміналу насыпных грузаў беларускі вытворцаў угнаенняў “Беларуськалій” купіў у галоўнага акцыянера прадпрыемства Ігара Удавіцкага ў 2013 годзе.
Праблема з транзітам беларускага калію праз Літву з’явілася з-за прынятых у жніўні 2021 году амерыканскіх санкцый супраць “Беларуськалія”, якія ў адрозненні ад еўрапейскіх, датычацца ўсёй прадукцыі кампаніі. Баючыся механізму “другасных санкцый” ЗША літоўскія ўлады спынілі транзіт беларускага калію.
belmarket.by
У адным з інтэрвʼю эканамічны аглядальнік Таццяна Манёнак адзначыла, што сітуацыя адчувальная для абедзвюх краін, паколькі лагістычны ланцужок праз Літву быў самым зручным і бакі будавалі доўгатэрміновыя планы.
«Нагадаю, што “Беларуськалій” зʼяўляецца ўладальнікам 30% тэрміналу ў Клайпедскім порце – не зразумела, як будзе вырашана гэтая праблема. Ды і мы разумеем, што калі беларускія ўгнаенні сыдуць з Клайпедскага порта, то сыдуць назаўжды, ва ўсякім разе пакуль такая палітычная сітуацыя ў Беларусі складваецца».
Пагрозы былі і “да вайны”
Адказаць «сіметрычна» на спыненне Літвой транзіту беларускага калію Мінск абяцаў на пачатку 2022 году, яшчэ да поўнамаштабнай вайны ва Ўкраіне. Беларускія чыноўнікі спадзяваліся на ўрэгуляванне праблемы наладжваннем дыялогу.
Санкцыі ЗША былі ўведзеныя супраць Беларусі за дзеянні рэжыму Лукашэнкі, якія амерыканскі бок ахарактарызаваў, як надзвычайныя і выключныя пагрозы нацыянальнай бяспецы і знешняй палітыцы Злучаных Штатаў.
11 жніўня ў афіцыйнай заяве парламент краіны прызнаў гвалт Расіі супраць грамадзянскага насельніцтва ва Украіне і іншых краінах тэрарызмам, а саму Расію – дзяржавай, якая падтрымлівае тэрарызм. Адзначаецца, што Расія выкарыстоўвае гвалт для дасягнення палітычных мэт.
Латыскія палітыкі заклікаюць дзяржавы-члены Эўрасавету неадкладна прыпыніць турызм і абмежаваць выдачу ўязных віз грамадзянам Расіі і Беларусі, паведамляе выданьне Press.
Сойм адзначае, што Расія нападае на ўкраінскае грамадзянскае насельніцтва, выкарыстоўваючы пакуты і запалохванне як інструменты ў сваіх спробах дэмаралізаваць украінскі народ і ўзброеныя сілы Украіны, паралізаваць дзеяздольнасць дзяржавы і акупаваць Украіну.
Поўнамаштабную вайну Расія развязала супраць Украіны 24 лютага 2022 году. Тэрыторыя Беларусі была выкарыстаная расійскіямі войскамі для нападу на суседнюю краіну. З Беларусі абстрэльвалі паўночныя раёны Ўкраіны.
Ахвярамі вайны сталі больш за 11 тысяч мірных украінцаў. Больш за 5 тысяч загінула. Зафіксаваныя шматлікія факты здзекаў і расстрэлаў мірнага насельніцтва расійскімі вайскоўцамі. Выяўленыя масававыя пахаваньні. Больш за 6 мільёнаў сталі бежанцамі.
У выніку абстрэлаў разбураныя гарады і паселішчы. Эканамічныя страты ацэньваюцца ў сотні мільёнаў долараў.
У Латвіі перабываюць расійскія артысты, якія адкрыта выказвалі сваю пазіцыю адносна агрэсіі Расіі супраць Украіны. Там жа «адпачываюць» і тыя хто ніяк не адрэагаваў на тое, што творыць Расіі ва Ўкраіне. Найбольш расійскія артысты ўпадабаюць балтыйскае ўзмор’е.
Генадзь Хазанаў
Генадзь Хазанаў абвяргае чуткі аб эміграцыі, але ў Латвіі «адпачывае» амаль паўгода.
У Латвіі ён перабывае – як мінімум, з сярэдзіны сакавіка. Яго бачылі ў кампаніі з яшчэ адным расійскім артыстам Леанідам Ярмольнікам.
Як піша латвійскае выданне Press нагодаю для чутак пра эміграцыю Хазанава стаў неадназначны каментар дырэктар расійскага тэатру «Ленком» Марка Варшавера. Ён заявіў, што вярнуцца артыст (Хазанаў, ММ) не можа, і загадкава дадаўшы: «Так здарылася».
Паводле Press Генадзь Хазанаў паабяцаў, што гледачы яго пабачаць на сцэне «Ленкома». Ён адмаўляе, што эміграваў з Расіі, але ягоны каментар гучыць не пераканаўча.
«Трэба проста пільна глядзець на тое, што адбываецца ў маскоўскіх тэатрах. Тады ніякіх пытанняў не ўзнікне. Я гуляю ў спектаклях. Цяпер лета, вакацыі. Але ж гэта не значыць, што я эміграваў», – падае словы расійскага артыста Press, спасылаючыся на канал «Тeleprogramma.pro».
Генадзь Хазанаў мае нерухомасць у краінах Балтыі. Ён удзельнічаў у пастаноўках Рыжскага рускага тэатра.
Леанід Ярмольнік
У Леаніда Ярмольніка ёсць кватэра ў Юрмале. Ён яе прыдбаў у 2012 годзе. Як хвалілася жонка артыста, яны туды ездзілі “як на дачу”, піша выданьне “Фокус”.
Леанід Ярмольнік жыў у Заходняй Украіне, калі яго бацька служыў ува Львове.
Яфім Шыфрын
Пра жаданне пакінуць Расіі раней выказваўся яшчэ адзін тамтэйшы артыст Яфім Шыфрын. Ягоны бацька быў рэпрэсаваны ў Савецкім Саюзе, а будучы артыст нарадзіўся ў Магаданскай вобласці. Пазней ягоная сям’я пераехала ў Латвію і пасялілася ў Юрмале. У Латвіі Шыфрын скончыў школу і пачаў вучыцца ў мясцовым універсітэце.
У адным з інтэрв’ю Шыфрын назваў сябе латышом і нават па-латышску звярнуўся да прэзідэнткі краіны Агаты Муцэніецэ, піша выданьне BB.lv.
Ала Пугачова і Максім Галкін
У Латвіі цяпер Ала Пугачова з мужам Максімам Галкіным. Яны абодва асудзілі ўварванне Расіі ва Ўкраіну і вымушаныя былі пакінуць радзіму. Аселі ў Ізраілі.
Мала часу таму наведаліся ў балтыйскую краіну, дзе Галкін дае канцэрты, на якіх выказваецца супраць расійскай агрэсіі. Па ягоным словах вучыць латышскую мову.
Ён, паводле ведамства, збіраў у Латвіі звесткі для беларускай ваеннай разведкі.
У пракуратуру з просьбай распачаць крымінальную справу звярталася Служба дзяржбяспекі Латвіі
Абвінавачанне выстаўленае паводле артыкулу «Шпіянаж». Згодна з Крымінальным законам Латвіі, за гэтае злачынства прадугледжана пакаранне да 10 гадоў.
Ад каментароў Генпракуратура пакуль устрымліваецца. Справа можа быць перададзена ў суд у верасні 2022 года, перадае агенцтва «Delfi».
Раней паведамлялася, што беларуса затрымалі 15 лютага 2022 года. Падчас расследаванняў было ўстаноўлена, што ён на даручэнне беларускай ваеннай разведкі таемна фатаграфаваў і здымаў на відэа аб’екты сістэмы абароны Латвіі, крытычнай інфраструктуры электразабеспячэння, а таксама важныя абʼекты грамадзянскай інфраструктуры.
Інфармацыя, атрыманая ў ходзе расследавання, сведчыць аб тым, што асоба атрымала разведвальную інфармацыю як мінімум па 17 абʼектах дзяржаўнай важнасці.
У пракуратуру з просьбай распачаць крымінальную справу ў адносінах да грамадзіна Беларусі, падазраванага ў шпіянажы, звярталася Служба дзяржбяспекі Латвіі, пісаў Магілёў.media.
Паводле спецслужбы, атрыманыя беларусам звесткі, якія былі перададзеныя службе ваеннай разведкі Беларусі, патэнцыйна могуць нанесці істотную шкоду забеспячэнню асноўных функцый латвійскай дзяржавы і абароназдольнасці ва ўмовах ваеннага канфлікту.
фота ілюстрацынае, узятае з адкрытых у інтэрнэце крыніцаў
Прапанаваў мясцовай уладзе і мэру Даўгаўпілсу перайменаваць 15 мясцовых вуліц актывіст з Рыгі Дзідзіс Шэнбергс. Сваю ініцыятыву ён абгрунтаваў неабходнасцю «асуджэння камуністычнага рэжыму» і «спынення праслаўляць русіфікацыю».
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласц
Руплівец лічыць, што вуліцы латвійскага гораду павінны быць названыя ў гонар знаных выхадцаў з Даўгаўпілсу, а таксама асобаў з культурнага канону Латвіі. На ягоны погляд, вартыя пераназвання вуліцы імя Пушкіна, Лермантава, Ламаносава, Дастаеўскага, Чэхава, а таксама тыя, у назвах якіх згадваюцца расійскія гарады, піша газета «Наш горад».
«На гэта няма ні жадання, ні вольных сродкаў. У нашага гораду вялікая гісторыя!», – адрэагаваў на ініцыятыву Шэнбергса мэр Даўгаўпілса Андрэй Элксніньш на сваёй старонцы ў Facebook, адзначае рэсурс «Наш горад».
«Перайменаванне вуліц у Даўгаўпілсе ўжо адбывалася ў 90-х гадах, – адзначыў кіраўнік гарадской адміністрацыі далей. – Не бачу падстаў зноў уздымаць гэтае пытанне. Эканоміка краіны і гарадоў павінны развівацца для стварэння новых вуліц, а не займацца маляваннем назваў «па версе».
Публічна пра Дзідзіса Шэнбергса вядома, што ён быў дарадцам і парламенцкім сакратаром у некалькіх міністэрствах, піша выданне «Delfi». У 2018 годзе ён балатаваўся ў парламент ад партыі «Новае Адзінства», але не быў абраным.
Даўгаўпілс горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
Раніцай і ўвечары 28 ліпеня Мікалаеў двойчы зазнаў ракетны абстрэл.
Увечары ракеты пацэлілі ў прыватны сектар гораду. Параненая жанчына. Пашкоджана некалькі дамоў.
Раніцаю вайскоўцы зафіксавалі каля дзясятка ракет, якія пацэлілі ў гімназію, склады і гарадскі яхт-клуб.
Навучальная ўстанова цалкам разбураная. Пашкоджаны будынак Дому пенсіянераў, паведамляе тэлеканал «5.ua».
static2.gazeta.ua
Паводле мэра Аляксандра Сянкевіча, у разбуранай гімназіі вучылася блізу 200 дзяцей і працавала 27 настаўнікаў. Летась былі адкрытыя два інклюзіўныя класы. Гімназію скончыў Алег Калодзій, чэмпіён Еўропы па скачках у ваду.
static2.gazeta.ua
У ноч на 27 ліпеня ў выніку расійскага абстрэлу Мікалаева атрымалі раненні чатыры чалавекі, сярод іх двое дзяцей: 14-гадовы і 12-гадовы хлопчыкі.
Пашкоджана больш за 20 прыватных жылых дамоў, 3 аўтамабілі.
static2.gazeta.ua
Пад ракетны абстрэл трапіў раён, дзе няма ваенных аб’ектаў, паведамляе выданне Rivne.media.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
Прадпрыемства Latvijas gāze аднавіла закуп газу ў Расіі. Кіраўніцтва заяўляе, што расплачваецца за яго не рублямі, а еўра.
Газ Latvijas gāze купляе не ў кампаніі «Газпром». Называць новага пастаўшчыка ў кампаніі адмаўляюцца, аргументуючы гэта камерцыйнай інфармацыяй, піша выданне «Delfi».
static.dw.com
Па ўварванні расійскіх войск ва Украіну пастаўкі газу з Расіі ў Латвію некалькі разоў перарываліся і спыняліся зусім.
З 1 студзеня 2023 году Латвія мае цалкам адмовіцца ад расійскага газу. Падтрыманыя Соймам папраўкі да Закона аб энергетыцы прадугледжваюць дыверсіфікацыю маршрутаў яго паставак і назапашванне стратэгічных аб’ёмаў для жыццядзейнасці краіны.
Амаль 10 мільёнаў кантрабандных цыгарэт у першым паўгоддзі латвійскія мытнікі выявілі на мяжы з Беларуссю.
Калі б яны былі легальнымі, то бюджэт Латвіі папоўніўся на 1,7 мільёнаў еўра падаткаў.
grani.lv
Апошняя спроба незаконна ўвесці ў краіну 9 000 пачак цыгарэт была перадухілена на латвійска-беларускай мяжы 27 ліпеня. Паводле службы дзяржаўных даходаў, кантрабандны тавар з акцызнымі маркамі Беларусі быў выяўлены сярод торбаў з імпартнымі рэчамі, піша аб’яднаны партал Латвійскага радыё і тэлебачання «LSM.lv».
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
Цела беларуса, які патануў у моры 23 ліпеня непадалёк ад Клайпеды, знойдзена.
Пра тое паведаміла паліцыя 28 ліпеня. 42-гадовы беларус сёлета стаў
першай ахвяра мора на пляжах Клайпеды, піша выданьне Atvira Klaipeda.
atviraklaipeda.lt
У дзень, калі адбылася трагедыя, трое беларусаў выбраліся пакупацца – паведамляў Магілёў.media. На моры былі дужыя хвалі. Выратавальнікі дваіх выцягнулі з вады, а трэці знік у моры.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
У ноч з 26 на 27 ліпеня ў Мікалаўская вобласці былі атакаваныя расійскімі войскамі сельскія паселішчы. Пашкоджаныя 8 прыватных дамоў і два аўтамабілі.
Па Мікалаеву стралялі раніцай. Ракеты пацэлілі ў прамысловую зону гораду і рамонтнае прадпрыемства.
Пашкоджаныя будынак і прыватны аўтамабіль. Паводле папярэдняй інфармацыі пацярпелых людзей няма, паведаміў кіраўнік абласной ваеннай адміністрацыі Віталій Кім у тэлеграм-канале.
З пачатку вайны паветраная трывога ў Мікалаеўскай вобласці сумарна гучала больш за 17 сутак. Усяго было 364 сігналы.
Жыхары Луганскай вобласці чулі сігналы трывогі – 115 дзён, піша выданне «Корабелов.инфо».
За мінулы тыдзень у радзільнях гораду нарадзілася 21 дзіця, паведаміў Мікалаеўскі гарсавет.
«Віншуем мам і татаў 15 хлопчыкаў і 6 дзяўчынак!» – гаворыцца ў паведамленні, на якое спасылаецца «Миколаївська правда».
У Мікалаеве 27 ліпеня ўпершыню ад пачатку поўнамаштабнага расійскага ўварвання пачаўся кінафестываль. Праходзіць ён у бамбасховішчы.
Для бяспекі час і месца імпрэзаў фестывалю публічна не называецца. Пра іх паведамляюць тым хто зарэгістраваўся, паведамляе«Миколаївська правда».
Фестываль «Тактычная паўза. Украінскае кіно ў Мікалаеве», ініцыяваны і арганізаваны кінажурналістам Аляксеем Малышэнкам і каардынатарам валанцёраў Грамадскай арганізацыі «ДоФ» Дзмітрыем Давыдзенкам.
«Тактычная паўза – кароткачасовае зацішша баявых дзеянняў з мэтай перагрупоўкі і нарошчвання сіл, – кажа ініцыятар фестывалю. – Мы абралі для паказаў тыя ўкраінскія фільмы, якія ў новай рэчаіснасці значна змянілі сваё гучанне».
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
Служба дзяржбяспекі Латвіі звярнулася ў пракуратуру з просьбай распачаць крымінальную справу ў адносінах да грамадзіна Беларусі, падазраванага ў шпіянажы на карысць беларускай разведкі.
Беларуса, імя якога не называецца, затрымалі сёлета 15 лютага. Падчас расследаванняў выявілася, што ён на даручэнне беларускай ваеннай разведкі таемна фатаграфаваў і здымаў на відэа аб’екты сістэмы абароны Латвіі, інфраструктуры электразабеспячэння, а таксама важныя абʼекты грамадзянскай інфраструктуры.
Звесткі, атрыманыя падчас расследавання, сведчаць, што асоба атрымала інфармацыю як мінімум аб 17 абʼектах дзяржаўнай важнасці, піша выданне Press.
Паводле Службы дзяржбяспекі Латвіі, атрыманыя звесткі, перададзеныя службе ваеннай разведкі Беларусі, патэнцыйна могуць нанесці істотную шкоду забеспячэнню асноўных функцый латвійскай дзяржавы і абароназдольнасці ва ўмовах ваеннага канфлікту.
У Рызе прафсаюз работнікаў аховы здароўя і сацыяльнага догляду правёў папераджальную забастоўку.
foto.delfi.lv
Заяўку на яе падалі 106 медыкаў для «абароны эканамічных і прафесійных інтарэсаў работнікаў аховы здароўя», перадае выданне Delfi.
Акцыю пратэсту медыкі пачалі ля будынку Міністэрства аховы здароўя, а потым правялі шэсце з плакамі па вуліцах гораду. Паліцыя ахоўвала правапарадак.
Страйк можа паўплываць на працу медычных установаў, у прыватнасці на планавае лячэнне, планавыя аперацыі і кансультацыі, але неадкладная медычная дапамога будзе аказвацца.
Габрава, Балгарія
Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару.
Да 21 жніўня ў Габраве будуць дзеіць супрацьэпідэмічныя захады, звязаныя з распаўсюджваннем вірусу COVID-19.
Мэта – абмежаванне распаўсюджвання віруснай інфекцыі сярод мясцовага насельніцтва.
Нашэнне ахоўных масак абавязковае ў медычных установах, установах сацыяльнага абслугоўвання, а таксама ў аптэках. Адноўлена сацыяльнае дыстанцыяванне.
Ва ўстановах сацыяльнай сферы, дзіцячых садках і яслях узмоцнены кантроль за асобамі з сімптомамі COVID-19, паведамляе рэсурс Gabrovo news, спасылаючыся на рэгіянальную інспекцыю аховы здароўя.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
За два дні кіраўнік абласной ваеннай адміністрацыі Віталій Кім атрымаў 96 паведамленняў аб калабарантах у горадзе.
Да гараджан ён зьвярнуўся, бо палічыў, што ў горадзе ёсць памагатыя расійскім войскам. Чыноўнік паабяцаў 100 долараў тым, хто зможа выкрыць карэктыроўцаў агню.
Высветлілася, што «за карысную інфармацыю» расіяне плацяць па 1500 грыўнаў (50 долараў), гаворыцца ў паведамленьні тэлеграм-каналу «УНІАН».
У выніку абстрэлу гораду ў ноч з 20 на 21 ліпеня пашкоджана 13 жылых дамоў.
Пацярпелых людзей няма, паведамляе мэр Мікалаева Аляксандр Сянкевіч.
niknews.mk.ua
Журналісты з Партугаліі трапілі пад расійскі абстрэл у Мікалаеўскай вобласці.
Паводле паведамлення ў тэлеграм-каналеНацыянальнага саюзу журналістаў Украіны здарэньне адбылося ў адным з паселішчаў рэгіёну.
v5.ua.news
«Здымачная група на чале з дасведчаным партугальскім ваенным карэспандэнтам Антоніа Матэусам трапіла пад абстрэл у вёсцы Лімані», – адзначаецца ў допісе.
v5.ua.news
Па словах Андрэя Каваленкі з Акадэміі ўкраінскай прэсы, які працуе з камандай RTP, усё адбылося вельмі хутка.
«Уцякалі і здымалі», – заявіў ён.
У Мікалаеўскай вобласці налічваецца 72 тысячы вымушаных перасяленцаў.
З іх каля 60 тысяч атрымалі гэты статус пасля 24 лютага 2022 года, поўнамаштабнай агрэсіі Расіі супраць Украіны.
Сярод вымушаных перасяленцаў 13 тысяч дзяцей, піша «Миколаївська правда», спасылаючыся на прадстаўніцу Упаўнаважанага Вярхоўнай Рады Украіны па правах чалавека.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
З пачаткам поўнамаштабнай вайны Расіі супраць Украіны латышскі актор Івар Калныньш адмовіўся ўдзельнічаць у расійскіх праектах.
Аб сыграных у Расіі ролях 73-гадовы артыст не шкадуе і прызнаецца што цяпер яны нічога для яго не значаць.
press.lv
«Выкінуць іх прэч», – адзначае ён.
«Нягледзячы на свае гады, думаю, якаясьці творчасць яшчэ наперадзе будзе, – лічыць актор. – Большую частку жыцця я правёў на савецкай і расійскай сцэнах. Усе мне з гэтага ціхенька зайздросцілі, але цяпер немагчыма знаходзіцца ў двух месцах адначасова», – піша выданне «Press».
З пачаткам вайны ва Ўкраіне 32 грамадзяны Беларусі звярнуліся па прыстанішча ў Латвіі.
Разам з расіянамі колькасць ахвотных беларусаў атрымаць прытулак у гэтай краіне складае 80 чалавек. На 15 ліпеня васьмёра з іх атрымалі міжнародную дапамогу, паведамляе «Press», спасылаючыся на звесткі Ўпраўлення ў справах грамадзянства і міграцыі.
static.dw.com
На 1 ліпеня беларусы маюць 2456 дазволаў на часовае пражыванне ў Латвіі.
У 2020 годзе па прытулак звярнуліся 44 грамадзяніны Беларусі, а ў 2021 годзе 56.
Латгальскі заасад адзначае 30-гадовы юбілей.
Летась у Latgales Zoodārzs пабывала некалькі дзясяткаў тысяч наведнікаў, піша газета «Наш горад».
i.imgur.com
Сёлета Міністэрства аховы навакольнага асяроддзя і рэгіянальнага развіцця падтрымала праект стварэння ў заасадзе балотарыя для назіранняў за прыроднай экасістэмай, паведамляў Магілёў.media у чэрвені.
На выдзелены 1 мільён еўра будзе ўпарадкаванная прыродная сцежка ўздоўж балоцістая мясцовасці, якая на дадзены момант закрытая для чалавека.
Ідэя стварэння вакол балота наглядальных пунктаў, але без прамога ўмяшання чалавека ў прыродныя працэсы з’явілася 30 гадоў таму.
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
У Вільні і Клайпедзе не хапае месцаў для ўкраінскіх уцекачоў.
У Клайпедзе зарэгістравана чатыры тысячы бежанцаў.
«Мы ўжо раздалі палову рэзерваў, выкарыстоўвалі палову муніцыпальнага жылога фонду», – тлумачыць мэр гораду Вітаўтас Грыбляўскас.
g3.dcdn.lt
«Будзем абмяркоўваць магчымасць размяшчэння бежанцаў у сацыяльных дамах, якія зачыненыя на рамонт, але дзе нібыта можна жыць», – адзначае ён.
У Літве зарэгістраваны больш за 36 тысяч бежанцаў з Украіны, указвае выданне «Delfi».
Група экспертаў, якая правяла пасяджэнне ў Клайпедскім самакіраванні, рэкамендуе знесці асноўныя элементы мясцовага савецкага мемарыяла – скульптуру трох воінаў, меч, зорку з чырвонага каменя і дэмантаваць «вечны агонь».
g3.dcdn.lt
Дэмантаж можна будзе ажыццявіць па скасаванні мемарыялу з рэестру ахованых помнікаў.
Экспертамі былі: гісторыкі, музеязнаўцы, юрысты. Будучае мемарыялу абмяркоўвалі на некалькі сустрэчах, піша «Delfi».
У Клайпедскім порце пачаўся новы круізны сезон. Сёлета чакаецца, што порт прыме 80 судоў з турыстамі.
Летась праз пандэмію каранавірусу Клайпедскі зайшлі толькі два круізныя лайнеры,
g3.dcdn.lt
Адкрыў сезон круізны цеплаход Hamburg, які належыць кампаніі Conti Group. На ім у Клайпеду прыбылі больш за 300 нямецкіх турыстаў. Карабель даўжынёй 144 метры, разлічаны на 420 пасажыраў, выкарыстоўвае нямецкая кампанія Plantours Kreuzfahrten, паведамляе «Delfi».
Каменскае, Украіна
Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Да вайны культурны абмен між гарадамі пабрацімамі бабруйскія чыноўнікі лічылі актыўным.
Трохметровы «мядзведзка» упрыгожыў двор Дому дзіцячай творчасці ў Каменскім.
sobitie.com.ua
Арт-аб’ект стаў падарункам ініцыятыўных жыхароў гораду і студыяў прыгажосці ды працы з таленавітымі выхаванцам установаў пазашкольнай адукацыі, піша выданне Sobitie.
Краслава, Латвія
Пабрацім гораду Горкі. Дамова аб тым была падпісаная ў 2013 годзе на II Латвійска-беларускім форуме гарадоў пабрацімых у Даўгаўпілсе.
Краслава – адміністрацыйны цэнтр Краслаўскага краю. Знаходзіцца на паўднёвым усходзе краіны, на рацэ Дзвіна – за 4 км ад чыгуначнай станцыі Краслава на лініі Даўгаўпілс – Полацк. Насельніцтва 10 10 тысяч чалавек. Традыцыйная беларуская назва – Краслаўка, Краслаў.
У латгальскіх гарадах Дагда і Эзэрніеку прайшоў Міжнародны фестываль беларускай песні і танца «ФЭСТ».
Яго ў сёмы раз арганізуе Дагдскае беларускае таварыства «Вербіца» у супрацоўніцтве з мясцовым культурным цэнтрам.
На традыцыйнае беларускае свята прыязджаюць беларускія абшчыны з розных рэгіёнаў Латвіі, а таксама з іншых краін. Кожны ўдзельнік фестывалю вязе з сабою музычны «гасцінец», які дазваляе пазнаёміцца з культурнай спадчынай беларускага народу.
kraslavasvestis.lv
Сёлета на «Фэст» прыехалі музычныя калектывы з усёй Латвіі, а таксама госці з Польшчы, піша выданне Kraslavas vestis.
Фестываль адкрыў намеснік старшыні думы Краслаўскага краёвага самакіравання Айварс Труліс, а сярод ганаровых гасцей быў дэпутат Краслаўскага краёвага самакіравання Язэп Дабкевіч.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
У ноч з 19 на 20 ліпеня расійскія войскі ўдарылі па паселішчам Мікалаеўскай вобласці.
У пасёлку Беразнегаватым дваіх чалавек дасталі жывымі з-пад завалаў. 8 тутэйшых дамоў пашкоджаныя, ці разбураныя наагул, паведамляе кіраўнік абласной ваеннай адміністрацыі Віталій Кім.
nikvesti.com
Ад 18 ліпеня ў вынікі абстрэлаў расійскімі войскамі Мікалаеўскай вобласці параненыя 29 чалавек. Усе яны шпіталізаваныя.
Паводле старшыні абласнога савету Ганны Замазеевай у больніцах вобласці з раненнямі перабывае 329 чалавек, яшчэ 94 – атрымліваюць дапамогу амбулаторна.
Ад пачатку поўнамаштабнага ўварвання Расіі ва Ўкраіну ў Мікалаеве з 480 тысяч жыхароў засталося каля 230 тысяч жыхароў.
Большасць – пенсіянеры, якія кажуць, што «не ведаюць, куды ісці, і баяцца пераменаў», лічыць мэр гораду Аляксандр Сянкевіч.
«Гэтыя лічбы пацвярджаюцца і колькасцю вывезенага смецця, і колькасцю, скажам так, спажытай вады, і дадзенымі мабільных аператараў», – падае словы Сянковіча выданне lb.ua.
Кіраўнік абласной вайсковай адміністрацыі Віталь Кім паабяцаў 100 долараў тым, хто зможа выкрыць карэктыроўцаў агню.
Ён лічыць, што ў горадзе ёсць людзі, якія перадаюць расійскм вайскоўцам каардынаты, куды страляць.
inforesist.org
Чыноўнік не выключае, што Мікалаеў можа быць зачынены на некалькі дзён для пошуку калабарантаў.
«Ёсць тыя, хто даўно мае якуюсьці ідэю. Ёсць людзі, якія альбо ўпадаюць у роспач, альбо не думаюць пра наступствы таго, што робяць. Гэта адзінкавыя выпадкі, але кожны такі выпадак прыводзіць да патэнцыйных ахвяр. Мы хочам спыніць гэта на корані », – кажа Віталій Кім.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
Рыжская дзіцячая акадэмія радыё і тэлебачання «Academy KidsTV», выхаванцы якой на «Славянскім базары» бралі інтэрв’ю ў Лукашэнкі, не мела дазволу на ажыццяўленне праграмаў адукацыі па інтарэсах, а адпаведна арганізацыя дзейнічае незаконна.
Надзорныя структуры запатрабавалі ў арганізацыі тлумачэнні наконт ейнай дзейнасці, піша выданне Press.
mogilev.media
Паводле латвійскіх законаў за навучанне без ліцэнзавання прадугледжаная адміністрацыйная адказнасць.
Удзел «Academy KidsTV» у «Славянскім базары» Міністэрствам замежных справаў быў расцэнены, як ««адкрытае ігнараванне рэкамендацый у пытаннях бяспекі перамяшчэння і ўдзелу ў інфармацыйнай вайне».
Дзіцячая арганізацыя сама звязвалася з прадстаўніцтвам Лукашэнкі, каб дазволілі яе выхаванцам зрабіць з ім інтэрвʼю. Іх прыезд на фестываль актыўна асвятлялі праўладныя медыі.
У Даўгаўпілсе аспрэчваюць легітымнасць закона аб зносе помнікаў.
Мясцовае самакіраванне звярнулася ў Канстытуцыйны суд з заяваю аб тым, што закон, які прадугледжвае знос абʼектаў, якія ўслаўляюць савецкі і нацысцкі рэжымы не адпавядае дзейным у Латвіі юрыдычным нормам, піша выданне LSM.LV.
14 ліпеня ўрад прадставіў спіс з 69 абʼектаў, якіх трэба дэмантаваць, 22 з іх знаходзяцца ў Латгаліі. У Даўгаўпілсе такіх два.
voin.russkie.org.lv
«У Даўгаўпілсе помнікаў, прысвечаных рэжымам няма. У Даўгаўпілсе ёсць помнікі, якія прысвечаны людзям, якія змагаліся супраць нацызму. Акрамя таго помнікі, прысвечаныя рэжымам, былі дэмантаваныя ў 1992 годзе», – настойвае мэр гораду Андрэй Элксніньш.
Паводле яго гарадская дума таксама не згодная браць палову выдаткаў на дэмантаж помнікаў.
У Даўгаўпілсе на дэмантаж мемарыялу воінам Чырвонай арміі і помніка салдатам 360-й стралковай дывізіі Чырвонай арміі плануецца выдаткаваць 300 000 еўра.
Муніцыпалітэт павінен знесці гэтыя помнікі да 15 лістапада, нягледзячы на тое, што Даўгаўпілская дума вырашыла звярнуцца ў Канстытуцыйны суд, каб аспрэчыць закон «Аб забароне экспанавання абʼектаў, якія ўслаўляюць савецкі і нацысцкі рэжымы, і іх дэмантажы на тэрыторыі Латвійскай рэспублікі», піша выданне Delfi.
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
У Літве не змаўкаюць размовы аб паездцы спявачкі Біруце Петрыкітэ ў Беларусь на фестываль « Славянскі базар».
Выказаўся на гэты конт і міністр культуры Сіманас Кайрыс. На яго погляд ведамства не мусіць быць цэнзар і вызначаць каму куды ездзіць, разам з тым ён адзначыў, што напрыклад Бірутэ Петрыкітэ паказвае: «машына прапаганды дзейнічае», піша выданне Delfi.
g4.dcdn.lt
«Прамой шкоды няма. Мы гаворым пра асобныя выпадкі, але бяда ў тым, што іх бярэ на ўзбраенне варожая прапаганда, і паказвае гэта, як вялікую падзею. Думаю, чым менш увагі мы будзем надаваць такім непаразуменням, тым будзе прасцей. У адваротным выпадку мы трапім у мясарубку прапаганды”, – лічыць міністр.
Бірутэ Петрыкітэ была суддзёй дзіцячага конкурсу і ўручала ўзнагароды на «Славянскім базары».
Адказваючы на пытанне, чаму паехала, нягледзячы на вайну ва Ўкраіне, артыстка адзначыла, што ёй падабаецца фестываль, а Беларусь – радзіма яе мужа.
«Што мне рабіць? Развадзіцца з мужам? Ці ёсць такі закон», – указвала яна.
Петрыкітэ да вайны ставіцца адмоўна, але лічыць, што музыка з вайной не звязана.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
18 ліпеня, блізу трох гадзінаў ночы, горад зазнаў масіраваны ракетны абстрэл.
Паводле кіраўніка абласной ваеннай адміністрацыі Віталія Кіма ракеты пацэлілі ў аўтасалон і салон па продажы сельгастэхнікі.
Паводле папярэдніх дадзеных ахвяраў сярод насельніцтва няма. Пра пашкоджанні сітуацыя ўдакладняецца.
Па Мікалаеву расійскія войскі страляюць снарадамі ўзмоцненага разбуральнага ўздзеяння.
17 ліпеня такімі снарадамі абстраляны некалькі мікрараёнаў гораду, паведаміла аператыўнае камандаванне «Поўдзень».
«Менавіта таму некалькі раёнаў Мікалаева маюць вялікія руйнаванні, – распавяла адзначаюць там.
korabelov.info
У выніку масіраванага абстрэлу ў той дзень былі пашкоджаныя аб’екты прамысловасці і гарадской інфраструктуры.
Днём раней ад абстрэлаў Мікалаеўскай вобласці паранена 37 чалавек. Дзяцей сярод іх няма.
Паводле старшыні абласнога савету Ганны Замазееву ў больніцах рэгіёну перабываюць 334 пацярпелых ад нападаў расійскіх войск.
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
У Літве фінансавыя эксперты раяць мясцоваму насельніцтву задумацца аб ашчадным расходаванні сродкаў, бо ў краіне фіксуецца высокая інфляцыя і можа надысці момант, калі не будзе працы.
На погляд адмыслоўцаў, землякі цяпер радуюцца лету, водпуску і аб эканоміі не задумваюцца.
Паводле экспертаў выдання Delfiтакое «марнатраўства» не з’яўляецца феноменам, бо такое назіраецца паўсюль – людзі засумавалі па адпачынку, паездкам.
Разам з тым, адзначаюць яны, літоўцы адчуваюць інфляцыю. Пакупкі мэблі, бытавой тэхнікі больш чым на 15%. Гэта значыць, што людзі больш асцярожна ацэньваюць свае магчымасці«,
“Трэба прызнаць, што інфляцыя ў 20% – сярэдняя. Для многіх людзей, асабліва з невялікімі даходамі, яна вышэйшая, а рост заробкаў нераўнамерны, у розных сферах ён адрозніваецца. Значыць, у многіх даходы рэальна скараціліся не на 4-5%, а больш”, – кажа адна з экспертак.
На «Славянскім базары» у Віцебску пабывала літоўская спявачка Бірутэ Петрыкітэ. Ейнае наведванне ўлюблёнага, як піша мясцовая прэса, фестывалю Лукашэнкі, называюць нечаканым. Бірутэ Петрыкітэ была суддзёй дзіцячага конкурсу і ўручала ўзнагароды.
g1.dcdn.lt
Адказваючы на пытанне, чаму паехала, нягледзячы на вайну ва Ўкраіне, артыстка адзначыла, што ёй падабаецца фестываль, а Беларусь – радзіма яе мужа.
«Што мне рабіць? Развадзіцца з мужам? Ці ёсць такі закон», – падаетлумачэнне спявачкі выданне Delfi.lt.
Петрыкітэ да вайны ставіцца адмоўна, але лічыць, што музыка з вайной не звязана.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
На латвійска-беларускай мяжы сабралася 350 грузавікоў, якія спрабуюць транзітам трапіць у Калінінградскую вобласць Расіі.
Нягледзячы на тое, што пераходны перыяд для большасці санкцыйных тавараў скончыўся і перавозчыкі павінны ведаць пра тое, але ўсё роўна спрабуюць у Расію перавозіць забароненыя тавары, піша выданьне Press.
press.lv/slir
«Мы вельмі спадзяваліся, што са сканчэннем 10 ліпеня пераходнага перыяду, у які асобныя катэгорыі тавараў яшчэ можна было ўвозіць, чэргі скароцяцца, але нашы чаканні не спраўдзіліся. Штодня пры кантролі грузаў у абодвух напрамках высвятляецца, што 14-15 аўтамабіляў спрабуюць абысці санкцыі», – даводзіць супрацоўніца аднаго з мытных пастоў.
На латвійска-расійскай мяжы чэргі яшчэ большыя. Трапіць у Калінінградскую вобласць намагаюцца 400 грузавікоў. Яны могуць прастаяць, чакаючы праверкі, тыдзень.
Ад 10 ліпеня, па заканчэнні пераходнага перыяду, запрацаваў пяты пакет санкцыяў Еўрапейскага саюзу супраць Расіі. Забараняецца перавозіць цэмент, спірт, дрэва, шкло, алюміній, вырабы з паперы, гіпс, суднавыя дэталі і іншыя тавары расійскага паходжання.
Мэр Даўгаўпілсу Андрэй Элксніньш, які трапіў у скандал па наведванні імпрэзы да Дня незалежнасці Беларусі, настойвае, што ён гэтым не парушаў Канстытуцыі, законаў і пастановаў Кабінету міністраў.
Паводле яго інфармацыю аб мерапрыемстве, арганізаваным генеральным консульствам Беларусі ў Даўгаўпілсе, мела Міністэрства замежных спраў, Служба дзяржаўнай бяспекі, але самакіраванне не атрымлівала ад гэтых устаноў прадпісанняў або рэкамендацый чыноўнікам устрымацца ад удзелу ў ім.
static.lsm.lv
Элксніньш падкрэслівае, што Даўгаўпілс – шматнацыянальны горад, а беларусы адна з самых шматлікіх этнічных груп у ім, піша партал «LSM.lv».
Таму, указвае чыноўнік, ён, як старшыня думы, прысутнічаў на мерапрыемстве консульства дзеля забеспячэння абароны правоў і законных інтарэсаў жыхароў самакіравання.
Акрамя таго, ім было пастаўленае пытанне перад супрацоўнікамі консульства аб меркавана неабгрунтаваным ўтрыманні грамадзяніна Латвіі ў псіхіятрычнай лякарні ў Беларусі, пра што пісала прэса ў чэрвені.
У Службе дзяржбяспекі Латвіі лічаць, што ў існай геапалітычнай сітуацыі ўдзел службовых асоб самакіравання ў мерапрыемствах, якія праводзяцца агрэсарам – Расіяй, а таксама яе саюзнікам Беларуссю не адпавядае інтарэсам нацыянальнай бяспекі.
Сынжэрэй, Молдова
Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек.
У Малдове пасля двухтыднёвага перапынку зламыснікі зноў пачалі рассылаць паведамленні аб, нібыта, закладзеных выбуховых прыстасаваннях у дзяржаўных установах.
17 ліпеня невядомы пагражаў узарваць Парламент, Міжнародны аэрапорт, а таксама Цэнтральны рынак. Свае паведамленні ён адправіў на электронныя пошты ўстановам, паведамляе інтэрнэт-выданне «СБ».
esp.md
Аўтар сцвярджаў, што ён з арганізацыі »Dirlewanger Legion« і расчараваны тым, што ў малдаван не хапае смеласці атакаваць прыднястроўскі рэгіён.
Па ягоных словах ён заклаў 30 выбухованебяспечных прадметаў, якія ўзарвуцца, калі яму не перададуць 10 біткоінаў.
Праваахоўныя органы высветлілі, што паведамленні былі ілжывымі.
На пачатку ліпеня цягам двух дзён было атрымана больш за 50 паведамленняў аб пагрозах выбухаў у адміністрацыйных будынках і публічных месцах.
Міністр унутраных спраў Ана Рэвенка заявіла, што мэта папярэджанняў аб бомбах – стварэнне панікі ў грамадстве з улікам вайны ў суседняй Украіне.
nv-online.info
belmarket.by
v5.ua.news
