Журналістаў Сабалеўскага і Глушкова будуць судзіць за “ўдзел у ваенных дзеяннях”

Магілёскія журналісты і блогеры Алесь Сабалеўскі і Яўген Глушкоў абвінавачаныя па трох артыкулах крымінальнага кодэкса Рэспублікі Беларусь – піша Тэлеграм-канал праваабаронцаў MAYDAY.team.

Іх справа будзе разглядацца 12 ліпеня ў Магілёўскім абласным судзе. Дзяржаўнае абвінавачаньне лічыць іх вінаватымі па трох частках двух артыкулаў Крымінальнага кодэксу РБ:

Арт. 361 ч. 1 – “Стварэнне экстрэмісцкага фарміравання, а роўна фарміравання, дзейнасць якога накіравана на рэабілітацыю нацызму, або кіраўніцтва такім фарміраваннем або структурным падраздзяленнем, якое ўваходзіць у яго”; (максімальнае пакаранне – ад 3 да 7 гадоў пазбаўлення волі).

Арт. 361 ч. 3 – “Удзел у экстрэмісцкім фарміраванні”; (максімальнае пакаранне – ад 2 да 6 гадоў пазбаўлення волі).

Арт. 361 ч. 1 – “Удзел грамадзяніна Рэспублікі Беларусь або пастаянна пражывае ў Рэспубліцы Беларусь асобы без грамадзянства на тэрыторыі замежнай дзяржавы ва ўзброеным фарміраванні аднаго з супрацьлеглых бакоў, а таксама ўдзел ва ўзброеным канфлікце, ваенных дзеяннях без упаўнаважання дзяржавы”; (максімальнае пакаранне – ад 2 да 5 гадоў пазбаўлення волі).

Абодва журналіста-фрылансера супрацоўнічалі з магілёўскімі незалежнымі медыя ў мінулым, але спынілі сваю дзейнасць у інфармацыйных рэсурсах пасля 2020 года.

Інфармацыя будзе дапаўняцца.

Telegram-канал силовиков опубликовал видео с Евгением Глушковым – наш комментарий

Имен своих акул пера канал не раскрывает – лукашенковские клепатели «новостей» предпочитают писать из-за угла, анонимно.

Continue reading “Telegram-канал силовиков опубликовал видео с Евгением Глушковым – наш комментарий”

Магілёўскага журналіста Яўгена Глушкова прызналі палітвязнем

Беларускія праваабаронцы прызналі палітвязнем фрылансера і журналіста Яўгена Глушкова. Заява з патрабаваннем вызваліць яго, і іншых журналістаў, што з’яўляюцца палітычнымі зняволенымі, з’явілася 15 лютага на сайце праваабарончай арганізацыі “Вясна”.

«МУС і КДБ у пазасудовым парадку адвольна прызнаюць экстрэмісцкімі групы грамадзян, аб’яднаных грамадскімі альбо палітычнымі інтарэсамі, якія крытыкуюць дзеянні ўладаў і патрабуюць зменаў у дзяржаве і палітыцы, што яна праводзіць, таксама экстрэмісцкімі фарміраваннямі прызнаныя некаторыя СМІ. Гэта ў сваю чаргу адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў у якасці непрапарцыйнай меры абмежавання права на асацыяцыю і свабоды выказвання меркаванняў» – гаворыцца ў супольнай заяве праваабаронцаў.

Як паведамлялі mogilev.media, супраць вядомага магілёўскага відэааператара, фрылансера і журналіста Яўгена Глушкова было высунутае абвінавачанне ва ўдзеле ў «экстрэмісцкім фарміраванні», меркавана на падставе арт. 361-1 Крымінальнага кодэкса («Стварэнне экстрэмісцкага фарміравання альбо ўдзел у ім»). Паводле гэтага артыкула, у залежнасці ад часткі, яму можа пагражаць да шасці альбо сямі гадоў зняволення.

Зараз Яўген Глушкоў знаходзіцца ў СІЗА. Яму ў віну, верагодна, як і іншаму журналісту Алесю Сабалеўскаму, ставіцца супрацоўніцтва з магілёўскімі медыярэсурсамі – 6tv.by / 6tv Belarus і Mogilev.media.

Фота: Сацыяльныя сеткі

Супраць журналіста Яўгена Глушкова заведзеная крымінальная справа – праваабаронцы

Магілёўскія праваабаронцы з каманды Mayday.team паведамляюць, што вядомага магілёўскага журналіста Яўгена Глушкова абвінавачваюць, верагодна, па артыкуле 361-1 Крымінальнага кодэкса Беларусі, за нібыта “ўдзел у дзейнасці экстрэмісцкага фарміравання”. Санкцыя па гэтым артыкуле прадугледжвае ад 3 да 7 гадоў пазбаўлення волі, альбо абмежаванне волі на тэрмін ад 2 да 5 гадоў.

Пра затрыманне Яўгена Глушкова стала вядома ў сярэдзіне студзеня. Як цяпер даведаліся праваабаронцы, журналіста затрымалі ў пачатку студзеня – дзверы яго хаты выбівалі міліцыянты, а самаго Глушкова выцягнулі з дома проста ў той вопратцы, у якой ён быў. 

Зараз Яўген Глушкоў знаходзіцца ў СІЗА. Яму ў віну, верагодна, як і іншаму журналісту Алесю Сабалеўскаму, ставіцца супрацоўніцтва з магілёўскімі медыярэсурсамі – 6tv.by / 6tv Belarus і Mogilev.media.

Крыніцы: з Сабалеўскага выбівалі паказанні. Глушкоў таксама затрыманы

Магілёўскія блогеры і былыя журналісты Алесь Сабалеўскі і Яўген Глушкоў знаходзяцца ў зняволенні. Паведамляецца, што Сабалеўскага абвінавачваюць па крымінальнай справе.

Крыніцы mogilev.media паведамляюць, што магілёўскага блогера і журналіста Алеся Сабалеўскага збівалі падчас допыту супрацоўнікі ГУБАЗіК. На целе Сабалеўскага доўгі час заставаліся крывападцёкі, сляды катаванняў – расказваюць відавочцы. Такім чынам супрацоўнікі спецслужбы выбівалі ад журналіста прызнанні на камеру ў тым, што ён супрацоўнічаў з рэдакцыяй выдання 6tv.by – у фармулёўках, яія патрабавалі сілавікі. 

Continue reading “Крыніцы: з Сабалеўскага выбівалі паказанні. Глушкоў таксама затрыманы”